قصيده بعنوان أحبك

[الـهـ محمد ـايـم .]

اخواني وأخواتي

هنا أضع بين أيديكم قصيدهـ بصوتي

تلبيةً لطلب البعض بأن تكون القصائد بصوتي

~*¤ô§ô¤*~أحبـكـ ~*¤ô§ô¤*~







حبيبي استمع شعرن كتبته من غلاتك فيك

حبيبي ادخل بقلبن ملكته حب بخصالك


حبيبي آه لو تدري عن الي بداخلي يعنيك

رسمت اصدق غرام وجاك لاترميه باهمالك


حبيبي مارحل طيفك عن الهايم ولا طاريك

حبيبي مااهتنى بالنوم وانت النوم يهنالك


حبيبي وش تبي مني من اثبات الغلا واعطيك

حبيبي لو تبي عمري وعمري يرخص بجالك


حبيبي مخفين حبي قبل لجل اكسبك وارضيك

واسلي خافقي واخفي وانا يكفيني وصالك


حبيبي ليه ماتكشف غطى سر الغلا بيديك

وابيع الروح لعيونك وتسكن قلبي لحالك


وانا ادري فيك كم تدري احبك يالغلا واغليك

وتدري ليه في قلبي رفعته فووق منزالك


احبك والغلا يكوي خفوق اللي تولع فيك

احبك ماقدرت امنع خفوقي يوم هو جالك


احبك من خفوقن كم تعذب يالغلا يرجيك

احبك من خفوق ذاب وشخص من الغلا هالك


احبك وانت ماتدري عن اللي بداخلي وشفيك

وانا منهو وهبتك قلب ترضى فيه يبقالك


حبيبي واضحن حبي ولابينتلي خافيك

ابي كلمة غلى تروي خفوقن داخله شالك


حبيبي لو جمعت الشعر كل الشعر مايكفيك

حبيبي ضاع شعري وضعت قبل الشعر بخصالك


حبيبي اه لو جرحك يجي في خافقي واشفيك

حبيبي اه لو تنسى وانا اشقى فيك واشقالك


حبيبي اه لو تدري بقلبن عذبه ماضيك

وهوماعش به لاكن يحس القلب باحوالك


حبيبي كفكف دموعن تجرح مدمعك بيديك

حبيبي خذ فرح قلبن يموت بلحضة وصالك


حبيبي هات حزنك لي وخذني بالفرح وافديك

وابي مثل البشر تفرح وابيك تكيد عذالك


حبيبي ماشكيت الجرح لاجل اضايقك وابكيك

حبيبي قلت لجل امووت واحيافيك واحيالك


حبيبي باكتبك قصه ومن زود الغلا بارويك

وارتب قصتي لجلك وبك تزها وتزهالك


وتبقى قصة الهايم وهو قصة غرامه فيك

ويبقى معك في قلبه على حلك وترحالك


بقلمي
الـهـ محمد ـايـم

[عدنان العنزي]

اخوي محمد لله درك من شااعر ...

صح لسانك ... وما ادري اغلب الشعراء لا اتوا يكتبوون عن الحب والفرقا يستخدمون البحر الطويل ؟

وانت منهم .. وصح لساانك ... دخلتني جوووو من جد ...


تحياتي لك .. عدنان العنزي

[غلاي إنت]

رااااااااااااااااااااااائع جدا جدا جدا جدا



يعطيك العافية ...

[فديتك ياخالي]

حبيبي كفكف دموعن تجرح مدمعك بيديك

حبيبي خذ فرح قلبن يموت بلحضة وصالك


حبيبي هات حزنك لي وخذني بالفرح وافديك

وابي مثل البشر تفرح وابيك تكيد عذالك

محمد الهايم

صح لسانك يابعد قلبي اِنت

الله يطول عمرك يالغالي ولا يحرمنا منك

<< يوسف عبدالله

[زهرة التوليب]

الله عليك يالهايم ماشاء الله تبارك الله صوتك يعطي القصايد جو ثاني حبيبي آه لو تدري عن الي بداخلي يعنيك رسمت اصدق غرام وجاك لاترميه باهمالك هالبيت روعة والقصيدة في مجملها ابداع وحلاها زيادة روعة إلقاءك وهدوء صوتك والنغمة الحزينة فيه الله يزيدك يارب ولا يضرك وننتظر المزيد دمت بفرحة زهرة التوليب