اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-01-2008, 07:30 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
أحلى حياة عشناها / كاملة


ღ♥ღをأحلى حيـــاة عشناهاをღ♥ღ
لل"الجوري عبدالله"



من واقع هذه الحياة . . .
ومن كل نسمة من هوائها وعبيرها تدور أحداث روايتي . . .
أحداث سطرتها الأيام برحيقها الخاص . . .
لحظات حلووة يمر بها أبطال قصتي . . .
ولحظات حزينه ولحظات مفرحة الى حد ما . . .
هكذا هي الحياة . . . يوم لك ويوم عليك . . .
فمن هنا أبدأ بسرد روايتي المتواضعه والأولى ,,,
をأحلى حيـــاة عشناهاを وأتمنى من كل قلبي إنها تكوون قد المقام . . .
وبتواصلكم ننجز الشيء الكثير و بتواصلكم وعطائكم أكتب وأكمل لعيوونكم . . .
* * * * *

التعريف بعائلة أبو زياد :
الأبومحمد . . . وهو رجال ماعليه . . . له كم محل بالرياض وشركة صغيرة من كم سنه مبتدي فيها . .
أم زياد منيرة بنت عم أبو زياد طيبة وحنوونه . . .
زياد : الولد الكبير وعاقل وفاهم وطيوووب وخفيف دم بس اذا ضاق وعصب الله يعينهم وعمرة 26 سنه . . .
سارة : زوجة زياد وبنت خاله طيووووووووبة بشكل فضيع وأبوها متوفي . . وعمرها في 24 سنه
نواف : الولد المدلع بس كشخة وراعي حركات ومغازل يعني فيه لفة شووي بس مسوي فيها عاقل قدام أبووه . . . وعمرة 22 سنه . . وداخل بالجامعه قسم ادارة أعمال .
العنود : بنت مرجوووجة لأبعد الحدود بس كشخة ومسوية فيها ثقيلة قدام الحريم والا اهي رايحة فيها من الخبال والمغامرات اللي تسويها مع بنات عمها وبنت خالها المهبل زيها . . . وعمرها 18 ثانوية عامة .
سامية : بنت دلووعه ودلعها حلووو عليها وعاقلة مو مثل اختها وماشاءالله شاطرة بالدراسة وعمرها 15 سنه . . .
ياسر : ولد دبدوب ومتختخ وحلووو ومدلع نفسة ودلووع أبوه وعمرة 10 سنوات . . .
رؤى : البنوته الصغنونه وآخر العنقود على قولتهم سكر معقود وعمرها 4ونصف عليها جمال ماشاءالله رهيب ودبدووبة زي ياسر . . .
وهاذي عائلة أبو زياد.

* * *
عائلة بو محمد ( أخو بو زياد الكبير ) :
بو محمد : رجال طيب وعصبي بنفس الوقت . . . يخاف على عياله خوووف مو طبيعي . . . ومربي عنوود ونواف وهم صغار ويعتبرهم زي عياله . ..
أم محمد : حرمة طيبة بس تعصب زي أبو محمد على طووووووووووول بس ماسرع ماتندم وصعب تروح تعتذر لأن كرامتها ماتسمح لها . .
محمد : رجال ويعتمد عليه وعمرة 27سنه وجنوووونه العنوود . . . وهي أصلا من يوم واهو صغير كانوا الأهل مايقولون إلا عنود لمحمد ومحمد لعنود
نورة : أختهم الكبيرة ومتزوجه وهي صغيرة من واحد من برا العايلة ومقيمه ببريطانيا عشان عمل زوجها مؤقت وبترجع معاه وعندها ولد عمره 8سنين اسمه حمد وولد ثاني 6 سنين عبدالله ووبنت عمرها 3 سنين اسمها لجين . . .
سلطان : ولد شيطووون وينكت وخفيف دم والروح بالروح اهو ونواف ولد عمه . .
هيفاء : كبر العنود وخبله زيها وتحب الفرفشة والضحك
نجود : أصغر من سامية بكم شهر بس مسجلينها المدرسة مبكرة مع سامية وذكية واجتماعية وتموت على سمووو ( سامية ) . .
عمر: الولد الدلووع عمره 11سنه
ريناد : بنت كتكوته عمرها 6 سنين وحلوووووووة زي اختها هيفاء

وبقية الشخصيات راح أذكرها مع أحداث القصة



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-01-2008, 07:31 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


في أحد أيــــام فصل الربيع الرائعه . . . ونسيم هوائها الطلق المنعش وفي بيت أبو زياد الموجود بمنطقة الرياض بالسعودية توجد عائلة تملئها السعادة والسرور بقدوم أول حفيد لأم زياد وأبو زياد . . .
أم زياد وهي تبكي : مبروووووك ياولدي يازياد والله وصرت أبو ههههه
زيـــــاد وهو ميت فرح : الله يبارك فيك يايمه . . هااه بس الإسم أنا مالي شغل فيه انتي وأبوي اللي تسموونه . . .
أم زياد : لا ياولدي خل حرمتك سارة اهي اللي تسميه هذا ولدها ويحق لها
زياد : يايمة ياحبيبتي سارة بروحها اهي قالت لي اترك خالتي وخالي اللي يسمونه . .
أم زياد : مدام كذا مراح يكون غير اسم أخوي الله يرحمة أبو سارة فيصل , وأبوك أكيد مراح يخالف . . .
زيـــاد : امممم فيصل والله وجبتيها يايمة والله اسم حلوو ورايق . . . حلو والله كشخة أبو فيصل ياااهووو
أم زياد وهي فاتحة عيونها مستغربة وتضحك : هيييييييييه هذا وعندك ولد وتناقز كذا وقدامي بعد أجل والله مراح ألوم العنوود الخبلة . . .
العنود وتوها واصله من المدرسة وتعبانه وللحين ماتدري انه جاهم ولد : شـــــــــــــــف شهالغيبة الشينه . . . ألحين أنا يأم العنود خبله . . . طيب شوفيني شبسوووي عشان صدق ينطبق علي هالوصف . .
زياد وهو يحاول يفاجئ العنود بالخبر : أقوول يمه بروح أشووف ولدي فصوولي حبيب عمري وروحي تروحين معي نشوف سارة والا لا! ويطالع العنود وهي تصعد الدرج حتى وصلت نصه بعدين وقفت ورمت الشنطةوالعبااه على جنب ومادرى الا العنود واهي تنط من الدرج بكبرة وتركض تواجه زياد . .
العنود : اهههههي فصووول . . . ا ا الحين سارة ولدت ولا تخبروونني يالنحسين وترووح تركض وتحضن أخوها زياد وهي تبكي من الفرحة ليش ماقلتلي من قبل حرااام عليك والله انك . . . . .
يقاطعها زياد وهو يضحك : بل متى أقولك توها من 3 ساعات جايبته . .
العنود وهي تشهق : اههههههههي بعد من 3 ساعات ولا طلعتوني من المدرسة أشووف فصلووولي . . . الا تعالو من وين جبتو اسم فيصل والله حلووو
أم زياد وهي تدمع عيونها من الفرحةكل ماشافت ولدها زياد وتتذكر انه صار أبو : ألحين ماتعرفين إني أنا مسميته على أخوي الله يرحمة أبوو سارة خالك يالخبله
العنود : أي والله الحيين أعترف اني خبله وشلوون مانتبهت . . عموووما ً مايهم خبله مجنونه عادي اهم شيء زيووووود ابي اروح حق سواري وفصوولي . ..
زيــاد : لا حلفي أنا زيوود وحرمتي حبيبـــــــــــــــــــــة قلبي سواري ولدي اللي اهو عمك فصووول اجل وش بقيتي . . .
العنود : شف عاد الحين هذا جزاي يوم دلعتك ودلعت حرمتك وولد اخوووي مو عمي لو سمحت . . بس قولي متى بتوديني ! ! 1 بليز أبي أروح أشوف فيصل . . مدري احسه مو حلوووو كانه طالع عليك وعععع الله يعينه عز الله عنس ! ! واخزيااااااهـ ولد أخووووي بيطير سووووقه
( وثمثل انها تطيح على الكنبة وبكل شااعرية وتبكي خخخخ مجنووونة )
زياد وهو يطالع امه ومفتح عيونه على آخرة ويوجه الكلام لأمه : ألحين يايمة أنا القمر مو حلووووو وولدي اذا طلع علي عز الله البنات بطيحون عند باب غرفته وأولهم أنتي
أم زياد وهي تضحك : أقوول والله انكم تضيعون وقتكم بالخرابيط رووحي عنوووده بدلي وتغدي وانت زيود خذ غدا حق حرمتك سارة . .
العنوود : لالا احلف وين بتروح لالا حبيبي رجلي على رجلك بعدين من لاعب عليك وقايل انك قمر او حلووو ! !
زياد وهو مستغرب : محد بس حرمتي تقول أنت أحلى واحد شفته وأنا أصدقها بكل شيء تقووله يكفي اني بنظرها ملاك
العنود واهي تمشي للد رج تروح لغرفتها : خخخخخخ تكذب عليك تخاف تجرح شعوورك يــــــــــــــــــــــا حلوو
فيصل وهو يبتسم لها : غصب ٍ عنك حلووو ok
. . . . .
بعد صلاة العصــــر :
عائلة أبو زياد مجتمعين بالصاله كلهم يتقهوون وهاذا لازم يطبق ببيت أبو زياد محد يتجرأ ويطلع من دون مايتقهوى ويجلس مع أبو زياد بعد الصلاة مباشرة لحد الساعه 4,00 وبعدين الكل يتفرق . . .
أبو زيــاد : هاه ياولدي يازياد متى بتجي سارة والا بتوديها لبييت أهلها قبل
زيـــاد وهو يبتسم بوجه أبوه الطيب : لا والله يابووي الود ودي ماتطب بيت خالي الا شوي بس امها واهي اصرووو الى ان تخلص الأربعين بعدين ترد
أم زياد : الا شلوون ولدنا وسارة عساهم بخير . . .
زيـــاد : اما فصوووول يااربي يايمة لو تشوفينه شحلاتــــه قمر قمر وسارة بخير وتسلم عليكم بس تعبانه شوي لسه ماراح عنها التعب . .
العنود : الا يمه متى بنروح لها .
أبو زياد : أنا من رايي بس تروحلها وتسلم عليها وحنــــا بكرة
ان شاءالله ببيت خالك نروحلها عقب العصر والاشرايكم ؟!
ساميه : معك حق يابووي خلاص أنا موافقه .
عنود واهي تطالعها باستغراب : لا احلفي لايـــابوي أنا طلبتك أبي أروح مع أمي اليوم مقدر أصبر بيني وبين سارة تحدي وأبي أشوف منهو الصادق
زيـــاد بحماس : وش التحدي قوليلي ! !
عنود : لالالاوالله انت شعليك عاد عيب سوالف حريم
نواف ميت ضحك : أما عنود حرمــــــــــة كثروا منهاا هههههههههههاي
رؤى : وانا بعد حرمة
ياسر : ههههههههه تنكتين
وفي هاللحظة يرن جوال بــــ الخبله نمبر 2 يتصل بك ابتسمت العنود وردت . . .
ياسر وهو يطالع الإسم وفيه الضحكة : خخخخ من هاذي بعد والله شكل رفيقاتك كلهم خبلان ومهبل . .
العنود : هــــــــــــــــــلا واللـــــــــــه بنمبر 2
هيفاء : هلا والله بالمجنونة كيفك . .



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-01-2008, 07:32 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


عنوود : هيفااء تررى أبوي جنبي والله لو يسمعك أو يدري أنك تضايقيني كان تروحين فيها
ابو زياد وهو يضحك : لاهيفاء خذي راحتك مسموووحه
هيفاء وهي ميته ضحك : ههههههههههههههههههه ويه تفشلت عسى بس ماطاح وجهك
العنود وهي مفوووله ضايقه : أقول خبله نمبر 2اسكتي لأفضح عمايلك قدام أمك وعمي
ياسر برجاء : يالله عنووووووده تكفين افضحيها خنشوف شتسوي ! !
هيفاء بإحراج : عنوودة والله ترى لأزعل . .
العنود : لاانتي والا اهو ابي راي رؤى . . .هاه رؤى افضحها . .
رؤى بعيون بريئة : كيف يعني ؟!
هيفاء : خخخخخخ اختك رايحة فيها
العنود : أقول ماعلينا عمومــــــا ً شعندك متصلة
ام زياد باستغراب : هه شلون شعندك والله بعد ياحيها اللي اتصلت فيك تسأل عن أخبارك
هيفاء: والله اني أحب هالإنسانه
العنود وتبي تحرجها وتحط عالسبكر : أقووول هيفوووه من تحبين قلتي . .
هيفاء وبصوت كله نعومة ورقة : آآآآآآآآآآآآه أكيد . . . . . . . .
وتقاطعها العنود : لحظة هيفووه قبل ماتنطقين ترى الكل يسمعك من السبكر وينتظرون اجابتك
هيفاء وهي مصدوووومة منحرجة آخر حـــد وتتدارك الوضع : بعد منهي يالخبله أمك خالتي الله يطول بعمرها . . . اهي اللي دومها تدافع عني مو مثلك انتي وعمي بالقطارة تعطوني وجه . . .
العنود سكرت السبكر : هههههههههههه الا هيفوه تجيني والله ملانـــه
هيفاء : ماعندي حد يجيبني السواق مسافر وإخواني مو فاضين لي . .
العنود واهي تكلم نواف : نواف تجيب هيفاء !!!
نواف : عااادي بس تستعد وبمر أخوها سلطان وبجيبها معانا
هيفاء وهي منحرجة : ياحمااااااااااارة من قال اني بجي اصلا ً مااااابي تعبانه شووي
النود : ليش . . وقامت عنود تمشي برا بساحة بيتهم ونواف كان واراها بيطلع وكان يسمعها . .. وتكمل عنود : لايكون عاشقة . . وضغطت عالسبكر لأنها تعبت ايدها من مسكة الجوال وما كانت تدري ان فيه حد وراها . . .
هيفاء : أنـــا أصلا ً عاشقة من زماااااااااااااااااان مو ألحين بس تعبانه شووووي بردانه خخخخ
العنوود : يااربي ألحين ياناكرة الجميل ماتعلميني قوليلي من عاشقة ومنهو سعيد الحظ ! !
هيفاء : انتي عاد وشعليك مني . . . هاذي أسراري الخاصة ماأصرح بها لوكالة أنباء
العنود : هاااااااااااااااااااااااااااااااااا صدق انك ماتنعطين وجه يله يله بااااااي فوفو
هيفاء : أوكية cy
وسكرت العنود وتمت تمشي بحديقتهم وهي تفكر بحياتهم بعد ماجاء المولود الجديد فيصل واهي سرحانه جات رنه مسج ففتحتها ولقتها من هيفاء كاتبة : خخخخ آسفة عنووده نسيت أبارك لك يالعمة . . والله وكبرتي ياعنووود وصرتي عمة هههههه . . . عموما باركي لأمك بالنيابة عني وعموو واخوانك والجميع . . . يله فمان الله . . .
عنود ابتسمت على هيفاء اللي تكن لها مشاعر أكثر من مشاعر أخت لأختها الا تعتبرها توأمة رووحها الثانية . . .
وهي سرحاااانه مادرت الا حد ينغز ظهرها . . . العنود وهي خايفة وتركض تهرب : يـــــــــــــــمــــــــــــــــــة حراااااااااااااااااااااااامي
نواف : ههههههههههههههههههههههههههههههاي والله خبلة وين يجيك الحرامي وانتي بالبيت ياخبلة نمبر 1
العنود واهي معصبة : باااااااايخ ياحمار بغيت توقف قلبي . . .اوووووف ماعندك أسلوووب أبدا ً الله يعين حرمتك عليك . . .
نواف : الا العنود بغيت أسألك وشلوون صار شكل هيفاء توها حلووة زي قبل والله من تغطت عنا وأنا ماشفتها من 4 سنين تقريبا ً الا بالصدف وهي لابسة العباة خخخ
العنود واهي فاتحة عيونها منصدمة من كلام نواف : هه انت عاد شعليك سواء ً شينه حلوووة شدخلك لاتكووون عشقت وآنا مادري !
نواف وهو منحرج : يـــله عاد صدق ماتنعطين وجه مافيها ترى شيء اذا سألت عن بنت عمي . . .
العنووود : ههههه علي أنا هالسوالف يانواااافوه
نواف : لا اصغر عيالك ان شاءالله نوافوووه
وتضحك العنود وترووح عنه لداخل البيت . . . وتركت نواف يفكر وسرحان يفكر بهيفاء . . . اهو من سمع هيفاء واهي تقول اني عشقانه من زمان جاته وغمرته غيرة مو طبيعية حتى اهو استغرب من نفسة . . . لأنه ولا يووم فكر فيها وش معني يوم سمع هالكلمة وانقلب كيانه فوق على تحت . .
نواف وهو يكلم نفسة : ههههه والله اني خبل
ابو زيــاد وهو يسمعه مستغرب لايكون ولده انجن : نواف شفيك يبه ! !
نواف واهو سرحان ولا حس باأبووه يكلم نفسة : يـــاربي أنا شفيني لايكون بس حبيت هيفووه وآنا مادري اووووف والله حاله شكلك رحت فيها يانوااااااااف !
أبو زياد واهو كاتم ضحكته من اللي سمعه ومستغرب وشلووون نواف يحب غريبـــــــــــه ويكلم نواف بصووت عالي شوي عشان ينتبه : نوااااااااااف يبه شفيك تكلم نفسك لايكووون انهبلت ويبتسم
نواف وهو مرتاع من وجود أبوه بجنبة وخاف لايكون سمعه : هـــاه أبووي أنت من متى وانت هنيه ! ! !
أبو زيــاد وهو يضحك على ولده وربكته : هااه لالا بس كني سمعتك تخربط ومادري شتقووول
نواف : لالا مافيني شيء بس كنت أفكر وش آكل جوعااااان
أبو زياد وهو يمشيء ويضحك خفيف : ههههههه جوعااااان هاه شكلك ياولدي بتلحق أخوك قريب
نواف وهو منصدم لايكون سمعه : هاااااااااه شلحقه فيه يعني شلووون
أبو زيـــاد : لاتسوي نفسك غشيم وغبي انت فاهم وش قصدي وترى اللي كنت تتكلم عليها خوووش بنت
نواف وهو منحررررررررررررررج آخر شيء : هاه الا اقول اوبوي انا بروووح أ أ أ تبي شيء أجيبة والا . . . .. امممم
أبو زياد وهو يبتسم عولده : لالا رح الله يوفقك دنيا وآخرة روووح يبه
* * *
أبو زيــاد يطالع نواف وهو يروووح : والله وكبرت يانواف وقمت تحب . . الله يعينك على مابتلاك بس والله حلوو الحب وأيام وسنين الحب . .
العنوود : ههههههههههههههههههههههههههههههههههههههههههههه أبووووي تحب
أبو زيـــاد : بسم الله انتي من متى جيتي . . ووين بتروحين لابسة العباة
العنود : انا هنا من ياحلو أيام وسنين الحب . . والله يطول بعمرك أنا وسامية بنروووح لهيفاء وبودينا نواف وامي وياسر ورؤى بترووح مع زياد لسارة ببيت أهلها . .
أبو زيــاد : اهااا ايه خلاص . , , بس لاتتأخروون زي كل مررة خلو عاد الناس ينامون . .
العنود و تتكلم سامية من بعد ماوصلت سامية: ok بابي
* * *



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-01-2008, 07:34 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


* * *
وعند بيت هيفاء اللي هو بيت بو محمد أخو أبو زيــاد الكبير . .
نواف : يله نزلوا . .
سامية : نواف ليش مراح تنزل تسلم على عمووو
نواف وهو يفكر انه يمكن يشووف هيفاء لأنه خير شر مايدخل هو جوا البيت لأن عمه دائما يكون براا أو بالمزرعه ويشوفه اهناك اما الحين عمه مع ام محمد وخله مرة وحدة يسلم عليهم : هااه ايه خلاص راح أنزل
العنود : خلاص أجل أنا بسبقكم
سامية : خلاص بنوقف السيارة وبننزل أنا ونواف
* * *
طبعا ً بقولكم هنا ملامح العنود وهيفاء وسامية . . .
العنود : بنت بيضاء بشكل يلفت بس مررة حلو عليها ومناسبها وعيونها كبار ورموشها طويلة وملتفة على فوق أما شفاته صغيرة بس متفخة من وهي صغيرة وورديــــــة وطويلة بشكل معتدل بس اهي أقل جمال من هيفاء . . .
هيفاء : روعه جميلة بشكل ملفت . . . شعرها طويـــــل لنهاية ظهرها وأسوود وناعم وكثيف وعيونها كبار ورموشها كثيفة وحواجبها مرسومة بشكل حلو وشفيفها حلووة على تكوينة وجهها ومايلة للون التوتي الفاتح مررة بس جميلة بشكل يخلي الواحد غصبن عن يذكر الله إذا شافها . .
ســـامية : بنت أسمرانية وبالإختصار ملامحة هندية حلووووة وشعرها طووووويل مثل هيفاء تقريبا ً وناعم وكثيف نفس الشيء وطويلة أكثر من العنود . . .
* * *
هيفاء : واااو عنووده حلووو لبسك من وين اشتريته والله جنان عليكي . . .
العنود طبعا كانت لابسة برمود حليبي وفيه موديــل غريب من جنب البنطلون بس كان جنان وكانت شريته لها سارة بنت خالها يوم كانت مسافرة ويا زياد لـــلــنـدن وأعجبها وخذتها للعنود وفوقها تي شيرت أورنج كت بس فيه قطعه شيفون نازلةعلى ايدينها من فوق بس ومسوين فيه موديل نعوم وكانت فاتحة شعرها طبعا كان شعرها كثيف وناعم وكانت توها قاصته قصة غريبة اهي طلبت من الكوافيرة انها تدخل في شعرها كم قصة وطلع خيـــال عليها ولابسة صندل ربط أورنج بس رهيب , وكانت مكحله عيونها كحل داخلي خفيف أسود وحاطة قلوس وردي وكان شكلها مرررة كيوت . . .

العنود : خخخ عيونك الحلوووين والله يالبنت العم البنطلون سارة مرت أخوي شريته لي من لندن الأجازة اللي فاتت ( راحت ) والتي شيرت من سوق الراشد بالخبر يوم كنا مسافرين. . بس والله لبسك انتي روعـــه ومرتب عليكي مو مثلي هئ هئ
هيفاء : لا حراام عليكي والله لبسك حلوو وبجد طالعه بنوته . .
أمـــا هيفاء كانت نفس الشيء لابسة برمود بس أبيض ومن تحت ضغط خفيف وفيه من ورا رشة بالألوان مرسوم باللون العشبي . . . أما
التي شيرت كان لونه عشبي وكمة كت وكانت حاطة على يدها من فوق ربطة لونها عشبي ومرسوم عليها باللون الأبيض . . . أما الصندل تبعها لونها عشبي وموديلــه غريب وحلوووة فيه لمعه خفيفة منثورة علية عجنب واحد بس . .
وطبعــا ً كان بالصاله الداخلية نواف وسامية . . . والعنود نست السالفه . . . وكانو وهم ينزلون من على الدرج كانو الثنتين طبعا خبلات ومهبل يعني الله لايلومهم في اللي بيسونه ألحين . . .
طبعا كانو الثنتين يتزحلقون على السياج حق الدرج راكبين عليه وكل وحده بجهه . . .
وطبعا وهم يتزحلقون اللي في الصاله مستغربين وشهالصراخ عليه . . .
ومادروا الا طرااااااااااااااااااااااااااااااااااااااخ وبعد ثواني الثانية طرااااااااااااااااخ طرااااخ
عاد اهم لحد ألحين مانتبهوا إن حد في الصالة . . هيفاء وهي طايحة عدلت جلستها واهي تحك ظهرها وراسها وتقول : آخ آخخخ والله وتكسرت ياعنود ياويلك من فارس الأحلام اخخخ
العنووود واهي ميته ضحك على نفسها كشتها طايرة : ههههههههههههه علينا أشكال بس والله وناسة أحسن من الملاهي عالأقل ببلاش ! !
ومادروا الا بواحد من ورى يطالعهم ومنصدم وكاتمته الضحة والمافجئة كــان أخو هيفاء سلطان اللي كبر نواف كان نازل بيروح معه ويوم شافهم ماقدر يمسك نفسة ومااات ضحك والثنتين طبعا راحووو فيها وتوهم بيقومون يهربون الا هيفاء تنصدم بعيون تطالعها وماعرفته زين لأنها ماتوقعت ان نواف يكون موجود ببيتهم وبالذات بالصاله الداخلية . . . فكل وحده تبي تهرب فتصادموا بالراس وخلاص ماتوووو احراج وعلى طوول سيده للمطبخ . . . وراحت سامية وراهم . . .
أما نواااف الله العالم بحالته من عقب ماشاف هيفاء ويتكلم في خاطرة : يااااااااااااااااااه هاذي هيفاء ! ! صدق ملاك ياربي عيونها نظراتها ضحكتها جسمها شعرها كل شيء حلووو . . بس آه ياقلبي اهي تحب حد غيري منو يكون أكيد من خوالها . . . ياربي شهالحظ يوم حبيت تكون تحب غيري . . بس كل ماتذكر شكلها ابتسم في خاطرة . .
سلطان : نواااف شفيك ياخي من متى وأنا أكلمك
نواف : هاه لا ولاشيء بس كنت أفكر وين تبينا نروح لـــه مع الربع والا للنادي ! !
سلطان : لالا النادي الرياضي المغرب وألحين للربع أكيد . .
أبو محمد : خلاص خذوني معاكم وحطوني عند أبوك يانواف . . وانتي ياأم محمد من بيوديك لسارة أم فيصل !
أم محمد : محمد ولدي بيوصل ان شاءالله ألحين من الشرقية وبروح معاه .
سلطان : الا يايمة متى بتزوجوون محمد والله قاعد ببلعومي خلصونا أبي أشوف حياتي
أبو محمد : اعقل شف نواف هذا أخوه تزوج من سنتين وثاقل بعدين شلك بوجع الراس توك صغير على هالسوالف بيمديك اذا خلصت هالسنة من الجامعه واشتغلت يصير خير
* * *
أما بالمطبخ كانت الحاله غير . . .
العنود : الله يقطع بليسنا يوم فكرنا هالتفكير يااااااااربي بيذبحني نوااااااااف
سامية : تستاهلون أجل حد يتزحلق من سياج الدرج هذا الناقص بعد
أما هيفاء منصدمة وجهها مصفر من الصدمة خاصة ً يوم عرفت ان اللي شافها نواااف . . . نواف اللي كانت تغليه أكثر من رووحــها . . اللي كانت تحبة وكاتمه هالحب بقلبها وتعبر عنه بدفتر مذكراتها . . لا ويشوفها وهي بشكل سخيف ! !
سامية وهي تكلم هيفاء : هيفاء أختك نجود لس بمعهد اللغات والا طالعه عند خوالك
هيفاء : لا يمكن بعد ساعة تجي اليوم عندهم حفل لطالبات المعهد الجديد . .
العنود : صراحة ماشاءالله على أختك ماكفتها ثالث اعدادي ! !
سامية : ماشاءالله عليها والله اهي الصح واللي مرتبه وقتها بس لو كان المعهد قريب من بيتنا كان داومت فيه
ومادروا الا وأم محمد تهلي وترحب . .
يوم طلوا مع الباب يشوفون منو . . كان محمد توه واصل من الشرقية توه جاي من عمله بالخبر . . كان طبعا ً يوم أربعاء وكان عنده إجازة وبيرجع الجمعه . . .
وطبعا راحت هيفاء تسلم عليه وتوها بتروح الا محمد يناديها . .
هيفاء : هلا محمد بغيت شيء
محمد : ايه وين رايحة ابي اسمع سوالفك وآخر مغمراتك
هيفاء : هههههه بعدين الحين معاي العنود وسامية ماقدر أخليهم بروحهم . .
محمد : ايه شخبارهم ان شاء الله بخير
هيفاء : ايه تمامووو
محمد : خلاص ولكم مني بعد ماودي أمي أوديكم لأي ملاهي بس عوائل ابي أدخل معاكم واستانس
هيفاء وهي تركض وتحضن أخوها من الوناسة : يااااااااااااي مشكووووووور حموود والله اني أحبـــك أحبـــــــــــــــــــــــــــــــــك
لعنود تكلم سامية : أقول لايكون انهبلت مو كأنها تقول احبك وتصارخ لايكون انجنت
سامية تضحك : ههههههههههههههههههه والله تسويها بنت العم
ومادروا الا وهيفاء تفتح الباب بقوووة واااااااي يله البسوا عبياتكم بيودينا محمد للملاهي واااي وناسة . . . ودخلت عليهم نجود وهي مستانسة ببنات عمها وبالطلعه اللي قالها محمد على طريقها . .
وطبعا ً أنتوا بتتساؤلون ليش محمد بيوديهم وليش اهو اللي اقترح مع انهم ماقالوا شيء له ( طبعا ً العنود من كانت صغيرة وهي محيرة لولد عمها محمد والكل يعني عارف السالفة طبعا ً بس الكبار أما العنود وهيفاء وسامية ونجود مايدرون عن شيء يعني بس بين الرجال والحريم ومحمد كان ناوي يتزوج بس بعد ماتكبر العنود وتتخرج من الثانوية . . واهو بهالطلعة يبي يشوف العنود بأي طريقة يبي يونسهم ويفرحهم ) . .
وطبعا راحوا البنات بعد ماستأذنوا من أهلهم . . . ووداهم محمد لأحد المدن الترفيهية الكبيرة وكانت ألعابها خطيرة . . .
محمد : يـــله بنات وين تبون نرووح . .
هيفاء : محمد نبي سيارات انا والعنود نموت عليهم . .
محمد وهو يطالع العنود المتغطية بنظرات أحلى منها ماكو بس ولا شيء ساكته وتطالع الأرض . . وكلمها : هاهـ العنود تبين تروحين للسيارات والا بلاش
العنود واهي منحرجة من محمد ونظراته وبصووت واطي : هاه . . لا أ عادي !



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-01-2008, 07:38 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


هيفاء مستغربة من حركات محمد ونظراته للعنود أما سامية و نجود مو منتبهين منسجمين بالسوالف عن المدرسة والمعهد والبنات . .
هيفاء : الا محمد نبي بليز
محمد وهو يبتسم : اوكيك يـــلـــه ورايا يارجالة !<<< انهبل ماصدق يطلع مع بنات ويقلبهم رجال
ويوم وصلوا للسيارات (اهي طبعا لعبة معروفة جدا ً بكل منتزه تكون موجودة ) . . .
طبعا وبعد محاولات قبلت العنود انها تركب ومحمد مثلهم ركب وتمو يلعبون وضحك الا العنود اللي مرة تضحك ومرة تستحي وتسكت . .
وبعدين مشت هيفاء بكل سرعتهـــــــــا وصدمت سيارة العنود بقوووووة حتى طاحت الطرحة اللي كانت تتغطى فيها العنود . . وانتبه لها محمد وانصدم من اللي شافة محمد بخاطرة : مـــــــــلاك ياناس تجنن. . تغيرت عنووود واجد بس مانتبه كثير لأنها بسرعه عدلت طرحتها ( غشوتها ) واهي شوي وبتصيح من الإحراج أمـــا هيفاء ميته ضحك وقالت تخليها فرصة عشان يشوفها محمد أخوها لعل وعسى يتزوج ويفتكون من سالفته . . .
وبعد مانزلوا وعنود خلاص تبي بس ترجع للبيت من هالموقف الا الموقفين البايخين اللي صار لها اليوم . .
عنود طبعا وهي تمشي كانت متأخرة عنهم عشان ماتنحرج أكثر اذا طالعها محمد . . وهي تمشي مادري الا بشباب يمشون وراها واهي ميته خوف . . ومحمد كان منتبه بس ماسك أعصابة عشان مايحرجها وارتاح شووي يوم سرعت من مشيتها ولحقت عليهم بس لحد ألحين والشباب وراهم . . . ومحمد قالهم ينتظرونه شووي وراح وهزأهم ونزل راسهم بالأرض . .
وراحوا وتركوهم بحالهم . . .
العنود واهي خايفة من محمد أنه يعصب عليها تكلم هيفاء : هيفاء ياااربي ياليت ماجينا محمد أخوك شاف الأولاد اللي وراي أخاف يعصب علي!
هيفاء وعلى وجهها ابتسامة : لا عاد شدعوة اني مالك شغل باللي صار محمد أخوي مو من هالنوووع محمد طيووووووووووب بشكل ماتتصورينه
العنود وهي تتذكر صدمة محمد يوم شاف الطرحة ( الغشوة ) طاحت من على وجهها وهي تلعب بالسيارات تضحك في نفسها . . .
عمومــــــــا ً جاء محمد وهو يبتسم لهم وكان معصب من داخل على هالأولاد اللي انوجدوا كثير ويخلي الواحد مايستانس مع أهله وأحبابة . . .
محمد : هاه سموو ونجود وين تبونا نروووح . .
( اللي تلاحظونة بشخصية محمد أنه عاادي عنده يكلم بنات عمه يعني يحب يسولف وياهم ومايحط بينهم وبينه حاجز )
سامية : هاه لاعلى راحتك
نجود : نبي قطااااااااااار الموت
محمد : خطيــــــــــــرة والله خلاص ولا يهمكم يـــله وراااااااااااي شباب
والبنات يضحكون على خفة دمه معاهم ومشوا وراه . . .
ومر الوقت واستاااانسوا من خاطرهم ولا طلعوا الا بالقووة من المنتزة طبعـــا ً عقب ماطلعوهم الأمن . . .<<< خبلان خخخخخخخخخخخ
محمد بالسيارة : هاه صبايا وين تتعشون فيه
العنود تضرب هيفاء عالخفيف : لا قوليلة مانبي وااااي فشيلة
هيفاء بمكر وتطول صوتها : ok العنود . . . إلا محمد تقول العنود وتضربها العنوووود من الفشيلة . .. ولا همتها وتكمل . . تقول ودنا نتعشى بمطعم ليالي بيرووت
العنود وتطلع شهقتها بصوت واضع من الصدمة من هيفاء : هيـــــــــــــــــه محمد والله كذابة ماقلت كذا أنا أقول ابي أروح لبيتنا

محمد وهو يبتسم : لاعادي ماصار شيء بعدين تو الناس ليش تروحون !
سامية : ماقصرنا أزعجناك محمد ماخليناك تتونس مع ربعك . . .
محمد : ألحين أنــا جاي لربعي والا لهلي . . . أنا ماجيت الا عشانكم واقعد معاكم واوونس نفسي وياكم والا مليتو مني
العنود في خاطرها : يحليله يفضلنا عربعه والله انك تستاهل كل خير يامحمد . . .
وبعد هالسوالف راح بهم محمد المطعم وعشاهم كل مالذ وطاب من المشويات والمقبلات وغيــــــرها من المشروبات والحلويات . . وانسجموا بالسوالف ويا بعض الى ان خلصوا . . . وبعدها وصل محمد بنات عمه لبيت عمه وراح اهو وخواته لبيتهم . . . والكل نــــــــــــــــام . . .
* * *
بالصبـــاح الساعـــه 7,30من يوم الخميس وفي بيت أبو محمد . . .
نزل محمد من غرفته فووق للصالة الداخلية للبيت تحت . . . ومالقى الا أمه أبوه . . .
محمد وهو يبسم : ياحي الله هالوجيه . . ماشاءالله أمداكم تشبعوون نوم
أبو محمد وهو يشرب فنجال القهوة العربية ذات الرائحة العبقة اللي تسلب الألباب : تعال ياولدي حيــــــاك
أم محمد : وش فيك ياوليدي عسى ماشر وش اللي موقومك من صباح الله خير تونس شيء يوجعك
محمد وهو مبسوط على خوف أمه عليه : هاه ايه قلبي يايمه قلبي ( ويغمز لأبوووه ). .
أم محمد وشرقت بالقهوة من الخوف : بسم الله عليك انشاءالله في عدوينك عسى ماااشر يايمه
محمد : آه يــــايمة قلبي مو يعورني من وجع فيه الا من الحبيبه متى بتخلص واعرس وأفتك بالله عليكم ماودكم بوليد مني أجيبه وياي ونتقهوى مع بعض
أم محمد وبدت علامات الإطمئنان ترجع لوجهها : إيــه قول كذا من زمان خرعتني الله يهديك . . الا كانك تبيها من اليوم تملك عليها وشهو له الدراسة وآخرتها بتقعد بالبيت ! وإذا مطاعت البنت فيه ألف وحده تتمناك غيرها ياولدي
أبو محمد وهو يضحك : شوي شوي ياأم محمد البنت ماقالت مابيه ولا عندها أصلا ً خبر بانــَّــا محيرينها وحاجزينها لمحمد . . وبعدين هاذي رغبت ولدك اللي قال اذا خلصت فاتحوووها أما أنت يامحمد هونها كلها كم شهر وتخلص البنت . . .
محمد وهو يسوي نفسه زعلان ويتذكر وجه العنود أمس يوم كانت تلعب وطاحت طرحتها (غشوتها ) من على وجهها : طيب أنـــا هونت مابيها لين تخلص مابي مابي أبي أعرررررررررس مليت كل ربعي عندهم حريم الا أنـــــــا ! ! !
أم محمد وهي منفعله مع السالفة : خـــلاص ياولدي ولا يهمك اليوم بروح أخطبها من مرت عمك رسمي والملكة الأسبوووع الجــأي وش رايك . . .
محمد وهو مصدق وحط السالفة جد : هاااااه والله حركه خلاص يمه تكفين
أبو محمد : أنت صاحي ألحين ماتملكت عليها الا يوم بغوها أهلها تشوف دروسها وتجي أنت وتلهيها ! !
ومد محمد بوووزة شبرين : خلاص اللي تشوووفه
وام محمد ساكته تخاف ابو محمد يعصب عليها بس محترة من داخل : طيب متى !
أبو محمد : والله من رايي اهو باقي عليها وتخلص شهرين وخلاص نصبر ونشووووف . . .
محمد وهو يستأذن : يـــله أجــــل الساعه 8 وربع بروووح أخلص شوية أشغال وأمر على عمي أسلم عليه . .
أبو محمد : ليش توك ماسلمت . . . أفااا يامحمد ماهقيتها منك من امس وانت فيه وما شفته . .
محمد : الا يابووي مريته عقب العصر قبل ماجي للبيت وقالوا طالع وقلتلهم يخبروونه . . والمغرب وديت امي وخذت البنات امشيهم . . .
ابو محمد : أيـــه ريحتني الله يريحك خلاص يابووي رح مرخصك
أم محمد بعطف وحنان : أنتبه يمه من السيارات ولا تسرع إيااني وإياك سمعت .
محمد من بعيد : ان شاءالله يمه . . فمان الله . . .
* * *
في بيت أبو زيـــــــاد :
العنود ماجاها النوم من أمس وهي سهرانه بس تقريبــا ً نامت ساعه او ساعه ونصف وقامت تفكر بمحمد ماتدري وش خلاها تفكر فيه . . :يااربي وشفيني آنــــا والله انـــي تهبلت . . أقوول خل أبدل بيجامتي وأنزل أروح لحديقتنا من زمان ماسقيت الزرع برووحي وتوها بتروح تبدل وقالت : شف الحين من بلقى قايم غير امي وابووي ويمكن زياد أقووول والساعه 8 ونصف محد جـــاي من الصبح غير عمووو
( طبعــا ً بجامتها كان لونها ورديـــــــــة ونعووووومة أكمامها طوال وضغط من عند الإيدين والبنطلون برمود << البنت تموت بالبرمود شنسويلها . . . وضغط من تحت . . . ولابسه صندل ( شبشب) النووووم وكان مريح ومغطيه ريش ناااعم حيــــــــل , وطبعا ً البنت رابطة شعرها عفوووق ومنزلــه خصل وطالع شكلها مرررررة بنووتي ) . .
نرجع للأحـــداث :
وهي تنزل من على الدرج اللي طالع دائري عالبيت . . . طبعـــا ً كان الدرج في الصاله وكانت مفتوووحـــة يعني صاله تلفزيوون يجتمعون فيها بعد لعصر والا بالفطوور وعلى اليمين الدرج مطبخ كونتر صغير كمان مفتووح عالصالة ومن جهة اليسار باب بعدين خلاص قسم يختص بالمطبخ وغرف الغسيل وصالة طعام وغرفة مالت الصغار يلعبون فيها تحت عيون الخدم . . .
ويو نزلت وسلمت على أمها وأبوها ومالقت حد غيرهم . . . خذت لها كوب كابتشينو وطلعت برى بالجوال مالها وكتاب الفيزياء والدفتر وطبعا ً لأن يوم السبت كان عليها إمتحان بس أختكم مو راعية مذاكرة راعيه لعب بس خذته تسكت أمها وأبوها عبالها بتذاكر . . .
( وطبعا ً بيتهم كبير مرررة وأو ماتطلعين من الباب الرئيسي تلقين طريق مرصص بالأحجار ويتخللها شوي من العشب الأخضر وأما جهة اليمين واليسار كانت كلها مزروعه وفيها بعض الليتات من الطرفين بالليل . . وبعد ماتمشي تقريبا ً 10 أمتـــار تلاقي على يمينها حديقة مفتــوحة وتفتح النفس وجنبها قبل ماتدخلين المزرعه يعني بالطريق طاولتين صغار وجنبها كم كرسي للبنات اذا اجتمعوا والا لزياد وسارة قبل ماتجيب فيصل كانوا يجلسون فيها . . وعلى بعد 5 أمتارفي جهة اليسار فيه مسبح كبير بس شكله رهيب واذا شفتيه الود ودك تسبحين ولا تطلعين منه . . .
وطلعت الأخت وترفع كم ( أكمام ) يدها وتحط الكتاب عالطاوله الصغيرة
وتاخذ الجــوال وتحط على أغنية ياطبطب لنانسي وتطوول عليه آخر شي عشان تسمع وكانت الحديقة قريبة من الطالولات مو بعيدة مثل المسبح يعني على طريقك على طووول وقدامك على بعد 4امتار تقربا ً الباب الرئيسي او الخارجي للبيت . . .
والبنت انفعلت زيــاده عن اللزوم أنــا قايله لكم ان وجهها مو وجه دراسه . وتقوم ترقص وهي ترش الماي على الحديقة وتغني والأخت في الله منسجمة ولا سمعت صوت محمد وهو يتنحنح عشان يدخل . . . محمد من شافها ارتاع وانصدم من شكلها وهو ميت من الضحك من داخل ولا عاد اهو لقاها فرصة عشان يحرجهااا فعلى صوتها وتلتفت عليه العنووود وعلى طوول ماشاف الا غبار رجليها . . .
محمد :هههههههههههههههههههههههههههه يحليلها توسع الصدر والله . . وتوه يمشي الا يسمع صووت الجوال لس يغني وراح وضحك وراح عالطاوله وسكره وقام يضحك عليها . . وترك الجوال عجنب وخذ الدفتر يشووفه والكتاب . . .
محمد : أكيد مال العنود خل أتفرج عليه هههههههه
وهو يتفرج فتح آخر الدفتر ومااات من الضحك . .
شتتوقعون كان فيه . . .
كانت راسمه شكل حرمـــة ودبا سمينه بالحيل ولابسه نظارات وكاتبه تحت الرسمه : هيفاااء مو كانها تشبه أستاذة الفيزياء * _ *
وتحت خط ثاني عرف انها هيفاء اخته وكاتبه : لاعاد حرام عليك كأنها أسمن شووي من كذا
وكاتبه العنود : مادري بس تشبهلها شوووي . . إلا تعالي بتذاكرين الامتحان يوم السبت والا كالعاده نهرب من الحصة وبلاش
هيفاء : علمي علمك بس للاحتياط ذاكري كم صفحة خخخ
العنوود : ياولي من بابا لو يدري ذبحني
هيفاء : أنا أبوووي حليوو بس محمد ( وهنا انصدم محمد ) بوريني الويـــل . . الا عنود وش رايك تاخذينه وتفكينا منه خل يحط حيله فيك
العنود : لاعاد خير وش شايفتني . . بس صراحة ماتوقعت محمد عصبي شكله مرررة طيب
هيفاء : احم الاستاذة كشتتنا باي لاعاد تطيرين الدفتر يمين ويسار اثقلي
محمد : هيـــــــــه والله اني مظلوووم هين ياهيفووه وتخربين زوجه المستقبل علي بعد
زيــاد من وراه توه جاي من الشركة : منهي زوجه الأحلام أختي
محمد : بسم الله الرحمن الرحيم من وين طلعت خرعتني
زيااد : من وانت تقرى المحادثة المبجلة خخخخخ بالله من وين جايبها !
محمد مبتسم من خبالهم الزايد : والله علووم تصدق ان هيفوووه وزوجة المستقبل العنوود يفضوون من حصة الامتحان
زياد منصدم : لاوالله
محمد وهو يضحك : ههههههههه والله اذا مو مصدقني شوووف الدفتر واقرى خخخخخخخخخ أثرهم مو هينين . . بس شوووف سو حصار ابي زوجتي ترفع راسي
زياد يوووم قرى وماااااات من الضحك : لالالا عنوود أكيد كرهتك هيفوووه ذمتك ذم خلتك ماتسوى من عصبيتك
محمد : شفت والله اني مظلوووم
زياد : اما عن عنوود انا بسنعها بخليها تنتبه لنفسها تستهبل البنت مو وجهها علمي هاذي
أما عنوود من دخلت البيت طايرة وعالطاير لغرفتها : ياوووووووووويلي . لابعد بالبجامة هئ هئ هئ هئ هـــئ ياويلي لوحد شافني بيذبحني أخخخ هذا وقته بعد . . .
* * *
محمد : الســــــــــــلام عليكم
بو زياد : حيالله من يانا حيا الله ولدي محمد
أم زياد : هلا والله ومسهلا تو مانور البيت شلونك ياولدي
زياد : من قدك آهـ آآآآآهـ بس متى تخلص سارة من الاربعين وتجي تهتم فيني وتهلي اما انتو ولا حد عطاني وجه . . .
ام زياد : يله ياجذاااب الحين حنا مانهتم فيك !
محمد : اخخخ رحت فيها ياويلك منهم . . ماعليك منه خالتووو
ام زياد : يالقاطع وش فيك ماتجينا
محمد : عاد تعرفين ياخالتي دوامي بالخبر وما أجي الا الأربعاء العصر والجمعه بعد الغداء امشي مافيه وقت . . .
أبو زياد : ماتقصر ياولدي . . الا وشلونك وشغلك عساه زين . . .
محمد : تــمام والله . .
وتمو يسولفون نصف ساعه عن الشغل والسياسة والأسهم وأشياء ثانية غيرها وتقهووا وأفطروا مع بعض ومادروا الا برؤى تصيح , أم زياد : وش فيك يارؤى !
رؤى :يـــمه يسوووري الحمار ضربني يقول الجيم بوي مالته لحاله مو أنــا وياه . . والعنوود ( وهنيه انتبه محمد وضحك عليه زيـــاد ) الخبلة قومتني من النوووم من سريري ونامت عليه أخاف تكسرة سريري مررررة صغير مو قدها . . مادري وشلون عكفت وصفطت نفسها ودخلت هئ هئ هئ هئ هئ قومتها وقالت انقلعي مانمت الليل . . .
تعال زياد طقها . .
محمد وهو يضحك من خاطرة على العنود ويم تخيل شكلها : هههههه خلاص رؤى نامي بسريرها !
رؤى : ماقدر قفلت غرفتها أصلا ً اهي ضعيفة نفس واااايد مالها حيل تفتح الباب وجات ونامت بسريري وقفلت الغرفة بعد عقب ماعصبت علي . .
زيــــــاد وهو معصب على اخته الخبله : ولا يهمك رؤى أوريك فيها .
بو زياد : ماعليك منها مسكينه منهد حيلها تبي تنام . . بعدين اهي جاتني الصباح وكأنها تعبانه شووي حرارتها مرتفعه فأخذت مخفض الحرارة ورجعت فوووق . . .
زيــاد : ولا يهمك . . بس والله شكلها من عمايلها تقول مافيها شيء . .
محمد وهو منسجم مع السوالف مادرى الا ياسر يصارخ وهو ينزل : يمه . . يـــــــــمه . . .يمــــــــــــــــــه . .
الكل خاف تحرو شيء صار أم زيــاد : وشفيك عنود فيها شيء
يـــاسر : لابس جوعااااااااااااااااااان ماتريقت
أبو زياد : ياااربي عليك متى بتعقل يسووور كم مرررة قلت لك لاتخرعنا بصراخك . .
وفي هاللحظة قام محمد : يله اسمحوولي بروح أنــــــــام شوي قبل صلاة الظهر
أم زياد وأبو زياد : تو الناس ويكمل ابو زياد : مابعد شبعنا منك ياولدي اقعد شوووي معانا . .
زيــــــــاد : محمد أقعد أفااا عليك أحين ترد عمك
محمد وهو منحرج : لا والله بس والله بجد فيني النووم امن شاءلله عقب العصر أمركم والا المغرب . .
أبو زيــاد : مادامه كذا خلاص الله يحفظك . . .
* * *
في بيت أم ســـارة ( خال عيال أبو زيــاد ) :
ســارة : يمه ماجا زياد الصباح !
أم خالد ( ام سارة ) : الا يابنيتي وجاء ودرى انك نايمة وقعد تقهوى معي شوي ومع خالد اخوك وحمد وروووح الله يحفظة وتراه يسلم عليكي ويقول مرة ثانية لاتقفلين الجوال . . .
ســـارة : هاه لا ماقفلته لايكون بس الشحن فاضي ! ! ! يوووووه مقفل الشحن رايح مافيه ولا شيء . . . خلاص بشحنه . .
أم خالد : جيبيه والله ماتودينه وانتي توك أم أسبوع تعبانه . .
ســارة : لا يايمه بوديه عنك . .
أم خالد : طيب خلاص بنادي وحده من خواتك تشحنه بغرفتها
ســارة : خلاص يمه براحتك . .
وراحت الأم تنادي وحده من بناتها . . .
( الكبير: خالد29 وعنده ولد (فيصل على أبوه وعمرة 9سنين ) وبنت ( فطوم عمرها 6سنين ) وبنت ( ريما عمرها 3 سنين ) وزوجته هنادي بنت خالته لطيفه , حمد توه ماتزووج وعمرة 26سنه , ســـــارة زوجت زياد وعمرها 24سنة وعندها فيصل ماكمل أسبوع, الجوهرة بالجامعه مستوى ثالث , أميرة بثالث ثانوي كبر العنود وهيفاء , وطلال عمرة 16سنه أصغر من أميرة بسنه , وورود حلوووة ونعومة عمرها 13 سنه ) . .
وجات الجوهرة وتمت تسولف مع سارة ويضحكون وشبكت الجوال بالشاحن عند سارة تخاف زياد يتصل والا شيء . .
* * *
بعد العصر تأخرت عنود اقامت من النووووم وخافت أمها عليها وراحت تدق عليها باب الغرفة ومحد يرد . .
أم زيـــــــاد وهي تضرب الباب بقووة : يــــــمه العنوود قوووووومي بسم الله عليك شفيك ماتردين علي ّ
سامية جات تركض من غرفتها خايفة من هالضرب : يمه وش صاير! !
أم زيـــــاد والدمووع بعيونها : يمه أختك العنود أبوك يقول انها تعبانه الصبح حرارتها مرتفعه وكلت مخفض ونامت من الساعه 9ونصف ولاقامت عسى ماصار لها شيء . .
خلاص هنا عاد انجت وخافت سامية : وتمت تضرب زي أمها بس امها قالت لها تدق عزياد وراحت دقت على زياد . .
* * *
زيــاد في الكوفي مع محمد ولد عمه : هذا البيت يدقوون أكيد العنود وطلباتها اللي ماتخلص
محمد : ياحبني لها
زيــاد : هيـــه انت أحترم نفسك للحين ماتزوجتو
محمد : والله خطيبتي وكيفي رد رد الله يخليك بس لاتضيقها
زيـــاد : عنااااد مراح أرد ويرد المكالمة
محمد :هيــه حرام عليك ششسوووويت أنا بدق اشووف كان اهي والا لا بس وبسكر
زيــاد : تنكت مراح ترد عليك
محمد : طيــــــــــب بتشوووف و ويدق محمد وحط عالسبكر . . وترد سامية وصوتها متغيرررر من الصياح : ألوووو منو محمد
محمد خاف وارتاع اهو وزيــاد : هلا سامية شفيج خالتي فيها شيء
سامية : لالا محمد وين زياد هو معاك . .
زياد : ايه ايه انا معاه شفيك
ساميه : زيــــــــــــاد أختي العنووود مادري وش فيها وتمت تصيح

* * *
طيب ألحين بسألكــم !!
محمد وش راح يكون شعوورهـ تجــاهـ العنوود مع المواقف اللي صارت واللي بتصير ؟
وهل بيستمر حب محمد اللي لس مانولد !!
ونواااف هل حب هيفاء والا نزووهـ وتزوول ؟؟
وسلطان وش راح يصير لهـ ؟؟؟
تساؤلات كثيرهـ تطرح نفسها وإن شاءالله لي موعد قريب ويــاكم؟؟
أنتظر توقعاتكم


اذا عجبتكم قول لي عشااان اكملها لكم

تقبلي خالص إحترامي ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-01-2008, 07:55 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد : أحلى حياة عشناها قصه روعه ومشوقه


الله يعطيك العافيه
راح اقراها وارجع لك




:تحياتي:


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-01-2008, 06:44 PM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


فينيسيا

وغلا ..يشرفني اني ارد على اول من رد على القصه..

حضورك ومشــــاركتك الاروع ياقلبي

شرفني مرورك يالغلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-01-2008, 02:48 PM
صورة anime girl الرمزية
anime girl anime girl غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


تجنننننننننننننننننننننن

خيااااااااااااااااااااااااااال

اسجل حضوري من متابعيها بشدة


تكفين يالغلا لا تتأخرين علينا

مندمجيييييييييييييييييييييييين



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-01-2008, 04:05 AM
صورة anime girl الرمزية
anime girl anime girl غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


قصه رووووووووووووعه بليييييييييييييز كمليها

ننتظركـ

لاتتأخرين

تقبلي مروووري



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-01-2008, 04:11 AM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : أحلى حياة عشناها قصه روعه ومشوقه


anime girl

حضورك ومشــــاركتك الاروع ياقلبي..ان شاء الله راح اكملها ..وماراح يطول انتظارك ..

شرفني مرورك يالغلا



الرد باقتباس
إضافة رد
الإشارات المرجعية

أحلى حياة عشناها / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لعبة النمر الوردى .. كاملة و حصريا mrtawfik العاب - مسابقات 6 04-02-2011 10:46 AM
برنامج Nokia PC Suite Arabic لإدارة جوالات نوكيا كاملة والتعامل معها moamen0010 برامج الجوال - ثيمات - نغمات 5 01-05-2009 05:55 AM
طفل عمره سنة يرعب عائلة كاملة sad girl قصص - قصيرة 9 19-02-2007 12:14 PM

الساعة الآن +3: 12:08 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم