شتات نفس وهلوستها .... روايه سعوديه روعه وجريئة

[,؛’ شُمُوُخً بَدَوُيَهً ’؛,]

المشاركة الأصلية كتبت بواسطة حره على كف صقار

فديت ذوقتس ياعسل
لتس بوسه على هالأختيار الموفق
أنا بصراحه داخله جو مع نوران رحمتها
>> وش الي جايبتس والأختبارات ماذاكرتي لها <<
جابني الشوق لفرفوووووووووووره
والله يوفقتس ياقليبي

وصلت البوسه

اي والله الله يهديها>>>عاشت جووو

وشدي حيلتسبالاختبارات يا بعدهم

خيتك فرفووووره

[,؛’ شُمُوُخً بَدَوُيَهً ’؛,]

الفصل الساابع
وجه..لوجه
من بعد حرب المواجهات مع ابوهاا وقبله مناال ونسيم وكملت اسووم الباااقي باااتصاالها الغير متوقع والغير مرغوب فيه .. قررا حبس نفسها بغرفتها ماطلعت منها ابد .. تقلبت بسريرهاا طول الليل تحااول تنام لكنهاا ماااقدرت .. الجوع هالكهاا ما اكلت شي من الصبح .. اخر وجبااتها كانت بالجااامعه .. شافت السااعه بالجوال وكانت 3.30 رمت لحاافها ع الارض ..وغسلت وجهاا ونزلت للمطبخ من بعد ماتطمنت ان كل الخلق نيااام
ومن غير لاا تفتح الانوراا رااحت للدرج واخذت ملعقه ..وسحبت كااسه من الدولااب بشكل توماتيكي ..وفتحت الثلاااجه .. لقت عصير برتقاال صبت لها كااسه وحطتها بدرج باب الثلاااجه بينماا تصلح سندوتش .. اخذت واحد من التووست دهنته بمايونيز وحطت عليه قطعه من السموك تركي وحطت قطعه ثاانيه من التوست ..حطت السندوتش على رف الثلاجه وعملت ساندوتش ثاااني من المورتديلاا .. وواحد ثاالث بالجبنه السااايحه .. كانت جيعانه مره وتبي تااخذ كل الي بالثلاااجه ... اخذت السدوتشاات كلها من بعد ماارجعت للدولااب واخذت صحن تحطهم فيه .. وحطتهم ع الطاولة ورجعت تاخذ عصير البرتقااال ... اكلت بنهم شديد ..والعصير شربته دفعه وحده .. وهذاا خلاها ترجع تجيب الجك وتحطه جنبهاا .. الظلام ماكان عااائق وعيونها خذت عليه بسرعه .. شاافت احد يدخل المطبخ وكاانت مناال وتوها بتفتح الثلااجه تشوف وش فيهاا جااهااا صوت نوران من ورااها

× نوران ×
شفتها وهي تفتح الثلاجه شكلها جيعانه : اذا تبين اكل تعالي في ساندوتش جاهز
التفت مفجوعه : بسم الله الرحمن الرحيم نوووران ؟!! ليه بالظلااام ...وراحت فتحت النوور
غمضت عيووني بسرعه من النور لانه ضاايقني لحد ماتعودت عليه
منال : في احد يااكل بالظلااام
جاوبتها : ايه انا .. هاتي كاسه للعصير
رااحت وجابت لهاا كاسه وجلست ع الطاولة مديت الطبق لها وكان باقي فيه ساندوتش الجبن
سالتني : ماتبيه ؟!!
رديت بجفا : لو ابيه كان ماعطيتك ايااه
منال وهي تلعب بالصحن : نوران انا اسفه
كانت عيوني على كاسة العصير الي بيدي : على ؟!
منال : لاني مديت أيدي عليك ..ماكان لي الحق امدها
رديت : عاادي ماايفرق معي
حسيتها مقهوره : نورران انتي ليه تسوين بنفسك كذاا ؟!! ليه مصره تكرهينا فييك ؟!
ابتسمت بسخريه : اكرهكم فيني ! انتم لسى ماكرهتووني
حسيتها مصدومه : نوراان محد يكره دمه ولحمه
سالتهاا : يعني انتي تحبين الي من دمك ولحمك .. يعني الي يجري بعرووقه نفس دمك لاازم تحبينه ..يعني انتي تحبين بدر موو ؟!!
حسيتهاا مصدومه من سؤالي والطريقه الي طرحت بها السؤال ..طرحته بنبرة المصدووم... تعمدت النبره .. وتعمدت اوصل لهالسؤال .. ابيهاا تصحى .. ابيها تحس للي تسويه بنفسها وبولدها قبل أي احد .. اذا هي راضيه تنحرق لكن البدر ماااله أي ذنب يعيش وسط جحيم بشري



نزل السؤال عليهاا مثل الصااعقه عمرها ماتخيلت ان احد ممكن يشكك بعاطفتها اتجاه ولدهاا .. ماتتخيل ابداا ان ممكن احد يسأل ام اذا كاانت تحب ولدها اولاا .. الامومه طول عمرها بنظرها انها تحب عيااالهاا وتسوي كل شي عشااان يعيشووون بسعااده حتى لو ضحت بعمرها .. مفرووض نوران تعرف هالشي لانه بديهي وفطري بكل مره

× منال ×

انصدمت من السؤال : اكيد احبه وش هالسؤال الغبي
ابتسمت بسخريه بوجهي وناظرتني بحاجب مرفووع : غبي ..ماادري اناا اشووفه عاادي او بالاصح منطقي
سالت بغضب : واي منطق هااذاا الي يحتم هالسؤال
شفتها تبتسم بنصر وكانهاا وصلت للنقطة الي تبيها : منطق وضعك الرااهن .. بالعربي انتي لو لولدك ذرة من المشااعر ماااكان قبلتي يكون هذاا وضعك ولا هذاا حاالك ..
بالله عليك ماااتستحي على نفسك ؟! ماااتشفقين عليهاا وولدك كل يووم يسمع صوت صرااخك واستنجاادك ؟! بالله شلوون تقدرين تحطيين عينك بعينه وانتي مشووهه؟! شنو تجااوبينه يووم يسألك يمه ابووي ليه يسوي فيك كذاا ؟!! اسألك بالله وش تجااااوبينه ؟!

سكتت لاني مااعرف وش اقوول .. بدر زماان كان يسأل وكنت اتهرب من الجواب اللحين ماعااد
يسأل ولا حتى يهتم للموضووع لانه تعود عليه وصاار عااادي وصار يعرف ان مااعندي اجااابه

كملت نوران : كنت واثقه ان ماااعندك اجااابه له .. تعرفين ولدك لو سأل أي احد ثااني وقاله ابووي يصبح امي ويمسيها بضربه وش ممكن يردون عليه ؟! امم خليناا نعدد هالاجاباات .. اكيد امك شينه .. يمكن امك مره وصخه .. يمكن شااايفها مع وااحد ويمكن
صرخت : بس .. بس
قلت لها : انزعجتي ؟! وكملت وعيونها تنطق من الضحك ...ايه تضحك بشماااته لكن الضحك ماااوصل للشفااه يمكن لاان الموقف ماايسمح لها تضحك ...حبيبتي هذي بس الاشيااء البسيطة الي ممكن تنقااال في اشيااء كثييره الواحد يستحي يقوولهاا ..وانا مااحب اوصخ لسااني بهاا .. منال انتي فااهمه زين وش اقصد ..فكري بس بولدك ..فكري ببدر شذنبه يعيش ببيت كله مشاااكل ..بيت اشبه بساااحه حرب ...الولد محتاااج يقعد ببيئة مستقره اب يكوون حاس فيه يحبه يخاف عليه مو مسبب له الهلع ..بالله ماانتي خاايفه يكبر ولدك وهو معقد ؟! او يكون جبان ومنطووي .. ماتخاافي يكبر وصوورتك مشووهه قدامه اللحين هو ولد السبع لا صاار بالسبعة عشر وش بيكوون فكره ؟! وش بتكون الصووره المنطبعه لاامه ؟!! بالله عليك مااتخاافين ان الطق الي تنطقينه يطوووله ؟!!
قلت استجدي : ارحميني .. ارحميني
جاوبتني : انتي مااارحمتي نفسك يااامنال ..مااارحمتيهاا انا شلوون ارحمك ..شلون تبيناا نرحمك .. تعرفين اناا مااحمل بدااخلي ذرة احترااام لك
قلت لها مقااطعه : اعرف ..ماله دااعي تقووولين ..كلكم مااتحترمووني لاانتي ولاا نسيم ولاا حتى مشعل .. تحبوني ايه لكن تحترموني لااا ... معااك حق اناا ماااعندي احترام لذااتي .. انا ذليتها بيدي .. ذليتهاا لاني انطميت وسكتت على كل الي يسويه فيني مروان .. انا ذليتهاا لاني سمحت لها تحبه .. ذليتها لاني تناازلت عن ابسط حقووقي ..الاحترااام ... بس ياانوراان قبل لاا تحااسبيني وقبل لاا تذبحيني اكثر حااسبي ابووي .. هو الي رمااني هالرميه ..لو اني بس اتاكد انه بيوقف بصفي لو لحظة وحده ..لو انه بينتصر لي من ظالمي كاان من زمان تركته .. من اول كف عطاني ايااه .. من اول دخله علي وهو سكرااان
قالت لي : لا تحملين ابوي كل شي ..ليه ماااتصاارحين نفسك بحقيقتك انتي جبااانه تخافين من المواجهه .. تبين تعلقين ضعف شخصيتك على ابوي ..صحيح انه مب الاب المثاالي الي بيفزع لك لان الطلااق عيب عنده..لكن عندك مشعل تدرين زيين انه بيووقف بصفك وبيووقف مروان عند حده بكلمه منك ..ولو تبينه يووقف بوجه ابوي ويدافع عن قراارك بيووقف ..لكنك اخترتي الاريح ماااتبين تواجهين غضب ابوي ولا مروان ولانك بكل الاحوال رح تتوجعيين فووجع مروان اخف ومنها تسلمين من شبح الطلاق
قلت لها وكاني اصبر نفسي بامل كذااب : ليه ماتقولين اني متعشمه ان مروان ينعدل بيوم من الاياام
جااوبتني : ذيل الكلب عمره ماااينعدل ...تصبحين على خير



طلع من بيته يلحق على صلاة الفجر .. متعود يصليها بالمسجد الي بالحي ... كان يمشي بخطوات سريعه جداا بالنسبه لووضعه ..وكااان يضغط على رجله بقوة ..ماكان يبي يتاخر على الصلاة خصوصا انه مااقاام قبل الاذن مثل مااهو متعود ..كان الي حوله من يمشي ويثااوب.... والي يمشي وهو ناااايم..والي يركض ركض عشان لاتفووته الصلاة .. اخيرا وصل للمسجد فصخ نعله " وانتم بكرامه " ودخل .. وقف باخر الصف الاخير ولانه فجر كان الصف الثااني هو الاخير..قدر يلحق الركعة الاولى ..بعد مااصلى الفريضه ..جلس يسبح ويستغفر ..التف يدور على عصاته الي كانت من شووي جنبه ..شاااف ولد صغير مااسكه وجالس يكلم ابووه عنه
الولد بصوت عالي " بابا اشتريلي واحد مثله"

× فيصل ×

قربت من الطفل وشفت عيوون ابوه المنحرجه : ان شااء الله مااتحتااج لها يووم بحياااتك
الولد : عمو من وين جبتها
ابو الولد : السموحه منك يااخوي
مسحت بيدي على راس ولده : ولا يهمك ياابو
ابو الولد : ابو خالد يالطيب
ابتسمت : معك فيصل بن فهد
ابتسم لي : اعرفك ..اناا اشتغل عندك بالادارة الهندسية
حسيت باحراج : اسمحلي والله مااعرفتك
قالي : طبيعي يااطويل العمر مااتعرفني ..مااشاء الله بتعرف من ولا من
خالد : عمو من وين جبتها ابي مثلها
سالته : وليه تبي مثلها
جاوبني : عشان اضرب بها حمود ولد الجيران
ضحكت : هههههههههه
ابو خالد ينهر ولده : مسويلي عربجي .. رجع العصاا لعمك فيصل واعتذر لانك اخذتها من غير اذنه
اعطاني عصااي السودا الي مقبضها مطعم بنقووش من الفضة الخالصة ممتده لتقريبا الربع الاول منها .. ترصيع بسيط من احجار العقيق ..
قالي بصووت طفولي كساه الاحرااج : اسف عمي
اخذت عصاي واتسااندت عليهاا لان الوقت دونها يتعبني :وانا قبلت اعتذاارك
طلعنا من المسجد لانهم بيقفلوونه وعلى عتبة الباب رجع خالد يسألني : عمي انت ليه ماتمشي زيين ؟!
صرخ ابوه عليه : خاااااااااااااااااااااااالد انكتم
قلت لابوه : ابو خالد شوي شووي ع الولد مافيه شي السؤال ..جلست على وحده من درجات المسجد لاني تعبان من المشي ورجولي مااتحملني : انا مااامشي زيين لان رجولي مريضه..ربي مااعطاني الصحه الي اعطاها لك ولابووك وللناس الثاانيين
طالعني بحزن : يعني انت مريض ..الله يشفيك ..فجاة لمعت عيوونه .. اسمع .. انت مريض لاازم تعرف ان المرض امممم ..ايه تذكرت ابتلاء من ربناا ..وربنا لما يحب انساان يبتليه ..عشان يشووفه بيصبر ولا بيزعل
ولاتزعل مااما تقول ربنا مايعطيه حسنات كثيره ..فانت لااتزعل عشان ربنا يعطيك حسنات وتدخل الجنه صح كذا بابا
ابو خالد منحرج : صح
ابتسمت لابو خالد : الله يباارك لك فيه وباخوانه
نط خالد : انا مااعندي اخواان عندي بس روان طوول اليوم تبكي وتصرخ صوتها مره عااالي وهي مره صغيره قد كذا ....وشر بمسافه بالهوى بين كفوف ايد مره صغيره
فهمت انها لسى مولده : مبروك مااجاك ياابو خالد وتتربى بعزك
ابو خالد : تسلم
خالد : انت عندك عياال يصلون معاك ويلعبون معاياا
ابو خالد فاض به الكيل من ولده : خالد انقلع على البيت
لوا خالد بووزه ومشي باتجاه البيت الي كان مواجه تقريبا للمسجد
ابو خالد : اسف يااطويل العمر انت عاارف لقاافة العياال
جاوبته : ماله داعي الاعتذار مااصاار شي ..عن اذنك

وقفت ومشيت باتجاه بيتي .. يازينه هالخالد .. الولد ذكي وملسوون .. اااه والله ياااخالد مااعتقد ان بيوم بيكون عندي عياال وبتشووفهم معي يصلوون بالمسجد مثل ماتصلي مع ابووك .. وصلت بيتي وكان الشمس اشرقت شفت كبينة الامن فااضية ..دخلت من البوابه الجانبيه وشفت سواقي الخاص محمد مع حارس الامن عبد الله وهم يفطرون بزاوية من زوايا الحديقه .. وقفوا بسرعه اول ماشافوني ..الظاهر انهم يفكروني رجعت من بدري .. هذا عرفته من الصدمه الي شفتها
بوجههم ..وانا اقرب منهم

سلمت : السلام عليكم
ردو : وعليكم السلام
عبدالله : عمي ماادرينا انك ماارجعت لاجل ننتظرك و
ابتسمت : عادي عبدالله ماصار شي ..
سالني محمد : عمي اجهز السيارة لك ؟!
جاوبته وانا اشوف الاكل : بدري يااا محمد ع السيااره .. اقدر افطر معكم ؟!
تبادل عبد الله ومحمد نظرات الدهشه : هااا
قلت : ابي اكل معكم سمعتوني
محمد جري بسرعه .. ناديته: هي وين رااايح
محمد : عمي كرسي لك
قلت وانا اضحك وارمي عصاتي ع الارض : تعاال يااارجااال
مديت رجل اليمنى قداامي كاني بخطي خطوة وسييييعه جداا و اثنيت رجلي اليسرى رجعت ثقلي للخلف ونزلت ببطىء شديد ..فصارت رجلي اليمنى ممدوده قدامي ع الارض بشكل مستقيم ورجل اليسرى مثنية تحتي ..
عبدالله : معليه يااعمي الاكل مو قد المقام
ضحكت : ههههه حتى الاكل ياااعبدالله فيه مقااماات ..هي كلها لقم تسد الجوووع
فطورهم كان فول وتميز ومعاه جبن وحلاوة ..بعد ماخلصت من فطوري معاهم طلبت من محمد يجهز السيااره

طلعت غيرت ملابسي .. لبست ثوب من اثوابي الفخمه ..ماكان لونه ابيض لا لوونه ماايل للاصفراار مع شماغ لايق عليه ..لبست ساعة بجلد بني ..تعطرت بعطري المفضلBlack Code ..نزلت لقيت محمد مجهز البنز ركبت بالخلف مثل ماني متعود ..كانت معي مجموعه من الملفات ..جلست اقلب فيهاا مسافة الطريق

رن جوالي بنغمة رساايل .. وكانت رساله من نجود

نحب نصبح بهداوه
على العسل والحلاوه
بكل رقه وطراوه
صباح الخير يا بقلاوه
ابتسمت ..شكلها مروقه اليوم وجيعااانه .. ارسلت لها
صفحة جديدة
عسانا
بأول اليوم نفتحها
وبسمة حلوة
على أول صفحة
نرسمها
ونظرة رضا
على أخر ورقة
نطبعها
وأجمل دعوة:
صباح الرضا،،
صباح السعادة،،
صباح الخير،،
رجعت جوالي بجيبي ..وقفلت الملف الي بيدي .. .فتح محمد باابي من بعد ماوقف قدام الشركة .. واخذ شنطة الاورااق .. طلعت المكتب .. وسحبت ظرف من الظروف الموجوده عليه ..حطيت فيه شيك : محمد بعد ساعتين ابيك تكون جاهز بنطلع المطار وهذا توديه العصر بيت اخوي .. تعطيه نجود سااامع غيرها لاا .. واذا مب موجوده ترجع لها وقت ثاني ..تسمعني
محمد : ان شاء الله
تذكرت : ايه اسمع شنطتي موجوده وجاهزه بغرفتي خلي الطباخ يعطيك ايااهاا
محمد : تامر امر يااطويل العمر
قلت له : تقدر تروح اللحين



كانت تحس برطوبة على اجزاء مختلفه من وجها ..ضاايقتها ..خصوصاا انها كانت باارده
فتحت عيونها ببطىء ..صحيح هي مااتشووف شي ..لكنهاا كانت تحس بالانفاس الموجووده فووقهاا
بالضبط ..سهل تحدد ارتفااع المصدر .. فمقدار حراارة الانفااس واتجاها العمودي تقريبا يقول ان هالشخص فووقها بمساافة فهي من 5 لــــ 10 تقريبا ان طالت ..استنتجت انها لو رفعت رااسهاا شوي ممكن تصدم بالمصدر

× نسيم ×
كنت احس ان في شخص قريب مني ..قريب لدرجة كبيره .. حسيت بخوف .. من بيكون بغرفتي دون اذني ؟! معقول حرامي ؟! طيب البرود ؟! السائل الي على وجهي وش ممكن يكون ؟!
دم مثلا ؟! لاااا وش هالتفكير يااانسيم ..جد تفكير غبي ..يعني لو حرامي اهلك بيتركونه ؟! بعدين البيت امان ..عدا عن جهاز الانذار

سالت : من ؟!
جاني صوت نوران : صباااح الخير نسووووووووم
قطبت حاجبي ودفيتهاا بيدي : وووجع فجعتيني ..وجلست
ضحكت بقوة : لايكون فكرتيني حرامي ؟!
سالتها : وش تسوين بغرفتي ؟!
جاوبتني : حبيت اصبح عليك قبل لاااروح الجامعه وانتي مب راايحه المعهد ؟!
سالتها : ليه كم السااعه ؟!
جاوبتني : سبعة وربع
انصدمت : سبع وربع .. يالله رااحت علي نومه ..وخري..وقمت بسرعه من السرير ... ورحت بسرعه للحماام وانتم بكراامه ...غسلت وجهي واتوضيت للصلاة الي فااتتني
نوران : على بالي مو راايحه
جاوبتها : الا رااايحه ...نوران طلعي اليونيفورم من الدولاب الله يخليك ..وحطي جزمتي " وانتم بكرامه " جنب السرير ..ماادري الشغاله حطتها امس او لاا
جاوبتني : حطيت ملابسك ع السرير وجزمتك بمكانهاا
سحبت سجادتي وشرشفي من مكانها المعتاد واستقبلت القبلة.. : نوران انا بصلي ..وبعدها بلبس ..لاترووحي مع محي الدين ...انتظريني عشان توصليني
ردت : اووكي
كنت بكبر : صح تذكرت .. نوران اعتذري لابوي لا تخلينه يطلع وهو زعلان عليك
ماانتظرت اسمع ردهاا على طول كبرت ..سمعت صوت البااب ينغلق مع اول ركعه

[,؛’ شُمُوُخً بَدَوُيَهً ’؛,]

شافها وهي نازله من ع الدرج ..ولابسه عبااتها وشيلتها على كتفهاا كان الكل جالس على طاولة الاكل هو وابوه وامه ومنال ..سلمت وراحت لجهة ابوها وباست رااسه ..ابوه ماعبرها .. سلمت على امهاا وجلست

× مشعل ×
حبيت اطري الجو المتكهرب : وانا ليه ماااتبوسين رااسي
رفعت حاجبها : وليه ابوسه ؟!
قلت : انا وبلا فخر اخوك الكبير والبكر
منال قال : اذا بتبوس راسك فهذا يعني انها تبوس رااسي انا كمان لا تنسى اني انا الكبيره بالبنات
جاوبتنا : ياافرحتي فيك انت ويااها ..قال ابوس رااسكم
امي : كلو وانتم سااكتين ماتعرفون تقعدون الا وتناقروون
قلت لها : هاذي بصمتنا المميزة ياااوالدتي العزيزه
تمصخرت علي نوران : ويك ويك ماايضحك
قلت لها : محد طلب منك تضحكي
تكلم ابوي اخيرا : روقووناا "هدونا او ريحونا "
نزلت نسمي بسرعه ع الدرج .. نوران ...نوراان
نوران وقفت بسرعه : هناا ماارحت انتظرك
نسيم : يالله انا جاهزة
قلت لها: يالجااهزة وين شنتطك؟!
نسيم : يؤيؤيؤ نسيتها
نوران : انتظري بطلع اجيبها
طلعت نوران ركض للغرفه وماهي الا ثوااني وهي ناازله ومعها شنطة نسيم
ابوي لنسيم: اشوف اليوم مافي سلاام ؟!
نسيم : يبا انت هني ؟!
وطبعا ابوي قام وراح بااتجاها وما خلاها تجي هي ..ومسح ع شعرها : ايه هني
نسيم سحبت ايده وباستها : صبااحك ورد
رد عليها : صباااحك توفيق
قالت لاامي : يمه انا بتاخر اليوم لا تقلقي ..ترى عندناا نشاااط
امي وهي تروح عندها وتعدل يااقة ملاابسها وتشيل خيط من على كتفها : بس انتبهي على نفسك
ابوي سأل نسيم : تبين فلووس ؟!
جاوبته : لاا عندي مصرووفي لسى ماخلص
ابوي : طلع من جيبه ميتين واعطاها ايااها .. معليه خلي هااذي معااك احتياط

كل هذاا صاار ونوران واقفه معهم . كانت بنصهم لكن ولا كانها هنا .. محدن عبرهاا ... معقول مااشاافهوهاا ؟! ماحسوو بها ؟!! مستحيل هي مب ك مخلووق ضباابي ...او شفااف ..ولا هي لابسه طااقية الاخفى ...هي انساانه .. تدرون يعني ايه انساانه ؟!
يعني لها كياان
لها رووح
لها مشااعر
طموح
احلاام
انسااانه
لكن الي شفته اللحين بعيني يلغي هالكلمه ..نوران ولا شي بعين اهلي محد فيهم سالها عن موعد الرجعه ولا احد سالها اذا تبي شي .. محد سالها ليه راابطه رااسها بالعصبه الغريبه
ولا ليه ماانتي مثل كل البناات تكشخين لا رحتي الجامعه
وسط هالمعمعه كانت عيووني التقت بعيون نوران ..شفت الحسره بعينها .. وبنفس الوقت شفت ابتساامه سااخره ع شفااتها .. كانها باابتساامتها تقول ..هذا انا يااخوي ولاا شي

نوران وهي تمسك ايد نسيم : يالله تااااخرنا




كانت تشوف لطيفة زعلانه ومكشره ... مااكانت متعوده يكون ذا حالها ... لطيفة طول عمرها تضحك وتنكت ... نادرا جدا تلاقيها عابسه حتى اياام الامتحانات والضغط النفسي تلاقيها مبسوطه .. عرفت ان في شي يشغل بالها وان تفكير ابدا مو بالكلاام الي تقولة الدكتورة .. انتظرت الين ماانتهت المحاضرة وبدأو البنات يطلعون

× نجود ×
كان شكلها متغير : وش فيك ؟!
ماردت علي .. حركت ايدي قدام وجهها ..واخيرا انتبهت
لطيفة : اشبك ؟!
رديت عليها : انتي الي اشبك ؟!
اخذت اغراضها : يااشيخه قرفااانه وزهقااانه
سالتها : ليش ؟! صااير شي ؟!
ردت علي : مرت عزوز قاارفتني وربي ماني قادره اتحملها
سالتها : ليش ؟!
انفجرت : لكيعه وجفصه وخبيثه ومااتُنزُل للواحد من مزور
"مدلعه وقليلة ذووق وماتنبلع "
ضحكت وحنا نخرج من البوابه : والله شكلك مو طاايقتهاا بالمره
جاوبتني بصراحه : من اسااسو اناا مااعجبتني ولا ارتحت لهاا كُلو من امي هيا الي اختااارتها وعزووز ماصدق شافها حلوه اصر عليهاا
قلت لها : بصراحه لطيفة انتي مااتغارين منها ؟!
لطيفة : اغار ؟! من ميين يااحسره .. من ام اربع واربعين
قلت لها : بجد يااالطيفة ماتغارين يعني اخذت منك اخوك الوحيد وصارت تشااركك فيه
جاوبتلي : يابنت انتي جرى لمخك حاجه ؟!! ترى عزوز اخويا مو حبيبي ..وبعدين لو كانت علاقتي انا وعزوز مره قوووووية ..وكان الاخو المثاالي الي تحلمبو كل البنات ..كان هاا يمكن اغاار ..لكن عزووز مايفرق والله العظيم مايفرق عندي بشي ..هو اخو والسلام ...لكن المصيبه امي .. امي تحبوو وتموت عليه .. ومااتبغى أي شي يزعلوو ولا يضاايقوو حتى لو على حساابها هياا نفسهاا ...وانا هادا الي قااهرني ومفور دمي .. انتي لو شفتيها امس كان عذرتيني ..وربي كنت ابغى امسكهاا واندر عيونهاا من حُقها " محجرها " .. وهي تشمق باامي " التشميق انك تشي شخص وتحطه بعيوونك احتقارا – تطالع فيه من فوق لتحت "..وهذاا كُلو ليه بس لان امي قاالت لهاا الشاي سُكرُ زايد ..يعني يااريتها خلتو عِدل الا شيرة مااينشرب ..وهدا كُلو وهيا تعرف ان امي عندها السكر
تنهدت : الله يهديها ..الا وين نوران ؟!
ردت : ماادري عنها ..الصباح ماشفتها لانها جات متاخره وعلى طول راحت كلاسها ..تلاقيهاا دحين بالنااادي
حطيت ايدي على راسي اخفف من تاثير الشمس : اوووف ماادري كيف تقدر على النادي بذا الجو ..وكملت بملل ياااربي متى نووصل
لطيفة : خفي رجلِك شويا ونحن بنوصل بسرعه
قلت : وربي احس الي حطنا بذا المبنى ينتقم مننا ..يعني غلقت مبااني الجامعه يحوطوناا فيه.. مايكفي انه بعيد ومنعزل لاا كافتريات ولا يحزنوون ..مواعيد زي وجههم يعني بالله منطق ميين يقوول اطلع من الثالث للـ 420 بعز الشمس وبعده ارجع للتااسع
لطيفة: معليه انتي العااقله برضو
رديت : اتمصخري يااختي اتمصخري ..
لطيفة : اكيد انا بعدها طالعه ع البيت عدل
رديت : اهب 11 ببيتكم
لطيفة: لا تُنُقي بس اليووم
اخيرا وصلنا المنفى زي مانسميه ..ودخلنا كلاسنا



اخيرا حانت لحظة الصفر زي ماايقوولون .. وقفت بالمكان الي اتفقوا عليه .. طلعت مرايااتهاا اكثر من مره تتاكد من شكلها .. من شعرها الاشقر الملفووف بعنيااااية ..ونازل على متونهاا .. مكياجهاا متقن ..يناسب سهرات اكثر من انه يناسب جاامعه .. والكحل الاسوود معطي عيونهااا اللوزيه جمااال ساااحر وزادته العدساات الرمااديه فتنه .. زادت حمرة شفاااتها الكرزيه اكثر واكثر فبينتهاا مليااانه اكثر من حقيقتهاا ... ضبطت التنورة الضييقه ... وعدلت بلووزتهاا ..وتعمدت انها تشدها للاسف مما يزيد من نزول رقبة البلووزة الي ع شكل V حتى يبان الي مو لااازم يبااان .. طلعت عطرها المثير وبخت بخفة عند معصمهاا ورى اذنها .. مازاادت البخ ماااتبي الريحه تكوون قووية فتنفر ... شاافت نوراان اتاخرت عليهااا .. تضاايقت كثيير

× اسومه ×
طالعت بساعتي وشفت نوراان متاخره عشر دقاايق .. اوووف .. هااذي وينهاا .. معقول بتطنشني ؟!! لاا هي قالت امس انها جاااايه .. اكيد بتجي .. .. ياااربي وينها الدنيا حر ماابي مكياج ييخرب ولا ريحتي تعفن ... اتصل عليها ؟!! لاا مو حلووه .. ماابيها تعس اني ملهووفه عليها ماابيها تشوف نفسهاا علي .. معليه انتظر ...وجع ياااسووم عمرك مااكنتي ملهووفه على بنت كذاا ..
ابتسمت وانا اتذكر ملاامح نوران .. بس هااذي مو أي بنت ..هااذي نوراان ..فكره خليني ارسل لها رساااله ..طلعت جوالي برسل رساااله الا وشفتهاا جاااايه
ابتسمت الحمدالله جااات ماااتراااجعت زي مااخفت

اول مااقربت على طوول رحت لهاا بسرعه مدت ايدها تصاافحني .. الا اني تجاهلتها حظنتهاا بقووة : حبيبي تاخرتي
ردت علي وهي تدفني بااحرااج : نعم ؟!! حبيبي انعدلي اسمي نووران سااامعه .. ومشيت
لحقتها ومسكت ايدها وغرزت اصاابعي بين اصاابعها : يااقلبي شوي شووي ترى مااقدر امشي زيك
حسيتهاا كتمت غيضها لانناا بنص الطريق ولفت الانظاار مو حلوو ...
سالتها : وين بنجلس
جاوبتني : وين يعني بالاسترااحه
قلت لها : لاا يااا..كنت بقول يااقلبي لكن شرر عيوونها خلاني اتراااجع ..نوران تعالي معاايااا
سحبتها من يدها ورحت مكاان خااص فيناا وبشلتي ...وطبعا بماا ان انا عندي موعد فحجزة المكااان لي ..والبنات مااارح يقربون منه الا باذن مني ... هذا مخباانا السري بالجامعه ..وتقدرون تسموها غرفتنا الحمرا المعدله ..شفت نوران وهي مستغربه من المكاان قلت لها : اول مره تشووفيه ؟!!
جاوبتني : عمري مااادريت عنه
رديت عليها واناا اجلس بزاااوية واشرلهاا تجلس جنبي ع الفرشه ...: حبيبي يمكن الجامعه كلهاا ماتدري عنه
حنا اكتشفناااه بالصدفه ونظفنااه وزبرقناه لناا
جلست شووي بعيد عني ..اوف قهرتني ..معليه اصبري يااسووم ..
قربت شووي منها : نوران وش فيك بعيده ترى ماااعض
قالت لي: انا مب بعيده انتي الي لاااصقه فيني
قربت وحاولت افك ازرار من ازاارييير الاب كوت الي لابسته : حبيبي ليه احسك مستحيه ومتررده ..ماايباان عليك كذاا ...وتعمدت الصق فيهاا
دفتني ووقفت بسرعه : وووجع وخري



كانت تحس بالنفور منها وبنفس الووقت عيوونهاا غصب تتعلق بهاا .. اسوومه كانت بعيوونهاا اشبه بزجااجه خمر لسكراان ... تعرفوون خمر ...ايه خمر ..غير السكير يقول طعمهاا مر وحاامض وريحتها مقرفه لكن للسكير هي الذ مشرووب ..واحلى من ريحة المسك والعود .. كذا اسوومه .. عليها جمال لذة للعيين ولها صووت مبحووح يطرب الاذن ..وفووق كذاا جريئة وتاخذ زماام المباادره بالعربي تقصر المشوار

× نوران ×
اعترف اني مب قاادره اصبر اكثر .. ماني قاادره اتحملهاا .. دفيتهاا بعيد عني .. وقمت .. ماني قاادره اتحملها يااناااس .. احس بلمسااتهاا شي غريب .. شي اخجل اني اقووله .. ولا ريحتها وهي قريب مني .. يهدها عمري مااشميت عطر بهالروووعه مااكاان قووي مره ..لكنه مثييييير ...ومخليني اتمنى الصق فيها بس عشاان اشمه

ضحكت بدلع : ههههههه نوران بسم الله عليك يااعمري ترى بس ابغااك تفسخي الاب كووت لانوو حر ..لسى ترى قدامناا مشوار للي باالي بالك وغمزت لي بعينهاا

وصخه ..وصخه .. هذا الي جا ببااالي .. وقفت ..وصاارت تعدل بلووزتهاا بتعمد .. قدااامي ..خصب عني طالعت الارض .. مااني قاادره ارفع عيني اكثر فيهاا ...لبسها مع بساااطته ورغم انه طوويل الا انه قاادر يبرز كل معالم انوثتها وجمالهاا ...ولو جلست اطالع فيهاا صدقووني مااارح امل ابد .. مارح امل

قربت مني : قلبوو بتخليني وااقفه كذا كثيير
اخذت شنطتي بسرعه : انا مااشيه وراي محاظراات
سحبت حبل الشنطه : وي كذاا مااشيه من غير مااتودعيني .. لا تخليني اغير رااي واقول ان مااعندك ذووقك
رفعت حاجبي بااستنكاار وانا مب عارفه وش اسووي معها .. عمري مااتعااملت مع نااس بذي الميوووعه

ابتسمت بخبث : اذا تستحي اناا لااا .. ماادري وش صاار وكيف صاار... فجأ حسيت بحرااره على شفاتي استمرت ثواني واختفت ..
الين مااستوعبت الي صااار وفهمته .. اخيرا قدرت اركز وافهم .. اسماا بااستني ... بنت لبنت.. شفتها تبتسم لي وعيونها تقول كلام ماااعرفت اقرااه
طبعت كف على خدهاا باقوى مااامكني وطلعت جري من المكاااان ..



كانت تسمع صوت طقطقه وراها .. شي ينخبط بالارض ويترفع بسرعه ويرجع ثااني مره يرتطم بهاا .. ركزت سمعها زييين .. عرفت انه صوت العصا البيضاا ... والظاهر ان الي مستخدمهااا توه مبتدأ وهالشي وااضح تماماا من صوت النقر العاالي .. جا على بالها لميس ..طالبتها الصغيره

× نسيم ×
ابتسمت بيني وبين نفسي وانا اسمع صووت عصااتهاا ..نادت بصوت عالي : ابله نسيم .. ابله نسيم
جاوبتها : ان هنا ..
وقدرت احدد من علو الصووت اتجاهه مكاانها بالنسبه لي ... كانت وراي تقريبااا باتجاه الشمال .. تبعد مسافة متر تقريباا والظاهر انهاا على مرتفع اتوقع انهاا درجاات الساحه الداخليه .. لفيت جسمي بالكامل وواجهة جهة الصوت حسب مااستنتجتها : لميس كيف حالك
لميس وهي وتزيد خبط العصااه الضاهر تسرع بمشيها : الحمدالله .. ابله عملت الوااجب ومحد ساااعدني
الظاهر صااارت قريبه مني .. الصوت قرب بزيااده : شطووره .. ماما معاك
جاني صوت امها الرزين : انا موجوده معاها ..كيفك ابلة نسيم
مديت يدي اصاافحها وهي مسكت ايدي بين كفوفها : هلا الحمدالله ..بس من غير ابله ..ترى انا لسى طالبة
امها بود بادي بصوتها : بس انتي معلمه بنتي ... والله لو شفتيها امس وهي تحاول تتعلم مكان كل شي كان فرحتي .. انا كنت فااقده الامل انها ترجع وتقبل ع الحيااه
قلت : الحمدالله .. ها لميس مستعد لدرس اليووم
لميس : اكييييييييد بس ليه مو بالفصل ؟!
جاوبتها : لانه لاازم تتعلمي كيف تستخدمي عصاتك في الاماكن المفتوحه يعني زي السووق .. الحديقه .. ساحة المدرسه .
قاطعتني : بس انا خلاص مااروح المدرسه لاني مااشووف ..ولا اقدر ...حسيت بها تغص بدموعها
قلت لها : مين قال انك ماارح ترووحي المدرسة .. وانخفظت لمستواها ..مستعينه بيدي الي حاطتها ع كتفها
وكملت ..حبيتي بتروحي المدرسه وبتتعلمي زي كل البنات . ولا.. كمان تقدري تدخلي الجامعه .. في مداارس خاصه لتعليمناا ...رح يصير عندك صحباااتك وابلااتك ..بتعيشي زي ماكنتي بس بفرق مره صغير ..بدل ماكنتي تشوفي الاشيااء رح تسمعيها ..وتعتمدي بس ع سمعك ويدك باللمس ..بس اهم شي انتي لا تيأسي اتفقنا
لميس : اتفقناا



طالع من محل لمحل ..يبي يشتري اغراض خااصه للورشه ..كان لابس بدلته الكحليه الخاصه بالعمل..ومااستخدم سياارته الخاااصه ...لاا اخذ ونيت"دتسن " غماره وحده ..يحمل بها البضااعه
لفت نظرة وااحد مووقف على جنب ..بالخط السريع .. الظاهر سياارته خربااانه ... جنب الونيت على جنب بعيد عن الطريق ونزل

× مشعل ×
نزلت من ونيتي اشووف الشايب المتوهق : السلام عليكم
الشايب : وعليك السلام
سالته : خير ياااعمي في شي اقدر اسااااعدك
الشاايب : والله ياااولدي السيارة مااشتغلت ومب عارف وش فيهاا
قلت له: طيب عمي افتح الكبووت
فتح الكبوت لي : وشف المكينه حاالتها تعبااانه وسيوورهاا راااااااايحه
سالته : عمي السيووور تعباااانه والبطاريه يبيلهاا تعبيه
حسيته انصدم : بس انا مطلعها الباارحه من الورشة وعبيت البطاارية وغيرت حتى سيور المكينه
قلت له : والله يااعمي انك انغشيت .. السيوور تعبااانه وماتصلح .. والبطااااريه فاااضيه ..كم دفعت ؟!
الشاايب: ماخذي مني الف
انصعقت : الف ؟!! ابوك يالنصب .. الشغله كلها ماتااخذ ثلاثميه وهو مااخذ الف
الشياب: حسبي الله عليه
قلت له : عمي ماعليك .. انت اطلع معااي ..بوصلك وين مااتبي وسيارتك بنخلي الونش يسحبهاا للورشة
الشاايب : أي ورشه ياااولدي انا لازم ارد الديره اليوم تاارك اهلي من غير رجال ولوماا المستشفيات ومواعيدها مااكان جيييت
قلت : طيب يااعم انا باخذك المستشفى .. وسياارتك امرها محلوول .. العصر ان شااء الله او المغرب كثير بتكون مخلصه ولا يهمك
طلعت جوالي ودقيت على محمد صديقي : هلا ابو خالد
محمد : هلا خير مشعل ؟!
قلت : محمد الونش بيجيب لكم سياارة .. بطاريتها فااضيه وسيورهاا تعبااانه .. ابيك تتترك كل الي بيدك وتمسكهاا لي .. وشيك عليها مره وحده .. ابيها تكون جهازة المغرب
محمد : ان شااء الله .. تامر امر
جاوبته : ماياامر عليك ظالم يااابو خالد .. وقطع الغياار ان شااء الله بجيبها العصر معااي .. تحتاجون منها شي ضروري ؟!!
جاوبني : لااا
رديت : اجل في امان الله

اتصلت على صاحب ونش انا متعامل معاه .. كل سيارة خرباانه يجبهاا لي .. عطيه عموووله محترمه غير اجرة النقل الي ياااخذهاا من الزبوون .. وصفت له المكااان وانتظرت مع الشاايب اليين ماا جاا وخذ السياارة واخذته على المستشفى الي يتعالج بهاا ..حسيته منحرج مني كثيير ... وطول الوقت يعتذر انه ماخرني عن شغلي ..

قلت له : عمي ولا يهمك .. ماوراي شي .. وبعدين الورشة ورشتي مو ورشة احد ثاني
الشايب: الله يوفقك يااولدي اشهد انك رجال ولد رجال واللقمه الحلاال مابه مثلهاا
قلت : الحمدالله
سالني : ولدي اعذرني مااعرفت اسمك
ابتسمت : مشعل بن خالد ال...
الرجال : ونعم
قلت له : ماعليك زود وانت ياعمي ؟!
رد : مبارك سالم ال..
رديت : والنعم والله
خلصت منه وكان تقريباا الساعه 2 يعني وقت غذا
سالته قبل لا نحرك السياااره : عمي عندك احد هني بتروح له ؟!!
قال : ايه ياولدي اذا مااعليك امر ..تودني لهم ... وعطاني العنواان

وقفنا قدام فله من الفلل .. واستغربت الشاايب ماكان مبين عليه ان عنده نعمه
نزل من السيااره ووقفت بنفس الوقت سيااارة كامري اخر موديل ونزلت منها بنت .. استحيت ابحلق فلفيت رااسي الجهة الثااانيه ..
سمعت البنت الي صوتها عالي : جدييييييييييييييييي
الرجل : اقصري يااابنت

مسكينه تفشلت خخخخخ محد قلها تتكلم بصووت عااالي ... شفتهاا تفك الباااب ...وتدخل

العم مباارك : ادخل ياااولدي حيااك
رديت : مشكور يااعمي .. بس وقت غدا اللحين والاهل ينتظرووني
العم مبااارك : علي الطلاق
قااطعته : تكفــــــــــــــــــــــــــــى لا تحلف ..ولا تحرجني وتحرج اهلك وخير ساابق يااعمي
والعصر باذن الله بمكر وبتقهوى معااك وبنشوووف سياارتك
العم مبارك : ان شااء الله



حست باااحراج من جدهاا .. وهي ماشااء الله ماقصرت بحماس تصاارخ باااسمه .. مو كأنها بالشااارع ولا كان معه رجال ... وقفت بالحوش تنتظره الين يدخل وهو ماطول بسرعه دخل

× نجود×
قالي : ماتعرفين تقصرين صووتك .. فشلتينا قدام الرجال
بست رااسه : جدي الي يسمعك يقول بيفهم راح ولا نزل باكستاني ولا هندي
قالي : هندي بعينك الولد سعودي وبن حمااايل
استغربت : سعودي ؟!! والله ماايعطي شكله
قالي : يااقليله الحيا كنتي تخزين الرجال ؟!
توهقناا : جدي والله صدفه شفته .. تفضل ادخل
قالي : انا منتظر من الصبح متى تقلطيييني
قلت : جدي هااذا بيتك ماله دااعي حد يقلطك
قالي : مب بيتي ... بيتي بديرتي
امي اول ماشاافت خالها والي اناديه انا جدي احتراما ..وقفت على طول وكان شكلها متغير مدري عنها وش فيها كل مااشاافت احد من اهلهاا يتغير شكلهاا

[,؛’ شُمُوُخً بَدَوُيَهً ’؛,]

الفصل الثامن
" احاديث ومكائد "
حست باااحراج من جدهاا .. وهي ماشااء الله ماقصرت بحماس تصاارخ باااسمه .. مو كأنها بالشااارع ولا كان معه رجال ... وقفت بالحوش تنتظره الين يدخل وهو ماطول بسرعه دخل

×نجود×

قالي : ماتعرفين تقصرين صووتك .. فشلتينا قدام الرجال
بست رااسه : جدي الي يسمعك يقول بيفهم راح ولا نزل باكستاني ولا هندي
قالي : هندي بعينك الولد سعودي وبن حمااايل
استغربت : سعودي ؟!! والله ماايعطي شكله
قالي : يااقليله الحيا كنتي تخزين الرجال ؟!
توهقناا : جدي والله صدفه شفته .. تفضل ادخل
قالي : انا منتظر من الصبح متى تقلطيييني
قلت : جدي هااذا بيتك ماله دااعي حد يقلطك
قالي : مب بيتي ... بيتي بديرتي
امي اول ماشاافت خالها والي اناديه انا جدي احتراما ..وقفت على طول وكان شكلها متغير مدري عنها وش فيها كل مااشاافت احد من اهلهاا يتغير شكلهاا
امي : هـ ..هلا يااخالي
جدي : هلا ياااساااره
راحت تسلم عليه وتبوس راااسه..وقلطته
حطيت عباااتي بغرفتي مع كتبي .. ونزلت
لقيت جدي يشرب ما وامي مب موجوده معه
قلت : حياالله من جاااناا .. اسفرت وانورت
جدي : الله يحيك ياابنتي ..شلون دراااستك ؟!!
جاوبته : الحمدالله
سالني : وعمك وش اخبااره عسااه بخييير
رديت : الحمدالله عمي بخيير
سألني : يمركم ؟!!!
حسيته سؤال خبييث ..ولمحت امي وهي تمد السفره ع الارض ...تناظرني بعيوون محذره : ايه يمرناا ..طيرت امي عيوونهاا فيني .. استمتعت وانا اشوف الخووف بعيوونها .. اول مره اشووفهاا خايفه ومتوتره
كملت اجابتي على جدي الي وجه تكفهر : اكيد يمرناا يااجدي .. كل يوم تقريباا .. يجينا العصر ويقعد بالمقلط الخارجي معااي
حسيت ملامحه بدت ترتخي .. كملت : جدي لا يكون مفكره يدخل هني ويجلس بالصاله
قالي : وليه ماايدخل لا تنسيين ان البيت بيته
رديت عليه : والبيوت لها حرمه ياااجدي .. هو بيت عمي بالاسم بس .. لكن هو بيتي وبيت امي ..وعمي مايجيناا الا مثل الضييف
امي : خالي تفضل الغذاا
تغدينا وبعد الغذا .. جلس جدي يشرب القهوة .. اعرف الناس تشرب شاي الا جدي يشرب قهوة بعد الغذا
جدي سال امي : هاايااسااره بعدك تبين تعيشين هناا
امي : خاالي تكلمناا بالمووضع هذاا من قبل
جدي : يعني انتي عاااجبك جلستك هني ورجال متفضل علييك .. ترى منا بعجزانيين عنك
قلت له : جدي وين تبي امي ترووح وتخليني
جدي : انتي مره كبرتي وعمك عندك .. لكن امك مكانهاا هني غلط بغلط
امي : بس يااخالي انا مالي استعدااد اترك بنتي لحالها
بنتك ؟! تصدقوون كان ودي اضحك .. اعرف ان كلاامهاا ابد مو من قلبها وانها تقوول كذاا بس لتقنع جدي يقفل المووضووع ومايفتحه معهاا .. تخااف ترجع للديره وحياة الفقر
جدي : بنتك مثل ماقلت بتتزوج وتتركك ..
امي: بس بنتي مب مخطوبه ومابنزوجها الا بعد درااستها
جدي : أي درااسه ... البنت طلعت ولا نزلت مكانها البيت ... اتركي عنك الكلاام الي مامن ورااه فااايده وزوجو البيت لاجاها رجلن طيب .... وتشكون بعد يااهل المدن ان بناتكم مايعرسن




كانت بغرفتهاا .. من رجعت من الجامعه استقرت بهااا ....ورفضت تتغذا بحجة انهاا شبعاانه .. والصحيح انهاا حتى اللحين بطنهااا تغصهاا وحااسه بقرف ... حتى اللحيين ... ماافااقت من الصدمه .

× نوران ×

يالله معقول الي صاار ؟!! معقول تكون بالوقااحه هااذي ؟!! بالله ياانوير تستهبليين يعني اخذتك ولا كلمتك ليه عشان تقطعو بصل ؟!! انا استاااهل ..وربي استاهل محدن قااالي ارووح معااهاا ...وووجع مسحت شفاااتي بكم بلووزتي بقووووة .. ..اكثر من مره ...مقررفه ... منحرفه .. حقيييييييييره
ثاارت بدااخلي اسئلة واستفهاامااااات
سمعت صوت يرد علي ...طيب انتي ليش زعلانه ؟!!
انتي الي رحتي لها برجلك
وانتي الي جلستي معهاا
وانتي الي اعطيتيهاا الفرصه للتماادي
ليه منقرفه ؟!!
نوران صاارحي نفسك ...ليه ماتقوولين انك كنتي مبسووطه
مبسووطه ؟!! مستحيل انبسط هذاا حراام الله العظيم حراااااااام
رد الصوت علي بحده : بلاا حراام بلاا بطيييخ
قوولي انك خاايفه . قولي انك جباااااانه
صرخت وانا اكلم نفسي : مب جبااانه ... مب خاااايفه
رد الصوت علي : خخخ لا صدقتك .. انتي خاايفه لطيفه تكتشف المووضوع .. خاايفه تنقرف منك وتبعد عنك
وماعندك غير كلمه حرااام تتحججين فيهاا
قال حراام قاال . الي يسمعك يقوول الزاهده العاااابده وانتي من جنبهاا
نوراان انتي انبسطتي ... لا تنكري احااسيسك
انبسطتي وانتي تشووفين اسومه شلون متزينه لك
لا يكون نسيتي تغنجهاا ودلعهاا
ولا نسيتي رنت صوتها المبحووح ..
بالله مااثر عليك ؟؟
ولا نسيتي ال...هههه ماله دااعي اقوول مفعولهاا لسى ماارااح رجعت بسرعه امسح فمي ..بقووووة اكثر . كنت احس شفااتي بتتشقق تحت تاثير المسح
رجع الصووت : ههههه لا تتعبي نفسك الي صااار صاااار
نورااان لاا تهربي ترى ماالك مهرب .. انتي طحتي وخلااااص
الجرعه الي اخذتيها كفيلة ترجعك مره ثاااانيه
ورح تجي بنفسك تدورين ع اللذه حطيت ايدي على اذوني امنع الصوووت يووصل لهاا . بس الصووت كااان مستمر

الصوت كان من داخلي
كان عاالي
متشمت
كلامه يوجع
معقول برجع
لاا مستحيل
انا مو كذااا
اناا مب قذره
اناا مو مثلهاا
ايه مو مثلهااا
اناا نظيفة
ايه نظيفه

ضحك الصووت بقووة :ههههههههههههه نظيفه ..؟!! انتي نظيفة ياانوراان ؟!!
اذا النظافة انتي اجل القذاااره ميين ؟!! لا يكون نسيم ولاا نجود او يمكن لطييفه
بس ..بس ماابي اسمع..بس
ليه مااتبين تسمعيين ؟!! تخاافين تكتشفين وااقعك ؟؟!
تشووفين نفسك مجرده من كل اعذاارك
تشووفين نفسك على حقيقتك
على فكرة تدرين وش حقيقتك ؟!!
انتي كتلة من البشااعه
زِينَتَها مشاعر قذره
قذره بقذارة النجاساات
قذرة بقذارة جيف "جثث" الحيوانااات
قذاارة بنات الليل
لاااا ..بنات الليل لااا
تدرين بنااات الليل الي يسونه فطري
ايه نوعا ما فطري
لكن مشااعرك ..هههههههه

بس ..بس ..يكفي والله يكفي
تكوورت ع السرير وضميت جسمي بديييني..
بكيييت ...بكييت كثيييير
الصووت رجع . ابكي نوراان ابكي
يمكن ترتااحي شووي
بس هاا اعرفي .شي مهم
الدمووع عمرها ماتغسل القذااره

شفت جووالي يهتز قاادي ..وصوت النغمه مالي المكاااان
النغمه كانت مميزه خااصه بلطيفه لحااالهااا
مااتجرأت ارد عليهاا .. ماابي ارد عليهااا
رجع الصوت لي من جديد : ليه ماااترديين ؟!!
تعرفي احسن شي تسووينه انك مااتردين
اتركي البنت لحالها... اتركيها مثل مااهي
نظيفه
طااهره
سووية
لاا تدنسيهاا بقذااارتك
يااالقذره





وصل البيت متاخر عن وقت الغذا ... كله من ذاااك الشااايب .. طبعا اهله كانو تغذو وخلصووو ... ماعجبه الاكل المطبووخ فقرر يطلب بيتزاا ولان نوران بعد ماتغدت ..حب انه يااكل معها ويبسطها شووي

× مشعل ×

فرصه حلو وجات من الله .. بطني تعبت من اكل البيت المطبووخ وياااحب امي للبهااارااات ...تقوولون هنوود
طلبت بيتزا اكستراا شيز .طبعا نوراان تموت بالجبن
اخذت كرتون البيتزا الحااار وطلعت لغرفتهااا اول مااوصلت عند بااب غرفتها الي كانت بنهاية الممر
سمعت صووت صرااخ ...فتحت البااب بسرعه ورميت البيتزاا ع الارض
كانت نورااان ع السرير ولااصقه بالجداااار وضاامه رجولها لصدرهاا ...وتهتز بقوووة
قربت منهاا وانا اشووف وجههااا الدموع اختلطت فيه بالعرق ..
مديت ايدي احااول امسح عليها الا انهاا دفت ايدي بقوووة
نوران : ووووخر عني .. وخر ..لا تقرب
احاااول اتمااسك وماابين خووفي من حالتها الغريبه : نوراان هذاا انا مشعل
زاادت التصااق للجدر : وووخر عني ..
مااهتميت لهااا ..سحبتها بقووة وسط ضرباااتهاا القوووية .. وضميتهاا لصدري بقوة
اخذت وقت الييين مااهدت ..ولين ماااوقف جسمها عن الارتجااف
حسيت بدموعها تبلل صدري
وماكان على لساانها الا جملة وحده
رددتهاا اكثر من مره وكل مره تكون بحرقه اكثر
كانت تقول " ابي اموت "
كانت منال وااقفه عند البااب والهلع بااين على ملاامح وجها
منال : وش فيهاا
هزيت رااسي : مااعرف
قربت منال منهاا واخذتها بحضنهاا ..وسط استسلاام نورااان
وبدت تقرأ عليها ايات الرقية الشرعيه
بذا الوقت فكرت ان نوران يمكن تكون ممسووسه
لان وضعها مو طبيعه .. تقريباا كانت غايبه عن الووعي
عيوونها صح مفتووحه لكن ادرااكهاا منعدم
كانت اشبه بلعبه حركنااهاا انا ومنال مثل ماابغيناا
اخيراا نااامت قااالتهاا منال وهي تاشر لي ابتعد عشان تمددها
ممدناها بسريرهاا وغطينااااهااا
حطيت لها البيتزا ع المكتب وطلعنااا
منال : وش الي صااار ؟!
جاوبتها : ماااادري دخلت الغرفه وكانت ترتجف
منال : اكيد كاانت تحلم
قلت لها : مااعتقد هذاا مو تاثير حلم
منال : وانت وش دراك ؟
قلت لها : منااال بالله عليك في احد يكون مفزووع ومرتجف بهالطريقه منال اخاف تكون ممسووسه
منال رفعت حاجبا : ممسووسه ؟
جاوبتها : ايه ممسووسه وشفيك تناظريني بنص عين
جاوبتني: لو ممسوسه ياذكي كاان هاجت واناا اقرا عليهاا الرقية
هزيت راسي : اهااا
منال : ويين غدااك . ؟
رديت : مالي نفس له ..انا بروح انام يقول الله اكبر العصر صحيني
منال : ان شااء الله





جلس بوحده من الطاولات الخارجيه للمقهى .. حب يستمتع بالجو الحلو لايطالياا ..كان شكله غير عن المعتااد استبدل الثوب الفخم والشماغ بملابس شباابيه اكثر اظهرت اصغر من سنه بكثيير ... مظهره مااكاان يختلف كثير عن مظهر اهل البلد .. فالرجل الايطالي معروف باناااقته الكبييره ووسامته الطااغيه الا ان فيصل بسحره العربي وملامح وجهه الخشنه اضافت له الكثيير واجبرت حسنااوات ايطااليااا يبحلقون فيه

× فيصل ×

وصلت روما تقريبا 4.30العصر .. رسلت شنطتي للفندق .. ورحت اتمشى بساااحات روما.. استقريت بساحه نافونا.. وهي ارووع السااحااات بالنسبة لي.. جلست بمطعم ..ع الطاولات الخارجيه ..حبيت استمتع بالجو الحلوو ..صحيح يميل للبروده لاننا على مشارف الشتاا .. شربت الكابتشينو على مهلي واناا انتظر صديقي حمد وهو رجل اعمال تعرفت عليه بمؤتمر بدبي .. حمد سعودي واختار ايطالياا مكان لشغله لانه وعلى قوولته مكااان متطور وعقلياات الناس منفتحه ..طبعا أي احد مكانه صعب يعيش بايطالياا الغااليه جداا حتى على الاثرياا وعيال العز تعتبر غااليه عدا عن شعبها الحمدالله والشكر يمووت ع المظااااهر والفشخره
رفعت عيني اشووف الطريق ..يمكن الاخ يكون شرف .. الا ان عيني جات بعين ايطاليه جالسه قدااامي
زين والله اني لاابس نظاااره شمسيه ولا كان عيوونهاا عمتي .. لاحول ولا قوة الا بالله الحيا منزووع نزع منهااا ..كانت عيونها تتاملني بكل وقااحه ..وابتساامتهاا تحمل ايحاء قذر ..لفيت راسي الجهه الثاانيه متجااهلهااا ...سلام الله على بناااتنااا ...ع الاقل الوحده منهن تستحي تبحلق بذا الشكل الوقح .. بناتنا ؟! ياافيصل لا تغالط نفسك بناتناا سااارن على نفس الدرب .. زماان ماكنا نسمع صوت البنت بالاماكن العامه اليووم صرناا نسمع صووت الضحكاااات يرج المكان رج .. البنت كانت ترتجف يوم يمشي وراها واحد يعاكسها اليوووم الارقاام انكتبت ع العبااياات والبنت صارت هي الي ترقم مو تترقم .. مر ببالي موقف صااار من اسبووعين تقريباا كنت مع نجود بواحد من المولات ..حبيت انها تغير جوو وتنبسط ولاني اعرف الحريم يموتون ع السوق اخذتها تقضي ملابس لجامعتها .. كنت وااقف برى واحد من المحلاات واستحيت ادخل لان المحل كله حرييم .. هذا الي باقي ادخل بين الحريم ...لفت نظري بنتيين كانو وااقفيين عند البااب ..وكان واضح انهم موااعيد لانهم يلتفتون كل شووي حوولهم ..ويهزون رجوولهم سمعت وحده فيهم ترد ع الجوال وتكلم خويها : حبيبي مااقدر اتااخر ماما بعدين تشك فيني
خويتها تلقنها الكلام : قوليله حنا قدام .......... خليه يجي ويخلصناا
حسيت باشمئزاز منهم ... وربي تمنيت امسكهم وادوس بطن كل وحده منهم ..لكن بالنهايه اناا مالي حق .. شفت فجاءة شاااب يجي والبنت بكل بساطه تركت خويتهاا وشبكت ايدها بيد الشااب ومشت ..الثانيه كانت واقفه وتبحلق فيني .. مالت عليها اكيد فكرتني اطالعها ومعجب بهاا
تقربت مني بكل وقاااحه : ممكن نتعرف ؟!
طالعتهاا بقرف : مابقي الا الحثاله .. ومشيت باتجاه المحل
قالت لي: على ايش شاايف نفسك احمد ربك عطيتك وجه ماكذب من قال اعور ومنقور
بوونا سيرا.. التفت ع مصدر الصوت وكان حمد واقف ورااي بالضبط
لف وجلس قلت له : يمكن اخذت كل شي من الاجانب الا دقت موااعيدهم عربي ميه بالميه فيها
ضحك : معليه ياارجال راحت علي نومه
قلت له : أي نوومه ياارجال ...ابي افهم انت شغلك من يديره لك وانت ياابرحلاتك ياابحفلااتك يااانايم
رد : انطوان افكورس
قلت له : مدري شلوون ترتااح له اناا ابد ماابلعه
جاوبني : مو ضروري ترتااح له .. كم بتقعد هني
جااوبته : يعني ثلاث ايااام اسبووع ان كثرت ابي انهي صفقت دون بيكاديلي وابي اشتري كم فرس اصيلة للمزرعه
قالي : صفقت دون بيكاديلي صدقني رح تاخذهاا بالرااحه .. انت سمعتك ساابقتك ويليام يمووت ويدخل السوق السعووديه .. لكن طبعا ماايبي أي شركة يبي شركة معرووفه وانت بعد مشرووع الجوهره اثبت للكل انك مصمم محترف ..وهم يبوون شخص بوزنك يجمل واجهتهم
تنهدت : الله كرييم
رجع كمل : على فكره ليه بتشتري خيولك من هناا ؟! اشترها من السعوديه او الاماارات ارخص لك
جااوبته: ابي احسن سلااسة الخيول الي عندي .. في سلاالاات مب موجوده بالسعوديه ولا الاماااراات
قالي : لو انا مكاانك كااان اشتريت من مزااارع الاصاله ..خيولهم من اجود السلالاات ...وعندهم فحل دفعت فيهم اربع اضعااف قيمته لكن عيو يبيعوونه .. هذااك بس لو اخذه بكسب من وراه ذهب
جاوبته : اعرف المزرعه .. سمعت بهاا وبجودة خيولها ..لكني مااقد تعاملت معهم .. اغريتني اتعامل معهم مع اني مااعتقد ان عندهم سلالات اوروبية
حمد : خيوولهم كلها سلالات عربيه اصيله وعندهم كم سلاله مؤصله تعرف الفحل الي قلت لك عليه سلاله اكحل تيكي
جاوبته : اكحل ..نادرا مااتلقى سلاالة ايرانيه بالجزيره
حمد : وانا ليش ابيه .. المهم لاتنسى حفلة الليله
رديت عليه : مانسيت سنيوور
حمد : اجل قم ياللا
سألته : على ويين ؟!!
جاوبني : ماااتبي تاكل ؟!
قلت له : الاا بس ليه نقووم ؟! خلنا ناكل هنا
رد : لاااا ؟! قم بناكل ببيتي وفرصة تتعرف على سنيورا فاضل
رديت : سنيورا فاضل !! لا تقولو تزوجت من جديد ؟!
ضحك : هههه ايووااااا
هزيت رااسي: حمد ارحم نفسك كل يوم والثااني متزووج اناا من اخر مره جيتك تزوجت ثلاث
حمد : اتزوج او اروح بالحرام ؟!
قلت له : لا هااذي ولا ذي ..يااخي لو تبي تتزوج خذ وحده بنت ناااس وكمل حيااتك معاهاا مو تبدلهن مثل مااتبدل قمصاااانك
ضحك : هههه حلوووه ..اسمع فيصل انا واحد امل .ماحب الروتييين .. واحب اغير الوجيه اوحده من ذولي الحريم لا قعدت معي سنه تعتبر انتيك وانت تعرفيني اموت ع المودرن ولاتنسى الوحده منهم ماتخرج فااضيه من الزواج بنات الحمر يضمنون نفسهم زيييين
قلت له : اموت واعرف وش يعجبك فيهن
رد : وش يعجبني ؟! يااصحابي يكفي اني معاهم احس نفسي ببستان .. ابي شقراا أبي صهبا "شعرها احمر " ابيها سمراا . . تبي العيون برمادية السحاب بالليل او بزرقة ما البحر او خضرة بساااتين ...ولا تبيها بلون الشهد ..بالعربي اشكاال وانوااع والواحد يختار الي على مزااجه .. مب مثل الي عندكم شكل واااحد والوحده منهم تطلع روووحك ولا تشوف شي منهااا .. الي يشوفهم يقول ملكات جمال وهن ياربي لك الحمد
ماعجبني ابد طريقة كلامه : اللحين ياااحمد بناتنا ماصاارو يعجبوون ؟! وبناتهم ملكات ؟! منطقك غريب وتبي راايي اعتبره سخييف .. مب احنا الي نترك بناتناا مثل لوحات المعاااارض .. كل من حب ..جا ومتع نظره مثل ماابغى .ووقت ماايشبع وتتعود عينه .. يتركهاا مثل ماااهي ..وينتقل للوحه ثاانيه .. وثالثه وعااشره ..البنت يااااحمد .. رووعة بحجاابهاا الي تستر نفسها به ... ويزيد جمالها جمال ... وااذااا انت ماايعجبووك الا الشقر والحمر . الف غيرك يتمنى نظرة من لابساات السوااد ...
رد :فيصل قفل المووضوع والي يعاافيك مب ناقص فلسفه
قلت : سكوزا سنيور ."اسف "....



ضحكت هي تحكي لصديقتهاا على مووقف نووران .معهاا .. والحياا الي كان مغلفها ... كانت تستمتع وهي تذكر كل كلامها ومعها حتى صفعة الخد كان لها لذه جميله

× اسومه ×

ضحكت : ههههههه....لو شفتيها كيف كانت مرتبكة تجنننننننن
ردت علي ريما: مااتوقعت انها خاام
جاوبتها : يااريت بس خاام الا جاااابنه كمان
ريما: اسومه لسى تبغيها
رديت : اكيد ابغااها . يااقلبي مو بس ابغاها اناا احبهاا
صحبتها : توك تقوولين خاااام وجباانه
رديت عليها وصورة نوران قدام عيني : كلنا كنا يووم خااام .. وصرناا خبره... ونورااان مو رح اخليهاا خبره لااخليهاا بروفيسووره وقوولي اسوومه قالت
قالت لي: اسوومه تعرفي ان محمود ميت عليك
جاوبتها : اووف يااربي اذكري حاجه عدله .. مااادري كيف جميلة متحملتهاا ... انا بس اشوفه بالسكشن انقرف اوووف ...مره ماتحرك مشااعر فيني عدا القرف
ردت علي : لا تتدلعي.. صدقيني نوران مااارح تجيك مره ثاانيه .. البنت اعطتك كف
قلت لها وانا اتحسس موضع الكف : حبيبتي هذاا كف الرغبه ..وحبيت اغير الوضووع .. كيف موعدك مع فاطمه ؟
صفرت بطرب : صوووو روووووووعه يااااااسوومه .. انبسطت الين قلت امييييين ... احلى شي امهاا .. سلمت علي وطلعتني بيدهاا لغرفتهاا ولاعااد شفنااهااااا
ضحت : ههه اكيد ماتبغى تشغلكم عن المذاكرة يالفالحين
ضحكت بخشونه : هههههه اكيد ختمناا المنهج كااامل ...اقول اسومه بقفل فطووم تتصل
رديت : من حقك ... بااااي
قفلت من ريما ... مسكت لاب توبي وفتحت موقعي المفضل .. موقع واااااو ماااقدر اووصفه ... فيه كل شي
صووت وصووره ... الموقع هذاا بس عشان ادخله تعلمت كسر البلووكااات ..ونزلت اقوى البرااامج ..بس عشان او لهاا ..على طوول فتحت ..قائمة التنزيلات الجديده .....واااخ من الي شفته...جد متعه حقيييقيه ...ليت نوران كانت معاي ....اااخ بس لو هي موجووده كااانت احلوووت الجلسه ...اكثر و اكثر ...سمعت طرق ع البااب بسرعه .. قفلت نوافذ اللاب تووب وسكرت الشااشة ..
عدلت جلستي وفتحت الكتاب الي قدامي : ادخل
كانت امي واقفه عند الباااب وعبايتها عليهاا : اسومه تذاكري
رديت: يس.. خارجه ؟
امي : ايه معزومه ببيت ام بسام ..تجي معاي
قلت لهاا : لااااا
امي وهي ترمي بوسه من بعيد : لاتسهري كثير ..انا بتاخر





استغربت من نوم اختها كل هالفتره .. اتوقعت انهاا ممكن تكون تعباانه من تمرينات الناادي .. الدوري خلااص مابقي عليه شي ... البيت مره هاااادي ... العاده يكوون مليان حركة ونشاااط ...والمفروض ان صوت صرااخهاا وحماسها مع اللعبه وااصلهم .. مخترق كل الجدرااان ..

× نسيم ×
سالني ابوي : نوران ويين ؟!
جاوبته : ناايمه
ابوي : نايمه اللين اللحييين ؟!! صرنا العشا
منال ردت : يبا تعبااانه
ابوي : واذا تعباانه مااتصلي
قلت له: بقووم اصحيهااا
طلعت لغرفتهاا ..ووطقيت البااب ماردت علي ..فتحته ...وعديت عشرين خطوة وصلتني لسريرهاا الي لاصق بركن الغرفه ...جلست على طرف السرير ..وناديتها اصحيهاا :نوران ..نوران .واول مالامست ايدي كتفهاا .. حسيت بهزة قوية بالسرير ...شكلها مفزووعه ....حاولت امد ايدي اتجاها والمس كتفها ..اهديهاا ...صوت تنفسها كان عااالي مره
همست بسمها : نوران انتي بخير؟!!
ماجاوبتني : حسيت بها تطوقني من خصري وترمي راسها بحضني ..كانت متمسكه فيني بقووة ...شكلهاا شافت كابوس ...هالحركة تسويها داايم لما كنا صغاار... كانت غرفتنا مشتركة.. وكانت كثير ماتصحى بالليل مفزووعه وتجي تنام بسريري .. او تصااارخ واقوم لها وتدفن نفسها بحضني ...ماااتغيرت ...كبرت سنين عمرهاا...لكنهاا على نفس الحاال الطفل الصغيره
بعد ماحسيتها هدت : مااااتبين تصليين ؟!
جاوبتني : ليه اذن العصر؟!
قلت لها : نوران العشا مااذن من زمان قوومي صلي
قامت بسرعه : ليه مااحد صحااني .. حرام عليكم نمت عن صلااتي
قلت بصوت عالي : حبيبتي كلنا صحيناك منال وامي وحتى بدر يااعيني طلع وصحاك لكن لا حياة لمن تناادي
سالتني : وووين بدر
قلت لها: تحت جالس ..مسكين مو لاقي من يلعب معاه ...مشعل برى وانا على قولته وقلدت صووته..خاله انتي ماتشوفين كيف بتلعبيين
نوران : اما قليل الحياا .. اربيه ولد مروان
قلت : صلي يكون احسن
اول ماسمعت تكبيرتها ... مشيت عشرين خطوة وصلتني لباااب





اخذت صينيه الشااي .. وحطتها بالطاولة في الصاله ..ورجعت للمطبخ تجيب المواالح ..يوم رجعت لقت رهف ماسكة فنجان الشااي .... وامهاا ماقدامها شي

×لطيفة ×

مره تنرفزت منها ..لو ماكانت امي هيا الي طالبه الشاهي .كان قلت ماتبغى ... حطيت صحن المعجناات قدامي
صبيت لامي الشاهي : ها ياامي ...وحطيت لامي معجنات بصحنها
رهف شمقت فيني وفهمت اني تعمدت مااعطيها ..قامت ومدت ايدها تبغى تااخُد اول ماقربت ايدها من الصحن خبطتها بقوة
رهف: ووجع
رديت عليها بابتساامه : يووجع قلبك يااابعيده
امي : لطيفة
رهف : شايفه يااعمتي بنتك
هزيت رجلي الي حاطتها فوق بعض : اشبها بنتها "شفيها بنتها " ماهي ممليه عينك ؟؟
امي : لطيفه مالو داعي الكلام هداا
رهف : شايفه ياعمتي بنت كيف تجُر شَكل ..وبعدين تقولوون عليا مشكلنجيه
فتحت عيني فيها :اناا الي اجُر شكل ؟!! من جد عينك قووية
ردت علي بصوت عالي : انا عيني قوياا ولا انتي الي تبغي أي شي عشااان تكرهي اخوكي فياا وتخلي عمتي ماتحُبني ...انتي وحده غيووره وحقووده
قهرتني : هي لا تصرخي ...اخويا اشبعيبوو ....وامي الي تبيها تُحُبك احترميها اول شي ..
حطت ايدها على خصرها : ايش قصدك ؟!! انا مااحترم عمتي .. يعين اهلي ماااربووني هادا قصدك !
جاوبتهاا : انتي لو تعلميت الاحتراام مااكااان جلستي واديتي امي ظهرك .. ولا كان شربتي شااي من غير لا تمدي اول فنجااان لهاا ..ولو اهلك علمووكي الاحتراام ..ماكان وقفتي تشردحي زي شراااديح الحوااري





استغلت دخلت زوجها عليهم وقلبت المعركة كلهاا لصااالحهاا . ماافي شي اسهل من لعب دوور الضحيه والي يسااعد اكثر دموع التماااسيح الي جااهزة لدعم المووقف

× رهف ×

اول مااسمعت صوت الباب ..قررت انتقم من لطيفه
تعمدت اصطنع الصدمه والتاثر: انا شردوحه ؟!! انا اهلي ماااربووني ؟! شايفه يااعمتي شاايفه
عبدالعزيز : اشبكم صووتكم واصل الين اخر الشاارع
جريت عليه : تعال يااعبدالعزيز شووف اختك تُسبني وتسب اهلي
عبدالعزيز : لطييفه
ماردت عليه كان وااقفه وتهز رجلها بعصبيه وضامه يداتها على صدرها
ام عبدالعزيز : عبدالعزيز ماصاار شي مرتك تباالغ
مالت عليها العجوز الكركووبه : انا اباالغ ياااعمتي الله يسااامحك
والتفت على عبد العزيز : اسألهاا ياااعبدالعزيز اسألهاا مااقاالت علياا شردووحه واني مااعرف الاحتراام ولا واصطنعت البكاا ..انا مايهمني الكلام الي تقولو عليا لكن اهلي لاا ماااحد يجيب سيرة اهلي
عبدالعزيز : لطيفه ليش طولة اللساان ؟!
جاوبتو : انا مااطولت لسااني الا لان مرتك طولت لسانهاا وصاااحب الدقة يستلقى
رديت بانفعال : انااا طولت لساني ولا انتي الي سويتي مشكله بس لاني كنت ابغى اكل من معجناااتك
عبدالعزيز : دحيين المشكله هاذي كلها عشاان اكل من جدكم انتو
قلت له : ايووااا اختك اول مااحطيت ايدي ع الصحن ضربتني وعمتي شااهده
التفت على امه : امي
قلت له : وي ياااعبدالعزيز تسألها انت كمان مو مصدقني
وجريت على غرفتي : انا مالي جلسه بالبيت هااداا
دخلت غرفتي وطلعت شنطتي ورميت حوايجي فيهاا
عبدالعزيز : ايش تسوووي
رديت : الووم حوايجي انا ماني جالسه اكتر بالبيت هااذا
عبدالعزيز : بطلي شغل البزووره
صرخت : شغل بزوره اختك تهزئني وتشتم اهلي وانت تكدبني وتبغااني اجلس ؟! حبيبي انا ارجع بيت ابويا احسن لي ع الاقل اقعد معززه مكرمه موهناا زي الشغااله اكنس وامسح ويااريتو يتمر
سالني : ليه مايسااعدووكي
جات فرصتي .جلست ع السرير ودخلت بنوبة بكاا : يسااعدووني . .. انت لو تشووفهم لما تكون برى كاان ماسألت هدا السؤال .. لطيفة وشفتها بعينك .. اما امك .. الله يسااامحهاا بس .. انا اتحمل واقول مااعليه اصبري ياابنت هياا مهما يكون بمقام امك .. بس يااريتوو ناافع ..بس تصرخ علياا..وتهزئني ولماا تشووفك تسوي نفسها طيبه .. الله يسااامحها بس
كان بااين عليه انو مصدووم : مو معقووله
رديت : من حقك ماتصدقني هما اهلك وانا يادوبك مرتك
عبدالعزيز : رهف حبيبتي صدقيني اهلي مو كدا بس انتي تفهمينهم غلط وامي تبغى مصلحتك اكيد وبعدين انتي ماتحُبيني مااتتحملي اهلي عشااني ؟!
قهرني الغبي: اسمع ياااعبدالعزيز امك على عيني ورااسي وزي ماقلت لك في مقام امي لكن لطيفه وطولت لساانها اناا مااتحملهااا ..عشان كدا يابن الناس كل واحد مننا يرووح لحاالو
جاوبني : لطيفة يااستي رح تعتذر لك ايش راايك ؟!
انبسطت : طيب تعتذر ودحييين
طلع للصااااله وفجأة سمعت الصوت يعلى وقفت اتنصت
عبدالعزيز : تعتذري لها غصبا عنك
لطيفة : هيااا خذلك .. اعتذر مااني معتذره ساامعني واذا تبغى تروح بيت ابوها ..رفعت صوتها زيااده الباااب يووسع جمل
عبدالعزيز : يووسع جمل بعينك يااقليلة الادب ..وجا صوت الصرخه عااالي
فتحت البااب : لاايااعبدالعزيز ايش سوويت
لطيفة كانت عيونها محمره .. وخدها احمر .. وعمتي مصدووومه : تضربني عشاانها ؟!
قالها : واكسر عظامك كمان
ماردت لطيفة طلعت على غرفتها جري


تركزت انظار الاغلبيه على الداخل من البوابه .. خصوصا اعين النساء .. اجبرهن بعيونه الحاده وخشمه الطويل .. مع عواارضه الخفيفه ...اعطته وقاار ... شعره..كان طويل شوي يوصل لشحمة الاذن ..لكن ابد ماتحس بطوله تميع ..بالعكس كان مرتب ومقصوص بعنايه... كان لابس بدلة سودا من تصميم فيرسااتشي .. خطا اول خطواته باتجاه الشايب ..خطوات رزينه .. تساعده فيهاا عصاااة سودا .. الزخارف القضية الدقيقه قسمتها لثلاثة اثلات ..تقدم باتجاهه رجل باواخر الخمسيين ومتعلقة بذراعه حسناء عشرينيه مااترددت لحظة تكبح جماح نظراااتهاا العطشى..وتباادره بالتحية " قراسيا كارولينا دي اورلاندو "

[حره على كف صقار]

فرفوووووووووووووووره
هزا قوصه واجد زين لازم انتا
سوي مال قوصه تكملا
مافي ازا انا سوي اندماج مايكمل قصه

>> الاختبارات هع الفت لهم مناهج جديده ....
هذا والصدقيه ماجت <<
بالتوفيق ياعمري انتي في اختبارتس