الشاعر خالد العتيبي وقصيدته في مدح الرسول صلى الله عليه وسلم

[همســـــ غلا ــــــة]

الشاعر خالد العتيبي احد المشاركين المتميزين في برنامج شاعر المليون

وقصيدة تستحق الثناء والأشادة عن مدح الرسول صلى الله عليه وسلم


ولكن عتبي على اللجنة انها لم تقم بترشيحه مباشرة للمرحلة القادمة

فيكفي فيها ذكر السيرة العطرة لأشرف الخلق .. فالمفروض يكون هناك لفتة

تشجيعية لكتاب الشعر للتطرق لموضوعات مثل مدح الرسول والدفاع عنه

ولكن الجمهور ماقصر اعطوه اعلى نسبة تصويت

فعت سمر الجدايل وانتخت بالقذلة الهلّة

تبي مني عروسٍ للقصيد ازريت لاغويها


ويوم اني لقيت لْها الخلوج وجيت ابا اوصله

تنحرك الكلام اللي فهقها دون مغليها

خضع لك راس مسبوق القصايد وانحنى كلّه

وانا بك شاعر الدنيا ومشغلها وماليها

يذكرني رحيلك مجلسٍ باقي على حله

مداهيل الرجال اللي تنومسنا مواطيها

هنا سليت سيفٍ يوفي الثارين من سلّة

هنا علقت رمحٍ يطعن الجوزا ويطفيها

هنا بينت مصحفك الكريم ودلنا دلّه

معك نبدا مواعيد الكلام وننتهي فيها

هنا ساقيت غصنٍ من غلا كنّا تحت ظله

نسولف بالغنا يابايع الدنيا وشاريها

هنا كان الرجل جبال ما تقبل خنا الزلّة

عمايمها سحاب وابلة باقي مواضيها

رجالٍ لو تشوف الما غدر ما شربته لله

نبت عشب الرضا ياسيدي بأول مغازيها

هل التوحيد وكنوز العلوم ونصرة الملة

رجالٍ يضحك التاريخ لاولها وتاليها

هنا ماضيك ورياض الخليل اللي رعى خله

شربنا عذبها مدري لعبنا في مغانيها

هنا..تخنقني العبرة وانا اكتب يارسول الله

على قبرك نسيت الناس حاقدها وحانيها

وهو قبرٍ يتيه من الفخر بالبيد وتجلّه

على حسدٍ تبين من سمايمها وصاليها

ويهناك الوفا قبرٍ يضمك في ثرى تلّه

مدامه بين فردوس الجنان وبين منشيها

وانا لامن ذكرت فراقك اللي في يدي غلّة

نسيت ان الليالي شيبتني من بلاويها

على بعد الزمان اللي يعقد الحبل ويحلّه

لى مني ذكرتك طاحت الدمعة وراعيها

سلام الله ماهز الصبا نسرينه وفلّه

على الطفل اليتيم اللي عطا الدنيا معانيها

هالأبيات قام بأنشادها المنشد المعروف سمير البشيري

فقد قال في تصريح له في احد القنوات انه رغم من صعوبة الكلمات الا انها

لقت رواج كبير بين فئة الشباب وهذا الرابط:


YouTube - Music saudi arabic smur ظٹط°ظƒط±ظ†ظٹ

[الساهرالليل]

روعه الاختيار والقصيدة
ـرـوـوـوعــــهـ الطرحــ وكلمات والنقل الرائع
خيتواا الغلا
يــعـــطــيــك ربــــي الـــف عــــافــيـــهـ
وعلى الاختيـــــار المـــــميز
الساهر الليل

[أســــ الغنج ــــير]

اختي همس غلاااا
يعطيك العافيه
وسلمت اناملك على النقل
وفعلآ انا كنت متشوق اني اسمع قصيدة الشاعر
خالدالعتيبي لان الناس يمدحونها وانا ماكنت موجود عندما قام بألقائها
لاعدمتك اختي
والله يوفق الشاعر
تقبل تحيات اخوك
أســــ الغنج ــــير

[# No OnE #]

يكفي انها بالرسول

صح لسانه واتمنى له التوفيق

مشكورة اختي ع النقل الجميل

/!/

[~ الـــــقــنـــاص ~]

قصيده راائعه

والارووع انها عن خير البريه نبينا محمد عليه افضل الصلاة واتم والتسليم

الله يوفقه ويجعله في ميزان حسناته


يعطيك العافيه همسه ولاتحرمينا جديدك