قصه جديده روعه صرخات الحب لكاتبه فراشة الوطن كامله

[nandetto]

بدو عبد العزيز وسليمان ولؤي ويكتبون الأسماء ومهمة كل واحد وبعدين اتفقوا ان لؤي يعطي المهمات وعبد العزيز وسليمان يقيمون على من احلى واكثر استجابة للجميع ..بدى لؤي يعطي المهمات كان اولها لفريق البنات الـ7 وكانت الأولى هي ندى قالها لؤي:ندى قومي وقوليلنا الشعر؟ ندى:اا..اممم لحظة شوي افكر ..لقيتها: تعاهدنا نضل اثنين .. انا الرمش وانت العين فداك العمر واحلامي .. وكل لحظة من ايامي الكل:اوووووووووووووووووووووووووووه ياحركات ياحركات (وصفروا).. لؤي:دورك يا عبد المجيد قول شعر؟ عبد المجيد:أرتاح يوم اعرف انك بخير وسلامة .. ولو يغيب الصوت تبقى معزتك ليوم القيامة الكل:اوووووووووووووووووووووووه يا عيني ياسلام (وصفروا طبعا) لؤي:دورك يا نوف قولي شعر؟ نوف:فجأة وبدون احساس ..بين صمت واندهاش ..نطق قلبي وقال:..احبك مووووت يا اعز الناس الكل:اووووووووووووووووووه مانتيب سهل (وصفروا اكيد وطبعا) لؤي:دورك يا خالد قول شعر؟ خالد:تصدق اشتقت لك ..انا اعترف بعدك حياتي تختلف ..اصيح باسمك وارتجف ومهما تغيب عندي امل ..بكرة تجي وبكل شوق (استقبلك) الكل:اوووووووووووووووه كفو والله قدها وقدود (وصفروا) لؤي:دورك يا نورة قولي نكتة؟ نورة:واحد يحط جنبة سطل ماي لما ينام ليش؟ عشان يغرق في الاحلام الكل ضحك وفقع من الضحك ..لؤي:دورك يا سطام قول نكتة؟ سطام:في واحد نام متأخر فاته الحلم الكل فطس من الضحك ..لؤي:هدى قولي نكتة؟ هدى:في حمار شاف حصان قال:اااخ بس لو اني مخلص ثانوية الكل ضحك وقام يفرفر في الى بيت من كثر الضحك ..لؤي:تركي قول نكتة؟ تركي:في اربعة راحوا البر رجعو ثلاثة ليش؟ تركوا واحد ذكريات الكل:قدييييييييييييييييييييمة قدييييييييييييييييمة ..عدا نورة اللي جلست تضحك حتى انهد حيلها تركي:صوت واحد يغلب جماعة خالد:هذا في معتقداتك تركي:متقداتي وانا حر كيفي لؤي:خلاص كفايه خلونا نكمل وعد قولي مثل؟ وعد:الصديق وقت الضيق لؤي:عبد الرحمن قول مثل؟ عبد الرحمن:جيت للأقرع يونسني..كشف عن قرعته وجنني لؤي:انوار مثل؟ انوار:سلام على الدنيا اذا لم يكن بها..صديق صدوق صادق الوعد منصفا لؤي:عبد الله مثل؟ عبد الله:الزين زين حتى لو قام من نومة لؤي:نور قولي قصيدة؟ نور:قصيدة مرة وحدة ..طيب خلني اشوف وش حافظة .اممممم اه جبتها: في عينيك اقداري واحلامي واسراري ..في عينيك ماهمست به للناس اوتاري وما اخفيه في صدري ولم تنشده اشعاري ..وفي عينيك يا لهما تجلت قدرة الباري وفي عينيك اعماق وافاق وشطآن ..وامواج وعاصفة وانسام والحان فانت اليوم معجزة لم يعر فها انسان ..وفي عينيك سلطان وفي عينيك اذعان وفي عينيك ياحبي للعشاق اوطان ..وفي عينيك غابات وآيات من السحر تنادي العاشق المفتون للأغلال والأسر .. وفي عينيك الهامي وسر الشوق والعطر وما ولي من الماضي وما يأتي من الدهر ..فكن لي النجم الحائر يهديه الى الدرب وكن لي الجنة الفيحاء يا حبيب للقلب ..ففي عينيك وفي وجهك انظر قدرة الرب فلا تعتب ولا تأسَ فانت اليوم في القلب الكل:كشخة كشخة من ماكل قلبك ان شاء الله يتهنى فيه اثر الاخت تحب قووووووية مانتيب سهلة الله يستر منك ضحكة نور وقال لؤي:سلمان قول قصيدة؟ سلمان:وش ذا الحظ يعني ما الا انا؟

[nandetto]

لؤي:خلصوا البنات الـ7 والاوالد خلصوا 6 وباقي انت عشان تكلم ويصير 7 و7 يالله عاد سلمان:طيب بشوف شيء حافظة عطوني مهله اتذكر ..ااااااه وانا ابو خالد جبتها: اعذلتني ظروفي وانهكتني عزوم ..والوجيه احزنت لي والقلوب افرحت اشهد ان الليالي ما تعرف السلوم ..قلب جافي لقاه ووجه صافي بحت راهنتني تبلل بالدموع الكموم ..ويشهد الله عليها راهنت واربحت احرمت نور عيني من ريم قوم ..بذرة وارتوتني واثمرت واطرحت جادل دوم ماهي مثلها كل يوم ..استضاحت غموض وبالغموض وضحت دورت بين قلبي والهدب درب نوم ..وامرحت وين مدري المهم امرحت تنحت اسمي بقلب جيت فيه امعزوم ..واسمها بين جلدي والعظام انحت مثل جفني لعيني بالنعاس امحكوم ..كل مانمت نامت كل ما اصحى صحت ماتعارض كلامي غير عند اللزوم ..بس لا قمت اسولف واندمجت اسرحت دايم ازعل عليها بس قلبي رحوم ..وهي تموت بعذابي من تحت لي تحت الكل:اووووووووووووووووووووووووووووووووووووووووووه والله حركات وش قصتكم اليوم يا جماعة ؟! لؤي:أنتهينا ..عبد العزيز وسليمان استعدوا .. هيه اليوم بنشوف من ربح في هذي المسابقة الحلوة والفريق الفائز جائزته بتكون من الفريق الثاني وهي تمشية من الساعة هذي الى الساعة 1 الليل والله يعين الجميع على الفائز عبد العزيز وسليمان جهزوا النتائج .. الكل:اسرع ياشيخ اسرع لؤي:انتم مستعدين؟ تركي:والله ياخي تنفع نحطك في ستار اكادمي بدل هيلدا ضحك لؤي وقال:النتاج هي ..فاز فريق البنات نطوا البنات من اماكنهم وكل وحدة تضم الثانية وهم يصارخون ..عبد الرحمن:فايز محمد الدوسري على غفلة ضحكوا الشباب بعدين قال عبد الرحمن:هدووووووووء هدووووووء اسمعوا وش راح اقول ؟ هجد الكل يبي يعرف وش السالفة قال عبد الرحمن:بما ان السالفة فيها انا احنا نعزم البنات على طلعه من الحين الى1الليل اقدر اقدر اقول ...استعدووووو ، تأهبوووووو ، انطلقووووووووووو الى السيارة . راحوا البنات يلبسون عبياتهم وراحوا السيارة ..وتقسموا: في سيارة عبد العزيز :تركي وسطام وسليمان وسلمان في سيارة عبد الله:عبد الرحمن وعد ونورة ولؤي ونور في سيارة خالد:عبد المجيد ونوف وندى وهدى وانوار وتركوا عبد المجيد وعبد الرحمن سياراتهم في بيت ابو خالد وانطلقوا الى مجمع الظهران وتواعد الجميع على القاء عند الباب الرئيسي عند اذان المغرب وتفرقوا كل واحد طس في مكان كانت وعد مع نورة ونور ولؤي وعبد الله وعبد الرحمن راحوا جهة الملاهي ولعبوا لؤي وبعدين طلب منهم لؤي انهم يروحون لأنه رجال ويعرف يلعب لحالة راحوا وعد ونورة ونور وعبد الله وعبد الرحمن يتمشون في المجمع شوي ..كان خالد وعبد المجيد وندى ونوف مع بعض يتمشون في المجمع .. كانوا هدى وانوار وسليمان وسلمان رايحين مع بعض يلعبون الالعاب الي برى ..وكان عبد العزيز رايح مع احد اصدقاءه الي طلب منه عبد العزيز انه يجي المجمع ..وكان سطام وتركي رايحين يغازلون البنات كالعادة ويعطونهم ارقام (والله ناس) كان عبد الرحمن يشوف فستان وسرح قالت وعد:عبد الرحمن أعجبك الفستان؟ عبد الرحمن:اه ايه يجننننننن وعد:لهذي الدرجة تعالوا ندخل المحل اجل تقدمت وعد شوي فمسك عبد الرحمن يد ها لفت وعد تشوفة وسحبت يدها بسرعة بس من تحت عشان ما يشوفون نورة ونور وعبد الله الحركة البايخة اللي سواها عبد الرحمن ..قال عبد الرحمن:وعد..؟ وعد:نعم؟ عبد الرحمن:كنت ابي اقول..اقول ..لا لا مش لازم الحين بعدين اقولك نورة:ليه ما تقول الحين ..قول قول يالله عبد الرحمن:انا قلت وعد مو نورة..عذروني بروح شوي بعدين برجع عبد الله:انقلع عبد الرحمن:باي عبد الله ونورة ونور وعد:باي

[nandetto]

التقوا الجميع عند البوابة الرئيسية لمجمع الظهران قبل اذان المغرب ..ارجعوا البيت على اذان المغرب راح الكل يصلي في المسجد والبنات طبعا صلوا في البيت ..قال عبد الرحمن أن الطلعة بكملونها بكرة لأنه مشغول والكل طبعا ما صدق هالخبر الا وحط رجلها وطلع من البيت والبنات زعلوا ..خذا عبد الرحمن وعبد الله اخواته وراحوا للبيت وطلع عبد العزيز مع واحد من الربع وسطام طلع نفس الشيء مع واحد من الربع بينما فضل تركي يجلس في البيت وكان عبد المجيد وخالد في بيت ابو خالد في المجلس (الديوانيه اذا ما فهمتوا)يذاكرون ..وراحت ندى لغرفتها وهدى لغرفتها ووعد لغرفتها ..طق باب غرفة وعد سألت وعد:ميييييييين؟ ___:انا تركي وعد:هلا بخوي تفضل دخل تركي وهو يقول:هلا فيك وعد:شبغيت؟ تركي:افااااااا خلينا عاد نجلس وعد:تفضل اجلس جلس تركي على كرسي الكمبيوتر وكانت وعد جالسة على طرف سريرها قال تركي:شتقتلك وعد:عليناااااااا عليناااااااااا تروك قل عاد وش تبي جد؟ تركي:اسولف وانتي.. قاطعتة:الوحيدة من اخواني اللي ارتاح لها وتعزين علي كثييييير وانتي تعرفين هذا الشيء تركي:شاطرة حفظتيها يعني؟ وعد:والله حتى انا ياتركي انت أقرب واحد لي من اخواني وتعرف كل شيء عني وانا اعرف كل شيء عنك ما عدا شيء واحد قولي وش هو يا تركي تكفى؟ تركي:اسف عدا هل شيء ما اقدر اقولك اياه (واللي هو انه يغازل بنات)ما اقدر وعد:انت حر تركي:اعرف وعد:وش اخبارك؟ ماعاد سمعنا منك شيء جديد؟ تركي:ابدا بس تدرين تعرفين خويي (صديقي)سعد تهاوش مع سطام يوم الأربعاء في المدرسة وعد:جد عاد لا تقول؟ تركي:والله بس تعرفين انا صداقتهم اقوى عشان كذا تواعدو يلاقون بعض اليوم في الكورنيش عشان يتفاهمون وصفون الحسابات وانا ما حبيت اروح معه عشان يتفاهمون براحتهم وعد:طيب تخيل انهم الحين يتهاوشون وش راح تسوي؟ تركي:لا لا ما اتوقع انهم بيسوون كذا لأنهم اعقل من كذا وعد:والله زي ما تهاوشون في المدرسة بيتهاوشون برى المدرسة وتوقع هالشيء تركي:ترى كذا انتي تخوفيني ؟ وعد:بتروح تركي:اي بروح ادق عليهم وعد:لا لاتروح ما شبعت منك تركي:بتشبعين مني بعدين وعد:والله الله يعين ما ادري وش راح اسوي اذا تزوجت ما احد في البيت احبه كثرك انت الوحيد اللي تسليني من كان عمري 6سنوات من ..من مات ..سالم تركي:لا تقلبين المواجع على نفسك يا وعد لاتسوين كذا بنفسك وانا اخوك وعد:ان شاء الله تركي:يالله استأذن بروح ادق على سطام مع السلامة وعد:مع السلامه في امان الله ------------------------------------------ في نفس الوقت في بيت ابو عبيد: عبد الله:عبد الرحمن وش هالحركة البايخة اللي سويتها بوعد؟ عبد الرحمن:اي حركة؟ عبد الله:لما مسكت يدها؟ عبد الرحمن:والله ما كان قصدي بس كنت بقولها شيء بس بعدين هونت لأني ..والله ما ادري وش السبب عبد الله:لاعاد تعيدها لأن شفت البنت وشلون تخبصت وعصبت عبد الرحمن:تتوقع لازم اعتذر ؟ عبد الله:لا تزيد الطين بله هذي نصيحة من اخوك عبد الرحمن:شورك وهداية الله ----------------------------------------- جاء يوم الجمعة بعد صلاة العصر اجتمعوا البنات الـ7 والأولاد الـ10 وراحوا يكملون التمشية اللي ما تمت امس وكانت التمشية طلعة للكورنيش وبعد اذان المغرب صلوا في واحد من المساجد اللي في الطريق وراحوا مارينا مول وتفرقو زي العادة وتقابلوا عند البوابة الرئيسة عند صلاة العشاء وبعدين صلوا في واحد من المساجد وراحوا يتعشون في مطعم في الخبر اسمة(الطاية)(وأكل الطاية انصح فيه الجميع يجنننننننن)ولما ارجعوا كل واحد بيته كانت الساعة 9الليل وبكرة مدارس عشان كذا الكل لما وصل البيت رمى بروحه فوق السرير عدا وعد وتركي جلسوا يسولفون ويسولفون حتى الساعة 11 وبعدبن راح كل واحد غرفتة ونام (نوم العوافي) .....

[حنونة20]

جاري الأتنظار,,,القصة شكلها حلوة مع ان الأحداث لسا مابدت بس ننتظر البارت الجاي....
والحمدلله على السلامة أخوي,,عذرا جت متأخرة بس توني منتبهة...

[عاشقة الطفش]

يلا لا تتاخرين علينا