أخذينــي إذا عجبتك بس ردينـــــي
وإن ما عجبتـــك خلاص ما بينـــي
مدامنــي شفت فيك الطهر والعفــه
بعيف نفســي ليا منــك كرهتينــــي
أخذيني لو أعتبر من ضمن أشيائك
وانا بحبـــــــك ولا لازم تحبينـــــي
لابي علاقـه ولا بي نظـرة وبسمـة
أحساســـي أني بقربك بس يكفينـي
ولو إني أنضفت لأشيائك غصب عنك
طلـــي علي يا غناتـــي لا تخلينــي
شخصيتـــي من غرابتها وطيبتهــا
كنــــه الزمن في تحدي بينه وبيني
أخذينـــي الشاعر إلا ما صدق حظه
لو قلت يا حظ وينـــك قال يا وينــي
أخذينــــي المبدع المتفلسف التحفة
هموم وتضحك على العالم شياطيني
شهرة شكسبيـــر وأفلاطون ونيوتن
لو قلتلــي بيت شعر أطيح من عيني
وأخذيني العنصر إلى صدق متعنصر
من دون ربعـــي لو أقطع شراينـــي
وأخذينـــي إلا ليا منه طلب يعطـــــى
وتكفيــــن لمن طلبتـــــــك لا ترديني
تكفيـــن يا غايتـــي يا بهجة الدنيـــا
أبحــــــــرق قلوب ناس ما دانينــــي
أخذينــــي بكل شـوق وقولــي أحبـه
وأن شككـــــوا فيك ولا في ضمينــي
قولــــي سعـد والله أنـــــه غالياً جداً
ويجعل فـدوى شبابي وآخر سنينـــي
وأنـــا بصدق كلامك وأعتـــز باللــه
وأقـــــول للناس ما يعنيــك يعنينــــي
وأنــــا نذر علــــي مرخص جيتــــك
وأنتِ نذرِ على رقبتك أنك ما تخليني
أخديني ليا عجبتك سعد علوش 
العرض العادي
