اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-02-2008, 01:19 AM
صورة رهاافي الرمزية
رهاافي رهاافي غير متصل
©؛°¨غرامي فضي¨°؛©
 
الافتراضي خنجر و أحسه بين الأضلاع .. لا هو ذبحني و لا هو اللي قويته



مـرحـبأأأ حبايبي ..يسعدلي صبـاحكم وممسـاكم



قصــه حقيقيـــــــــه دارت أحداثها في أقل من سنه ..واتمنى انها تكون يديده ع الكل
والله ياجمــاعه أني ماوقفت من البكا من لما قريتها لهاللحظه ...

بالفعل رائعه بمعنى الكلمه ..وان شاء الله راح تستفيدون منها ...



((..بين أيديني رواية ماجدولين للمنفلوطي..كنت منسجمة معها مره .. قطع علي صوت منبه الجوال..كنت حاطته قبل وصول سلطان بربع ساعه..
تركت الرواية على جنب مع اني غطست في بحر كلماتها..قمت أخذت شاور ولبست برمود أبيض وتي شيرت وردي..حطيت مكياج ناعم ..
درت حوالين نفسي وأنا أضحك ..أخر شي تعطرت ورجعت لروايتي الي تركتها ..سمعت صوت الباب تسكر..
أكيد حبيبي.. طلعت للصالة..
وصل بس كان شكله شاحب..مو على عادته..رحت له وضميته لصدري..أكيد العمل كان متعبه ..
همست في أذنه
-هلا حبيبي..وحشتني..
رد بصوت مبحوح ومتقطع..
- هـ ــديــ ــل
صوته أرعبني خفت عليه..
-عيونها..وروحها..ايش فيك ..؟!!
-تعبااااان ياهديل تعبااااااااان
ضميته لصدري بقوه وأنا أحس بنبضات صدره ترتفع..
بعد دقايق بعد نفسه عني وناظر عيوني وكأنه يجاوب على سؤال في نفسه..
- والله أحبك
أنا لحظتها تفاجأت بكلامه..وفرحت ..دمعت عيوني
-وانا بعد أموت على ترابك..
.
.
تركته يبدل ثيابه ودخل الغرفه يبي ينام..أنا من نظرته حسيت ان فيه شي..ناظرني دقيقه وبعدها شتت نظره لأماكن ثانيه..
ولأن كان من عادتي اني انومه حتى لو مافيني نوم..انسدحت على الفراش ..وانتظرته ينام..لكن كان شكله متوتر وقلقان..جلس على السرير..قام..راح للتسريحه وأخذ جواله من عليها..
رجع ..جلس..وهو يقلب في جواله..بعد ثواني قفل الجوال..تدرون ايش استنتجت..؟!
انه مايبي يحط عينه في عيني..لا تسألوني كيف عرفت..5سنوات من العشرة ..كيف ما أعرف..؟!!
حبيبي هذا كتاب مفتوح أقرأه بكل لحظه..أتصفح حياته من تصرفاته..
قمت علشان ينام..لأني بهالطريقه راح أحرمه من انه ينام..وهو مو قادر يناظرني..
أول ماتحركت..التفت لي..قمت وطلعت من الغرفة..
ايش تتوقعون يخبي علي..؟!!
وليش مو قادر يصارحني ..لدرجة أنه ما يناظرني..؟!!
قطع تفكيري صوت الرعد..بدأت السماء تمطر..ياااه من زمان ما أمطرت الرياض..اللهم اجعله سقيا خير وبركه..
فتحت الشياك وجلست اناظر ماء السماء اذا اختلط بالارض..تبدأ الأرض تضحك..الناس تضحك..الأطفال يضحكون..اااه من الأطفال..
يارب لا تحرمني منهم..خمس سنوات وأنا أنتظر ضحكه تهز هالبيت ..أنتظر طفل اشيله 9 شهور بين لحمي ودمي..يشاركني نفسي..نبضاتي..
يعيش هنا عند قلبي..يطلع للدنيا ابوسه..اشمه ..اضمه..يارب..لا تحرمني..
حسيت بشي على كتفي..التفتت لقيت سلطان واقف وراي..
وأول ماناظرته شال عيوني عني وناظر السما..ماقلتلكم مابيبي يحط عينه بعيني..؟!!
-هديل في شي أبي أقوله لك..وما قدرت أنام قبل اقولك..
-خير حبيبي..؟!!
سكت..أخذت ايده وجلسته على الكنبه..
وهزيت رأسي له أشجعه علشان يبدأ كلامه..
لف ايده على خصري وقربني منه حيل ..
-هديل..ماادري كيف بأبدأ كلامي..هديل ..والله ماني قادر..
-حبيبي قول..مهما كان كلامك..أنا زوجتك..وهديل الي تعرفها..ماراح تعاتبك على شي أنت سويته..لأنها واثقه فيك..
كل هذا وهو مايناظرني..
مرت دقيقة صمت ..بعدها مسك ايدي وأخذ نفس عميق وتكلم..(وليت الدنيا وقفت لحظتها وماتكلم)
-هديل ..أنت عارفه أني أنا واياك ما نقدر ننجب..وانا مو معترض على قضاء الله..بالعكس..راضي والحمد لله..
وقبل هالشي..أنت ماتشكين طرفة عين أني أحبك وما أقدر أستغني عنك أبدا..ياهديل أنا ما أتخيل أعيش لحظه من دونك..أرجوك يا هديل ..
أرجوك سامحيني..أرجوك لا تتركيني مهما صار بيننا..أرجوك ياهديل ..
أنا أنقبض قلبي وقتها..كنت حاسه أنه أنتهى الموضوع الي كلمني في قبل فتره أنه يبي يتزوج علي..
نبتت أشواك في حلقي ..ما قدرت أطلع الكلمه القاضيه..كنت أبي أعرف خلاص انتهى كل شي..
طيب ليه أنا الحين مو قادرة أتحرك حتى ماقدرت أرمش من الصدمة ..وأنا الي أعطيته الضوء الأخضر انه يتزوج..
حس فيني..
-هديل..؟!!
-كـ مـ ـل
-حبيبتي فيك شي..؟!!
هزيت راسي نافيه..ورجعت ناظرته كنت ابيه يكمل كلامه..
ضغط على ايدي الي كانت بين ايديه وكمل..
-هديل الي اخترتها ماراح تكون أفضل منك في شي..أنا اشترطت على أمي تكون مطلقه أو أرمله..
واليوم كلمتني تقول أنها كلمت أم محمد جارتنا وخطبت بنتها المطلقه..وأكبر منك ب4 سنوات تقريبا..
- خطبتها..؟!!
نزل راسه
-ايه..ويوم الخميس الملكه..
خنجر قاتل انغرس بين ضلوعي بقوووووه والله حسيت ان الدنيا تدور فيني..شعور جامح شل كياني..
جسمي تصلب ..ماني قادره حتى ارمش..
طيب ليه أنا كذا..أنا الي طلبت منه ..صح..؟!!
بس ماتخيلت بيوم هالشعور ..صح كنت متأكده اني راح احزن..بس مو لهدرجة..
.
.
هديل..توازني ..عيدي حساباتك..من حقه ..من حقه..هديل..هدي اعصابك..
اااااااه كيف تقاسمني فيه وحده ثانيه..كيف بصبر عنه يوم كامل..كيف ..يارب ساعدني..يارب ثبتني..
كان يناظرني بقلق ينتظر ردة فعلي..لكن انصدم لما قلتله..
-مبروك حبيبي..ان شاء الله تسعدك..
وقتها حضني..وهو ينطق بكلمات والله عجزت اسمعها حسيت ان جسمي تعطلت فيه كل خليه..
ااااه باقي 3 أيام ..3 أيام ..وتشاركني بهالحضن وحده ثانيه..
كنت وقتها أقرب للمغمى علي ..طحت بحضنه زي الميته..كنت أتمنى وقتها أرجع بهالحضن قبل 5 سنوات..لما كنت عروسه محد يشاركني فيه وأتهنى فيه خمس سنوات كمان..
لا أبي أرجع بهالحضن لذيك المراهقه الي تنحصر اهتماماتها على الميك اب واللبس والطلعه..
لا أبي أرجع طفله..
أبي أكون أي شي..إلا أني أكون زوجه زوجها بتشاركها فيه غيرها..اااه ياربي والله أكبر مني الالم..ياربي ياحبيبي ساعدني..
والله يارب لو مابتصبرني ما أقدر أتحمل..
.
صحيت على صوت المؤذن للصلاة..ضميت نفسي وأنا أحس بالبرد..كنت نايمه على الكنبه في الصالة والشباك مفتوح..ليه انا نايمه هنا..تذكرت آخر شي اني نمت بحضنه
..الا وينه..؟!!
ناظرت الساعه كانت الساعه 5:30 اووووف اذان المغرب..كل هالوقت وانا نايمه..
ياربي وين حبيبي..ليه تركني في البرد..طيب كان قفل الشباك..من أولها ياسلطان..طيب كيف لوتزوجت..خلاص مابتسأل فيني..؟!!
قمت وانا أمدد اديني الي تعورت من ضيق المكان..كان البيت مظلم..موحش..ياربي ايش فيني صرت متشائمه ما أشوف الا الظلمه..؟!!
توضيت وصليت الصلوات الي فاتتني..فيني ألم أعجز أتكلم عنه..ألم يخدر أطرافك..
ألم تحس أن كل نبضه من قلبك تصرخ...يكـــــــــفــــــــــــي..
أحد يحس فيني..أحد يحس بشعور الطفله الي تحتضر داخلي..؟!!
سجدت وانا أبكي ..يارب..يارب..يارب..أمتك ضعيفه بين ايديك..أنت أعلم بحالها منها
وأعلم بألمها منها..يارب هي لاتريد أن تعترض على قضائك وشرعك..ولا تريد أن تخسر ثواب الصبر وحسن التبعل..غريبه في هذه المدينه ..وحيده ليس لها الا انت..ياربي يا حبيبي..ساعدني..أرجوك..ساعدني..صب على قلب الصبر صبا ..يامغيث اغثني يامغيث اغثني يامغيث اغثني..
حسيت اني ارتحت شوي بعد مارفعت راسي من السجود..قررت قرار اني ما ابكي قدامه..أنا اقوى من اني ابكي..اذا حسيت اني ضعيفه عندي ربي ابكي له..
وبعدين بلاش انكد عليه فرحته..واطفي جذوه ولدت داخله بالامل في الطفل الي تمناه..
ليه أكون أنانيه..اذا انا انحرمت..يكفيني هو سعيد بطفله..وسعادته تسوى الدنيا بمافيها..وهو طفلي وزوجي وصديقي وكل حياتي..
بس الفكره الي زلزلتني انه يتغير علي اذا تزوج..راح اجن..لا هو يحبني وماراح يتغير..
من حقه انه يتزوج ..من حقه ينجب..بس مو من حقه انه يتركني او يتغير علي..
ااااااااااه ياسلطان ليه تعذبني..حرام عليك..
ليه تترك لأفكاري السودا مجال ..ويـــــــنــــــــك...
الحين انا لازم ابرمج نفسي على غيابه..كيف راح اتحمل بعده عني يوم كامل...ااااه والا يوم زواجه شلوووووووووون بتحمله ..اررررررجووووووووكم احد ينقذني....
اااااااه يايمه لو تدرين عن بنتك...يمه لو تدرين عن زوجها الي خطب...
يمه شنو بقولك ..كيف بتتحملين الخبر..يمه محتاااااااجتك تضميني..تخففين علي يايمه..
يمه ابيييييييييك مالي بالدنيا غيرك...
تعبت من الدموع..لازم اصير صارمه مع نفسي واتكيف مع وضعي الجديد..
اسندت راسي على ركبتي من التعب..أحس بدوخه ..أحس اني جوعانه..اييي ما كليت شي من اليوم..يوووووه الغداء الي سويته اليوم باقي زي ماهو..ياربي حتى سلطان ما أكل..وينه طلع وهو جيعان..حرام ياربي ايش بقول اذا سألتني عنه..؟
حسيت بأيد تمسح على راسي..فزيت وعلى طول رفعت راسي وشفته ..ماكانت ملامحه واضحه ..كانت الغرفه مظلمه مافي الا نور اضاءة الشارع..انحنى وسلم على راسي..
-حبيبتي صباح الخير..
صوتي اختنق وقتها..لا تقول لي حبيبتي..انا اتعب زياده بمجرد اني افكر انك راح تقولها لغيري..
مااقدر ارد..والله مااقدر..ناظرته وابتسمت..جلس مقابلني ..وهو ساكت وانا فضلت الصمت على كلامي المغلوب..لو تكلمت..بكيت..وأنا قررت ان مافي دموع..
جلسنا فتره وأنا ساكته وهو ساكت يلعب بطرف شرشف الصلاة الي لابسته..
-هديل
رفعت راسي..بس ماقدرت احط عيني بعينه..
-امم ماجعتي..أنا جوعان..ايش رايك نطلع نتعشى..بدل هالجو الكئيب..ليه الظلام..؟!!
هزيت راسي موافقه..
بسوي اي شي بس ما اتكلم..انا تعبانه ماني قادره اتحرك..بس مابقول لا لأني ماابي اجادل أو أفتح مواضيع..ماابي اتكلم..
مسك ايدي وشالني ووقفني..
-يالله حياتي تجهزي..أنا أنتظرك..
.


" للحديث بقيــــه فاسمعووني "



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-02-2008, 01:47 AM
صورة زهرة القمر الرمزية
زهرة القمر زهرة القمر غير متصل
قطرة ندى ح ـالمه
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


لي عودة وقراءة القصه كامله بعد اكتمالها
الان اسمحي لي بنقلها لمكانها الانسب قسم القصص
,:
,,



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-02-2008, 02:05 AM
صورة رهاافي الرمزية
رهاافي رهاافي غير متصل
©؛°¨غرامي فضي¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


زهوووره في انتظار عوودتج حبيبتي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-02-2008, 02:23 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


× * ×

السلام عليكم

رهااافي .. هلا والله منورتنا عزيزتي

؛؛

القصة رائعة ، الله يصبرها

..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-02-2008, 02:32 AM
صورة رهاافي الرمزية
رهاافي رهاافي غير متصل
©؛°¨غرامي فضي¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


الزعيمه8

الروووعه تكتمل بحضووورج حبيبتي

اتمنا انها تنال اعجابكم ...لي نهايتها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-02-2008, 12:16 PM
صورة شبابي الرمزية
شبابي شبابي غير متصل
©؛°¨غرامي مشارك¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


روعه ابدع اتمنى انك تكملينها...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-02-2008, 02:38 PM
رد الصدى رد الصدى غير متصل
©؛°¨غرامي مشارك¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


يسلموووو رهاااافي القصه رووعه وانا تأثرت وتعاطفت معااهااا
:graaam (
165
):
اتمنى ان النهايه تكون سعيده
<<< تكره النهايات الحزينه قلبهاا حسااس



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-02-2008, 04:53 PM
صورة رهاافي الرمزية
رهاافي رهاافي غير متصل
©؛°¨غرامي فضي¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


شباابي

يسلمووو ع المرورر

بكملها بس ابي اشوووقكم شوووي هع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-02-2008, 04:54 PM
صورة رهاافي الرمزية
رهاافي رهاافي غير متصل
©؛°¨غرامي فضي¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


رد الصدى

حبيبتي اشكر مرورج

كملي معااي لي النهاااايه ماابي احرق عليج الاحداث

القصه روووعه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-02-2008, 05:23 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد : خنجر وأحسه بين الأضلاع..لاهو ذبحني ولا هو اللي قويته


عجبني اسلوبك ....وحنيت على ..هديل .....وبكون ..متابعه معك ....اكيد ....


موضوع مغلق
الإشارات المرجعية

خنجر و أحسه بين الأضلاع .. لا هو ذبحني و لا هو اللي قويته

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية شوفوا الزمن كيف قاسي مخلي راسه براسي / الكاتبة : الشوق ذبحني ، كاملة بنوشه لابشه فشتان منفوش.~ روايات كامله - يتم نقل الرواية هنا بعد اكتمالها 58 27-05-2011 09:40 PM
ذبحني الشوق بغيابك حزينةالرفاق منقولات أدبية 8 25-05-2010 12:20 PM
ذبحني الشوق ذبحني واه اسيرة عيونه منقولات أدبية 7 28-11-2009 07:44 AM
ذبحني الشوق بغيابك حـْْْ ـلاتي بحـْْــركاتي منقولات أدبية 9 26-12-2008 07:24 AM
خنجر وأحسه بين الأضلاع ..لاهو الى ذبحني ولاهو الى قويته...(قصه واقعيه) "سنفورة" ارشيف غرام 8 10-06-2008 10:33 PM

الساعة الآن +3: 05:24 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم