بسم الله الرحمن الرحيم
أول شي السلام عليكم ورحمة الله وبركاته
الأخت وهم عمري مشكورة على طرحك للموضوع
أنا بالنسبة لي أشوف أنو شاعر المليون النسخة الثانية راح يكون أفضل من النسخة الأولى
لعدة أسباب منها أنو الشعار اللي فيه هذي السنة يعتبرون من كبار الشعار في الساحة أمثال :
ناصر الفراعنة <<< والله يا أني أحبه ذا الشاعر من زمان
وفيه خالد العتيبي ,وخلف مشعان ,... إلخ
بعكس السنة الأولى اللي كان أغلب اللي فيها مغمورين أو مغامرين وكان فيها الكثير من المجاملات
هذا كله كوم وانتقاد لجنة التحكيم كوم ثاني :
السنة اللي فاتت كانوا ما فيه شاعر الا ولازم ينتقدونه وبشده وكل شاعر يرد على اللجنة بحق او بغير حق
بينما السنة هذي على أنو ما راح منه الا يمكن اربع حلقات ما كان فيها انتقادات كثيرة على الشعار
لأنو أغلبهم كانوا كبار ويمكن فوق مستوى اللجنة
أما بالنسبة للجنة نفسها :
كلهم هذي السنة يستحقون أنهم يكونون في أماكنهم باستثناء (تركي المريخي) اللي ما يعتبر أنو يكون مؤهل كعضو من اعضاء اللجنة (مع أني والله أحبه ذا الرجال)
في السنة هذي :د /غسان (الرجال هذا ما عليه كلام 10 على 10
وحمد السعيد (يعتبر من الشعار المخضرمين (يعني فاهم الشعر كله مو بس بحور وقوافي))
,وسلطان العميمي اللي يستاهل انه يكون رادار من جد
بدر الصفوق : هذا مفاجأة السنة هذي الصراحة أحسن من المسعودي بكثير (بس عيبه عصبي شوي)
(طبعاً ماننسى روضة والله لها وحشة ذيك البنت ياملحها ام المكياج)
هذي وجهة نظري في شاعر المليون السنة هذي
.
.
.
أما بالنسبة لتوقعاتي للي يفوز فأنا ما أتوقع الا متأكد أنو لو ما فيه مجاملات راح يا خذها ناصر الفراعنة
بدون منازع هذا الشاعر (ما هوب من قبيلتي ) له قصائد كثيرة والله أن يحفرون الشعار اللي هنا ما جاروها ابدً
(طبعاً هذا مو تنقيص في الشعار ) بس والله له قصايد عجيبه مرة
منها قصيدة الرسول _(الف بيت )_قصيدة في السبعان_(الف بيت)_ غير_( الشينية)_(واللي بدون نقاط)وغيرها قصايد عجيبة كثيرة (الشاعر هذا له نهجه واسلوبه الخاص في الشعر)
طبعاً أنا أقصد أنو أعلى مستوى من الشعار اللي مشاركين في شاعر المليون بس.
هذا اللي عندي عن شاعر المليون
اتمنى مايكون كلامي فيه غلط او ضايق أحد
لأنو هذي وجهة نظري أنا لحالي وبس ولا هي شي ثابت وكل شخص له رأيه
آسف على الإطالة وتقبلوا مروري
لكم مني كل الحترام والتقدير
أخوكم / LORD OF THE HEARTS
وشكراً......
رد : شاعر المليون رؤية من زاوية الجمهور 
العرض العادي
