اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 24-04-2008, 09:41 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::

وبالسيارة عبدالله وخلود وام عبدالله وندى وريناد وطبعا ريان وروان ..
ندى / ياليت بابا جاي معنااا ..
ام عبدالله / ابووك طول الوقت مشغول .. تقول ماحد
عنده شغل غيره
عبدالله وهو يسوق / الله يعيين الجميع ..
خلود متأففه / تعبت متى راح نوصل ؟
عبدالله/ هههههههههه بدري باقي ساعتين ونص ..
التفتت ورى / اوووه العيال ناامو مالهم صوت ..
ريناد / اي روونه بحظني ..
ام عبدالله / وريان عندي ..
خلود / رنوودا عطيني روان عنك ..لا تتعبك
ريناد / لا خليها انا مرتااحه كذاا ..
عبدالله قرب عند المحطه وخفف سرعته / وش تحبوا تشربوون ؟؟
ندى / انا ابغا من الكوفي اسبريسو
خلود / واناا ابغا اسبريسو
عبدالله / والباقي .. يمه .. ريناد وش تبوون ؟
ريناد / الله لايهينك جالكسي سينتزي وبايسن ..
ام عبدالله بعصبيه / لا لاتجيب لها بايسن توها شااربه
ريناد / لااا بليييز .. تكفى عبدالله طلبتك ..
عبدالله بعناد / لا مااااااااافيه .. اسمعي الكلام
ام عبدالله /انتي ماتخافي على صحتك .. لا اكل ولا شي بس تشربي
بهالغازيات اللي مالها نفع ولا شي ..
ندى / رنوود بلا دلع اشربي لك عصير ..
ريناد بدلع / حراام عليكم تحرموني منه ..
ندى برجه / هلي لاتحرموني منه .. هلي لاتبعدوني عنه
مثل ماهو قطعة مني .. انا تراني قطعة منه ..
عبدالله / الحمد لله والشكر وش فيك انهبلتي ..
ريناد / هههههه ندى من زمان هبله ..
خلود دايخه من الطريق ماتحب المشاوير الطويله ..
ندى / ناااامت خلوود ؟
خلود التفتت عليها / لااا اسمعكم ..بس مالي مزاج اضحك..
عبدالله وقف السيارة ونزل ..

::::::::::::::::::::::

( دانه ) .. مبسووطه حدها جابت رقم ندى من وحدة تعرفها ....
دانه ( واخيرا وصلت لك يااندى . .. والله لأخليك تكرهي عماد واسم عماد .. )
اخذت جوالها ودقت على عماد ..
عماد شاف الرقم وقفل جواله مرة وحده .!
دانه دقت ثانيه لقت جهازة مقفل ..
دانه بخبث ومكر ( هههههههههه قفلت جهازك ليه ؟
ماتبغى تحكي معي ولا خايف مني ! ؟ )

:::::::::::::

وصلوا الشرقيه وراحوا لبيت خالتهم يزوروها وبعدها صارت الساعة 7 المغرب
طلعوا علشان يروحوا الشاليهات .. ..

وبالشاليه ..





الكل جالس بالصاله اللي تطل عالبحر ..
رنيم بهمس / شووق لاتبيني للميس ان حنا راح نجي ..
شوق بهمس / ليه ؟؟
لميس انتبهت انهم يتكلموا بشويش / شفيييكم ؟؟
رنيم بأبتسامه / ولاا شي .. بس هي تسألني عن شي
لميس تناظر هشام / خلينا نطلع .. خلينا نروح الملاهي ..نفسي العب
هشام / اووكيه بس هاللحين بدري خليها عالساعه 10 احسن ..
لميس انبسطت / اووكيه قلبي مثل ماتحب
ام هشام وقفت / انا بروح انام صحوني الساعة 10 ..
شوق / وبابا وينه ؟
ام هشام / يااعيني على ابوك.. طالع يتمشى برى
لميس / اطلعي معه طيب .. تمشواا سوااا اعملوا جوو
ام هشام / ههههههه لا الجو خلوه لكم .. حنا راحت علينا خلاص
شوق / لا راحت ولاشي بس انتي ماتبي ..
الا راكان طلع من غرفته وكان لابس تي شرت اورنج وبرمودا بيج وعلى جوانبه
خط عريض اورنج . وحاط ورى رقبته .. ايشارب مقلم بيج مع اورنج ..
( البدله شاريها مع رنيم .. يوم طلعوا راحو لفؤاد سنتر )
رنيم وهي تناظره / ياااي البدله عليك ترتيييييييب
شوق / مااشاء الله تجنن .. مع هاللوك ..
لميس وهي لافه الشيله على راسها / جد حلو اللوك ..
رنيم غمزت له/ ان طلعت برى بينهبلوا عليك البنات ..
راكان ( انا ماابغا الا وحده من كل هالبنات .. )
هشام مسك يد لميس / يلااا خلينا نتمشى برى
لميس ( وش فيه كل شوي ومغيير راايه ! )
راكان طلع وراح جلس على كرسي عند البحر ..
رنيم برجا تناظر لميس / لااا خلك لا تطلعي ..
هشام يناظر لميس / هااا وش دخلك انتي ..
رنيم ببراءه / نبغااهااا .. انت تبغا تطلع اطلع عاادي
شوق / هههههههههههه
هشام / لا يكثر .. بس .. << التفت على لميس / ها بتطلعي ولا بتجلسي عند المهابيل ؟
لميس بأبتاسمه تذبح وهي تناظره / لاا بظل مع المهابيل هههههههه
هشام ( هذا اللي بتعذبني مع ابتسامتها .. ) / اووكيه على راحتك ..قلبي ..
وطلع ..
لميس / السخيفه ندوو تواعدني انها بتجي اليوم هنا آخر شي تكنسل الموعد ..
آل ايه عازمة عماد بيتهم ..
رنيم مسويه نفسها ماتدري عن شي / يوو حساافه ..كان ودنا نتجمع
وندردش ببنات كيوت هههههههه
لميس / آآهـ ذكرتيني هاللقب رنووده مطلعته يعز علي كثيير
رنيم / اي انا ملقبتها بجوالي بنوته كيوت ..
لميس بنظرة عتب / والله مو بس هي الكيوت حتى حناا خمستناااا كيوووت. ..
رنيم / ههههههههههه عاارفه ..
شوق بجديه / لميس اهلك ماهم جاايين ؟؟
لميس / الا بيجوا بكرا او اللي بعدو
شوق بحيا / اممم عصام بيجي ؟
لميس وهي تناظر رنيم / ايه اكيييد بيجي..
رنيم تغير الموضوع لأنها حست ان لميس تقصد شي بنظراتها / بروح اصلح لي كوفي .. حد يبغى ؟
شوق ولميس / لااا
شووي ويدق جوال رنيم ..
رنيم بسرعه اخذته وراحت للمطبخ وكلمت
رنيم / هلااا رنوداا
ريناد / حناا جاايين .. وينكم انتم ؟
رنيم / حنا بالبدايه .. راح تشوفوا برى سيارة ..بابا وهشام وراكان
(اول ماسمعت اسم راكان ابتسمت تذكرت انه هو اللي ناقل دمه لها .وصار يجري دمه بعروقها ... .)
ريناد / اي خلاص عرفتها ..
رنيم / من اللي عرفتي ؟
ريناد / ههههههه سيارة راكان مو اهو اللي موصلنا البيت بعد ماطلعت من المستشفى ..
رنيم / ايوااااااااااا هو ..
ريناد / بااااااااااااي

::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 24-04-2008, 09:42 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::
لميس تناظر رنيم من بعيد لأن المطبخ مكشوف عالصالة اللي جالسين فيها ..
وتبين وهي تمشي وتتكلم ..
لميس / من تكلم ؟؟
شوق / ماادري لجت اسأليها
لميس / احللفي عااد

رنيم تمشي وبيدها كوب كوفي ..
لميس / رنووما من اللي دق ؟
رنيم ببرود / رنوودا .. تعتذر على انهم مو جااييين
لميس / جد سخيفااات .. وهالريهام عذرها ان مافي حد يجي معها ..
لا امها ولا ابوها مو فاضيين لها ...
شوق / احسن .. بصراحه انا مااطيقها هذي ريهام
لميس / بالعكس ريهام حبووبه وطيووبه جد عليها حركات تغث بس
والله اهي لو تلاقي اهتمام من امها وابوها كان ماتصرفت كذا علشان
تجذب وتلفت انظارهم ..
رنيم / اهي بس يبغا لها حد يهتم فيها
شوق / ليه انتم مو مهتمين فيهااا ؟
لميس / يالغبيه نقصد من اقرب الناس لها امها وابوها ..
فجأة يدخلوا عليهم .. واصوات مشيهم يتقدم للصاله ..
اول مادخلت ندى وريناد لميس كانت جالسه قبال المدخل ..
الا تشهق اول ماشافتهم / .........
ندى وريناد / هاااااااااااااااااااااااااااااي
الكل / هاااايااات
لميس ركضت وسلمت على ندى واحظنتها / وحشتيييني يالدبه ..
ندى / هههههههه مفااجأة حلووة صح ؟
لميس التفتت على ريناد نفس الشي سلمت عليها وحظنتها / وحشتووني
ريناد / وحناا اكثر ,,
الا تجي رنيم تسلم على ريناد .. / رنودااا كيفك ؟
ريناد / كوويسه انتم كيفكم ؟؟
شوق سلمت على ريناد وندى / هلااا .. وش اخباركم ؟؟

:::::::::::::
عبدالله وخلود وام عبدالله والعيال طبعا كلهم دخلو للشالية اللي حاجزينه لهم ..
:::::::::::::::
راكان هو اللي استقبل عبدالله اول مانزل .. وعطاهم مفتاح الشاليه ..
هو لمح ريناد يوم نزلت من السيارة .. حافظ هيئتها من اول ماشافها ..
ضعيفه ولاهي طويله ولاقصيره .. وعبايتها مخصرة ومفصله جسمها تفصيل ..
راكان فهى يوم قربت منه شوي علشان تمر وتدخل داخل ..
ريناد ماحست فيه ..ولا بنظراته على طول من الحماس دخلت هي مع ندى لداخل ..

::::::::::::
الساعة 9 مساء
(ريهام )
جالسه بالصاله لوحدها مافيه حد تحكي معه تسولف معه ...امها طالعه وابوها مساافر ..
حاطته عالتلفزيون .. ومن الطفش اقل من دقيقة تقلب لقناة ثانيه ..
ظلت كذا على هالحال نص ساعه ..
طفت التلفزيون وراحت غرفتها ..قربت من المرايه وناظرت نفسها من فوق لتحت بتمعن .!!
( يعني انا اللي عاجبني شكلي كذااا ) لابسه قميص وفاتحه ازرته الفوقيه ومرفعه الكلر
والبنطلون نازل تحت الخصر مع الحزام العريض .. وصندلها هذا عاااد تحفه .. رجاالي بحت ..!
بدلت ملابسها لبست بيجاما عااديه وتمددت عالسرير ..
الا تلاقي مسج واصلهاا .. فتحته ..
( رهوومااا وينك ماتردي علي ؟؟ المهم انا بالشرقيه رحت للشاليه .. اووكيه ..
انتبهي لنفسك بااااااااي )
ريهام ( يااقلبي يااارنود انتي الوحيده اللي حاسه فيني .. )
وعلى طول بدون تردد ماشافت نفسها الا داقه عليهااا ,,
::::::::::

ريناد بجنب رنيم في جهه ولميس بين ندى وشوق ..في جهه ثانيه ..
ندى تكلم لميس / الله يعيينا حنا بعد اسبوع التسجيل بالجاامعه ...
لميس / لا اناا خلاص كلها شهرين وطاايرة امريكاااا
الا يدق جوال ريناد .. ( رهووووما ..)
ريناد ردت بسرعه ../ هلااا ريهاام
ريهام / رنوودا كيفك ؟؟ هاا عالبحر ؟
ريناد / لاااا لسا تونا داخلين حنا عند لمووو ورنييم ..
ريهام بنبرة غيره / اهاااا علشان كذا راييحه الشاليه
ريناد / اي لموو لزمت علينا وجينا
ريهام / ايه هي بعد قال لي .. بس انااا مافي حد يجي معي ..
ريناد كسرت خاطرها / ياااحياااتي ..
ريهام / عااادي .. اهم شي انتي تنبسطي .
ريناد / اي اكيد .. بس ماراح ينقصني غيرك ..
ريهام بأبتسامه / ياابعد حيي والله .. (ياليتك بجنبي بس )
ريناد / اووكيه رهووما حاوولي تجي .. ترى الشاليهات على حساب رنيم هههههههه
الكل / هههههههههههههه
ريهام / اوووووووووووووكيه دام كذا بجي طيران هههههههههه يلاااااااااا باي
ريناد / ههههههههههههههههه بااااااي

لميس / يلاااا شراييكم نطلع عند البحر ..
الكل تحمس / اووكيه
ولبسوا عباياتهم وطلعوا ..
ولميس قبل لاتطلع دقت على هشام وقالت له انها طالعه علشان مايسوي لها
سالفه ويحرجها جنب ندى وريناد ..

::::::::::::::::

عبدالله وخلود وام عبدالله جالسين بالصاله ..
ام عبدالله حاطه روان وريان على حظنتها وتحكي لهم قصه ..
عبدالله / يلااا خلونا نروح نلعب الأولاد الملاهي ..
ريان وروان نطوا في وجه عبدالله
ريان وروان / يلاااااااااااا
عبدالله / ههههههههههههه
خلود / ابد مايملوا من الملاهي
ريان مسك يد ابوه وسحبها / يلااا بابا خلينا نروح ..
روان راحت لعند جدتها ام عبدالله / وهالمرة نبغاك تلعبي معناااا
ام عبدالله / ههههههههه اناا لا حبيبتي انا مااقدر على هالألعاب
روان مدت بوزها / لااا لاا تلعبي يعني تلعبي
خلود / ماما روان عييب ..
ام عبدالله / بطلع معكم بس ماني بلاعبه ..
ريان / ليه طيب .. تخاافي
عبدالله / هههههههههههه صاااااااادوووهااا
ام عبدالله / هههههههه لااا حبيبتي بس انا حرمة كبيرة وفشله انط فوق هالألعاب
روان وريان اسم انهم فهموا / اهااااااااا
خلود / ندوو ورنود عالبحر .. خلينا نمرهم بالأول ...
عبدالله / اجل انا بدخل ارييح .. واذا جهزتوا صحييني ..
خلود بأبتسامه جذابه / اووكيه من عيووني ..
عبدالله ابتسم لها من قلب ../ سلامة عيونك ..
روان وريان / لااااااااااااااااااا نبغا هاللحين نروح
عبدالله / ابوديكم بس خلوني ارتاح شووي اووكيه

:::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 24-04-2008, 09:43 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


:::::::::::::

وبالشاليه




جالسين ومبسطين .. بجلسه دائريه وكانوا فاتحين نقاباتهم
ريناد تتنهد / يااااااي تذكرت المدرسه بجلستنااا
ندى / وووع لا تذكريينااا
رنيم / هههههههههههههه
لميس / ...........
ندى تناظر لميس / وش فيييك ؟؟ مو على بعضك ؟
لميس خايفه يشوفها هشام كاشفه وجهها ويسوي لها سالفه ..
لميس / بليييييز اذا قرب هشام قولوا لي
شوق / ليه ؟؟
ندى / لاتقولي بتسوي فيها رومانسيه بتناظرون بعض ولا بتروحي معه
لميس / لااا يالهبله .. بس .. اممم ابلبس نقابي ..
الكل / هههههههههههههههههههه
لميس / اي اضحكوا وش عليكم !
رنيم / عاادي مايقول شي .. حنا دايما نجي ونفتحه ..
شوق / لا بس هو عليه احيانا طلعاات
لميس / ايواا .. مثل ماحكت شووق
ندى / مافتكيتي من ابوك جالك الأعظم منه
لميس تتنهد /آآآهـ والله اشتقت لبااابااا مووت
الا رنيم تلمح راكان جالس عالكراسي اللي قبالهم ..
رنيم ( ياااحلاااتك ياركاان لااحقها اشووف .. )
بس ريناد معطته ظهرها يعني جالسه قبال البحر ..
رنيم تبغى تشوف ردة فعل راكان كييف ..
رنيم وهي تناظر راكان من بعيد / مو كأن هذاا راكان اللي جالس هناك ..
شوق ولميس / ايييه
ندى وريناد التفتوا .. ورااهم ..
ريناد اول مالتفتت لمحته من بعيد كان ماسك جواله وعيونه عليها
راكان لما شافها التفتت عليه ناظرها من طرف عيونه وهو منتظر هالنظرة منها من زمان ..
ريناد مادققت كثير .. او بالأحرى مااهتمت .. التفتت ثانيه عالبحر
ندى / يااااااااااي يجنن ركوون بالأورنج
رنيم ( عسااا بعض الناس يحسوون بس ) / اي يهبببل .. بسم الله عليه
شوق دق جوالها .. دقت عليها مشاعل ودخلت داخل تحكي معهاا ..
ندى / اووه راكان شكله مشغل البلوتوث ..يغازل
رنيم / ماالت عليك .. اخوي مايغزل بالبلوتوث ..
لميس / ههههههه اجل كيف ؟
رنيم/ اصلا كلكم ماتصلحوا له .. وحدة زوجة اخوه وانتم ثنتينكم مخطوبات ..
ريناد التفتت عليه ثانيه ببطئ ..
راكان انتبه انها التفتت عليه ( يااربي شقد تجذبني هالبنت .. )
ندى / رنوود مو نقل لك دمه تاخذي راحتك بالمغازل ..
ريناد نست نفسها وهي تدقق بنظراته ..
التفتت عليهم بسرعه / احللللفي عااد ...
(( رنيم نفسها تحكي وتقول ان راكان حاط عينه على ريناد ..
بس بيكون موقفها جدا سخيييف .. يعني ليه ماحكت لراكان ..ليه مخليته
يتعلق فيها يوم عن يووم ... ))
راكان حس موقعه غلط .. مشى ودخل دااخل
الا يدق جوال ندى ..
ندى ناظرت الرقم ؟؟ .......
ريناد ورنيم ولميس / وش فيك ؟؟
ندى / رقم غريييب ومن موبايلي بعد ..
ريناد / طيب ردي ..
ندى ردت بهدوء / الوو
____/ اهلييين ندى !
ندى تحاول تتذكر هالصوت / اممممم من معي؟؟
____ / مو مهم انتي بس كيفك من زماان عنك ..
ندى وعلامات التعجب والأستفهام على وجهها / انا بخير .. بس ماعرفتيني عليك ؟؟
_____ / لا تستعجلي بتعرفيني .. بس انا حابه انبهك من شي ؟
ندى / شنوو ؟؟
لميس بفضول / منووو ؟؟
رنيم / ندووو حطيه عالسبيكر تكفيين
ندى تأشر لهم بلااا
____/ والله ماني عارفه ايش اقول لك ..
ندى تنرفزت من اسلوبها / انتي شكلك وحدة فااضيه .. اقوول باااي
وسكرت ..
ريناد ورنيم ولميس / ؟؟؟؟؟؟؟؟
ندى / ماادري وش تهرج وتخربط ..
ريناد / ليه وش تقوول ؟؟
رنيم / يعني غلطانه ؟
ندى / ماادري عنها الهبله .. اسلوبها ماعجبني بالمرة .. اقول لها من معي ..
تقول لا بعدين تعرفين منو .. طيب بعدها تقول حابه انبهك من شي ..وجالسة تلف وتدوور ..
لميس / ناااااااااااس فاااااااااضيه
ندى / ماعلينا منهااا ..
الا يدق ثاانيه ..
ندى / آآآآف وش اسووي ؟
لميس / شوفي وش تبي وايش نهايتها واذا ماحكت قفلي جوالك بكبرة
رنيم / جد .. والله
ريناد / اي بس انتبهي لا تعطيها معلومات عنك ..
ندى بعصبيه ردت / الوو
____ بنعوومه مبالغه / اووه حبيبتي لاتعصبي .. خلك راايقه
ندى بقرف / وبعديين .. انتي وش تبيين بالظبط .. انتي من تبيين ؟؟
____/ مو انتي ندى الفارس ؟
ندى / ايه .. انااا .......!! طيب بتقولي انتي مين ولا بقفل الخط ..
_____بدلع / لا تهدد يااحلوو .. ترى كلش مو لابق لك هالأسلوب
ندى / وبعديييييييين ؟؟
____/ اووكيه اووكيه .. اممممممممم خطيبك عماد السعود صح
ندى استغربت اكثر / ............
___/ ماقلتي لي صح ولا ؟؟
ندى بنبرة خوف / ايه .. صح .. وش فيه عمااد ..
(ندى خافت على عماد .. ظنت فيه شي .. وخاصة انها من وصلت الشاليه ماكلمته )
ريناد / ندووو يالسخيفه حطيه عالسبيكر .
ندى تأشر لها بيدها لااا اصبري ..
لميس عصبت / ندوو وبعدين ..
____/ لهالدرجه خايفه عليه شكلك ميييته فيه ..
ندى تلفت اعصابها / بتحكي اللي عندك ولااا ..
____/ اووكيه .. بكون معك صريحه وصاادقه بكل شي .. شووفي يااا ياندى ..
عماد خطيبك يخوونك ..
ندى من سمعت هالكلمه عصبت اكثر / انتي وش تقوولي بالظبط ؟؟ جد ماعندك سالفه !
____/ ههههههه اللي سمعتيه اهو الصدق واذا حابة تتأكدي اقدر اجي
لك واسمعك مكالماته وغير اللي مصورته عندي بالجوال .. وغير وغير ..
ندى قلبها ينبض بقووه وماهي مستوعبه اللي سمعته
وحست بحرارة في الجو / كذااااااابه انتي اصلا كذااااااابه
_____/ لاا لااا .. لا تتسرعي بحكمك علي .. تبغي تسمعي شي بسيط من
احد المكالمات اللي عندي واثبت لك اني صادقه ..
ندى بسرعه / ايه .. سمعييني ..
____/ بس بشرط ابغاك تقولي اذا سمعتيه وتأكدتي انه هو وش راح تسوي ؟؟
ندى بعصبيه وتوتر / ابوااجهه .. بالموضوع طبعاا
____/ تعجبييني .. وانا مواافقه .. طيب اسمعي :
(( عماد بحنيه / قلبي وش فيك متبعده ؟ .. قربي مني ..
عطيني ايدك . طيييب ..
____/ اممم خاايفه ..ياعماد ... اول حاجة توعدني بالزواج ؟؟
عماد بلهفه وبصوت وااطي / لا تخاافي .. حيااتي انا احبك .. احبك ..
مستحيل اتركك لواحد ثاني مستحيييييييل خلاص من هاللحظة انتي لي وبس )) ..
ندى هنااا وخلاص وصلت حدها تأكدت من الصوت ولقتها نفس نبرة و صوت عماد ..
وغير كذا البنت نطقت بأسمه .. نزلوا دموعها على خدودها مثل المطر ..
ريناد ورنيم ولميس / ندى ..!!
ريناد خاافت وبسرعه سحبت الجوال منها / الوو .. الووو
ندى / اهئ اهئ اهئ اهئ
لميس / ندى .. من هذي ؟؟ وش اللي قال لك ؟؟
رنيم / ندى وش فيك انطقي .بليييز
ريناد وهي تهزها / ندووو انطقي .. وش سالفة هالمكالمه
ندى بحرقة قلب / عمااااد ..
ريناد ورنيم ولميس / عماااااااااد .. وش فيه
ريناد / عماد فيه شي ؟
ندى وهي تبكي / عمااد .. خااين .. حقيير
ندى مو عارفة وش تقول لهم تتشاهق وهي تبكي من قلب / ...
ريناد فزت من مكانها ../ لميس هديهاااا ابروح اجيب لها موويه
رنيم قربت منها وكفكفت دموعها / ندى .. خلااص اهدي خلينا نفهم ..
وش سالفة الأتصال ؟؟ وش سالفة عماد .. اهدي بليييز ..
لميس / ندى .. اهدي .. مايصير كذاا .. مكالمه تأثر فيك..
ريناد وهي تركض دخلت شاليه اللي فيه اهل رنيم ..لأن كان اقرب
راكان وااقف وناوي يطلع برى
دخلت ريناد الا تصقع براكان .بقووه راكان طبعا اطول منها راسها صقع بذقنه على طوول ..
(ريناد مو لابسه غطا بوجها .. بس لافة الشيله على راسها ..)
ريناد المها راسها / آآآآآهـ ..
راكان استغرب من وجودها .. وايش تبي جاية هنا تركض ..
راكان لمعت عيونه وهو يناظر عيونها العسليه الجذابه (وين أودي شوق قلبي والوله لو
غديت بعيد عني ما أسمعك
تملك إحساسي وفكري تشعله ترحل طيوفك وفكري يجمعك ..
هاك قلبي هاك ليتك تقبله خذ سنين العمر أو خذني معك ..
إنت .. تالي الحب عندي وأوله ..

ريناد وهي تناظره بعيونه حست انهم فيهم حكي كثيييييييييير
بعدت عنه وبرجا / راكان ابغا موويه بسرعه ..
(ريناد ماحست انها بدون غطا كان بالها مشغول بندى .. )
راكان وهو مستغرب / بسرعه فتح الثلاجه وطلع لها قارورة مويه صغيرة ..ومدها لها ..
وهو يناظرها ومو مستوعب / خذي
ريناد اخذته منه وبأبتسامه وبنعومه / اووكيه مشكوور
ومشت وطلعت تركض ..
راكان واقف عند الباب مو مستوعب اللي صار .. جاية وكاشفه الغطا وهي تركض وتصقع
فيه وتترجاه بأسمه وتبتسم له بعد !! هالشي ماجا على باله انه راح يصير ابد ..
راكان وهو حاط يده على قلبه ( يالبيـــــه قلبي ..وش ذا النعومه اللي تذبح !! .. ..)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 24-04-2008, 09:45 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::

ريناد وصلت لعندهم جلست بسرعه ..وبيدها المويه ..فتحت الغطا
ريناد / يووو نسيت اجيب كااس ..
لميس خذت المويه من ريناد / اشووف عطيهاا مايحتاج انتي ووجهك ..يلااا اشربي ندى
ندى بعد ماشربت شوويه ...
ريناد تناظر رنيم / هااا وش فيها
لميس بجديه / ندى احكي وش صار بالظبط ..
ندى من القهر قالت لهم كل اللي صار بالتفصيل ...

:::::::::::::::::::::::::::

خلود جات لهم مع العيال ..
ندى حالها ينرحم المسكينه و بصوت واطي / اسكتوا ماابغا حد يعرف شي الا حنا ..
الكل / اووكيه ..
لميس / نفسي اعرفها منو علشان اذبحهااا ..
ندى / اشششش ..
خلود / هااا منتم رايحين الملاهي ...
ريان وهو متحمس / يلاااا عمتوو
الكل / ....
لميس / لسااا ماحد قال لنااا
خلود / عبدالله قال اجهزوا وعلشان نطلع سواا
روان / عمتوو ريناد ابغا اممممم العب معك طيب ..
ريناد وهي تقرص خدودها / تاامرين امر يارروح عمتوو
ريان / ههههههه روان خواافه
روان / لاااا ماني ب بخايفه بس انا امممم ابغا عمتوو
ندى بنبرة باين عليها الحزن / وينه عبدالله
خلود / بعد عمري تعباان قال لي بنام شوويه على ماتجهزوا
ندى / خلااص خلونا بكرا مرة وحده ...
الكل مالهم خاطر يروحوا بعد ماعكرت مزاجهم هالمكالمه .. اللي مايعرفوا من وين مصدرها ومن وين جات لهم ..
جلسوا يسولفوا سوالف عااديه مع خلود .. ولميس ورنيم انبسطوا بريان وروان ..

:::::::::::

(دانه )
شالت الشريحة من جوالها وحطت الشريحة الثانيه ..
ودقت على عماد لقته لحد هاللحين مقفل
دانه بخبث ( هههههههههههه نفسي اشوفك ياعماد وندى تستجوبك !!
لسااا ياعماد ماشفت شي مني ..ابضيعك مثل ماضيعتني .. وحطمتني )


::::::::::::::::::

الساعة 1 ونص .. بعد ماتجمعوا كلهم وتعشوا ..
هشام ينادي لميس عند الغرفه .. / لميييس ... لمووو
لميس بحيا / عن اذنكم ..
خلود تغمز لها / ياااااااااعيييني ..
الا يدق جوال خلود .. ( قلبي .. يتصل بك )
عطته مشغول ../ يلاااا عن اذنكم ..
الكل / هههههههههههههههههههه
شوق / بداا التسحب .. وحده وحده ... يلا ماما اجهزي دورك هاللحين
ام هشام / هههههههههه
ام عبدالله وهي واقفه / ندى .. ريناد يلاااا مانتم ناايمين ؟
ندى / لاااا بدري ..
رنيم / هما بيسهروا الليله هنااا .. خلييهم
ام عبدالله / اووكيه براحتكم ... يلااا ام هشام .. تصبحي على خير
ام هشام / وانتي من اهله ..
شوق / وانااا بروح اناام ماني متعوده عالسهر .. عن اذنكم ..
الكل / اذنك معك ..
الا يدق جوال ريناد ..
ناظرته رنيم .. / ؟؟؟ منو قدرك المحتووم
ريناد / يالله وش يبي هذا بعد !!
ندى ببرود / نصوور ؟؟
رنيم / هههههههه
ريناد اخذت الجوال ..وكلمت ..
ريناد / ايوااا
بو وليد / هلاااا والله هلااا بهالصوت ..شخبارج ؟
ريناد / كووويسه ..
بو وليد / هااا شلون الجو حلوو ؟
ريناد / ايه حلو ..
بو وليد بلهفه / اشتقت لج .. متى بتيين( راح تجي ) الرياض ؟
ريناد / ؟؟؟؟
بو وليد عاد السؤال ثانيه / متى بتيين ؟؟
ريناد / ماادري يمكن بكرااا
بو وليد / ان شاء الله بالسلامه ..
ريناد بدون نفس / اممم الله يسلمك ..
بو وليد / احتمال اسافر الكويت هالشهر يعني لازم نعجل الزواج .
ريناد ارتبكت من سمعت طاري الزواج / اخليك الحين انا مشغووله ...
بو وليد ( اووه شكلها تستحي حييل ) / اووكيه براحتج .. بكرا اكلمج تصبحين على خير باااي ..
ندى حست ان ريناد متوترة / وش يبغااا
ريناد / آآآآف يبغا يعجل الزواج ..
رنيم / جد ؟؟
ريناد / مو بكيفه ماراح اتزووجه ..
الكل / ؟؟ !!
رنيم / شنو مو بكيفه خلاص انتي ملكتي ..
ريناد بجديه / اي بس انا ماابغاه .. يخليني كذا احسن ..
ندى ماقدرت تمسك ضحكتها / هههههههههه بكيفك هوو ..
ريناد بأبتسامه / ياحلاة غمازتك بس ...
ندى / والله .. !
رنيم / اي فرفشي .. وخلي عنك هالسالفه ..
ندى / انا اللي ذابحني واللي ابغا اعرفه ليه مقفل جواله ؟؟
ريناد / تلاقيه مو مشحون او شي زي كذا ..
رنيم / انصحك لاتتفاهمي معه عالتليفون .. خليها ليمن ترجعي وتقابليه احسن ...
ندى / وتبغيني اصبر ليمن ارجع واقابله ..
ريناد / رنيم معها حق .. يعني حتى لو طلع كذاب او هي الكذابه
راح تعرفي من عيونه .. ومن طريقة حكيه معك ..
ندى / انا ماني عارفه كيف افاتحه بالموضوع ... محتااره احس فكري فيه ..
ماني قادرة اصدق .. << نزلوا دموعها / لأني متأكده ان الصوت اللي سمعه هو صووته ..
رنيم / شرايكم نكلمها .. ونشوف وش علاقتها بالظبط فيه ..
ندى ودموعها بعيونها / لاااا ماابغا اسمع وانغث اكثر من كذااا
ريناد قربت من ندى وطبطبت على ظهرها بحنية / لا تبكيين ..ترى
مايستاهل دمعة وحده منك .... ندى ترى دموعك غاالية
ندى ارتمت بأحظانها / آآآهـ ياريناد لو تعرفي وش قد احبه .وش قد مجنونه فيه
. كان ماقلتي لي هالكلام .. انا ابكي من القهر اللي بداخلي .يارب مايكون الشي صدق ..
يارب تكون السالفه تلفييق بتلفييق .. .
ريناد ( الحيوان ياويله من طلع كلام هالبنت صدق . اكيد ندى بتنهار مرره ..
اعرفها تمووت فيه .. وتموت بالتراب اللي يمشي عليها ... )

:::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 24-04-2008, 09:46 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


:::::::::::

راكان جا من برى .. ودخل الصالة ..
راكان شهق ماظن ان في حد لأن الوقت كان متأخر الساعة 3 وربع الفجر
ريناد لمحته جااي .. بسرعه عدلت جلستها وتذكرت اللي صار ..
راكان طلع عن المدخل ونادى على رنيم / رنيييم .. رنيييم
رنيم راحت لعنده / ان ويينك مانت بغرفتك ؟
راكان / لااا طالع الكوفي شوب يلااا ابغا ادخل سوي لي طريق
رنيم / اووكيه ..
رنيم دخلت عندهم .. / تغطواا بيدخل راكان غرفته
ندى / يؤؤ فشله .. لهالوقت حنا هنااا
رنيم / احلفي عااد .. يلاا بس اخلصوا ركوون واقف عند الباب ..
ندى وريناد اخذوا عباياتهم وتغطوا بالشيله ..
رنيم بصوت عالي / رااكان ... ادخل ..
راكان دخل بشويش وهو منزل راسه / السلاام عليكم ..
الكل / وعليكم السلاام
راكان انتبه بنبرة صوتها الناعم .. والتفت عليها ..
((أغليك من قلبي ومن روحي اغليك،،
وأفـــراح قــلــبــي تــكــتــمــل فــي ملقاك...
كــلــك حـــلا ســبــحان مـنـهـو مـسـويـك،،
يــا مــجـمــلــك فــي عـيـن قـلـبـي ومحلاك...
زود عــلــى حــســنــك طــبــوع تــحــلــيـــك...
تــــفــــرقـــك عــن هــذا وهــــذاا وهــــــــذاااك ))

ريناد انتبهت انه يناظرها ( وش فيه راكان ؟؟ يناظرني كذاا ! )
دخل راكان غرفته وسكر الباب ..
ندى / يلاااا رنوود خلينا نمشي ...
ريناد مفهية والشيله لسا على وجهها
رنيم / ههههههههههههههه
ندى شالت الشيله عن وجهها ..
ريناد / هييييه .. وش فيكم ؟؟
ندى / ماالت عليك وش فيك مفهية .. يلاا خلينا نروح ننام ..
ريناد وقفت ولفت الشيله على راسها / يلاااا
ندى وريناد / يلاا رنيم تصبحي على خير بااي..
رنيم / وانتم من اهله بااي ..
::::::::::::::::::::::

رنيم اول ماطلعوا دخلت غرفة راكان ..
راكان كان منسدح .. وحاط سماعات الجوال بأذونه
يسمع اغنيه صدفه ليارا

(( صدفه و من بين كل الناس علقني

من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه

سلم عليي وجلس جمبي وكلمني
كل الحواجز تلاشت بيني و بينه
اخذ ايديني بايديه وقام يوصفني
ولا تمنيت ايدي تترك ايدينه

قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه ))

يوم دخلت رنيم اتكأ على المخده .. / هااا رااحت .. قصدي راحوا
رنيم / ايه .. مشوا ..
راكان يتسائل / وش فيكم المغرب ؟؟ محتااسين ؟
رنيم / مافهمت قصدك ؟
راكان / اللي يبغا مويه ماادري ايش .. ليه حد غص ولا شي
رنيم / هههههههههههههه لاااا .. الا انت وش دراك ؟؟
راكان بأبتسامه / شفت ريناد وهي جاية تركض تبغا مويه
رنيم شافت الفرح بعيون راكان / جد ؟ وبعديين ؟
(راكان حس انه يقدر ياخذ راحته مع اخته ويتكلم معها بصراحه .. )

::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 24-04-2008, 09:48 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


الفصل السادس عشر

:::::::::::::::::::::

عماد رجع البيت .. وصعد غرفته .. وقبل لاينام تذكر ان جواله كان مقفل
فتحه على طول (( وانا اقول وش فيها ندى مادقت علي اليوم .. جد انا ماعندي سالفه مقفله لهالوقت .. ))
اول مافتح جواله دق على ندى ..
ندى متكية عالسرير وافكارها توديها يمين وشمال .. وريناد نفس الشي متكية على السرير اللي بجنبها وتفكر معها على طريقه تحكي مع عماد ويعرفوا سبب المكالمه اللي جتهم .. ..
اول مادق جوالها فز قلبهااا ..
ريناد تتسائل / عماااد ؟؟
ندى / ايه .. وش اسووي ؟؟
ريناد / احكي معه عاااادي .. بسررعه
ندى ردت عالجوال ..وهي متوترة
ندى / ا الو
عماد / ياهلاااا بهالصووت والله ..
ندى تتمعن بصوته ( اهووو وربي نفس الصوت و نفس النبرة) / اهليين فيك .<<<.وبجديه / عماد ليه مقفل جوالك ؟؟؟ تعبت وانا ادق ..
عماد / (وش اقول لك ) جوالي فااضي مو مشحون .. وانا كنت طالع من المغرب .. وماجيت للبيت الا هاللحين ..
ندى حست انه يكذب عليها ونبرته تغيرت / و ووين طالع ؟
عماد بسرعه / طالع مع الشباب المزرعه .. المهم .. كيف الجو عندكم ؟
ندى ببرود / حلوو ..
عماد حس من صوتها انها مو على بعضها / ندى فيك شي ؟؟
ندى بلعت ريقها / لااا ابد .. ليه تسأل ؟؟
عماد / لااا بس صوتك متغيير .. احسك مو معي ؟؟!!
ندى تتنهد / الا ... معك ..
عماد / متى بترجعوون وحشتييييني ..!
ندى شوي وتطيح دمعتها .. / بنرجع بعد يومين ..
عماد بلهفه / يعني 3 ايام ماراح اشوفك والله كثييييييييير ..
ريناد تأشر لندى / لااا تبكيين ..
ندى اخذت نفس عميق / اووكيه .. اكلمك بعدييين مــ ماما تناديني ..
عماد / اووكيه يااقلبي .. اخلييك تصبحي على خير .. بااااااااااي
ندى بعد ماسكر رمت الجوال عالسرير بعصبيه ..
ريناد قربت منها / ندووو وش قال لك ؟؟
ندى نزلت دمعتها على خدها وبنبرة حزن / نفس الصووت .. اللي سمعتني اياهـ !!
ريناد تحاول تهديها لأن عارفه ندى قد ايش تحب عماد ...و بجديه / ندى .. شنو يعني نفس الصوت .. انتي بس مشككه لأن هذاك الصوت ببالك علشان كذا تحسي انه نفسه ..
ندى ناظرتها بجدية / تتوقعي كذاا !!
ريناد بأبتسامه / اكييد .. يلااا ناامي وارتااحي ..
ندى انسدحت عالمخدهـ والتفتت للجهه الثانيه .. ( آآهـ والله لو طلع كلامها صدق وطلعت خاايين .. وربي مااراح اخليييك كذا لا انت ولا للحيوانه اللي معك .. )

::::::::::::::::::::::::::::::::::

وفي يوم جديد ..

الصباح الساعة 9 ..

عبدالله وخلود بعد مافطروا طلعوا عند البحر يتمشوا سوى ..
وعيالهم تركوهم ناايمين دااخل ... ..
عبدالله ويده بيد خلود وهما يتمشوا .. / اقوول خلوود
خلود التفتت عليه / ايوااا هلاا ..
عبدالله / ابقول لك شي بس بلييز تفهميني وتسمعيني للآخر
خلود بحماس / اووكيه قوول اسمعك ..
عبدالله / شوفي خلوود اول ماراح نرجع للبيت ابروح مكتب الخدم واسفر (نوهاتا )
خلود شهقت / لييييييييييه ؟؟
عبدالله بهدوء / بصرااحه ..نظراتها لي ماتعجبني بالمرره
خلود بأستغراب / نظرااااااااتها ؟؟ يعني كييف ؟؟
عبدالله / انا لاحظتها كذا كم اسبوع وهي تناظرني نظرات غرييبه .. واسلوبها مايعجبني ابد ..
خلود بعصبيه / تنااظرك انت ؟ وش تبغا منك ؟ وش كانت تحكي معك ؟
عبدالله / يعني تحاول تتلزق فيني .. تحاول بنظراتها تــغـ
خلود بعصبيه قاطعته / جد ؟؟ متى ؟؟ وانااا وين رحت ..
عبدالله / ايه .. انا قلت لك خلينا نسفرها انتي رفضتي .. بس انا مستحيل اخليها اكثر من كذااا معنا ..
خلود وماهي مستوعبه / الخدااامه !! نوهااااااااتا .. تسوي كذاااا
عبدالله / لاتستبعدي شي .. هالخدامات مالهم امان .. وانا بصراحه خايف على العيال لاتسوي فيهم شي اذا تجاهلتها وتجاهلت نظراتهاااا ورغباتها ...
خلود بخوف / اي خلاااص سفرها ماعاد ابغاها ...
عبدالله / اكيد ... ماراح اخليهااا
خلود بنبرة غيره / وانت وش كنت تقول لهاااا وايش اللي مخليها تناظرك كذاا و ...
عبدالله حس انها غيرانه / انا كنت اقول لها اول ماتطلع خلود ابشري راح اجي معك ..واي شي تبينه انا حااظر ..
خلود ناظرته بعصبيه / اييييييييييش ؟؟
عبدالله انفجر ضحك / ههههههههههههههه بشويش لاتطلع عيوونك ..
خلود بنفس النظرة / شصار بينك وبينهااا
عبدالله بأبتسامه / وش فيك امززح معك .. والله بس اللي قلت لك قبل هذا اللي صار ..
خلود بنبرة غيرة / يعني ماقربت منها .. ماناظرتهااا بـ
عبدالله يهز راسها بلا / لااااااااااااااااااااااا حلم ابليس بالجنه اقرب منها
خلود بجديه / اكييييييييييييييد ؟؟
عبدالله بثقه / اكيدين ثلااثه اربعه ..وخمسة اذا تبي
خلود وهي تناظر عيونه / طيب وش تبغا منك هي ؟
عبدالله بعصبيه / وانا معطيها فرصه اشوف وش تبغااا .. تضف وجهها
وتنقلع .. فااضي لهاا انااا .. ماباقي الا هي بعد ..
خلود بأبتسامه تسمع له .. وعارفه وواثقه فيه انه مستحيل يقرب من حد غيرها ..
عبدالله بأبتسامة عريضه / انا تكفيني خلوود وبس ..
خلود بأبتساامه / يااقلبي واللهـ ...
عبدالله / وعلشان كذا انا قلت لك ماراح نجيبها معنا للشالية .. ونزلتها مع الخدامات اللي . تحت. ..
خلود / زفتـــة من جد !.. وين بتروح عني .. ابنفضها نفض قبل لاتسفرها .. اي بعد ليكون عندها صوور ولا شي .. خلاص ماعدت اثق فيها ..
عبدالله / اي احسن .. وماراح نخبرها بالسفر الا بكم دقيقة ..
خلود بأبتسامة/ تستااهل هههههه

::::::::::::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 24-04-2008, 09:49 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::::::::::::::::::::

عايلة بو هشام ..
كلهم جالسين سوااا بعد مافطرواا ..
رنيم ماخذه لاب توب راكان وداخله النت ..
بو هشام / اخوي بو عصام جاي العصر .. والشاليهات كلهم محجوزة .ومليانين ... فضوا لهم غرفتين .. طيب ..
شوق من سمعت انهم راح يجوا انبسطت ..وخاصة يوم قال انهم راح يناموا هنا ..
ام هشام / اي خلاص شوق ورنيم يظلوا بغرفة وحدة والغرفة الثانية فااضيه مافيها حد ..
بو هشام وقف / اووكيه يلااا انا رايح ..برى شوي ..
راكان يناظر رنيم / عطيني اللاب توب ..
رنيم / لحظة بس اقفل الماسنجر ..
شوق التفتت عليها / من فيه ؟؟
رنيم / نورة بنت عمتي .. وتسلم عليكم ..
شوق / اهااا سلمي عليهااا .. هذي سنة ماشفناها ..
ام هشام تناظر هشام / ويين لميس ؟ ماصحت الساعة 10
هشام / لاااا لسااا .. .. << وقف / انا راايح اصحيها ..

::::::::::::::::

دخل هشام الغرفة .. وجلس بطرف السرير ..
هشام / لميييس .. لميييس .. قلبي ؟؟
لميس فتحت عيونها بتثااقل / امممممممممم
هشام / يلااا عاد بلا دلع اصحي .. الساعة 10 هاللحين ..
لميس اتكأت عالمخده .. / حيااتي من متى صااحي ؟
هشام / اوووه انا صاحي من الساعة 7 وربع يلااا اهلك بيجوا العصر
لميس بأبتسامه / جد والله
هشام / اي جد .... يلااا عاد قومي بدلي خلينا نطلع عالبحر نشم هواا
لميس نزلت من السرير بحيويه ونشااط / اووكيه قلبي ..

::::::::::::::




ندى وريناد جالسين برى عند البركة اللي برى ..
ريناد / يااااااااي خاطري اسبح بهالبركة ..
ندى / ..........
ريناد التفتت على ندى .. / ندى .. وبعدين لمتى وانتي على هالحال ..
ندى بنبرة حزن / مو قاادرة اصدق عماد يسووي كذا ..
ريناد / وانتي ينقال عنك تأكدتي .. خلاااص قلت لك ليمن نرجع تفاهمي معه .. وانسي هالسالفة هاللحين ترى والله الكل يعرف من نبرتك ونظراتك ان فيك شي ..
ندى / طيب وش اسووي ..احس اني ماني مستعووبه .. والبارح ابد ماذاقت عيوني النوم ..
ريناد / والله عااارفه وحاسة فيك .. بس المفروض انك ماتحكمي عليه وتصدقي الحكي ..اللي سمعتيه منها .. طنشيها واول مانرجع الرياض تكملي معه وافهمي السالفة منه ..
ندى تهز راسه / عارفة يا ريناد .. افكر اني احكي لعبدالله ..واخليه يكلم هذي اللي دقت علي .. ..
ريناد شهقت / مجنوونه انتي . لا تسببي مشاكل .حنا غنى عنها . بالأول افهمي السالفه .
الا يدق جوال ندى
ريناد بسرعة / منوو
ندى ناظرته / عمااد ..
ريناد / اهااا .. خلك طبيعية اووكي ..انا رايحة داخل ..
ندى تأشر بلا / خلك ..
ندى بهدوء / الوو
عماد / صباااااااااح الورد والجوري يااحلى جوري بالدنيا .. ..
..ندى بأبتسامة صفرا / صباح الورد .. اخبارك ؟
عماد يتنهد / اخباااري .. ماهي زينة ....
ندى ببرود / ليه ؟؟
عماد بجديه / قلبي وروحي بعييده عني .. ومو جاية الا بكرا بالليل وماراح اشوفها الا بعد بكرا صح ؟؟
ندى عجبها اسلوبه /ههههههههههه ومنو هذي قلبك وروحك ؟
عماد بنبرة شوق / اللي جالسة تكلمني هاللحين ..
ندى بجديه / جد ؟ ..
عماد بثقة / جد .. ليه شاكه بهالشي ..
ندى بجدية اكثر / عماااد
عماد / ياروووووووح عمااااااااااااد
ندى بهمس / امممم .. تحبني ؟
عماد بلهفة / اموووووووووووووت فيييييييييييييييك .. احبك .. احبك يااندى ..
ريناد يوم سمعتها تهمس مشت بشويش ودخلت داخل ..
ندى بنبرة شوق / عماد وحشتنـــــــــــــي ..!!
عماد بحرارة / وانا اكثر والله .. خاطري اجي لك هاللحين .. واترك كل اللي بيدي ..
ندى عقدت حواجبها / ليه وينك انت هاللحين ؟
عماد / بشركة ابووي ... اتعلم عالشغل علشان من اخلص الجامعة السنة على طول اتوظف بالمكان اللي ابغاه ..
ندى / اهااا ربي يوفقك ..
عماد / ويوفق الجميع .. المهم حياتي انا اخلييك هاللحين ..
ندى نفسها تتكلم معه اكثر واكثر / وووين بتروح ؟
عماد / .. تقدري تقوولي مشغوول .. بس اول مااخلص اللي بيدي بكلمك اوكيه قلبي ....
ندى / اووكيه ..

:::::::::::::::::::

ريناد فتحت لاب توبها وشبكت النت ..
وفتحت المنتدى .. دخلت قسم ( افتح قلبك ) للي يبغا يعرض مشكلته ويحلوها لهم دكاترة واخصائيين ..بعلم النفس وغيره ...
حست نفسها انها تبغا حد يساعدها في حل مشكلتها ... مالقت نفسها الا وكاتبه موضوع جديد وحكت عن مشكلتها بالزواج من بو وليد .. وكتبت انها تنفصل منه بأي طريقه .. وتطلب المساعدة والحل ... لعل وعسى يساعدوها ..
الا تدخل عليها ندى وهي مبتسمة ..
ريناد على طول دخلت لقسم ثاني ..
ندى بأبتسامة / رنوود حاسة البنت اللي كلمتني كذاابة وماعندها سالفة
ريناد / جد ؟ كيف عرفتي ؟؟
ندى / امم ماادري بس كذا حااسه ..
(( ندى مشكلتها انها بسرعة تصدق اللي حواليها .. ماتدري ان احيانا اللي توثق فيه وتفتح قلبك له بيوم تكتشف انهم مايسحقوا الثقة ولا حتى يستحقوا المشاعر والأحاسيس .. ))
ريناد / ماقلت لك .. هذي شكلها وحدة فااضية وحابة تستهبل مالقت لا انتي قدامها ..
ندى / الظاهر كذااا .. ( بس من وين تعرفني وتعرف عماد ؟ علشان تسمعني هالشي ؟ !! )
ندى قربت منها / وش تسووين ؟
ريناد / هاا . جالسة اتصفح
ندى تتسائل / حلوو هالمنتدى اللي مسجله فيه ؟
ريناد بحماس / اي والله ونااااااااااسه.. احس اني تعلقت فيه ..
ندى / ههههههه اشووف خليينا نستهبل ..
ريناد / لاااا مو للأستهبال مو مثل الشاات ..
ندى / عاادي .. انتي عطيني بس ..وا
ريناد قاطعتها بعناد / لااا والله اول مادخلت استهبلت ليمن قلت بس ليمن جا مديرهم وعطاني انذار وعلمني عليه .. وش راح يقول هذي ماتفهم ؟؟
ندى / ههههههههههههههههههه .. والله انك مو للوناسة والرجه .. وين لموو عني ؟
ريناد بنظرة عتب / والله .. هاللحين انا مو للوناسة يالسخيفه
ندى رمت عليها مخدة / امززح معك يووو
الا تدخل ام عبدالله .. / وش فيكم ؟
ريناد بدلع / خاالتي شوفي ندى تضربني بالمخده ؟؟
ندى تقلد صوتها / ماااقدر اناا عالرقه والنعومة ..
ام عبدالله / ندى .. وش فيك عليها ؟
ندى فتحت عيونها للآخر / ماااامااا انااا بنتك .. عاد مو قلنا ترضي عليها خلاص تنسينااا
ريناد / هههههههههه
ام عبدالله تبغا تغيض ندى / دلعتك ليمن قلت بس .. جا دور ريناد هاللحين ..
ريناد قربت من ام عبدالله وحظنتها / ياابعد قلبي والله .. يااخالتي ..
ندى / ههههههههههههه وانتي كل شوي ولزقتي بماما ابعدي عنها خلي لنا مجاال ...
ام عبدالله / الحمد لله والشكر عليكم جد بزاريين ..

::::::::::::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 24-04-2008, 09:52 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::::::::::::::::::::

الرياض ..

عصام يناادي وهو عند الباب / يلاااا يمه تأخرنا الساعة 1ونص وماحركناا
ام عصام نزلت من الدرج / جااية ..
عصام / ويينك تأخرتي ابوي له ساعة وهو بالسيارة
ام عصام ببرود / مااتأخرت هذاني جيييت ..وش اللي عاجلك ..؟؟
عصام / هههههههه طيب يلااا مشينا ...
لبست عبايتها وركبوا السيارة ومشوااا

::::::::::::::::::

ام حسام وحسام ودانه .. جالسيين يتغدواا
ام حسام تناظر حسام ودانه / وانتم لمتى بتظلوا كذا ماتتكلموا مع بعض ؟؟
حسام ودانه / ............
ام حسام / ماتتكلمووا انت معهااا ؟؟
دانه بعصبيه / اهووو اللي بدااا .. من يشوفني مد يده علي ويخانقني
حسام بحقد / تستااهلين ولو اقدر اذبحك ذبحتك بعد ..
ام حسام بعصبيه / اسكتوا عمااا .. والله انكم ماتحترموا اللي اكبر منكم .. قدامكم وتتخانقون مثل البزارين ..
حسام حط الملعقة عالصحن / الحمدلله ..
ومشى .. دخل غرفته
ام حسام تناظر دانه / وانتي ليه تنرفزي اخوك ؟؟ حسام مايبغا غير مصلحتتك يوم يمنعك ماتطلعي برى البيت
دانه بعصبيه / اي مصلحة انتي بعد .. هو انااني مايبغا غير مصلحته ..
ام حسام / لا تطولي صوتك وعمااا انا امك ..
دانه بعد مابعت ريقها / رضى ولا مارضى متى ماحبيت اطلع ابطلع وبشوف وش يقدر يسووي
ام حسام تهز راسها / والله بيذبحك مااقول الا الله يهدييك بس ..

::::::::::::::::::

حسام اول مادخل غرفته اخذ جواله وبدون شعور فتح المسجات وارسل مسج لـ ريناد ..
::::::::::::
ريناد مع ندى جالسين عالاب توب ..
ندى وهي متكية / رنوود صوت جوالك يدق ..بالغرفة
رينااد / يؤؤ مالي خلق اقووم .. روحي جيبيه ..
ندى / والله !! ليه شايفتني الخدامه ؟
ريناد تتمسخر / لا الشغااله .. ههههههه
ندى بجديه / احللفي عااد
ريناد بعدت اللاب توب وراحت الغرفة .. بسررعه
اخذت الجوال ولقت مسج واصلها .. فتحته . .. وقرته ..
(( كيف تقسى ياحنون ..
وكيف ترضى لي بالأذى ؟
عارفك مهما يكون
ماتعذبني كذا
شوف حالي كيف صارت
قبل تقسى .. او تروح
حالي بعدك كلها بإختصار
كلها هم وجروح !! ))
من .. ....................05
ريناد وهي تناظر الرقم ../ ( هذا رقم حساام .!! ياربي وش يبغاا مني هذا بعد ؟؟ )
طلعت من الغرفة وهي عاقده مابين حواجبهااا وجلست جنب ندى ..
ندى / بسم الله وش فيك كذا مكشره ... من اللي دق ؟
ريناد / مسج من .. الأخ حسام المحترم
ندى فتحت عيونها للآخر / احللللفي ..؟ وش يبغاا ...؟ عطيني جوالك اشوف ؟
ريناد فتحت المسج / شووفيه ..
ندى اخذته منها وقرته .. / ههههههههه وش فيه ينقال عنه متعذب يوم عرف انك رفضتيه واخذتي غيره ؟
ريناد بعصبيه / وانا وش دراني عنه ..
ندى / دام انه مسج عااادي طنشيه ..
ريناد / اكييد هذا اللي راح يصير ..
ندى بجديه / بيبي
ريناد / هلااا
ندى وهي تناظر اللاب توب / وش كاتبة هنااااا
ريناد خافت واسحبت اللاب توب / ويين ؟؟
ندى وهي تأشر / هذا مو موضووعك ؟
ريناد وهي مرتبكه / لااا مو لي من قال لك ؟
ندى بخبث / هههههه مو انتي بنوتة كيوت !!
ريناد بيأس / هااا .... ايه .. قريييتيه ؟
ندى / أيه ..<< وبجديه / ريناد انتي تحاولي تنفصلي من بو وليد ؟
ريناد وهي متوترة / ايه .. وان شاء الله راح يساعدوني كيف اتصرف علشان انفصل منه ..
ندى بجديه / يالغبية حد يسوي سواتك .. الأحسن بعد احكي مع برنامج فوزية الدريع ..
ريناد / ندووو مو وقت تمسخر ..
ندى / ماادري عنك ..
ريناد / عاادي فيه كثير يكتبوا مشاكلهم هنااا !! يعني براييك ماراح يساعدوني ..
ندى / حبيبتي الدكاترة النفسيين والأخصائيين مايشجعوا على الطلاق .. وثانيا انتي مااخذتيه الا علشان ظروف بابا ومشاكله مع هالشركة .. يعني لو انفصلتي منه اكيد بابا اللي راح يتورط معه ..
ريناد لمعت عيونها / وش اسوووي عطيني حل .. ماابغااااااهـ نفسي ماهي طايقته بالمررهـ ..
ندى بجدية اكثر / هذا نصيبك .. ويمكن تلاقي حد يساعدك من النت .. اما انا مااعندي شي احكي فيه لأني عارفة بالوضع قد ايش مكركب ..
ريناد وهي تتأفف / وش يبغا مني هوو .. انا مثل بنته وش هالقلب اللي عليه .. لا ويبغا يقدم الزواج حظرته .. وربي ماني عارفه ايش اسوي ..
ندى مسكت يدها وطبطبت عليها / رنوود والله مايهون علي اشوفك كذا ومااساعدك .. بس مافي باليد حيله .. خلك قووويه مثل ماحكى لك عبدالله اخوي .. وش دراك يمكن بيوم من الأيام راح تحترميه وتتوددي له ..
ريناد / مستحيييييييييييل .. <<< تأشر على قلبها / هذا يسكن هنااا .. هنا بقلبي .. وربي ياندى ثقيييل دم وماينطااق بالمرره ..
الا تدخل عليهم لميس ..
لميس / هاااااااااااي
ندى وريناد / هاايات
لميس لاحظت انهم فيهم شي / وش فيكم ..؟
ندى / ابد .. ولا شي .. كذا ندردش ..
ريناد تغير الموضوع / وييينك انتي مابينتي اليووم
لميس بعد ماجلست بينهم / مووجوده بس حاسه ان هشووم شكله يغار منكم
ندى وريناد يناظرون بعض وهما يضحكوا / ههههههههههههه
ندى / ليه وش عنده يغاار الأخ ؟
لميس / تخيلوا حابسني معه بالغرفة .. وان قلت له ابغا اجي لكم .. تتغير الوانه .. وبالمووت اقتنع هاللحين وجيتكم .على طول ...
ريناد / هههههههههههه عاد مابغا يغار الا منا حنااا
ندى / والله المفروض حنا اللي نغار مو اهو اللي ماخذك منااا
لميس / هههههههههه اسكتي لايسمعك ...
ندى / وينه هوو موجوود ؟
لميس / لا هو راح يطلع مع عمي .. عندهم شغل الظاهر راح يشتروا شاليهات ثانيه ههههههه
ريناد شهقت / وييييييييه ..
لميس / هههههههههههه صلي على محمد لا تحسديهم
ريناد / اللهم صلي وسلم عليه .. قصدي ليه ماعندهم الا هالمشروع ..
ندى / .. هههههههه مااعليه خليهم يكثرون حنا المستفيدين ..نجي على حساب رنووماا
ريناد تناظر لميس / الا وينها هي الدبه ادق عليها ماترد !!
لميس / رنيم صاحية من الصبااح وتغدت و نااامت ..على طول ..
ندى وريناد / اهااااااا
لميس بأبتسامه / ونااااااااااسه بتجي ماما بعد شوويه
ريناد وندى / جد ؟
لميس تتنهد / ايه . مشتاااااااااقه لهاا مووووت ..
ندى / اقوول ياحلوات الليلة لازم نروح الملاهي مو وحده تطلع لنا بطلعه
لميس استغربت / وش سوييتي مع عماد ؟ حكيتي معه ؟ عرفــ
ندى قاطعتها بأبتسامه / موو اهوو مو نفس الصوت يمكن هذي غلطانه اوتتبلى عليه ..
لميس / واجهتيه بالموضوع ؟
ندى / لاااااااا .. بس هو مستحيييييييييل يسوي كذااااااااا
لميس / طيب وش قال علشان تتأكدي انه مو اهوو ؟؟
ندى قالت لها عن المكالمه كلهااا ..
ريناد / مع وجهك يعني من قال لك هالكلام وخلاص صدقتيه ؟؟
لميس تناظر ريناد وتلمح لها علشان ماتعكر مزاج ندى / ايه اكيد حست انه هو صاادق معها .. واهم شي تأكدت وعرفت انه الصوت يختلف ..
ندى (( يااااااارب يصدق احساااااااسي .. )) / مثل مااهو واثق فيني انا واثقة فيه ..بعد ..

::::::::::::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 24-04-2008, 09:54 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


::::::::::::::::::::::

راكان بالغرفه وبحظنه اللاب توب ..
دخل المنتدى ولقى موضوع جذبه ورد عليه ..بحكم هو مدير المنتدى !!
(( اختي ..
بما أنكِ في بداية حياتكِ فلا تتسرعي في اتخاذ قرار صعب قد يدمر حياتكِ طول عمركِ وهو الطلاق وهناك احتمال آخر وهو التغير الفسيولوجي للمرأة وقد يكون سبب من النفور من الزوج وبما يكون هناك تباين في اختلاف وجهات النظر بينهما فحاولي بشتى الطرق أنتِ وزوجكِ على خلق جو من الانسجام بينكما والتنازل لبعضكما عن الأمور التافهة التي قد تعيق سير دفة الحياة بينكم واعملي على إيجاد هوايات مشتركة بينكما تساعدكما على نمو العلاقة الزوجية في إطارها الصحيح ..
بنوته كيوت /
شدني موضوعك وحبيت ارد عليك مع اني مواخصائي ولا استاذ بعلم النفس ولا شي ..
بس دام معي كلام ولو شي بسيط ماابخل فيه لا لك ولا لأي عضو يحتاج المساعدهـ ..مع انك ماوضحتي السبب الرئيسي للرغبة بالأنفصال ..
عموما اذا تبي أي مساعده حنا بالخدمة .. وان شاء الله الأخصائين ماراح يقصروا معك ..
وربي يوفقك ..
اخوك .. النايف ))

راكان بعد ماكتب هالرد قفل اللاب توب وطلع برى ..


:::::::::::::

الساعة 4 مساء ..
دخلوا اهل لميس الشاليهات ..
والكل رحب فيهم .. رنيم وشوق جالسين جنب بعض ..
وراكان جنبه هشام ..
وام عصام مع ام هشام وبينهم لميس ..
وبو عصام جالس مع بو هشام ..
طبعا شوق اكثر وحده مبسوطه بجيتهم !!
لميس بين احظان امها / وحشتييييييييييييني ماما
ام عصام / ياابعد قلبي .. والله البيت من دونك ولاشي ..
عصام / احم احم .. نحن هنااا ..
بو عصام / وهي الصادقه البيت مو حلو بدونك يالميس ..
الكل / ههههههههههههههه
عصام / افااااااااااااااااااااا وانا وين رحت ؟؟
هشام / خلااص راحت عليك ياعصام .. فرحوا فيك اول مااجيت ..تزوج ويفرحوا فيك من جديد ..
عصام ناظر رنيم من طرف عينه / مافيه الا كذااا علشان ينسوون لميس ..
لميس عقدت حواجبها وبدلع / والله .. حتى لو ماراح ينسوووني !
رنيم من شافته يناظرها .. ارتبكت .. وطلعت الغرفه ..
شوق مو حاسه بشي بس جالسه تراقب تصرفاته وطريقه كلامه ..ومانتبهت انه يناظر رنيم .. لأنها كانت بجنبها توقعت يناظرها هي !!!
عصام وهو يناظر رنيم من مشت (( رنيم لا تروحين خلك معنااا .. ))
لميس حست بنظرات شوق لعصام .. وراحت جلست جنبها ..
لميس بهمس / شوق وش فيك ؟
شوق وهي مفهية / هاااااااا
لميس ضربتها على كتفها / عمااا وش فيك مفهية ؟؟
شوق التفتت على لميس . / بصراحه اخوك عليه اسلوب يجنن ..
لميس فتحت عيونها للآخر ( يؤؤؤ ليكون هذي معجبة فيه !!!) / يعني كيييف ؟؟
شوق بجرأة وبهمس / يعجبني مررهـ
لميس ( هذا اللي ماحسبنا حساابه !! ) وبرود ردت عليها / اهااااااااا

:::::::::::::::::

رنيم بالغرفه جالسة ومتكية عالسرير ..
الا تدخل عليها لميس ..
رنيم عدلت جلستها بسرعه ...
لميس / ويينك ؟ ليه طلعتي ..
رنيم وباين عليها انها متضايقه / ولا شي ..
لميس قربت منها .. وبجديه / رنييييم
رنيم التفتت عليها بسرعه / نعم ..
لميس / ابغا اسألك سؤال بس بذمتك تجاوبي علي بصراحه ..
رنيم خافت / شنوو ..
لميس بتردد / وش راييك بــــــ بعصام ... اخوي ؟
رنيم تفاجأت من سؤالها / هااااااا .. عااادي ..
لميس / شنوو هااا.. عادي .. ابغا اعرف راييك فيه وبصراحه .؟
رنيم / ليه ؟؟
لميس / انتي جاوبيني بالأول ..
رنيم بهدوء / بصراحه انا اعتبره مثل اخووي ..هشام وراكان ..
لميس (( ياااااااويلي .. !!! )) / يعني ماتفكري فيه ..ابد
رنيم / ايييش ؟؟ لموو مثل ماقلت لك اعتبره مثل اخوي واذا ببالك شي انسي ..
لميس / اناا .. لاا مافي بالي شي ..
رنيم سرحت (( انا من بعد فيصل ماعاد افكر بحد ... افهميني يالميس ..
انا مستحيل انساه وانسى الحب اللي بيننا .. صحيح هو ماتقدم لي ولا شي بس يكفي قلبه اللي عطاني .. وروحه ياللي احتوتني .. ))
لميس تناظرها / هييييه .. وين رحتي
رنيم التفتت بسرعه / هاا .. لا معك ..اقول وش رايك نروح عن ريناد وندى ..
لميس / لا خليهم هم يجواا .. هاللحين هشام بيتسبب ويقول يبغا يطلع معي
رنيم / هههههههههههههههه .. اوووووووكيه ..

:::::::::::::::::::::::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 24-04-2008, 09:55 AM
صورة ام العيون العسلية الرمزية
ام العيون العسلية ام العيون العسلية غير متصل
©؛°¨غرامي مجتهد¨°؛©
 
الافتراضي رد : الحب المستحيل ..روايه سعوديه خياليه


:::::::::::::::::::::::

ندى مع امها وخلود جالسين عند البركه ..
وعبدالله يسبح مع ريان ..وروان .. ويلعبهم بالموويه .. وانواع الضحك والوناااااااااسه ..

ريناد بالغرفه وبحظنها اللاب توب ....
بعد ماقرأت الرد وهي محتاااسه ماتدري وش تسووي .. احتارت اكثر
وكل اللي ردوا عليها من الأخصائيين يقولوا لها نفس الكلام ..
تركته على جنب واخذت جوالها ودقت على ريهام حست انها مشتاقه لهااا
دقت مرة ومرتين وثلاث ماترد ..
ريناد متأففه / افففففففف اكيد ناايمه الهبله ..
قامت من السرير ولبست عبايتها ولفت الشيله على وجهها وطلعت وجلست عند البحر ..

:::::::::::::::::::::::::::::::::

وعند البركه ..
خلود ماسكه جوالها وتصور العيال وهما يسبحوا .. ويستهبلوا مع عبدالله ..
الا يدق جوال ندى ..
ندى / هلاا لموو
لميس بحماس / هلا فيك .. تعالوااا كلكم ماما جات ..طيب
ندى / اوووووووووووكيه ثواني وحنا عندكم ..بااي
ام عبدالله / وش فيه ؟؟
ندى / يلااا خلونا نروح عندهم وصلت ام لميس ..
ام عبدالله وقفت / يلااا ..
ندى / خلوود مانتي جاية معناا
خلود التفتت عليهم / ثوااني واجييكم ..
ندى / يلااا سابقيينك ..
وطلعت مع امها ودخلوا داخل ..
ندى وهي تصارخ / رنوود .. رينااد
ام عبدالله / وينهاا ؟؟
ندى فتحت الغرفه ومالقتها .. / مو هنااااااااااا
ام عبدالله / اكيد عالبحر اجل .. دقي عليها تجي ..
ندى اخذت الجوال ودقت ..
ريناد وهي تتأمل البحر ..وحاسه ان كل هموم الدنيا فيها ..ومو عارفه كيف ترمي همومها ورى ظهرها وتنسى كل شي .. وتعيش يومهاا ..
الا يدق جوالها ..
ريناد / هلا ندى ..
ندى / ويييييييييينك
ريناد ببرود / عند البحر
ندى / وش عندك بلحالك عالبحر ..؟
ريناد / اييش ؟؟
ندى / اقوول تعاالي بنروح عند لميس وصلت امهاا
ريناد ببرود / خلااص روحوا واجيييكم .. بااي
(( حزينه وفي عيوني دمعهـ عتااب
ومثل موج السواحل يضرب الحزن بـ شراييني
شربت من المرارهـ والبحر والملح والطوفان
وتعبت . اركض واتناسى صوت من ورا صدري ينادييني !! ))
الا يدق جوالها ..ثانية ..
ريناد ناظرته بسرعه .. وردت ..
ريناد / هلاا رهوومه ..
ريهام بصوت باين عليه التعب / هلاا ريناد اخبارك ؟
ريناد / حبيبتي وش في صوتك كذاا ؟؟
ريهام تتنهد / آآهـ ياريناد .. تعباانه احس اني بمووت ..
ريناد شهقت / بسم الله عليك وش فيك ؟؟
ريهام وهي تكح .. / متضايقه من كل شي .. طفشاانه .. وجسمي متخدر مرره ..
ريناد بخوف / وش فيك .. روحي المستشفى طيب ..
ريهام / مالي خلق ومالي نفس لجو المستشفى ,,
ريناد / مهو بكيفك .. والله .. ازعل .. قلت لك روحي ..
ريهام بيأس / اووكيه .. ابشوف السواق يوصلني ..
ريناد بجديه / امك فيه ؟
ريهام وهي تتأفف / لا تخيلي رايحه اشكي لها واقول لها اني متضايقه وتعباانه مااهتمت ولا شي حتى ماسألتني ليه وش اللي مضايقني ..
ريناد / اجل وش قالت ؟
ريهام ببرود / اطلعي وشمي هوااا وبعدها طلعت وماعبرتني ..
ريناد / ياابعد قلبي .. خلااص روحي المستشفى وطمنيني عليك طيب ..
ريهام / ... انتي تاامرين .. يلااا بااي ..

الا تدق عليها لميس ريناد عطتها مشغول ..وبسرعه مشت من عند البحر لداخل ..
وقربت لما بتدخل داخل لقت راكان جالس برى ..
واول ماشافها التفتت بسرعه وناظرها وهي تتقدم .بخطواتها .
راكان (( أستفيظي يا مشاعر و أسعفيني ياحروف
و أدركي وش له بقلبي من ينابيع الغــــلا
أرسلي طوق المعزه حامل لون الطيوف
و أصدق أبيات المدايح والوصايف والولا
و اصلن عندي بقلبي رغم تفريق الظروف
يا عساني ما أعدمه و ياعساه ما يخـــــلا))
ريناد وهي تمشي حست انه يناظرها .. تجاهلته كالعاده ودخلت وهي تركض ....
ندى اول ماشافتها دخلت / وش فيك تأخرتي ؟
ريناد وهي تتنفس بسرعه / خلينا آخذ نفس .. اسلم بالأول ..
سلمت عليهم كلهم وجلست جنب رنيم ..
رنيم / وش فييك ؟؟
ريناد / لاا ولا شي ... انتم وش فيكم ؟
لميس / جاية ركض شكلك ..
ريناد انقص وجهها / هااااااا
الكل / هههههههههههههه

:::::::::::::::::::::::::::::::::::::

ريهام راحت المستشفى .. ودخلت عالدكتور ..

الدكتور بعد ماكشف عليها .. / لا بسيطه ان شاء الله ..
ريهام بعد مانزلت من السرير / خير دكتور وش فيني ؟
الدكتور جلس عالمكتب / مافي الا الخير .. الظاهر انك ماتاكلي كوييس و انــ
ريهام وهي تعدل الشيله على راسها / اييييش ؟؟ طيب وش فيني بالظبط ؟
الدكتور بأبتسامه / لا تخاافي .يا ...<<< ناظر الملف بأسمها / ياريهام ..عندك نقص فيتامينات .. ومأثر بوزنك مرره ..
ريهام بهدوء / مالي نفس يادكتور آكل .. انااا تعباانه .مررره .
الدكتور / خير .. ان شالله وش اللي متعبك ؟
ريهام شهقت / هااا .. خير وش تبي وش دخلك وش اللي متعبني ؟
الدكتور / هههههههههههه بس مجرد سؤاال وش فيك اكلتيني ..
ريهام تتمسخر / علشام اعوض من وزني اللي خسرته
الدكتور / هههههههههههههه اول مرة اشوف مريضه وتتمسخركذا ..
ريهام بعصبيه / طيب بطول كذا .. يلا اكتب لي دواا ..بسرعه ..
الدكتور وهو يناظرها / طيب ليه معصبه ..
ريهام وقفت وتوجهت للباب / اووكيه ماتبغا تعطيني وصفه بكيفك ..
الدكتور استغرب من تصرفاتها / تعااااااااالي .. خذي ..<< ومسك القلم كتب لها الدواا
ريهام تقدمت .. واخذت الورقه / وش هالدوا اللي كاتبه تراني مااحب اشرب بس اذا حبوب مو مشكله ..
الدكتور / لااا ياشيخه ..ماادريت ..
ريهام وهي تناظره / لا جد دكتور اكتب لي بس حبوب ..
الدكتور اخذ الورقه منها وشقها ..
ريهام استغربت / ليه ؟؟؟
الدكتور / اباكتب لك ثاانيه .. <<< وكتب لها بورقه ثانيه .. / خذي ..
ريهام بأبتسامه / اووكيه <<< ومشت ..
الدكتور / ويين .. تعاالي ترى عندك موعد بعد يومين طيب
ريهام التفتت عليه / بعد يومين .. مااعتقد اقدر اجي ..يلااا قول اللي بتقوله هاللحين ..
الدكتور ماقدر يمسك الضحكه / ههههههههههههههههههههههههههههه
ريهام / وش فيك حد قال لك نكته ؟
الدكتور / والله انتي بكبرك نكته .. حد يقول لدكتور كذا ..
ريهام / تراني عطيتك وجه بزياده ..
الدكتور بأبتسامه / عااادي خذي راحتك ..ولووو
ريهام / ههههههههه شكلك فاضي ماعندك مرضى ..
الدكتور بخبث / فاضي بس للحلويين ..الي مثلك
ريهام ناظرته بقووه / لا الظاهر يا دكتور .... الا وش اسمك ؟
الدكتور بأبتسامه / خالد
ريهام / خاالد .. اووكييه يادكتور خالد بعد يومين احاول اجي ..
الدكتور / اووكيه انتبهي لنفسك ..

::::::::::::::::::::::::::::::::


موضوع مغلق
الإشارات المرجعية

الحب المستحيل / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
صحيحي البخاري ومسلم كاملة لجوالك jerrar برامج الجوال - ثيمات - نغمات 10 24-02-2011 04:05 PM
الحب المستحيل رواية رومانسية خيالية (همسة حب) ارشيف غرام 5 13-08-2008 02:57 AM
إلى أن يأتي المستحيل ... Yona مواضيع عامة - غرام 7 10-12-2004 03:12 PM

الساعة الآن +3: 07:12 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم