غدر الخناجر _ حامد زيد

[*kawaii*]

مرحبااااااااااا

اليوم شفت حامد زيد يشعر
< ياحبها لهذا الشاعر
خخخخخخخخخخخخخخخخخ

وجلست الف وادور عشان اطلع
كلماتها والحمد لله حصلتها
خخخخخخخخخخخخخخخخخخخخخخخخخ


اتمنى مايكون الموضوع مكرر
وإذا كان مكرر اهم شي إني حطيت
هذي القصيده الحلوهـــ








عشان أكسب هدب عينك تجرعت العذاب أشكال
وليتك ترأف بحالي علشان أرأف بحالك

مسوي في حياتي شي ما يذكر ولا ينقال
حشى حتى العدو وهوه العدو ما يعمل أعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لأجلك وانا حملي يهد جبال
رحلت من العذاب وما وقفت الا على جالك

علامك كل ما أجيك متواضع جيتني تختال
معاك الى متى بصبر وصبري معك يحلالك

مثل ما قبلت لعيونك لزوم تردلي بقبال
ومثل ما قلت حشمتك حس واحشم قلبي أشوالك

انا محد (ن) بجابرني أساير معك هالمنوال
ترى لاني تبيع (ن) لك ولاني بصغر عيالك

انا جيت أعشقك نبض ومشاعر ما أعشقك تمثال
انا جيت أسكنك وأحياك وابقى فيك وأبقالك

أنا جيت بظمى عاشق تعب يطرد سراب اللال
أنا جيت أستفز رضاك من فرقاك وألجالك

أنا ما همت بك عاقل أنا كنت أعشقك بخبال
أنا ما كنت أحبك حي أنا كنت أعشقك هالك

تخيل من كثر ما أخاف تلقى للزعل مدخال
أخاف أخطي على طيفك وأدوس برجلي ظلالك

تبعتك والعرب تتبع رعود البارق الهمال
وأنا شفت المطر يتبعك في حلك وترحالك

كأن اللي خلق حسنك خلقني مع جسدك ظلال
وصرت أقرب جسد يمشي معك بقفاك وقبالك

أبي قلبك يحس انه فقد بمحبته رجال
ملكته من هدب عين وخسرت رضاه باهمالك

صحيح انه الفراق أقسى و لكن الوصال محال
وأنا صعب (ن) علي أرضي غرورك وأضعف قبالك

بعد ما حققت عيني فبعدك للرقاد آمال
أعاود للسهر يا خوي فال الله ولا فالك

ببدل نظرتك فيني وبجيلك كل يوم بحال
بكون أقرب من ثيابك عليك ولا تهيالك

بلمك وأنثرك وأجمعك وأرجع وأنثرك باهمال
بخونك وأزعلك وأرضيك وأزعل منك وأرضالك

أبرسم بالثرى وجهك وبدفن صورتك برمال
أبشكي للعرب فرقاك وأضحك عند عذالك

أبهديك الوصال فراق واهديك الفراق وصال
بسوي مثل ماشوفك تسوي وأفعل أفعالك

عشان تعرف من فينا الزعول ومن وسيع البال
أبيك تذوق فنجالي وأنا بذوق فنجالك

نصيحه واحتفظ فيها قصر معك الزمن أو طال
أبي تسمع كلامي زين وتحطه على بالك

اذا حبك هبال أطفال إلك عندي هبال أطفال
ولا وأبشر بعد بهبال حب (ن) ماهو بهبالك

واذا قصدك تهين اسمي عشان تشمت العذال
حشى لا انته ولا غيرك ولا عشره من أشكالك


^












تهبببببببببل صح
خخخخخخخخخخخخخخخخخخخ

^___________________^
*_**kawaii*

[دنيـــا ومن يدري؟؟]

اي والله تهببببببل


مشكوووووره اختي عالنقل الرااائع

[النمر8]

قصيدة رائعة
مشكورة على النقل

[رهاافي]

تسلمي حبيبتي ع هالنقل الرائع

يعطيج الف الف عااافيه

[VEN!CE]

*kawaii*

اي والله تهبل
صح لسانه

مشكوره علي النقل المميز