السلام عليكم ورحمة الله وبركاته
((ذكر فأن الذكر تنفع المؤمنين))
ماكتبت هالقصيدة اللي عقب ماشفت شي بعيني يحزن
اليكم
استغفر الله واتعـوذ مـن ابليـس=في يوم فيه ابليس فالمحفـل يسـود
يوم التفائل فـي عيـون الأباليـس=ويوم المبارك بين مبلـي ومقـرود
البيـت مـا يبنـى بليـا تأسيـس=والدار يدمر وسط حاسد ومحسـود
والجود ما يعرف يديـن المفاليـس=الجود جود النفس هذا هـو الجـود
والدين لا من صار فالوقت تمريـس=لا ترتجي من وقتك الحاضر الفـود
الفكر يفنى فـي قلـوب المناحيـس=والباب خلـه دون الانـذال مـردود
البارحه في قلبـي دقـت نواقيـس=والي مع الجزله مواعيـد وعهـود
كني مكوع فوق حّمـر المحاميـس=من لاهبٍ فالجوف حاضر بلا حـدود
الناس هامت والزمـن للمتاعيـس=والدين غايب لو يقولـون موجـود
موجود من نزف القلـم للقراطيـس=وموجود والتطبيق منفي ومجحـود
صرنا نقيس ولا نعـرف المقاييـس=ونواجه الاخوان بخشـوم بـاروود
والغرب فينا محسنيـن التداريـس=وحنا نطبق والحسن عندنـا قـوود
ضاعت معالمنـا وكـل التظاريـس=ونفرح ليا هبت من الغربـي النـود
حد ألاماني كيف نسكن في باريـس=ونكتب قصيدة وصف في سيد الخود
ونحلم بملك اغلا من املاك بالقيس=ونطرب على نغم المعازيف والعـود
حتى الاسامي عقب منصور وادريس=صرنا نسمي جون ونسمـي بابـود
وصرنا نعيب الماضي ومربي العيس=وصار التراث اكبر تخلف ومنقـود
علوم صعبٍ حصرهـا فالكراريـس=مثل الولد لا من تشكى علـى عـود
وحنا لازلنـا عايشيـن الكوابيـس=وباعيادهم نهدي تحيـات و وردود
ونعيش ليل الحب ليـل المعاريـس=على غـرار اعيادهـم والبـلا زود
حفلات تحييها العيـون المناعيـس=واحلا التهاني بين حامـد ومحمـود
واحلا المشارب من يدين المناجيس=والدرب مفتوحٍ ولا بـاب مسـدود
الله واكبـر واتعـوذ مـن ابليـس=واخر مطاف الادمـي طّعـم للـدود
بقلمي
اهداء الي كل المسلمين الذين احتفلو بعيد راس السنه 
رد : اهداء الي كل المسلمين الذين احتفلو بعيد راس السنه 
العرض العادي
