على قبر اليتيمه نوت أجــدد حسرتي لا جيت
وأقبل ضاحـكــات المـوت تحتيه وفـوقيه
على شانك يانوت اعميت خطلان البشوت اعميت
أقــارع كـل ذو سـدن وذو خـدن وكوفيه
على شانك يانوت ادميت روس الخاينين ادميت
أسـرج مـرج أمـرج سـرج علوية وسفليه
على شانك يانوت أضرب بحـد مصقل إصليت
وكـدنا ننتهـي لـولا خيانـة عـيـد الألفيه
خبيث من بني قومي سقاني حامض الكبريت
قـرت وسطه عجوز من ذوي حضرم ظفاريه
وبسم اللي لهول أسمه تزلزل منبر السوفيت
نحـرها أعلـى ظهـرها جبة بالسـم مطليه
ثلاث دهــور أصارع نافثات الزر وما ذليت
أغيب شمس وأدفـن رمس والأصنام مـرميه
ثلاث أزمان أداقش مسرجات الجان في تكريت
ثـلاث أزمان تمـرخ لـي ملوك الجان رجليه
ثلاث سنين أعاقر نافخات الطين ومـا وليت
ثـلاث سنين أكـفـن قاريــات التيـن بيديه
وثلاث شهور الاغي نازلات الطور مـا مليت
أجاوب جنب خيمة ضاربــات الطنب طبليـه
وثـلاث أيام تنعانـي سرايا يام لين أصغيت
أقــدم كـوع أوخــر كـوع يابـي ويابيه
لـذي الفيـروز سادت معبد النيروز مالبيت
لـغيـر الـــواحد المعبـود ما أبديت مافيه
بوادي برك طارت بي جراير ترك يوم أمسيت
أعـاشـر ليـل عاشـر كـل ذي حمرا نميريه
طباين سبك تدبك دبك ساع اقبلت ساع اقفيت
لســرد شــرد جـرد مـرد اصيح كل قيسيه
ببطن القرش اعشي حايمات العرش ماغديت
وحـرش الطـرش اوردها قليب الهرش عصريه
بوجه الحوت جل اللي خلقني ضيغم صنتيت
هـزبر مــا تحـرك مـنـه ساكن ألف سكنيه
ورب البيت ما خليت منهم بيت مـا هديت
أهــدم دور وابنــي دور والآيــات مثـليه
هل المزمار عبادة لســان النار والباكيت
بنــي الأفـرنج قـوم من فـروج الزنج مبليه
بكى سابور ذو الأكتاف في قصر الملك بلهيت
علــى نيكــل سقيفة عابد الهيكل ضحاويه
تغطرس بطرس النقرس وجينا له على التوقيت
من أرض الفرس وارض الروم جبنا القوم منهيه
بعما والنبا والخـمس مـن سورة سبأ شديت
بقــوة ما تواتــر فــي الليـال العشر مكيه
أقمنا دولــة الأيتام من حلـي إلـى حليت
وآخــر عهـدنـا مـا أوردت ليلــى الأخيليه
وانا ما هاضني فيما على بيض الورق خطيت
شجــاع لقبــوه أحمد ولــه شلفا وشبريه
أعرف أحمد إلى جاء جاء وانا لاشلت ما حطيت
تحـامينا علـى وضـح النقـا والأرض محميه
فتقبلو ودي
أبو فهد
نوت وملوك الجن 
العرض العادي
