صحيح الدنيا مجنونه!

[*مزون شمر*]

ألا يَ مسافر بعمرك جنوب ٍ و الدروب شمال
دخيلك .. ليمتى خَطوك تلاعَب بك عناوينه؟


حنينك.. ما تعب فيه الحزن يعزف( يَ لا لَهْ لال )
تِعَشّمْ خاطره بالفرْح وُ هو يَصرخ لك إب ( وينه؟)


عيوني .. هالزمن طبعه بخيلُ و طبعنا مِعجال
يهينك لا لمس ضعفك و يَرْخِصْك ابتثامينه


صحيح الدنيا مجنونه و لكنّ الأمل لا زال
بوسط اقلوبنا يعجز جنون الدنيا تَجنينه


و انا مثلك ترى كيلي طفح لكن مثل م انقال:
يموت الجرح لا مِنّا عزمنا انصير ِ ناسينه


حبيبي لا تظن انسى .. و لكنّ ِ الحمول إثقال!
خذيت إمن الزمن واجد .. و لابد أوفي ابدينه


بسافر مثلك ابعمري جَمَلْ حزني..و انا الجَمّال
يضيع العمرُ وْ ما يلقى سوىَ أيَّامهْ يرثينه


و أبترك لك هنا ذكرى و طيفُ وْ دمعتي أطلال
تذكّرْك ابهوى قلب ٍ سكن حبك وسط عينه

؛
؛
؛

من قرأتي
اتمنى ان ترووق لكم

[!! Mr.Nader !!]

و أبترك لك هنا ذكرى و طيفُ وْ دمعتي أطلال
تذكّرْك ابهوى قلب ٍ سكن حبك وسط عينه

أكثر من رائعة مزون

يسلم ذوقك





\

[*مزون شمر*]

المشاركة الأصلية كتبت بواسطة المتـ القــلم ـميـز

أكثر من رائعة مزون

يسلم ذوقك





\

المتـ القــلم ــميـز
يسلملي مروورك الراائع
لاعدمتك

[روعـه]

يسلمووو كلمات رووعه

[سراب الصمت]

مرحبا

مزون

يعطيكي ألف عافيه

كلمات رائعه

<><>سراب الصمت<><>