بالكحل مرسوم نص القلب ..!

[غيثان الكثيري]

(( ياعذابي ))

بعض الصـدف ودك أنـك مـا تلاقيهـا = متأهـل كنـت والا كـنـت عـزابـي
صادفتهـا بالمطـار وقمـت ألاغيـهـا = قلت آتسلـى ، ولكـن نالـت أعجابـي
مـا كلمتنـي ، ولكـن كـل مافيـهـا = تحـرك ارموشهـا ، وأشـر بأهدابـي
أفهـم سواليفهـا بالرمـش وأعطيهـا = وأرد خايـف لونـه لعـب بعصـابـي
قامـت تلفـت وتأشـر لـي بأياديـهـا = تعـال وأثبتلـك أنــك أول أحبـابـي
أحتـرت غلطـان والا آروح أراضيهـا = أكلم النفس فـي هالوقـت وش جابـي
سرحت لحظـة أفكـر كيـف أحاكيهـا = وقررت أروح أعتذر وأوضـح أسبابـي
لقيـت مـا فـي المكـان الا مواريهـا = وريحة عطرها وريح أنفاسهـا السابـي
وحتـى قلـم كحلهـا طايـح يناديـهـا = ومنديـل حولـه ولونـه كـان عنابـي
ولقيت رسمـة علـى المنديـل تعنيهـا = بالكحل مر سوم نـص القلـب وعتابـي
تقول لـي ليـه أنـا أحرمهـا أمانيهـا = ومكتوب في آآآخر المنديل (( ياعذابي ))

بقلمي

وسلامتكم ...........

[-• الطـَّرْف الحنـُون •-]

صح لسانك .. متميز ياغيثان..
::
لكن ياليت التقيد بشروط القسم وتحديد المصدر ..
::
دمت بود ..

[عدنان العنزي]

يقولك ...

،، رب صدفه خير من ألف ميعاد ،،

هلالا ببصديقي غيثان الكثيري .. كم هي صدفه ان نجتمع هنا ....

اخوي انت شاعر ورأي فيك من أول وااضح ومشرووح ... صح لساانك .. وتحياتي .. اخوك عدنان العنزي

[ما يهاب القصيد]

غيثان ....





رائع منك هذا النص واعجبني كثير فكرته..





واسلوبك كان مررررررررررره سلس












بس كلمة عذابي عيت تجي معي





ياليت بس تشوووف كلمة غيرها اسهل عشان الوزن لا يختلف







وترى حتى انا احيان تجي معي كلمة والاخون ينبهوني





وارجع واعدلها












والراي رايك انا حيل اعجبتني القصيدة

[قمر السعوديه]

مشكور اخوي ماقصرت مبدع
وصح السانك وتسلم ايدينك