اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-01-2008, 09:14 PM
sweet-vampire sweet-vampire غير متصل
©؛°¨غرامي جديد¨°؛©
 
عندما كان لي قلب ( بقلمي )


السلام عليكم

اشلونـــــكم ؟؟

بكتب قصه ، انشالله تعجبكم , فلا بليز بدون تحبيط () لاني اول مرة اكتب اوكي

وانا كاتبتها في منتدى ثاني وحبيت احطها اهني بعد ...

فانشالله تكون على مستوى حلو ....

تحياتي اختكم
sweet-vampire



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-01-2008, 09:22 PM
sweet-vampire sweet-vampire غير متصل
©؛°¨غرامي جديد¨°؛©
 
B10 رد : عندما كان لي قلب ( بقلمي )


قبل 11 سنه
اليوم الاربعه و وكل بنات ام مبارك عندها واللي اهم عايشه ( ام جاسم ) وحصه ( ام طلال ) وابتسام ( ام عاليه ) واوراد .
وكان موجود كل من خالتهم وحبايبهم المهم قاعدين يسولفون نادت ابتسام , حصه وقالتها ودموعها تتكلم قبلها ، وحصه واهيا مخترعه : ابتسام اشفيج .
ابتسام : عفيه خلي عاليه اليوم عندج ابوها تعب واهو الحين بالمستشفى مع خالتي وعمي فانا بروح الحين بس لا تقولين حق احد ماابي اضايقهم .
حصه : حبيتي انتي بس عاد انشالله خير ، مايشوف شر خلاص روحي وعاليه بعيوني .
لمتها لمه خفيفه وراحت .

في المستشفى
دشت ابتسام واهيا ماتدري وين الله قاطها من كثر مااهيا متوترة شافت خالتها منهارة ويمها ريلها يهديها ....
ابتسام عرفت بس قالت : خالتي اشفيه سعود ؟؟
محد رد ... قالت ابتسام وبصبيه : عمي قولي اشفيه سعوووود ؟؟؟
العم : انتي يا بنيتي مؤمنه بقضاء الله وقدره , وان كل واحد له يوم ..
ابتسام حست شي شب بويهها
ماوعت ابتسام الا يمها امها وابوها واخوها مبارك و حصه .. وطبعا ويوهم تارسها الحزن
ابتسام : ويني انا ..
الام : بغرفتج
حصه : الحمدالله على السلامه .
الابو : اجر وعافيه يا بنتي .
مبارك : حمدالله على السلامه .
ابتسام : وين سعووود ابي اكلمه ؟؟
الكل سكت اهني ...



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-01-2008, 09:23 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


اهني دشت عاليه وقعدت يم امها وقالت : ماما ليش في وايد ناس بره وكلهم لابسين اسود ؟؟
بدون سابق انذار قعدت تبجي ابتسام ... اهني طلع مبارك وخذا معاه عاليه .
الابو : بس يابنتي هذا قضاء الله وقدره .
ابتسام : يبا اقنعني ان انا بحلم تكفا يبا .
الام : بس يا حبيبتي قطعتي قلبي .
ابتسام : يما هذا ريلي تعرفين شنوووو شقول حق عاليه , شلون تكفون , اشلون اربيها بروحي , واشلون ... واشلون .... ؟
حصه واهيا قاعده تلم اختها : بس احنا يمج وين رحنا عمري انتي بس .

بعد سنتين
طبعا السنه الاولى من وفاه سعود كانت حاله مرته لا يعلى عليها بس بعدين بدت تتتحسن بس الجرح باقي ، والحين السنه الثالثه من توفى بس اهيا ماقالت حق عاليه للحين على اساس ان ابوها مسافر .. وهذا العذر اللي كانت تقوله لها لمن تسألها عن ابوها .

اي وقبل لا انسى اوراد راحت تعيش مع ابتسام ببيتها .

ابتسام قاعده بغرفتها جان تدش عليها اوراد وتقولها : يلا عاد تعالي معاي تحت قاعده بروحي ؟؟
ابتسام : عاليه وينها ؟
اوراد : مع خالتها عايشه , رايحه معها ومع جسوم ودانه .\
راحت واقعدت يمها على الكرفايه ( السرير ) وايدها على جتف ( كتف ) اختها
ابتسام والعبرة خانقتها : اوراد !!!
اوراد : هلا حبيبتي .
ابتسام : اشلون بقول حق عاليه ان ابوها مــ ..... , جان



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-01-2008, 09:25 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


تقعد تبجي .
اوراد : بس حبيبتي اذا على هذا انا وحصه راح نفهمها , بطريقه يستوعبها مخها الصغير الحلو .
مع ابتسامه خفيفه قالت ابتسام : ماادري شقولج .
اوراد : ماابيج تقوليلي شي , وين الابتسامه اللي توه هاذي تغني .
في المطعم
عايشه قاعده مع اعيالها وعاليه .. دانه قاعده يم امها وجاسم وعاليه قاعدين يلعبون الام تقول حق دانه : روحي لعبي معاهم اشفيج ؟؟
دانه : مابي يما انا ماابي العب مع عاليه انتوا تحبونها اكثر مني .
( الام بينها وبين نفسها ولين بدينه الغيرة شقولها هاذي )
الام :لا ماما احنا نحبكم مثل بعض ويلا قومي اعبي معاها اهيا رفيجتج .
دانه : ماابي .
رن تلفون عايشه ولا حصه :
- هلا حصه ؟
- هلا فيج اقول تقدرين تييبين عاليه البيت ؟
- عسى ماشر ؟
-ماشر بس امها تبيها والصراحه بنقولها عن ابوها .
- عاد لحين مو وقته البنت مستانسه .
- شسوي بامه تقول ماراح ترتاح الا لمن تقول حق عاليه .
- دقايق ونكون عندج .


في البيت :اول مادشت البيت عاليه راحت لامها واهيا مستانسه : يماااا لعبنا انا وجسوم ووايد استانسنا و كليت وجبتي كلها عشان لا تقولين اني مااكل .
عايشه : اي اسم الله عليها , يلا عاليه حبيبتي روحي عند خالتج اوراد فوق تكلمج .



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-01-2008, 09:27 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


عاليه : انشالله .
صعدت عاليه فوق واستأذنت انها تدخل دار اوراد واهيا داشه شافت حصه جان تركض تلمها وتقول : خالتي حصه وينج قلتي امس يتيين ؟؟
حصه : كاني حبيبتي ، عاليه ماما ابي انا وخالتج اوراد نقولج شي .
عاليه تعدلت بقعدتها وقالت :شنو يلا عشان جسوم ودانه تحت بروح العب معاهم .
حصه واوراد يطالعون بعض جنه كل وحده تقول حق الثانيه انتي ابدي بعد فترة مو طويله وحنه عاليه : يلا شنو بروح ؟
حصه : حبيبتي عاليه انتي تدرين ان الله اذا يحب الانسان ياخذه عنده .
عاليه : ؟؟؟؟
حصه : عاليه وين ابوج الحين تدرين ؟
عاليه : اي ابوي مسافر ولمن يرد بييب لي هدايا وايد امي قالتلي .
اوراد مااقدرت تمسك روحها طلعت من الدار وقعدت تبجي .
عاليه : اشفيها خالتي .
حصه : خلينه منها ، عاليه حبيبتي ابوج مسافر ، ابوج الله يحبه عشان جذي خذاه عنده .
عاليه يعني مات ابوي .
حصه : حبيبتي عاليه
عاليه طلعت من الدار تركض وراخت حق امها اللي اول ماشافتها قامت اوقفت ، وقفت عاليه جدام امها وقالتها : ماما ليش انتي قصيتي علي وقلتي لي ابوي مسافر خلاص انتي قلتي مايصير نجذب وانتي جذبتي علي انا ماراح اكلمج .
عايشه : اوراد عفيه اخذي جسوم ودانه
بعد مااطلعوا من الدار قعدت ابتسام تبجي جان تقولها حصه بس الله يهداج مو جدام البنت ، عاليه راحت يم امها



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-01-2008, 09:29 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


ومسكت ايدها وقالت : بس ماما اسفه ماابي انا تبجين ميخالف اسامحج انتي كله تسامحيني لمن اسو ي شي خطأ وقعدت لمت امها .
-------------------------------------------------------------------------------------
اللي يحب مايكره ، هذا اللي كانت تبي تعرفه عاليه واعتقدت في نهايه لقت اجابه
غير اللي كانت تتوقعها ، مرت السنين وكبرت عاليه وصار عمرها 17 سنه ،،،

في البيت كانت قاعده جدام التلفزيون جان تيي امها وتقولها : قومي لبسي عشان نروح نتمشى .
عاليه : انشالله ؟ن خالتي اوراد بتيي معانا ؟
الام : لا اهيا معزومه على عرس رفيجتها ؟ن يلا انتي قومي لبسي واتصلي على دلال ودانه شوفيهم بيون معانا ولا لا .
عاليه انشالله .

في بيت حصه :دلول كانت قاعده تحوس في البيت ، وتغني : طال هجر الحبايب وعذابه العليل ايس القلب منهم وابخلوا في دواه كل يوميـ .....
سمعت صوت يقولها : الله الله على النشاز وينه من زمان عنه هالصوت .
دلول : يمااا شنو هذا المفروض تشجعيني مو جذي .
الام ششجع حظي صار دهر تغنيين طال هجر الحبايب ، راحوا وردوا وانتي للحين ماصار صوتج حلو .
دلول : يما لا تخليني اسوي شي الحين راح تندمين عليه كيفج .
الام : شنو تهدديني مع الويه . ( تضحك )
دلول : انا اوريج وراحت ولمت امه
الام : بس خنقتيني شنو الحي هذا .
دشت عذاري الصاله وقالت : ويه ويه مو لايق عليج دلول .
دلول وقفت وعطتها نظره
( انتي شتبين )



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-01-2008, 09:33 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


عذاري : روحي عاليوه تبيج بالتلفون ، يلا بسج من امي .
دلول عناد عليها لمت امها مرة ثانيه .
الام اقعدت تضحك عليهم وعذاري شافتها وراحت الام نادتها : عذاري تعالي اشيفج انتي .
عذاري مافيني شي ، تبين شي بروح انا .
الام اسكتت.
دلول للحين قاعده تغني شالت التلفون : هلا عاليوه ، وينج من زمان عنج ؟
عاليه : هلا حبيبتي ،اما الصوت لا يعلا عليه.
دلول : لا تصيرين مثل امي انتي الثانيه ، صج متى بتروحون اوكي انا ... نو دانووه بتروح كعاكم لا يبا اخاف تخرب علينا مثل كل مرة ، خليها بس انا وانتي وامج ؟
عاليه : لا اتصل عليها ، اكيد بتقول لأ ، المهم اني اتصلت ، يلا انتي تزهبي انا اتصل عليها ، باي .

في بيت اليده -ام مبارك قاعده تلبس عبايتها بتطلع وجسوم قاعد يطالع تلفزيون ( عايشه - ام جاسم - ساكنه في بيت ابوها على ما يخلص بيتهم )
رن التلفون ، شالته اليده : الووووو. هلا حبيبتي عاليه اشلونج و اشلون امج ؟ تبين دانه دقيقه .

جاسم يما روح ناد دانه تبيها عاليه .
اهيا قالت عاليه مالفت ويهها الا جاسم يما : منو يبيها ؟
اليده : انت من وين طلعتلي ؟
جاسم : عطيني التلفون دانه الحين تيي ؟
عاليه كانت قاعده تضحك تسمعهم ، امها تسأبلها اشفيج ، ماكو .
عاليه : هلا , دانه .
جاسم : كل هالصوت ودانه ، الله يسامحج بس .
عاليه : هلا جسوم ، اشلونك ؟
جاسم : تمام دام الحلوين بخير؟
دانه تقوله ييييب التلفون بس يلا عن الكلام اللي ماله داعي ..
وخذت منه التلفون ...
دانه : هلا عاليه ، حمدالله ، لا ماني يايه ، باي .
وسكته جان يقولها جاسم من مساع ااشرلج عطيني اياها اشفيج انتي .
دانه : اسكت بس انت وعاليه اف استغفر الله .
جاسم حقرها وراح
[في بيت عايشه :

كانت قاعده مع ريلها بس كان واضح على ريلها انه زعلان سألته عايشه : اشفيك يا بوجاسم ؟
حمد : اخواني يبون حقهم ولازم ابيع البيت .
عايشه : بيعه وفك روحك .
حمد : واختي ام براك و فجر وين يروحون ؟
عايشه : لا اله الا الله , هد بالك يحلها الف حلال انشالله .

في المجمع :
كانوا قاعدين يضحكون ويسولفون جان يرن تلفون ابتسام واقعدت تتكلم جان يمشون عنها دلول وعاليه ...
عاليه : اشرايج تنامين عندنا ...
دلول : ليش لا ... بس ذكريني اتصل على امي ... اقول مو جنه هذا جسوم .
عاليه : ايه .... خليني اتصل عليه ... ( شالت التلفون واتصلت )
- اشلونك جسوم وينك .... اي اشوفك منو الحلو اللي وياك .
دلول قاعده تطالعها نظرة ( اشفيها هاذي )
عاليه : انزين انزين اف يلا .... تعال عرفنا عليه .... ههههه اتفرك باي
دلول : شكل الميانه حدها طايحه مع جسوم .
عاليه : بعد يلا امي امي قاعد تأشر لنا يلا .[/



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-01-2008, 09:35 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


في بيت ابتسام كانت دلول قاعده على كرفايه في دار عاليه جان تدش عليها عاليه وشكلها كان تعبان ، قالتها دلول : اشفيج ؟

عاليه : مافيني شي تعالي نقعد تحت مع امي ؟
دلال : ماابي فيني النوم ؟
عاليه : حظي عليج منومتج عندي عشان تقعدين معاي ؟
دلال : هاااا , بباي .
ونامت دلول .

في الصاله تحت كانت ابتسام قاعده تطالع فلم ، جان تقعد يما عاليه ، وتقول يما اشرايج بالبنطرون اليوم شريته .
ابتسام : اي حلو ، اقول عاليه تذكرين الشقه اللي عندنا مانستخدمها ؟؟
عاليه : اي اشفيها ؟؟
- خالتج عايشه تقول اذا ، اخت بو جاسم ، تبيها عشان ببيعون البيت مالهم .
- اوكي .
- انا قاعده اخذ رايج مثل ماتدرين الشقه باسمج ف الراي رايج ؟
- لا عادي خلي تاخذها و عشان خالتي لا تاخذين منهم ايجار .
- شي اكيد , عيل وين دلال ؟؟
- نامت .
-----------------------------------------------------
بيت حصه

قاعده خصه مع ريلها يسولفون جان يقول لها : وين دلول ماازعجتنا باغانيها اليوم ؟
حصه ( مع ابتسامه خفيفه ): حرام عليك ، بعدين اهيا نايمه عند عاليه , اي خلني اتصل اشوفها .
الريل : اوكي وسلمي عليها يلا سلام بروح وراي شغل .
--------------------------------------------------------------
بيت ابتسام - غرفه عاليه

رن تلفون دلول شالته :
دلال : الو ..
الام : وانتي للحين نايمه الناس الساعه 12
دلال : يماااااا مو وقته ، يلا باي .
بعدين استوعبت انها سدتها بويه امها ( معذورة البنت نايمه ) المهم ردت اتصلت على امها جان تقولها والله اسفه مو قصدي الحين ارد\ انام .
الام : روحي ، باي .
سدته وردت انسدحت ( تعرفون ال غفوة اللي تكونون بين القاعدين والنايمين )<<< حاله دلول .
المهم دشت عليها عاليه واهيا تصارخ دلووووووول بسرعه تعالي امبييييه
طبعا دلول بكشتها ونومها راحت تركض مع عاليه ولمن وصلوا تحت قالت دلول : اشصاير ؟
عاليه : لا بس كنت ابيج تتريقين معاي .
دلول : اقوووول ويهج بس ويهج واي ريوق هذا قصدج غدا
توها دلول بتصعد جان يرن تلفون عاليه اللي بدورها احذفت التلفون على دلول وقالتلها ردي عليه .
دلول : الووو ... ( عاد الصوت النايم اللي يخرع )
عاليوووه قاعدع تضحك عليها المهم
جاسم اهو اللي متصل : عفوا مو تلفون عاليه وقعد يضحك ،، دلول اشفيه صوتج جذي ؟ ووين عاليه .؟؟
دلول : اولا توني قاعده من النوم ، وبعدين عاليه ماتبي تكلمك توها مصارخه وصوتها مبحوح .
جسوم : انزين تعاللي بره بعطيج شي حق عاليوووه .
دلول : كلش ماكو شغل ، تعال انت داخل انا بكشتي وحالتي ، هاك عاليه ويه .
عاليه : هلااا جسوم ( يعني زعلانه )



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-01-2008, 09:36 PM
sweet-vampire sweet-vampire غير متصل
©؛°¨غرامي جديد¨°؛©
 
الافتراضي رد : عندما كان لي قلب ( بقلمي )


جاسم : يكون زعلانه تعالي بره .
- تعال انت انا لابسه بجامه .
- يلا يا عاليووووه لا تصرين جذي .

- انزين يلا ... اف .
- تتافافين بعد ... يلا .

طلعت بره عاد تخيلوا الشكل (البجانه ورديه والجوتي مال البيت اللي على ارنب اشكبره والشعر عاد كانت امفنتكه في امس الاخت ماكانت نايمه ) المه تسندت على الدريشه وقالت : ها خير ؟
جاسم : الناس يقولون صباح الخير اول .... يلاا صعدي ...
- زين ؟
- السياره وين بعد .
- جذي هدد .
- يلا عاد ..
المهم ركبت ولا دلول تطل من الدريشه وع كشتها جاسم يعني يكون مخترع جان يدوس دوسه وحده .
عاليه قاعده تضحك عليه المهم قالته : وين بتوديني ؟
جاسم : اشتهيت من ستاربكس ماابي اروح بروحي جان اتصل على عبود ما لقيته قلت امرج .
المهم قاعدين يسولفون على ما اوصلوا جان يوقف ويقولها يلا نزلي طلبي .
عاليه : تتغشمر معاي انت شفت شنو لابسه ؟
قعد يضحك عليه
عاليه : لا تخليني اسويها ، والله من صجي ؟
جاسم : يلا اتحداج .
عاليه بطلت الباب ونزلت بكل ثقه وطبعا الناس يقولون اشفيها هاذي بس الاخت ما اهتمت حق احد راحت اطلبت وردت .
جاسم : ايوااا يا جدع ، طلعتي مو هينه ؟؟
عاليه ( بنظرة غير محدده المعالم ) : اي ، لا تستهين فيني .
وقعدت تضحك .


ردوا البيت نزلت عاليه : يلا جسوم نشوفك على خير ،،، ويه ما شريت حق دلول ..
جاسم : هاج عطيها مالي .
عاليه : لا بابا ترى نزلت ببجامه عشان اطلبلك .
جاسم ضحك وقالها اوكي يلا باي .

دشت عاليه الييت ولا وحده فاعده بالصاله جان تقولها واهيا مسويه نفسها منصدمه : عفوا اختي تعرفين وحده اسيمها دلال ؟
دلال : جب تستعبطينم عيل انا منو ؟
عاليه : اهو دلول ويبن الكشه والسعابيل والبجامه اللي معفسه .؟
دلال : وين رحتواا ؟
عاليه توها بترد وولا امها وجاسم يدخلون عاليه راحت باست مها وقالت حق جسوم امداك اشتقتلي ( وابتسمت الابتسامه العبيطه )
الام : عن الملاقه انا شفته بره جان اقوله يدش يتغدي معانا . يلا انا اروح ابدل
عاليه : اوكي حتى انا اروح ابدل
جاسم : وانتي للحين تشربين بهذا ( قصدته اللي شرته من ستاربكس )
عاليه : اي على بالك مثلك ، زغه وحده .
دلال : مشالله .
على الغدا قاعدين كلهم جان تقول ابتسام :
عاليه انا وخالتج اوراد معزومين على عرس بتيين ؟
عاليه قاعده تطالع دلول وجسوم جان تقول : لا بقعد مع دلول ؟
جاسم : خلاص خالتي انا اطلعهم اذا تبيين؟
عاليه ضحكت تدري.
نرد حق عايشه وريلها واهما قاعدين في السيارة توهم رادين , بدت عايشه وقالت : بوجاسم انا كلمت ابتسام على اساس الشقه اللي عندها عشان حق اختك ؟
بوجاسم
: ليش الله يهداج ، شتقول عنه ؟
عايشه : لا ماراح تقول شي واهيا وافقت ، وترى كنت انا مفكره اذا ما عندك مانع ابي فجر تقعد ويانا ؟
بوجاسم : اللي تبينه راح يصير .
عايشه ( ابتسامه خفيفه )



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-01-2008, 09:53 PM
صورة samor الرمزية
samor samor غير متصل
©؛°¨غرامي مشارك¨°؛©
 
الافتراضي رد : عندما كان لي قلب ( بقلمي )


تسلمييييييييييييييييييييين حبيبتيييييييييييي بس بليز كمليهااااااااااااااااااااااااااااااااا


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم