إزعل وعاند وإضرب براسك اللوح

[غلاي إنت]

السلامـ عليكمـ ورحمة الله وبركاتهـــ ......


**************************************

هالمسجات عجبتني وفي بعضها طويله ...

العتب ماهو زعل لو ضايقك
كثر انفعالي
وانت لو ازعل على كل البشر
مازعل عليك
بس ...
لاطال الغياب وضاقت صدور الليالي
سقت لك ماجاء على البال
وتحمل مايجيك
يوم شفت الكون كله في غيابك
شبه خالي ...
صحت في وجه الزمن وقلت
فيك .. وقلت .. فيك .. وفيك
وضاقت وساع الفجوج بعيني
وزاد انشغالي
وين رحت ؟!
وليه رحت ؟!
ولا متى وانا احتريك
كنت ادور في عيون الناس
اجابه لسؤالي يمكن اعرف
وين رحت ؟!
وليه رحت؟!
وكيف اجيك "..
كنت اقول لكل شارع
ماوطتك اقدام الغالي؟!
من كثر ماكنت
ابي اوصلك
وابي قربك
وابيييييييك
كنت أسأل عنك نسيم الصبح
لامر متعالي
ماحمل يمي على دربه جواب
من يديك ؟؟
وامتلا صدري عتب
وانتا السبب في ماجرالي
ومن بعد هول العتب ..
جيت اشتكي لك واشتكيك
تدري ..
انك كل عشقي
وان غيرك ماطرا لي
وانك بقلبي لحالك وان مالك به شريك
وان قلبي لو تفجر بالعتب وقت انفعالي زعل منك
وغيابك مايزعلني عليك ...







ياصاحبي
يمكن في هجرك لنا خيره..
مادام ماعاد في قلبك لنا طاري..
حكم القدر "يارفيقي" صعب تغيره..
مادام بعت الرفيق اللي لكم شاري..
يازين حالي على الله سهل تدبيره..
"ولاني من بعدكم جايع ولا عاري"






انا المخدوع ماحد غيري رجاك
كلمة احبك سبب هذا الخداع
بعد ماضيعت عمري في رضاك
تسهل الكلمة وتنوي بالوداع
ياما ليالي اسهرتني معاك
ماطرأ لي يوم ان حبي يباع
بسهوله جا الدهر ومني وخذاك
وبسهوله تنكر الماضي بساع
دفة الحب الشقي تبقى هواك
واصبح المركب بلادفه وشراع




في ظرف ساعة قتلت الحب واحرقته
وانا بريء كيف صار القتل باسبابي
انت شنقت الغرام وبيديك علقته
ورميت دم الغرام بداخل ثيابي
الحب والغرام وشي تعلمته
كانو معاك امانه يأعز الاحبابي
واليوم ظلمتنا وماضينا تجاهلته
ماكان ظني بمن في يوم حبيته
يظلم ويحكم علينا حكم الاغرابي







عجزت احكي لك احساسي
واترجم لهفتي بالبوح
عجزت اني اعيش بصمت الى من طال يذبحني
حبيبي شفت هالدنيا بها ناس تجي وتروح
اقسم بالي ليا من مت وصرت عظام يجمعني
احبك والغلا صادقوماهو (لعب وسلا مزوح)
نزل دمعي نزف جرحي وذاك الشوق عذبني
احس الكون في عيني فنى وماعاد له مصلوح
مادام اللي احبه حيل مااجيه ولايجي عندي
انا لامن كتبت وهمت حكي حب
غدى مذبوح صرخ دمه بدون شعور
((كفى بالله افهمني))
حبيبي جاك احساسي على صافي نقا ووضوح
كتبته قبل مايومي تجي الاقدار ويكتبني
واذا قلبي خطأ اعذر واقولانه بعد مسموح
واذا حبي معك قصر امانه منك سامحني
ابكتم حسرتي لكن ؟!
بقول انك ترى مسموح
وبخفي عبرتي فعيني قبل دنياي تعدمني
وتأكد حبك بقلبي لآخر ماتروح الروح
لاني ماادري ساعتها من اللي قام يدفني ؟!







انت ماتقدر تحب انت قلبك من حجر
ميت احساس وشعور
مستحيل انت بشر ولو وضعتك بالعيون
ناكر ولازم تخون
شايف حالك علي تحسبك من تكون
انت شاطر بالجروح
انت حبك مصلحه من يحبك تجرحه
بتركك وارحل بعيد
قلبي الله يسامحه هو كان يموت فيك
بس رجاءً لاتظن
ان يحزني الحزن ياما وياما شفت بدنيتي
ماانت اقسى من الزمن







صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر








تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان!!!









انا رفيق الجرح من
صغر سني
والجرح له في داخلي
الف عنوان
يا سيدي هم البشر صار
مني
واصبحت انا تمثال لهموم
الانسان
كل الوجيه تشابهت
حد ظني
ماعدت اميز بين صادق
وخوان
يا صاحبي لا تشد الجرح
عني
كل السوالف كذب صممت
وحرمان






مجنون
وأدري تالي العمر تابوت
لكن شسوي دايم الحظ ضدي
لاتحسب إني يوم صديت باموت
صدك يزودني عناد وتحدي
الحزن عمره مامضالي على صوت
والدمع عمره ماجرى فوق خدي
رح وقول لخاطرك "فاتك الفوت"
ولامن سأل قله "عناد وتحدي"









كان فيني عيب قلي فيك العيب الفلاني
كان هرجي مزعلك في شي قلي لاتعيده
جيت مابيك تحقرني جيت أبيك تعز شأني
جيت آبي فزعة ضلوعك من مشاعرك البليدة
يعلم الله شفت منك ومن غيابك ماكفاني
كان ماتقدرتخفف هم قلبي "لاتزيده"







سالتك بالذي حطك على راس المحبة تاج
تحبني و لا تتسلى باحاسيسي و وجداني..
و تحتاج لغلا قلبي مثل ما انا لك احتاج
او اني بعد ما فارق حدود الشوق تنساني ..






جلست اقلب اوراقي لقيت ايام ((ماضينا))
بكت عيني وبكت روحي على ماكان ((يجمعنا))
ترجيت الزمن يرجع عشان امسح ((مدامعنا))
لقيت ان العمر يمشي ومو سامع (( مواجعنا))
عرفت ان الزمن راحل ولاراضي ((يرجعنا))







يا صاحبي ياللي تقول إنك تبيني ما أبيك
ما بيك لو تذرف عيونك دم والله ماابيك
خلك مع اللي بعتني لاجله تظنه يشتريك
ما ينشرى من هو رخيص النفس يا مرخص هواك
فارق يعل العين متشوفك ولا تحسب اجيك
ما جيك لو ضامي وريقي ما يبله غير ماك
اعيش سكرات المنيه خير لي من أرتجيك
اعيش في قبري معا ميت ولا أحيا معاك
يامن عطيتك راس مالي قلبي ياللي هام فيك
يا من تمنيتك حلالي كنت أشوفك كالملاك
ذاك الملاك الطاهر اللي كنت أظنه يحتويك
يا محتوي كل المعاني الزايفه قربك هلاك
لو شفتني اغرق تحمل لا تمد لي يمناك
اتأكد إني مستحيل اقبل نجاتي من جداك
لو توصل انجوم الثريا لا تظن أرجع إليك
لو قلت لي قاسي من علمني القسوه سواك
يا واحدٍ عزيت شانه خاب ظني فيك
ما بين بعينك رفعتك وانت داني مستواك
أرخصت ناسٍ ما تساويهم لاجل خاطر عيناك
كنت اصبح وامسي على كلمة أنا روحي فداك
يالين راحت روحي وباتت عيونك تشتكيك
النفس شامت واجزعت لما تكشف لي غطاك
يا خاين العشره تخون اللي بروحه يفتديك
تلعب على الحبلين تلعبها مع منهو أغلاك
قالوا تراه ما يوووفي ولا صدقت فيك
هذي حقيقة والمهم ماني بذاك اللي بغاك
دارت بك الدنيا وتحسبني بلهفه احتريك
روح ترى لاول تحول يالله بس عطني قفاك








ابشرب من دلتك لو كلها سم ** ما أهز فنجانك ولا أقول كافي
دامها من يمناك وتقول سم ** بسم الله اشرب كل سمك عوافي







كان تعذيبى يسرك ويرضيك عطنى عذاب وخذ بدالة سعادة
اهجر على كيفك وزد تحديك وانا بدال الهجر احبك زيادة
لك منى ابكى كل ما حل طاريك لين البكا يصبح مع الوقت عادة
مهما حصل يازين مانى بناسيك اسمك نقشتة دمع فوق الوسادة






يحسبني يوم سلم ما سمعته
سامعـه بس اتغلـى عليـه
قلت ابثقل بس ثقلي ما ستطعته
وابتسمت وجيت لمعانق ايديــــه
يحسبني يوم ما رديت بعتــــه
ما درى أني كل عمري مشتريه
والصراحة يوم سلم ما سمعته
كنت أفكر كيف أنا اسلم عليـــه







وحيد مدري من اللي عاد يفقدني
ان رحت للناس ولا طولت بغيابي..
وعن دمعة القلب تكفى لا تنشدني
بأسبابك الحب..والحرمان بأسبابي..
اهديتك روحي وانت بالفراق تهددني
ما تدري اني رميت القلب لاحبابي
هذا انت ناوي على المجهول تفردني
ياللي ذخرتك لغدر اعداي واصحابي..
ان كنت حتى انت في لاماك تحسدني
وشلون ذاك العذول اللي توصى بي..







بللي تراب المقابر بالدموع
وأحضني أطياف الرحيل بلا رجوع
سامحيني
حلليني
وأذكري حب ساكن بالضلوع
بعد موتي
إحضري ليلة رحيلي
وشاركيهم في غسيلي
لاتغيبي
علميهم من تكوني
قولي إنك ساكنه
دااااااااااااااااايم عيوني







أخطيت يوم اني طلبتك حنانك
لاصرت فاقد شي وشلون تعطيه
مهما نطق لي بالمشاعر لسانك
شي بدون احساس ماأقتنع فيه
إحساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
إلاشعورك لاتبيعه وتشريه









"على فكره"
قلبي ماينكر العشره
يفني للغلا عمره
يبكي على فراق الوليف
ويبتسم على ذكره
"وعلى فكره"
قلبك ماعرف قدره
مسكين هو له عذره
(غلاك إنت فوق الوصف)
(وبروحك تكتسف بكره)






لاصارت هذي سواتك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شي مريته
كانه هجر بسلامه روح وأهجرني
أخوي وهو أخوي لاصد عني ماترجيته






لا ما عرفتي الحب لا ما تحسين ..
وغدرك تعدى غدرذيب الفلاتي
الذيب يعوي قبل يغدر بمسكين ..
و انتي غدرتي خافقي في سباتي
وانتِ السبب سقتِ على القلب جرحين ..
غدر الغرام و وجع الذكرياتي
وانتي السبب واليوم لا لا تلومين ..
و ان جاك باكر شوفي شلون ياتي
والله لكتب و أفضحك في دواوين ..
و أرزف وأغني يوم خبر الوفاتي
و أرسم لأهل العشق قلب و سهمين ..
و قصة خيانة ما روتها الرواتي
و يمين لنشر فوق إسمك عناوين ..
و أشهر بك من قاصي اليمن للفراتي
و البادي أظلم سنة العين بالعين ..
و لاَّ فهذي لا عادتي ولا من صفاتي






إزعل وعاند وإضرب براسك اللوح
ومن ماي البحر إشرب بكل إندفاعه
وإن كان عندك بعض الكرامه ومجروح
إرحل بصمت وخل عندك شجاعه
وش لك بقلب قالها اليوم بوضوح
أكرهك خذها قلتها عن قناعه









وجودي والعدم واحد على قلبك وفي بالك..
وجودي عادي بعينك وهذا ماتبينته...
أبارك لك اذا هذا قرارك ياهنيّالك...
أباركلك على همي وهجر ٍ منك أنا شفته...
تبين ماتوقعته بعادي صار يحلالك وخطواتك بدت تقصر ودرب الهجر شرعته
بدىواقعك يتغير طغا مرك على زلالك..
طغت شمسك على ظلك قسى قلبك وطاوعته...
اذاهذي النهايه ياعسى فال السعد فالك
عسى اللّه يسعد أيامك على درب ٍ تخيرته...
بواسي قلبي الشاقي بحبك كان يرضالك...
وبمسح دمعتي ويكون لي درس وتعلمته...
لك السلوان ياقلبي تصبرخلك بحالك...
ترىواجبك سويته حبيته وقدرته...
ولا تندم على مافات وكل شي وله وقته...

************************************



منقول

[عشقتها بسكات]

..

غلآي آنت
مسجآت روعه
آبدآع بآختيآرك
تحيآتي لك

..

[غلاي إنت]

!][ عشقتهآ بسكآت ][!

هلا وغلا


الف شكر ع المرور الحلووووووووووو ...

[سراب الصمت]

مرحبا
غلاي انت
مسجات روعه
متميزه ياعسل
يعطيكي الف عافيه
ننتظر جديدك

<><>سراب الصمت<><>

[غلاي إنت]

سراب الصمت

هلا وغلا


منوررررررررررررررره الموضوع ...


مرورك هو الأروع ^_^

يسلموووووووو ع المرور ...