قيادة المراة

[عاشق بنت الرياض]

سلام عليكم ورحمه الله وبركاته

اتمنى من الكل الاجابه على اسئلتي

1\ هل انت مع قرار قياده المرأه للسياره ؟
2\ ما هي اضرار هذا القرار؟
3\ ما هي منافع هذا القرار؟
4\ هل اضراره اكثر من منافعه؟


اتمنى من الكل الاجابه ومن النساء بالاخص

[*kawaii*]

1\ هل انت مع قرار قياده المرأه للسياره ؟

هنا بدولتنا اكيد لا

2\ ما هي اضرار هذا القرار؟

اتوقع المعاكسات اللي بتحصل

3\ ما هي منافع هذا القرار؟

نادر احس فيه منافع منها

4\ هل اضراره اكثر من منافعه؟
ايوه لأنو زمان ممنوع واذا نزل القرار
اكيد بيكون شي جديد ماقد حصل فأتوقع
بتحصل اضرار


الله يعطيك العاافيه
^____________^
*_**kawaii*

[" عـذاب الشـوق "]

سلام عليكم ورحمه الله وبركاته

اتمنى من الكل الاجابه على اسئلتي

1\ هل انت مع قرار قياده المرأه للسياره ؟

نعم

2\ ما هي اضرار هذا القرار؟

التحرشات والمصخره اللي راح تحصل

3\ ما هي منافع هذا القرار؟

ان الوحده مايحتاج تطر أحد عشان تروح تقضي حاجتها وخاصه ان بعض الشباب عجاااااازين
ويمكن يصير عندهم حاله طارئه واحد أنكسر ولا شيء وماعندهم أحد فتقدر توديه من نفسهاا

4\ هل اضراره اكثر من منافعه؟

على حسب يمكن تكون الأضرار أكثر

مشكووووووووووووووووووووووور خيو

[.:(Jack Sparrow):.]

أخي طارح الموضوع..

تحياتي لكـ وعلى ما تطرح هنا ..

من وجهة نظري طبعاً أخي الكريم ..

\ هل انت مع قرار قياده المرأه للسياره ؟

وبكل جدية مع هذا القرار وما العيب في ذلكـ إذا لم يمس ما هو في حكم عدم المماس..

2\ ما هي اضرار هذا القرار؟

لا يوجد أضرار بالعكس ..

3\ ما هي منافع هذا القرار؟

منافعه ترجع للمرأة نفسها في تجنب الخضوع للغير في مثل هذه الأمور ..

4\ هل اضراره اكثر من منافعه؟

لا أرى ذلكـ إنما منافعه قد تكون تغلب على أضراره أن وجدت..

وفي موضوع أخر وصل حديثاً أنه سمح للمرأة في مجتمعنا الحالي بالسكن في الفنادق دون محرم ..

وتقبل وجهة نظري أخي الكريم ..

[* غـــــدي *]

هههههههه والله يبون شي ولا بيقدرون؟

هذا وانــا بنت لو يسمحون باموت من القهر!!

ليش الناس تفكر كذا

يحسبون هذا تحرر

حنا بالسعوديه عايشين احسن عيشهـ

وراح اجاوب عليكـ

1/ طبعا انا رافضه هذا القراااااااار وبقووووووووه

وما اعتقد ان فيه ولي امر بيوافق لبناته انهم يسوقون والحق

معه للاسباب التاليه ...

اولا : راح ينتشر الفساد بشكل اكبر لان البنت ماراح تنتظر احد يوديها لاي

مكان والشبــاب حدث ولا حرج 24 في الشوارع..

ثانيا : انــا ما حس لهذا القرار اي ايجابيات الا للناس اللي عندهم اولاد كثير تدرون ليش؟

بتقل نسبة البطاله 99% لان الشباب بيشتغلون في الورش وفي المرور وفي المعارض

اهمـ شيء ان الشغله فيها السيارات

ثالثا : احس الخير بينعدمـ والهيئه يا عمري ما راح يقدرون يسوون شي

واصلا ريحوا انفسكمـ اولياء الامور ما راح يوافقووون


2/ الاضـــرار لا تعد ولا تحصى

3/ مــاله منافع ابــد ..

اللي عندها اب واخوان ماراح يقصرون صح؟

واللي ما عندها الله يخلي السواق حقهمـ والا ؟

4/ طبعا ما راح يحسون فيها الا بعد صدور القرار

اتمنى من الجميع تقبل وجهة نظري

لان انا احس اذا سمحوا بهذا القرار

المعــنــى

وداعا لك يا عفة المرأه المسلمهـ ووداعا يا شهامة الرجال

واهلا للتسكع وانتهاك حدود الله

(( طبعا لازمـ سعوديين اول ما تجي حركه جديده ينهبلون ويستخدمونها في الغلط قبل الصح .. ))

موضوع حااااد ويستحق التناقش فيه

واللي عنده اعتراض على كلامي يتفضل ويناقشني

واللي يؤيد اهلا بك

لي عوده بعد اختباراتي

...