سر حياتي

[نجمة بحر]

سر حيآتي ( خوف حب هجر ثم وصال )
لك غلا
السلام عليكم ورحمة الله وبركاته ..

اقدم لكم قصه من تأليفي أتمنى ان تنال على استحسانكم ..

هي واقع وحقيقه تعيشه بعض الفتيات اللاتي في مقتبل العمر .. وهو الخوف

ولكن الخوف من ماذا لنتابع معاً القصه ونكتشف ذلك بأنفسنا ..

لن اقول أكثر من ذلك قصتي تجسد أدوارها عدة شخصيات ومحورها هو شخصية ريناد وخوفها وسرها الدفين وهل ستبوح به أم سيبقى بالذاكره حتى تنهار أكثر من الكتمان ؟

وهل سياتي شخص ينقذها مما هي عليه لتعيش بعد ذلك حياه جميله بعيده عن الخوف والقلق هذا ماسنعرفه بعد ذلك ..




أترككم مع شخصيات القصه


عبد الله اب في الخمسه والاربعين من عمره صاحب مال كثير وهو من أكبر رجال الخير .. يكنى بـ ابا محمد ..


نوال : أم في الاربعين من عمرها ..

لم يرزقهما الرب اللا بإبنه واحده بالرغم من زيارة أمهر الاطباء والمختصين ولكن دائماً الاثنان بخير ولكنها مشيئة الرحمن ..

ابنتهم اسمها ريناد في الثانيه والعشرين من عمرها بآخر سنه بدراستها الجامعيه لغه عربيه ..

غاية بالجمال صاحبة وجه اشبه بالقمر بتدويرته واشبه بالغزال في رشاقتها ورسم عينيها فكانتا ذات كحل من خلق الله وبنيه اللون محدده بؤرتها بالاسود كأبيها ورموشها غايه بالطول والكثافه مثل امها وبالرغم من جمال عينيها اللا ان الجميع يقول بانها حزينتين .. وشعر اشبه بالحرير من كثر نعومته اقرب الى السواد في لونه .. بشره ناعمه شفافه تكاد عروقها تبان ..
اشبه بالخيل في مشيتها نظرها لاينزل للارض .. مما جعل الكثير ينعتها بصفة الغرور ..

اليس من حقها أن تكون بغاية الغرور وهي اشبه بالحوريات لجمالها ؟؟ ولكن ماسر هذه العينين الجميلتين الحزينتين ؟؟

عبد الله هو الاخ الاصغر يكبره أخ : لم يرزق بالأولاد وهو يسمى بأبي يوسف وزوجته : مريم

له من البنات اربع :

ريم : البنت الكبره في الخامسه والعشرين من عمرها متزوجه من فيصل ولهما ابن في السنتين والنصف من عمره اسمه ( ريان )

امل : بنت الثالثه والعشرين من عمرها متزوجه ايضاً من اخ فيصل وهو خالد لهما أيضاً ولد ( امجد ) عمره سنتان ..
كلا الاختان تزوجا بليلة واحده ..

البنت الثالثه : ساره : في الاول ثانوي جميله جداً تحب الملابس والموضه ..

اما آخر العنقود فهي : سالي عمرها سبع سنين ..

اما العمه فهي في الخامسه والخمسين وهي أكبر من ابو يوسف وعبد الله أرمله تزوجت من رجل كبير في السن وتوفي عنها بعد ست سنين من زواجها ولم ترزق اللا بولد واحد في الرابعه والعشرين من عمره ( مازن ) متخرج حديثاً ويعمل استاذاً للحاسب الآلي ..

هذه المقدمه لقصتي ..

اتمنى ان تنال على اعجابكم ..

تحيتي . لك غلا ..



====================================


عبدالله يطلع من مجلس الرجال بقمة عصبيته والعرق يتصبب من جبينه ونوال تركض وراه ..

نوال : عبدالله .. عبدالله انتظر شوي اشفيك على هالعصبيه اهدى شوي مايسوى كل اللي تسويه ..

عبدالله والشرار طالع من عينه حاقر نوال وهو يصعد عالدرج بسرعه شديده وقمه بالغضب ويقفل الباب خلفه ..

نوال : عبدالله أنا اكلمك افتح الباب وشوله تقفله .. افتحه خلينا نتفاهم وتفاهم مع بنتك مايصير كذا تسوون بحالكم لاعينك تقرب عينها وهي من تشوفك تتضايق وتركض غرفتها ..
بو محمد افتح الباب تكفى ترى معاك الضغط ماتنفع العصبيه معك والله ماايسوى اللي مسوينه بحالكم ..

جننتني انت وبنتك انت من صوب وهيا من صوب عطوني حل لكم انتم الاثنين .

عبدالله بقمة قهره يفتح الباب ..
ويصرخ بوجه نوال : وهي بنتك هالمغروره خلت فيها اعصاب ماحد جاب لي الضغط اللا هي حسبي الله على شيطانها اعوذ بالله متكبره ومغروره وش عليه كان انه عالفلوس ترى الفلوس وسخ دنيا وزايله .. لاتسمع الكلام ولاشي .. ناظري كم عمرها شكلها بتاصل الثلاثين ولا بتتزوج كل يوم وحاطه لي عذر وكل عذر أقبح من ذنب .. يوم تقول لي دراسه كا هذي آخر سنه لها توافق هي بس والزواج بعد ماتتخرج .. ويوم تحط لي بالرجال الف عيب وعيب اللي يقول انها كامله جمالها ترى مااينفعها كان إنها مستغره فيه ..
ولد عمتها ماتقولين لي ليه ماتبيه ليه مو عاجبها وش العيب اللي فيه علميني فيه وانا ما أوافق عليه وإللا مايجوز لست الحسن والجمال وماهب من مستواها ..

يناظر بنوال وعينه يطلع منها الشرار ويأشر بيدينه : قولي لها لاتناظر الناس من فوق ترى ربي بيوم بيكسرها وخلها قنوعه وترضى ..

نوال في محاولة لتهدئه عبد الله : ياعبدالله سمي بالرحمن وصل عالنبي لاتفسر الأمور وانت كذا معصب وإنت أكثر واحد تعرف بنتك وفاهمها وان هي رغم المال والجمال مهي بمغروره وانت تدري انها متواضعه ولو مثل ماقلت مغروره وتبي ترضي غرورها وتاخذ حد بمستواها كان أقبلت بنواف يوم انه طلب يدها وهو كان توه متخرج ويشتغل بشركه أبوه وفلوسهم ماليه الدنيا بس انت تدري ان بنتك ماهمها مال ولا شي وهي مهي بمصفعه تناظر للرجال بفلوسه لأنها عايشه بخير ونعمه من يوم إنها صغيره وماعمرك قصرت معها بشي ..
لكن انت بنتك وعارفها بموضوع الزواج عنيده وراسها يابس لاهي راضيه لابقريب ولا ببعيد بكره بتعقل وبتعرف مصلحتها ..

وانت بقدك قلت مره مدري بنتي اش بلاها وليه من نجيب لها طاري الزواج تعصب وتبكي وإذا كان حد ببالها انت مستعد تاخذه عساه لو ماعنده مهر اهم شي راحت بنتك وسعادتها ..
وانت تعرف يبو محمد انا كلمتها قبل وقلت لها إذا حد ببالها تقول لاتستحي .. ( نوال قريبه من بنتها جداً حتى لما يطلعون مع بعض الناس تستغرب انه ام وبنتها الكل يفتكرهم اخوات ) .. حتى ان نوال اذا تزاعلت مع بو محمد تلجا لبنتها وريناد بعد اذا تضايقت من شي تشكيه لامها اللا طاري الزواج ماترضى تتكلم فيه مع امها !!!! او تفتح سيرته قدامها ومن حد يجيبه بمكان تقوم او تغير الموضوع ؟؟

عبدالله وبدى يهدأ شوي : بس يانوال انا ودي أفرح بهالبنت راس مالي هي وماعندي غيرها والايام كل ماجاها تمر وتركض وان بقيت لها اليوم بكره ماني معها ومابي عيني تغمض اللا وأنا شايفها بببيت زوجها متستره معاه ومع عيالها ..

نوال وتحط يدها على كتف عبدالله : بسم الله عليك بعدوك ان شاء الله ..

عبدالله مسك يد نوال وخلاها تقعد جنبه : يابعد قلب بو محمد ..انا وانتي مو دايمين لها ان عشنا لها اليوم متنا باكر ومثل منتي عارفه هي وحيدتنا مالها عقب عينّا حد أذا ربي وربك افتكرنا .. لا أخوان ولا أخوات ..

نوال ونزلت دموعها على خدها: وأنا هم يبو محمد ودي اشوفها عروس وازفها لزوجها والناس تجي تبارك لي بزواجهم .. وكل يوم تجيني البيت وتبوس راسي وزوجها كيفك ياعمه ويحب راسي والناس تستحمد لي بسلامه بنتي على ماجاها من عيال ويترسون لنا البيت كوم عيال ويصير البيت ازعاج وفوضى ذا يضحك وذا يصرخ وذا يمسك رجلي ماما شوفي اخوي يضربني وذا يكسر الاثاث والتحف بدل هالسكون اللي مخيم علينا ويجيب المرض .. شوف البيت وش كبره مافيه صوت ولانفس ..

ودي اشوفك جاي من الدوام ويجونك العيال وتضمهم لحضنك وتقول هلا باحفادي هلا بمن قريت عيني فيه ..

عبدالله أخذ يده لخذ نوال ومسح دموعها وخلى راسها بصدره وجلس يمسح على شعرها : ان شاء الله يالغاليه ياأم الغاليه نكحل عينّا بشوفتها عروس وشوفت عيالها ..


في هذها الوقت وفي جهه اخرى من البيت وبالتحديد في مجلس البيت كانت ريناد في دوامه تتذكر الايام والسنين والالام والحزن الذي مرت به ..

والدموع أشبه بالنار التي تحرق خديها الناعمين ..

أنا أتزوج !! معقوله وأعيش مع رجال بغير بيت ابوي ورجال يشوفني .. واكون مقابلته ومقابلني طول اليوم غير ابوي .. وبدت بالصراااااااااااااخ لاااااااااااااااااااااااا مستحييييييييييييييل لو يصير اللي يصير مااتزوج لااااااااااااااااااا مااتزووووووووج تكفون مابي اتزوووووج لااااااااااااااااااااا وبدت مره أخرى بالبكاء بصوت عالي .. وكأن شي قد حدث لها ..

وبعد ساعه من البكي يرن جرس الباب ..

تاتي ( الخادمه ) : هلا بابا تفدل داخل ..

أحمد: أما أبوكي كثري منها يالخبله .. اقول تاتي في حد هنا في بيت .. والله يالهبله صرت اتكلم مثلك عوجتي لساني ..


تاتي : ايوه بابا هنا كلو بيت موجود ..

احمد : طيب ريناد طسي عن وجهي بروح لريناد غرفتها ..

تاتي : ايس بابا طسي هذي مافي معلوم .. وماما ريناد في مجلس ماكو غرفه ..

احمد : اقول انقلعي عن وجهي والله لو تسمعك ريناد تقولين ماما اذبحتك ..

تاتي : طيب بابا انا في روه ( روح ) ..

ودخل احمد البيت وعلى طول للمجلس .. وشافه مظلم : الهبله تاتي تقول ريناد هنا وينها ظلمه وهو طالع من المجلس تفاجأ بشهقات بكاء ..

احمد: يؤيؤيؤؤؤؤ مين يبكي ريناد رنوده وينك ؟

ويفتح النور .. ويتفاجأ بشكل ريناد!!! @@

كانت حاطه راسها على احدى طاولات المجلس وشعرها مغطي كل وجهها ويروح لها بسرعه ويرفع راسها وبكل خوف : رنود رنود رنوووووود ايش فيكي ؟؟ ليه كل هالبكي ؟؟

ريناد : خالي خالي الحقني ؟؟؟ وتزيد بالبكي ..

احمد : رنود ايش فيكي عسى ماشر ليه هالدموع كلها ؟؟

وبكل هدوء أخد بنت اخته ومسك يدها وقومها ونادى تاتي تجيب لها كاس مويه ..
ريناد : خالي ؟؟؟ وتكثر بالبكاء والشهقات ..

احمد : يابعد الخوال كلها انتي ايش فيكي تكلمي تراكي خرعتيني ؟؟

ريناد ابوي ياخاااالي ابوووووووووووووووي ؟؟؟؟ وتزيد بالبكاء اكثر وخلت راسها بصدر خالها ..

أحمد بتفاجأ اكثر : اش فيه أبوكي عسى ماشر اش جاه عسى الضغط مو مرتفع عنده ..

ريناد : ماشر ياخالي ماشر بس ..

أحمد وبدت علامات الحيره والتعجب بوجهه : بس ايش وبدا بالصراخ : بو محمد بو محمد

ريناد : ماله داعي تنادي انا بقول لك السالفه ..

الخال : كلميني اش صاير علميني تراكي اقلقتيني ؟؟

ريناد بين دموعها ونوحها : أبوي ياخالي يبي يزوجني يبي يزوجني بيخليني ملك لرجااااااال ماااااابي ياخااااالي ماااااااااااااااابي تكفى قول لابوي مابي اتزو ج .. وزادت بالبكاء اكثر واكثر حتى انها صارت اشبه بالمجنونه ..

احمد تفاجأ من صراخ بنت اخته والضرب اللي ضربته له بيدها على صدره وهي تصارخ ماتبي تتزوج ومن هول الصدمه فقعها ضحك بقوه @@ ..
احمد : يالمجنونه روعتيني وخبستيني انا قلت ألحين قاتلين لك قتيل او ابوكي لاسمح الله في شي اثاريكي يالخبله بتعرسين وراح نفتك منك وقاعده تتدلعين صدق ماعندك سالفه اقول مبروووك يالدبه خخخخخ ...

ريناد بكل عصبيه وش مبروكه انتا الثاني هذا بدال ماتواسيني وتوقف جنبي تزيد النار علي .. وتعود للمره الثانيه بالصراخ ..

احمد مستغرب من بكاء ريناد وبينه وبين نفسه : وكاد انها مجنونه أول مره بحياتي اشوف بنت يجون يخطبونها تقلبها مناحه ..

وهذي سالفتها من يخطبها حد تقلبه من خطبه لعزى .. وبو محمد واختي يعصبون حيل ليه كل ذا ؟؟

وبتفاجأ اكثر : ليكون حد ببالها وماتبي تقول لنا وشالسالفه ؟؟

اكيد في المساله إن واللا البنت مهي طبيعيه مثل باقي بنات خلق الله !! وحتى المسكينه اختي من حد يقول يبي يخطب بنتها تتغير ملامحها مو مثل باقي الامهات اللي يفرحون بخطبة بنتهم وتصير حزينه ..

امبيه وهذا الثاني نواف وشلون يطلب مني هالطلب!!
وانا اللي جاي أقول لها في معرس يبي يخطبك وش هالورطه ياحمود اللي انت فيه . لا والحبيب يبي يعرس بسرعه قال ايش من شفتها معك جنيت ومو عارف انام خخخخخ ..

ويقطع سرحانه شهقة بكاء من ريناد !!!
** الجزء الثاني **



أحمد وهو يمسح على شعرها ويمسح دموعها من خدها الناعميين : رنود حبيبي خلاص إهدي شوي ممكن ؟؟

أنا ابي أعرف انتي ليه ماتبي تتزوجين ومين ذا اللي خطبك ؟؟

ريناد وتعاود للمره الألف بالبكاء والكلمات يدوبها تطلع من فمها : خالي خاالي تكفى لاعاد تجيب لي طاري الزواج قدامي .. تكفى مابي أتزوج قول لابوي تكفون كلكم مابي اتزوج ماهو غصب ولاهو حرام لو ظليت بدون زواااااج ياااااااااااااربي افهموووووووووني خلااااااااااااااص مو قادره اتحمل من كذا.. احس اني بنفجر من كثر الضغط ..

أحمد ومحاوله من تهدئتها شوي : طيب يابعد قلب خالها .. اكيد ابوكي ماراح يجبرك على شي انتي ماتبيه .. وإذا اللي خطبه ماودك فيه ومو قادره ترفضيه عشان ابوكي انا مستعد اكلمه واقول له مالك نصيب مع بنتنا ..

ريناد رفعت راسها من صدر خالها : اي خالي تكفى كلمه والله أبوس يدك ورجلك بس تكفى هالزواج مابيه وانا حاسه إن أبوي منحرج كثير بين نارين نار بنته ونار أخته ومايبي يخسرنا حنا الثنتين ..

أحمد : يعني اللي خطبك ولد عمتك ؟؟

ريناد بكل حزن : أيوه ولد عمتي مازن ..

أحمد : طيب انا أكلمه وأعتذر له وان شاء الله يفهم الموضوع ..

والحين ايش رايك تقومين تغسلين وجهك وتصلي عالنبي ونطلع مع بعض شوي عالبحر والله زمان ماتمشينا .. وبلاها هالتكشيره موشي عليكي .. شوفي عينيك الحلووين وشلون صايرين كنهم قنبلات من كثر البكي شوي ويفقعون خخخخ ...

ريناد : لا ماله داعي خالي .. أبي أجلس بالبيت تعبانه ..

احمد : تنامي !! شوفي الحين الساعه تسعه توها ..

ريناد : لامافيني نوم بس تعبانه ..

أحمد : طيب تعالي معي نطلع وننبسط وراح ترتاحين هناك بدال هالغلقه والحبسه اللي انتي فيها ..

ووافقت ريناد تطلع تشم شوية هواء مع خالها وطلعت لغرفتها تجهز حالها ..

ريناد وهيا نازله من الدرج : يالله خالي انا جاهزه ..

احمد وقف يطالع بنت أخته ويصفر لها : أيوووه على هالجميييييييله ألحين شوفي اش حلاتك مو من ساعه أعوذ بالله ماتطالعين خخخخخخخخ ..
ريناد : وش تقول خالي أي جمال واي خرابيط خلنا ساكتين أحسن .. ( ريناد كانت تعصب كثير مره من حد يمدحها ويقول انها جميله !!!! ) ...

وطول المشوار كان احمد يحاول يسولف مع ريناد ويضحك معها اللي كانت تسولف شوي وتضحك وترد تسكت وكان في شي يمنعها من الضحك وشي كبير بعد ..


أحمد وهو فاتح الباب لريناد : يالله سيدتي الجميله مشينا ننزل ..
ريناد بابتسامه : طيب ..

وطول مشيهم عالبحر ضحك وسوالف لها اول مالها تالي ..

احمد وسوالفه عن دوامه ومقالبه مع عيال اخته وسالفه تجر سالفه ..

ريناد وهي تناظر خالها وهو يسولف معها وسرحانه بفكرها شوي : خالي بعد رجال ليه ماأخاف منه شمعنى هو الوحيد اللي ارتاح له ومااحس بخوف وانا جنبه .. بالعكس أحس اني بأمان ومتطمنه معه .. واحب اشوفه وأفرح كثير لما ألتقي معه .. وليه إذا غاب عني أحس الدنيا مقفله بوجهي واشتاق له ... ولسماع صوته وسوالفه .. اشتاق لقعدتي معه .. لضحكته وخفة ظله .. وهي تناظر خالها وتبتسم

وفجأه وكان حد يكلمها ويقول لها : لااااا أصحي يابت ذا رجال يعني حاله حال باقي كل الرجاجيل أنانيين وانذال الحرمه يستعبدونها ويتحكمون فيها وكأنها مو أنسانه مثل الوحوش لاقلب ولارحمه ولاعطف على هالمسكينه الضعيفه ...

واحمد يناظر ريناد وشاف ان عينها بدت تدمع وفاتحتها بالقوه ومسك يدها لقاها ترجف ..
وبدا قلبها يدق والخوف يتصاعد لها وباسرع من البرق سحبت يدها من خالها ..
وبعد فتره ردت شبكت يدينها الثنتين بيد خالها وبكل قوه ..

وذا الشي خلى خالها يحط ألف علامات الحيره والاستفهام بباله اش فيها ريناد توها تناظر فيني وسرحانه وبعد شوي تتوتر وتشيل يدها وكان حد قال لها شي وبثواني ترد تمسك يدي لا وبكل قوه وكانها خايفه من شي .. وقبل ثواني كانت فاكه يدي من يدها كأنها مرتعبه مني .. وبكل استغراب ايش السالفه مو طبيعيه البنت .؟؟

لكن ماحب يسالها ليه لأن جايبها عشان يهديها شوي وحب يغير الجو عليها وهو يضحك : أحلى عالغيره ليه مسكتي يدي كل ذا غيرانه من هذيك اللي تناظرني ..

ريناد : لاااا ... وبقلبها وشو لا الحين بيقول اجل ايش فيكي يؤؤؤؤؤ انا الهبله الحين بيفتح لي سين وجيم وبيعرف اني خايفه من هالرجال هذولي اللي يناظرون ياربي .. وبسرعه غيرت اجابتها على تساؤل خالها .. ايوه ايوه ..

أحمد بسخريه : أيوه واللا لأ .. لا واللا أيوه خخخخ حددي .. اقول وشوله تغارين هذا وانتي بنت أختي .. أجل وشلون لو حرمتي احم أحم ..

ريناد تفاجأت وبقلبها : حتى انتا ياخالي تبي تتزوج يعني مثل باقي الرجاجيل وبدا الحزن مره أخرى .. وانتبهت لحالها وابتسمت لأنها ماتبي تبين لخالها شي ..

ريناد : لاخالي : بس هذاك يناظرني بقوه ورعبتني نظراته ..
احمد : طيب تبينا نمشي ..
ريناد : لا لا ابي اقعد هنا معك شوي .. بس خلينا نغير المكان ..

( احمد ) .. كان عمره 27 سنه .. جميل ووسيم جداً لونه برونز تشوبه حمره عالخدود وعينين عسليتين ورموش طويله كأم ريناد ..

أحمد وهو طالع من على صخور شاطئ البحر ووصل فوق .. ينتظر ريناد تصعد له ..

بنت وحاطه يدها على قلبها : يااااااربي شوفي ذا الجمال اللي قدامي عهودوه وربي يجنن ..

عهود : أي وربي يجنن هو شعر واللا جسم واللا هالعين اللي تذوب .. ايش رايك نقرب منه يمكن يقط علينا رقم أو شي ..

وبدت الثنتين بالتقرب من أحمد اللا أن خيبات الأمل بدت على محيا أحداهن وقالت : يووووووووه يكلم بنت تحت معاه وحده مو لحاله شكله خاطب او متزوج ..

الثانيه : لا ماكو حد ..

الاولى بكل قهر وهي حاطه يدها على راس صاحبتها : : كا ناظري شوفي يالعميه ..

أحمد وكل محاولاته باءت بالفشل اللي يحاول فيها يخلي ريناد تصعد له فوق وهي موراضيه ..

أحمد : اش فيكي يالجبانه اذا ماتركبين ترى بحملك واجيبك قدام الناس ..
ريناد : مو جبانه بس أخاف تطلع لي فاره واللا قطوه من تحت الحجر ..
أحمد بتهديد ساخر : اصعدي ترى والله بحملك ..
ريناد : لااااا لااااااا كاني جايه بركب ..
ريناد تصعد حجره وتنزل تصعد وتنزل وكانت بقمة الخوف من الصعود وأيضاً من خروج قطوه لها ..

وفجأه أحمد يصرخ : رندووووو ألحقي ورا عبايتك فاره يالهبله اصعدي اصعدي تحت رجليكي تمشي ..

ريناد بصراخها لاااا يممااااااااااااا خالي .. وصعدت الدرج بكل سرعه متناسيه خوفها من الركوب ومن الخرعه وبدون شعور حضنت خالها وبثواني انتبهت انها قدام الناس وانحرجت وأحمد مات ضحك على تصرفها وهي كمان ضحكت على موقفها لكن بحرج ..

وكانت البنتين يراقبوا تصرفات أحمد ريناد وكل وحده تناظر من جهه وتقول ياربي اش هالوناسه اللي هما فيها احلى حبيبيين بايين عليهم متى أنا ياربي اصير مثلهم ؟؟ وكانوا بقمة قهرهم من احمد ورينا د ..

وعدى الليل وهما عالبحر ولما اذن أذان الفجر ركبوا السياره راجعين البيت ..

عند باب المنزل ..

ريناد وهي مقابله لوجه أحمد : خالو .. تعال نام معنا بالبيت ؟ صار لك زمان ماجيت نمت معنا ..

أحمد : لا بروح البيت تعبان ودوبي أنام وأصحى ..

ريناد بترجي : بليييييز خالو .. يعني بالبيت ماراح نخليك تنام .. عالاقل هنا هدوء وانت دايم تقول لنا بيتكم ذا يجيب النوم اللي صار له سنه مو نايم ماراح يلقى أحسن من ذا البيت يريح فيه .. وهناك عيال خالي ماراح يخلونك نام من ازعاجهم وفوضتهم يالله خالو تكفى تعال نام والله مشتاقه لك ..

وبعد عدة محاولات من ريناد وافق الخال بالنوم ببيت أخته ..

ببيت بو محمد كانت فيه غرفه الى أحمد . وبو محمد يحب كثير احمد ومايناديه اللا بوليدي وهم احمد مايناديه اللا يبا .. وأحمد كان دايم ينام ببيت أخته لما يسافر بو محمد ..

احمد بغرفته ويعيد الحوار اللي دار بينه وبين ريناد ويتذكر الموقف اللي سوته من شوي وبكائها الفظيع وحالتها اللي كانت عليها الاشبه بالمجنونه من كثر البكي والصراخ وبدا يتساءل في نفسه .. ريناد وشوله ماتبي زواج ؟؟ وليه كل هالبكي الي صار ؟ وماهي اول مره تبكي فيها وتنهار ولاهي اول مره تسوي هالمناحه حتى انها مره من كثر ماعصب عليها ابوها أغمي عليها من كثر البكي وانهارت اعصابها ..
ليكون تحب حد .. معقووووله !!! معقوله ريناد تحب !!
وإذا حبت يعني وش صار والله لو تحب حد يابخته فيها اخلاق وجمال ووين بيلقى وحده احسن منها ..
بس لا .. لااا مااتوقع .. مااتوقع ريناد تحب .. لو تحب كان علمتني لأنها ماتخبي عني شي .. اجل وش سالفتها ؟؟

ويقطع حبل افكاره مسج ... ممكن آخد منك موعد واتقابل معك ونتفاهم بهدوء .. ترى شفتك مع القمر عالبحر سهارى ..

احمد :: يوووووه هذا الثاني وش سالفته ؟؟ والله لو تدري ريناد ماغير تموت قدامي .. وبعدين وش يبي ذا

وقته ذا الثاني هو ووين وريناد ووين ..

وبعد فتره من التفكير وفز قلبه : يؤؤؤؤ معقوله ريناد ماتبي تتزوج عشان ( سلطان ) .. أووووووووووه وشلون راح عن بالي يوم أنها قالت لي مره ان واحد دايم يكلمه بالتيلفون من أبوها يطع من البيت وكل مره تغير الجوال يعرف رقمها ..
وتذكر انه حافظ كل الأرقام اللي يدق عليهم لريناد واخد جواله وطلع الارقام وشاف انها غير عن رقم المسج ..

معقوله سلطان ذا اللي يكلم ريناد .. معقوله ليه لا ؟؟ نفس الاسلوب تهديد بتهديد .. انا لازم أقابل هالسلطان وأشوف سالفته وهالرعب اللي شفته بريناد معقوله له يد فيه انا لازم اعرف السالفه وبأقرب فرصه ..

[نجمة بحر]

مريم بصراخ : إإإإإف ... كافي يامزعجين خلوني ارتاح .. وانتي ياأمل طفشتيني انتي بولدك .. نعنبوكي ماعندك بيت أربعه وعشرين ساعه لازقه فيني ماتخليني حتى اقعد مع ابوكم شوي ذلفي شوي عني ..

امل بدلع وتقترب من أمها وتحضنها : مامي .. انا بنتك حبيبتك تطرديني من بيتك ...

مريم : اقول ذلفي عن وجهي عطيتك وجه زياده عن اللزوم ..

أمل وهي ميته ضحك : يما.. أي بيت واي خرابيط تعرفيني مااحب أقعد فيه .. أحب اجلس عندك وبحظنك .. وتتقرب ثاني لامها وتبوسها ..

مريم : اقول بلا مصلحه .. ذلفي عن وجهي .. الواحد يعرس بناته عشان يرتاح شوي وياخذ راحته ببيته أنا عرستكم وابتلشت فيكم .. أول عندي أربعه ألحين صاروا دبل ثمانيه انتم بازواجكم بأولادكم معسكرين عندي بالبيت ...
أمجد وهو رايح لعند جدته مريم : ماما .. ماما ..

مريم : ماني بأمك هذيك امك وتاشر باصبعها لعند أمل .. أنا دوامي معك لحد الساعه خمسه من تجي أمك أخليت مسؤليتي منك ..

أمل : تدرين يما الظاهر مجود مايدري اني امه يفتكرني انا الشغاله حقته مايناديني ماما ماأسمعه يقول ماما اللا لك انتي ..

ريم : اي والله ياأمل أمي صادقه عليكي لازقه ببيت أبوي أربعه وعشرين ساعه حتى النوم تنامين هنا وغذاكي وعشاكي هنا .. فلستي أبوي من قعدتك ..
أمل وهي تضحك : من تزوجت للحين صار لنا يمكن ثلاث سنين تدرون مااطبخت ببيتنا الللا مرتين أو ثلاث .. لا ويمكن يوم اني اطبخت استغربوا الجيران يوم اطلعت ريحة طباخ من البيت ..
ريم : مجود حبيبي تعال للخاله ..
أمجد يجري عند خالته ..
ريم : مجودي وين ماما ؟؟
أمجد يأشر بيده الى جدته مريم ..
ريم تأشر بيدها لعند امل : لا مجود هذيك ماما ..
امجد وشفايفه وصلو للأرض : لا ويجري لعند جدته ..

ريم ماتمالكت حالها وقامت تضحك بقوه حتى دمعت عينها من سوالف اختها وولد اختها ..
أمل : يما ... ماما ... مامي ..
مريم وهي تشرب بيالة شاهي : حتى وأنا أشرب الشاهي ماتتركيني ..
امل : يما ..
مريم وهي تحط بيالة الشاهي عالطاوله : ها وحطبه شتبين حتى الشاهي عفناه مانبيه ..
أمل : يما تخيلي اجيب ولد ثاني شتسووين ايش شعورك ؟؟
مريم اشهقت وناظرت امل بقوه : ليكون املو حامل ؟؟
أمل : لابسم الله علي موب حامل .. بس اقول لك أفرض افرض مثلاً يعني << تغني اغنية حكيم ..
مريم : كان تبي ثلاجة هالشاهي على وجهك احملي .. خوب انتي اللي بتتعبين .. ماعليكي اللا تفرخين وبس والتربيه ولوية الجهال علي أنا اش عليكي انتي ..
وبعدين تعالي ياأمول إذا بتحملين اتركي شغلك .. وبعدين المفروض اول تستأذني مني أول وانا أقرر أخليكي تجيبين عيال او لا ..

الجميع : هههههههههه هههههههههههه هههههههههههههههههههههههههههههههههه

أمجد وهو ينادي أمه أمل : ألوه ألوه ( يعني املوه ) خخخخ ،، اف اف وهو حاط يده بخشمه ..
ريم من سمعت كلامه ماتت ضحك .. والله وصدقتي يوم تقولين انه يحسبك شغاله .. اقول روحي روحي يالشغاله غيري ملابس ولدك ترى ريحة المكان معفنه خخخخ
أمل تبي تقهر ريم : مجود قول ماما .. ماما أول ماما ..
وامجد معيي يقول ماما ..
أمل : مجودي حبيبي وين ماما .. أنا واللا هاذي وهي تاشر بيدها الى امها مريم ..
امجد يأشر بيده على جدته انها هي أمه ..
ريم : اقول يالشغاله روحي غيري لولدك ترى ريحته تبخرت .. خخخخخ
أمل وهي حامله ولدها : مجود قول ماما .. مجود انا ماما انا الماما قول حبيبي واقهرهم ..
ريم بصوت عالي : احلمي ... احلمي ... الحلم زين يمدحونه هالأيام .. لا وتبين تجيبين ولد ثاني خخخخ ...

مريم وهي حاطه رجل على رجل : اقول يابنات انا اليوم بروح السوق ..

امل وهي بالتواليت ( وانتوا بكرامه ) : يما ... يمااا ... انتظريني انا ابي اروح معك .. لاتروحون عني ..
ريم : بل ... بل مو آآذان عليكي ..
مريم : لاااا تكفين ... اللا انتي .. ماابيكي لا انتي ولا ولدك علشان أروح وارجع بدون فايده ماغير صوتي بايح من ولدك وشطانته ورجليني مكسرين من الركيض وراه ... مابيكي انقلعي روحي مع خالد ..

أمل وهي راجعه للصاله :: يما تكفين أبي أروح السوق شايفه ملابس وابي اخدهم وخالد ماعنده ( oof ) هالاسبوع ..
الام : مابي انقلعي أبي اليوم انا أروق أعصابي مابي غثاثه علي .. أبي بروحي حتى ساره وسالي مو ماخذتهم معي ..
أمل : تكفين يما اخاف ياخدونه مقاس مجود ..
مريم : لبسي ولدك وانتي ساكته بلا قرقه على راسي ..
امل : وأنا اشعلي منك أنا كل يوم هنا يعني وقت اللي بتروحين فيه بركب السياره قبلك ..
مريم : عشان أقص رجلك ..
امل : يما والله شايفه كذا لبسه أبي اشتريها ..
مريم : نعنبوكي حرام عليكي .. شوفي دولاب ولدك مايتقفل من كثر الملابس اللي فيه لا وثلاث أرباعهم جداد مابعد ابدلتيهم وعنده يالهبله ملابس كثيره صغروا عليه مالحق يلبسهم وغير الجزم اللي حدها لبسه ويصغروا عليه .. انتبهي شوي يا أمل ضمي قرشك بكره ماتدرين شيصير لك يمكن تحتاجين للفلس ..
أمل : يما انتي تدرين احب دايم اشوف ولدي كاشخ مااحب اشوفه مبهدل ..
الأم : ماحد قال لك خليه مبهدل بس مايصير ذا الاسراف والله حرام ..
ريم : وهي صادقه يما أنا مااحب بعد اقصر على ولدي أحبه دايم انيق ومرتب .. اصلاً الاطفال اذا هم مو كاشخين ماتحبين تاخذينهم عساهم لو قمارى ..
ريم : يما .. تذكرين أول قبل مااجيب ريان اش كثر اخذ لي ملابس دولابي مايتقفل من كثرهم ألحين صار كله لولدي .. ألحين صرت مااشتري لي كثر ما اشتري لولدي .. اصلا من باب المجمع على طول ماافكر ادخل لجهة ملابس الكبار على طول عند ملابس الاطفال .. لا وإذا شفت لي جزمه اقول غاليه .. وبعكس اذا شفتها لولدي مااغليها عليه .. لا وتكون بعد أغلى من اللي كنت باخذها لي ..
امل : اصلاً الولد هو شكل امه وبوجهها عشان كذا لازم يكون على طول مرتب ولبسه أنيق وريحته حلوه ..

وتقطع سوالفهم وضحكهم مكالمه من ريناد ..

مريم : هلا ببنتي هلا وغلا والله بقمرهم .. رنود حبيبتي تعالي البيت بنات عمك هنا مع بزارينهم غاثييني تعالي مشتاقين لك يالله لاتتأخرين .. وتناظر بامل تبي تقهرها عجلي عشان تروحين معي السوق ونتعشى ونهدي أعصابنا حنا الثنتين ..

وبعد ساعه يرن جرس البيت لقدوم ريناد ..

مريم : هلا والله ببنتي الغاليه وشلونك وشخبارك واخبار امك وابوكي ان شاء الله بخير..
ريناد : هلا يما بخير الله يسلمك امي تسلم عليكي ...

مريم : ليه ماجت معك أمك ؟
ريناد : كانت بتجي بس جا أبوي وانتي عارفه أمي اذا ابوي بالبيت ماتطلع ..
مريم : اخلف الله علي أنا مالت علي اللي مايمديني أتنفس مع عمك ..
ريناد : والله يما كذا أحلى عالأقل في صوت في حياه ببيتكم مو بيتنا اللي يجيب المرض مافيه حد ..
مريم : عقبال ماتغثين امك انتي بعد مع عياك وزوجك ..
ريناد بقلبها : اف ياربي وش جاب هالطاري .. وحبت تغير الموضوع ..
ريناد : اللا وشلونكم يابنات أخباركم واخبار بزوركم ان شاء الله بخير ..
ريم : والله زين تذكرتي ان فيه ثنتين هنا جالسين ..
أمل وهي تناظر ريم : ياوخيتي يقولون لك من لقى أحبابه نسى اصحابه ..

مريم تبي تقهر بناتها وتاخذ ريناد وتحضنها : موتوا قهر أيوه حبيبتي انتوا اش عليكم حررررره..
ريناد وتبوس زوجة عمها ..

وامجد لما سمع صوت ريناد جا يركض يسلم على ريناد لأنه يحبها كثير مره وهي اذا بغت تطلع احياناً تاخذه معها السوق أو الملاهي .. ويناديها أحياناً ماما .. وذا الشي يخلي ريم تموت ضحك على حال أختها وولدها أمجد ..
وجا أمجد جري لعند ريناد ويحضنها ..
ريناد : هلا مجود حبيبي كيفك وحشتني ..
امجد : ذين ماما نيناد ( زين ماما ريناد ) ..
مريم+ امل + ريم لما سمعوه يقول ماما ماتوا ضحك ومن كثر ريم ماااضحكت كبت بيالة الشاهي عليها ..
ريم : والله وطحتي من عيني ياامول .. حتى ريناد اللي ماتنام معه مو ببيت وياه يناديها ماما .. وانتي الشغاله ..
امل : ومين قال لك مقهوره .. اصلا ذا فخر لي .. ولدي عنده أمين وشغاله خخخخ ... أمي تصير ماما 1 ،، وريناد ماما 2 ، وانا وهي تضحك على حالها ياماما 3 واللا الشغاله ..

ريم وهي تضييف ريناد : لا ياختي انتي الشغاله وهو الأصح .. شوفيه اذا بغى منك تغيرين ملابسه يجري لك والله حاله ... خخخخ

ريناد : مجود حبيبي انا عمه قول عمتوا ريناد ..
امجد : ماما ريناد ..
ريم : لاتحاولين ماما يعني ماما وهذيك وتاشر بيدها لعند أمل الشغاله .. خلاص أمر محسوم ومنتهيين منه ..

وجا أبو يوسف وفزت له ريناد وسلمت على عمها وباست راسه :هلا عمي .. وشلونك وشخبارك ..
بو يوسف : هلا ببنت أخوي هلا بالغاليه ،، وشلونك ان شاء الله طيبه ..
ريناد : بشوفتك يعمي بخير ..
ابو يوسف أخبارك وأخبار الدراسه معك ان شاء الله تمام .. يالله شدي حيلك هذي اخر سنه لك ..
ريناد : ان شاء الله يعمي ..
ابو يوسف : يالله استأذن ويوفقك يارب ..
ريناد : جميعاً ان شاء الله ..
ساره جاييا ركض : يما ... يمااا ... أبي أروح السوق ...
ريناد : الناس تجي وتسلم وبعدين تتأمر ..
ساره : يؤؤؤ رنود هنا .. هلا والله مانتبهت .. وشلونك وشخبارك .. تعالي معي رنود مدامك جيتي بنات عمك هذولي ماوراهم فايده ...

ريناد : خير وين ماخدتني : بوريكي موقع مانجو واكسسورايز نزلوا بضاعه جديده مشينا السوق بكره وبالمره تاخذن لك للجامعه ..
ريناد : لا ماايمدي بكره .. روحي مع أخواتك ..
ساره : أي أخوات .. اذا رحت معهم يرتفع ضغطي ومايروحون اللا محلات الأطفال ومراكضهم ورا بزارينهم وبعد مايخلصوا يجون معي المحلات بس ساعه ويالله يبوني اقضي فيها بس اذا انا وانتي ماورانا بزوره ولاشي والمحلات نفسها اللي بندخلها حنا الثنتين ... والله وناسه التسوق معك يالله رنود تكفين ..

ريناد : امممم ... طيب بروح معك بس ..
ساره تتصنع الحزن : بس ايش ..
ريناد : تروح معنا امي مريم او أمي نوال ..
ساره : طيب ياجبانه ..
ريناد : مو خوف بس ماحب اروح لوحدنا السوق ..
ساره : طيب واذا مارضوا وتحججوا لنا بألف حجه شنسوي مافي روحه يعني ؟ وانا رنود أبي أروح ضروري زواج اخت صديقتي الاسبوع الجاي وباقي الكماليات ماخلصتها ..
ريناد باستسلام : اذا مارضوا ناخذ معنا مجود او ريون .. مانروح لوحدنا ..
ساره بسخريه : حنا مانبغي امهاتهم هالدور بزورتهم .. وبعدين يالجبانه ليه هم اللي بيحمونا اذا حد جرى ورانا..
ريناد : لا يالخبله بس عالاقل ماحد بيتقرب جهتنا بيفتكرونهم عيالنا ..
مريم : خلاص انا بروح معكم بس بشرط ..
ساره تفز لعند أمها . انتي تامرين امر خير تدللي ..
مريم وهي تحط رجل على رجل : تروح معي نوال مابي اجنن حالي معكم ..
ساره تبوس امها : غالي والطلب رخيص يأم الريم الحين أكلمها وأخليها تجي ..
ساره وهي تجري لعند التيلفون تكلم زوجة عمها تروح معها السوق ..
مريم : وين ... وين ... لحظه لحظه مابعد خلصت شروطي .. باقي شرط واحد ..
ساره : الواحد اذا بغى شي يذلونه ..
مريم : لا تتحرطمين علي ترى أهون ..
ساره :لا يما ... مااصدقت توافقين الحين ترجعي بكامك لا موافقه ايش شرطك الثاني ( باستسلام ) ..
مريم : تعشيني انا ونوال على حسابك ..
ساره وعينها مبطلتها بقوه : وش اعشيكم يما... لااااااااا ..
مريم : اجل انقلعي عن وجهي ودوري لك حد يروح معك ..
ساره بقهر : طيب موافقه أمري لله بس لاتفلسوني ماعندي فلوس دوبهم يكفوا للي بشتريه ..
مريم : نعنبوكي اللي يقول انك موظفه وعندك راتب .. ما كأن الفلوس من عند أبوكي واذا خلص اللي عندك بتجين تتمسكنيني لي ( تقلد صوت ساره ) يما ابي فلوس خلصت فلوسي ..
الجميع : هههههههههههههه ههههههههههههههههههههههههههههههههههههه ...

ريان وهو جاي الى أمه ومعه لاب توب تعليمي للأطفال ..
ريان : ماما أبي اكلم ثكيكي مثل ثالي ( ابي اكلم صديقي مثل سالي ) ..
ريم : حتى انتا بعد تبع مسنجر ونت والله حاله ..
امل : لا وانتي الصادقه بعد سنتين بتلقين كل واحد داخل شات وعنده صديقه اعوذ بالله من هالأجيال ..
سالي بصراخ : املواا أملواااااااااااا ووجع خذي ولدك تراه أذاني مو مخليني اقعد اكلم صديقتي عالمسنجر كل ماكتبت كلمه يجي يضغط عالكيبورد ..
ريم : أقول بلا خرابيط وبلا صديقه واقعدي لعبي مع عيال اختك ..
امل والله وطلع لك بعد اصحاب ياسالي عالمسنجر .. ومين صاحبتك هذي
سالي : مدري عنها ضافتني ووافقت والحين حنا نتعرف على بعض تقول انها كويتيه ..
الكل بتفاجئ ومن الصدمه ماتوا ضحك على سوالف سالي : هههههههههههههههههههههههههههههههههههههههههه
أمل تسحب سالي من يدها : تعالي الله يخسك بشوف تكلمين مين ..
سالي : طيب لاتدفين صبر ..
وراحت امل لجهة الكومبيوتر مع سالي ..
سالي بعصبيه : اش فيكي تناظرين دوري راسك للجهه الثانيه بكتب الباسوورد مابيكي تشوفينه ..
امل : بلا هبال ويالله قدامي افتحيه ..
سالي : مو فاتحته الا اول تغمضي عينك ..
امل : طيب .. وعملت حالها مغمضه وماتشوف ..
سالي حطت الباسوورد وفتحت الماسنجر ..
سالي : لاتفتكرين اني هبله وصدقت انك مغمضه لكن موتي قهر بغيير الباسوورد ..
أمل : اقول انكتمي ووريني وينها اللي تعرفتي عليها ..
واشرت سالي بالسهم لعند اللي تعرفت عليها .. وماتت ضحك امل لما شافت الايميل يالهبله هذا خالد يقص عليكي خخخ تعيشين وتاكلين غيرها سوسو ..
سالي : ذا خالد والله بيشوف بس يجي .. يقول انه بنت وكويتيه وعمره 15 سنه .. طيب وين بيروح مني ..

وعدا اليوم على ريناد وطلعت من بيت عمها فرحانه ومتونسه حيل بدل الكتمه والضيقه اللي كانت عليها والزعل اللي بينها وبين أبوها نسته شوي ..

بعد يومين ..

ساره : الو رنود هلا يالله ثواني وانزلي حنا قريب من بيتكم ..
ريناد : طيب ..

وبالسوق : ريناد وساره كانوا يمشون قدام ومريم ونوال ومعهم سالي وراهم ..

سالي : يما .. تعالي بدخل ذا المحل فيه بدله عاجبتني ..
مريم : شفتي يانوال عيال هالزمن كل شي بذوقهم يبونه لا ويمشونّا على مزاجهم ماكأنا حنا أمهاتهم .. الله على أيام أول لما كانوا بناتنا مايطلعون عن شورنا كل شي نقوله لهم يقول شورك يما .. والحين هالجيل هم اللي يمشونا على رايهم مو ناقص اللي يشترون لنا ملابس على ذوقهم ..
نوال : الله يخليها لك يانوال .. وتقر عينك بشوفتها عروس ..
مريم :اللا على طاري العروس اش صار بموضوع ريناد ومازن وافقت أو بعدها ..
نوال : آآآه يانوال جبتيه عالجرح والله هالبنت محيرتني انا وابوها مو راضيه توافق لا وطالعه لي هاليومين ماتبي تتزوج ..
مريم : والله يانوال ماتمنيت يجيني ولد كثر ماتمنيت اني اشوفها منوره بيت زوجها والله لو عندي ولد مااغليته عليها .. بنت ولا كل البنات .. جوهره ماتتعوض ...
نوال : الله يهديها بس ..
مريم : يعني هي ارفضت مازن ؟
نوال : هي رافضته من اول مااكلمها أبوها بس عبد الله للحين مارد على أخته وصار لهم اكثر من شهر وبو عبد الله منحرج منها كثير ..
مريم : لاتجبرونها على شي هي ماتبيه .. وماتدرين رزقها مع مين .. بكره بتعقل وبتعرف مصلحتها وبتترك عنها العناد ،، لا وصدقيني بتندم عاللي سوته ..

ريناد : ساروووه لحقي علي ..
ساره : ايش فيكي ؟
ريناد : ناظري هذاك ورانا من ساعه للحين وهو ورانا ..
ساره وانتي اش عليكي منه ..
ريناد بدت تخاف ومن خوفتها مسكت يد ساره ..
ساره وهي تضحك : يالجبانه هذا وانا الصغيره اللي المفروض امسك يدك انتي اللي مسكتي يدي اش رايك اروح له واقول له تباعد لاتناظر بنتي خخخخ ..
ريناد : بلا بياخه ساروووه بد ا يخوف الوضع تعالي ندخل ذا المحل ونطلع من البوابه الثانيه ..
ساره : امري لله مشينا ..
ريناد وساره ماظل شي بالسوق اللا وشروه ..

بالجهه الثانيه كانت نوال مع مريم و سالي بالألعاب تلعب .. وبعد ماخلصوا راحوا المطعم وظلوا يسولفون عن عيالهم

وفجئه مريم : نوال بسم الله عليكي اش فيكي عسا ماشر ..
نوال وهي حاطه يدها براسها ومغمضضه عينها بقوه : ماشر بس راسي دار علي من الالعاب ..
مريم وهي ماسكه كتف نوال : طيب سمي بالرحمن الحين واشربي كاسة المويه الحين وبدق انا عالبنات نروح البيت ..
نوال : لا خلهم يستانسون شوي وبيروح ..
مريم لا ارتاحي لك ربع ساعه ونمشي .. انتي جبتي معك دواكي ؟
نوال : ايوا جبته بالشنطه ..

مريم فتحت شنطة نوال اللي كانت منزله راسها عالطاوله من كثر مادار عليها ..

مريم : سمي نوال خذي الدوا وشربي كاسة المويه ..

مريم تدق على ريناد بالتيلفون عشان يمشون البيت ...

ريناد : طيب يما .. ألحين نجيكم بس علميني وين جالسين انتم .. أوكي عشر دقايق وحنا عندكم بس نحاسب ونجيكم ... باي ..

ساره : يووووه لسا ماخلصت وين نروح ؟؟
ريناد : تقول أمك رجع راس أمي يوجعها ولازم نروح سارونه ..
ساره : أها .. طيب يالله بس دقيقه ادفع الحساب ..

بالسياره بالقرب من بيت بو محمد ..
ساره : رنوده يالله تعالي معنا بالبيت نامي ..
ريناد : وقت ثاني ساره امي تعبانه ومقدر اخليها ..
ساره : طيب مسامحه بس عشان خالتي لو مو عشانها ماخليتك ..
نوال : يالله مع السلامه مريم أشوفك على خير ..
مريم : الله يسلمك يالله ماتشوفين شر ..
نوال : الشر مايجيكي ..
ريناد : يالله بايو ..

[! غمـوض بنيـه !]

::

يعطيك العافيه

اتمنى تكون كامله

::

[نجمة بحر]

ريناد وأمها وهمّا داخلين البيت ..

ريناد كانت ماسكه أمها من كتفها وتكلم ابوها اللي كان جالس بالصاله : مساك الله بالخير طال عمرك ...
عبدالله ويحاول مايناظر بنته : مساك الله بالنور .. بسم الله عليكي نوال اش فيكي ؟
ريناد : امي تعبت علينا بالسوق يبا ..
بو محمد : طيب نوال عطيني يدك واصعدك فوق ترتاحين ..
وصعد بو محمد ومعه نوال ...

ريناد كانت العبره تخنقها على حالها مع أبوها وتصرفه معها .. وشلون صار مايحاول يكلمها يدوب كلمتين عالطاير .. مو مثل اول يهرج معها ويضحك ...

ريناد وهي داخله غرفتها .. الى متى ياربي وانا كذا اكابر وأعاند ؟ متى بتنازل شوي ؟
بينها وبين نفسها : ليه أنا ماأوافق على مازن ؟ مافيه عيب واي بنت تتمناه .. مو ناقصه ولا حاجه .. وكفايه انه ولد عمتي يعني راح يدير باله علي ..
وجلست تناظر حالها بالمرايه : اش ذا التعب ياللي بعينك يارنود .. كم وصل عمرك للحين ومابعد تزوجتي بسبب غرورك وعنادك .. اللي بعمرك تزوجوا وعندهم عيال وانتي للحين تكابرين .. أذا ماتزوجت اليوم باكر حتزوج ومدري يكون نصيبي مع مين .. ليه ما أخذ ولد عمتي .. المسكين مو اول مره يطلب يدي فيها ... وأنا لازم أتنازل شوي وأفرح قلب امي وابوي لازم أفرحهم عساه لو فيه تعاستي أهم شي راحة والديني ..

صوت آآآخر بقلبها : لا لا لاااا لاااا .. ياريناد .. ماعرفت انك الي تتنازل بسهوله وترضخ للأوامر .. وشلون توافقين وتتزوجين .. تبين ترمي حالك رمية الكلاب .. تبين واحد يجي يتمكن منك ومن غرورك .. لا لا ياريناد لاتعلينين هزيمتك تحديهم ووقفي بوجههم ... ترى راح تندمي وساعتها مااينفع الندم ..
وبعد مااتعب عقلها من التفكير : يووووووووه والتالي أعوذ بالله منك يا أبليس : تعبت أنا تعبت والله تعبت شسوي يربي ؟ وشلون أتصرف ؟ مو قادره أسوي شي ؟
وقالت بتكلم صاحبتها لينا لها زمان مااكلمتها وناظرت الساعه لقتها ثلاث الفجر : يووووه الحين أكيد ليون نايمه ... ابي حد ينصحني أبي حد يكلمني يااااربي وش هالحيره ...

وقامات مكانها وقالت :انا لازم هالاسبوع أحسم الأمر واللي فيها فيها .. خلاص انا تعبت من التفكير والهم ماعدت أتحمل اكثر من كذا .. انا لازم أكلم أبوي لازم لاااازم ..

اليوم الثاني ...............

مريم : الو ..هلا نوال .. شلونك وشخبارك ان شاء الله طيبه وأخبار صحتك ..
نوال : الحمد لله بخير وصحتي صارت أحسن بعد .. أخبارك أنتي واخبار بناتك وعيالهم ..
مريم : الحمد لله كلهم بخير بس انا معورين راسي من لويتهم وصراخهم طول اليوم ..
مريم : أقول نوال ..
نوال : سمي ..
مريم : لاتنسين عزومة يوم الخميس ترى الغذا بالبيت ..
نوال : لا أن شاء الله مو ناسيه وكا رنود معي عشان تذكرني .. تحتاجين شي تبين شي أودي لك الشغالات اذا تبين مساعده ..
مريم : لا والله مشكوره ماتقصرين ..
امل بصوت عالي : مرت عمو حبيبتي أنا أبي تسوين لي حلى ..
نوال : مريم هذي اللي تتكلم أمل ؟
مريم وهي تناظر بنتها أمل بعصبيه : ايوه هذي هي المخبوله ..
نوال : سمعتها تناديني ... شتقول مااسمعتها زين ..
مريم وعينها تتوعد ببنتها أمل : لا ماتقول شي تتبيهم بس ..
أمل : يما يما .. أنا وزوجة عمي ننجاز ..
وترد تكلم بصوت عالي : خالتي ابي تعملين لي من حلاك الزين ..
نوال : ههههههههههههههه تامر امر بس تبي حلى من عيوني اسوي لها ..
مريم : لاماعليكي منها تنطق بالطوفه خلها تولي عنك.. لاتكلفين على حالك ...
نوال : لاكلافه ولاشي خليني بسوي لها ..
مريم : على راحتك ..
مريم تمسك سماعة التيلفون عشان لاتسمعها نوال : بهيمه انتي يا امل زوجة عمك تعبانه ورجع لها ألم راسها وانتي تتشرطين ..
أمل :يؤؤؤؤ والله ماكنت ادري يما .. آآسفه ..
مريم : شعقبه تتأسفين يالهبله ..
نوال : مريم مريم وين رحتي ؟
مريم : هلا هلا نوال .. لا هذي الهبله امل اكلمها ..
نوال : طيب سلمي عليها وبوسي لي مجود ..
مريم : ياصل ان شاء الله .. صج تذكرت ام محمد نسيت اقول لك ترى حرمة أخوي أم ثامر بتجي معنا العزومه ..
نوال بدهشه : والله .. ياهي واحشتني زمان عنها مااشفتها وسولفت معها ... وشلونها وشلون عيالها ان شاء الله طيبين ..
مريم : الحمد لله كلها بخير .. المهم حبيبتي نوال مابي اطول عليكي واعور راسك أكثر بالهدره لاحقين عليها يوم الخميس .. يالله اشوفك على خير ، مع السلامه ..
نوال : الله يسلمك .. وسلمي لي عالبنات ..
مريم : يوصل ان شاء الله .. فمان الكريم ..

وقفلت نوال من مريم وكان ريناد قاعده جنب أمها تبرد أظافرها ..

ريناد : يما مين ذي اللي بتروح عزومة بيت عمي ؟
نوال : حرمة اخوها أم ثامر ..
ريناد بفرحه : واااااااااااااو وناسه زمان مااشفت بنتها أحلام مدري شخبارها وحشتني الكريهه من ايام ماكانت تدرس معي بالجامعه للحين مااشفتها .. والله بيصير وناسه يوم الخميس ..

في بيت بو يوسف .................
في قاعة الجلوس كانت مريم مع بناتها جالسات وامجد وريان مع سالي بغرفة الالعاب يلعبون ..

ساره وهي قايمه من مكانها : بقوم اكلم رنود عشان تعمل حسابها للزواج ابيها تروح معي ونتونس ونهيص هناك ..
مريم وهي تناظر أظافرها : ماعتقد تروحون ..
ساره بخيبة امل : ليه يما ؟؟ يما أبي أروح وقلت لك قبل ماتجيب لي صديقتي البطاقه ووافقتي ليه الحين مو راضيه ؟
مريم : لانه بنفس يوم العزومه .. وأبوكي مع عمك بيتغدون وبيطلعون للبحر يكملوا جلستهم هناك ومعهم بو ثامر .. وطلعه آآخر الليل مع سواقين ماكو حبيبتي ..
ساره : لا يما لاتقولين كذا بنروح بدري طيب .. أو انتي وصلينا ..
مريم تبي تغيظ بنتها : بفكر بالموضوع ..
ساره وهي تناظر امل وريم : انتوا يالثنتين محسوبين علينا متزوجين ومو مستفيدين منكم ولا من أزواجكم .. خلوا واحد يوصلنا منهم ..
امل : انا خالد اذا ماخاب ظني دوامه ليل ..
ريم : أما أنا بشوف فيصل اذا ماكان عنده دوام او يمكن يروح مع ابوي البحر واذا مارضى يوديكم انثبري وقعدي ..

ساره وهي تدعي ربها : لا لا ان شاء الله يودينا واحد منهم يارب ..
الجميع ضحك على ساره : هههههههههههههههههههه ...

ليلة الخميس كانت ريناد ببيت عمها بتنام هناك عشان عزومة الغدا ..وطول الليل قضوها ضحك ووناسه ورقص ومانامو اللا وجه الفجر ونامت معهم بعد أمل لأن زوجها دوامه بالفجر وماتنام لحالها ببيتهم لانها تخاف ..

العاشره من صباح يوم الخميس ...........
امجد اول ماصحى من النوم جلس يبكي وصحى من ازعاجه الكل ..
ساره بصوت كله نعاس : املوا ... خذي ولدك سكتيه ووجع بعدوه نبي ننام عور راسي .. املو املوووو وصمخ اقعدي ...
ماتسمعين ياخيشة النوم اصحي ولدك يبكي ...
وبعد كذا رفعت راسها لقت امل مو موجوده : أنا أوريها الدبه تركت لنا ولدها وطلعت واستسلمت وأخذت أمجد ونزلته تحت ورجعت ثاني وكملت نوم ...

بعد ساعه .. ..........

ريناد والنعاس بصوتها : ساروه قومي اقعدي من النوم ارفعي السماعه امك داقه علينا ..
ساره وهي مغمضه عينها وتبي تكمل نوم .... امممممممممممم ..
ريناد : ساروه قومي ..
ساره : طيب بعد شوي ..
ريناد : اقول لك داقين علينا تقولين بعد شوي ..

وقررت ساره انها تشيل فيش السماعه وتوهم بيكملوا نوم اللا وتجي لهم أكبر مزعجه مثل مايسمونها أمل ..

أمل : انتم ساعه ندق عليكم بالتيلفون وماتردون .. يالله قوموا جهزوا معنا الأغراض بعد شوي بيأن اذان الظهر والرجاجيل يبون يتغدون بدري ...
وبعد ماعجزت أمل من ريناد وساره اللي مو راضيين يصحوا من النوم اطلعت منهم وراحت تجيب ريان وامجد بألعابهم عشان يعملون ازعاج لهم ودخلتهم لجوا الغرفه وفتحت ستارات الشبابيك وأخدت منهم مخداتهم : يالله قوموا مللتوني قوموا .. اصحوا من النوم شوفوا وجيهكم وشلون تخرع من كثر النوم ..
ساره + ريناد : لا رد ..
أمل : والله وحلفتوني بالله اذا ماتقوموا بكب عليكم المويه وأخذت اللحافات اللي مغطيين فيها وجوههم عن الشمس ...
ساره : يوووه يالغثه .. أملوا بلا بياخه اطلعي انتي مع ورعانك نبي ننام ...
أمل : بلا دلع قومي مافي وقت دوبكم تجهزون يالله نزلوا تحت ساعدونا شوي ..
ساره : باستسلام : طيب امرنا لله ..

وقامت ريناد وساره ولبسوا احلى لبس وانزلوا تحت .. اللي كان كل شي جاهز ومرتب ..

الثالثه من عصر يوم الخميس ...

الرجال تغدوا وخلصوا وقرروا يروحون البحر ويظلوا هناك سهرانين .. على قولتهم يبو يرجعوا ايام الشباب والعزوبيه .. وراح لهم المغرب فيصل أما مازن فتعذر وماراح لهم ..

الحريم .. ظلوا بالبيت جالسين وخلصوا من الغدا ...
ام ثامر : الو .. هلا يما .. حنا ببيت عمتك مريم ..
مريم : هذا ثامر اللي بالتيلفون ؟

ام ثامر : ايوه ..
مريم : قولي له يجي يتغدى ..
أم ثامر : بشوفه اذا يجي .. هلا ثامر تسلم عليك عمتك وتقول لك تعال تغدى معها .. اوكي ننتظرك فمان الله ..
ام ثامر : كاهو جاي مسافة الطريق وهو جاي ..
مريم : والله زمان مااشفته ثمور .. قول يجي يسلم على عمته ابد ..
ام مازن : عيال هالوقت يامريم .. كل واحد وعايش حياته .. مايقولون عندهم اهل يزورونهم ابد ..

في جهه أخرى ..........

كانت احلام وساره وريناد جالسين سوالف وضحك ..

وأمل وريم : مراكض ورا عيالهم عشان يغدونهم ..

ساره وهي فازه من مكانها : ريناد لاتنسين الليله ولا بعد ابيكي تعملين لي ميك آب وتسشورين شعري ..
ريناد بإحباط : لااااا سارونه مالي خلق وجع راس مابي أروح ..
ساره : أقول انكتمي واسكتي بتروحين معي يعني بتروحين .. حتى احلام بعد بتروح معنا ..

احلام بتفاجئ : يؤؤؤ ... وين اروح معكم .. لا وقررتي بعد ..
ساره : ايوه نبيكي تروحين معنا زواج اخت صالحه .. بوريكم وحده هناك بتموتون ضحك من سوالفها ...
ريناد : ليه شمسويه عشان تموتك ضحك ..
ساره :دومها كاشخه بشحاته ..

ريناد+ امل : يعني شلون ..
ساره : يعني تشحت من عند البنات ملابس وتصير اخر اناقه وتقول انهم ملابسها واذا واجهناها تنكر خخخخخ ..

ريناد : حرام عليكي لاتضحكين عليها .. يمكن أبوها على قده وماتقدر تجاريكم باللبس .. وماتبي تطلع أقل منكم فعشان تسذا تاخذ ملابس منكم ..
ساره : أما أنك على نياتك .. اسكتي ياشيخه بس .. تدرين هذولي من كثر فلوسهم عاملينهم مخدات ينامون عليها .. خليكي انتي اشفهمك ماتدرين عن شي ..
ريناد وهي تضحك على سوالف ساره : حسبي الله على ابليسك ..

ريناد كانت تحاول ماتخلي عينها تجي بعين عمتها أم مازن ،،، وهم نوال وأم مازن ماكانوا يتكلمون مثل اول ... وذا الشي حز بخاطر ريناد ..
وتنهدت وقالت بقلبها : أأأأأاااه انا لازم احسم الامر والليله ...

وقرروا البنات يجلسن شوي مع الحريم ..
امل وهي تتصنع الخجل : خاله نوال .. وين الحلا ؟
نوال : تلقينه بالثلاجه يما انا عطيته تاتي تدخله المطبخ ..

بعد كذا وصل ثامر وسلم على عمته واللي ماحد انتبه انه جا ودخل قاعة الطعام من مجلس الرجال عشان يتغدا يتغدا .. كانت قاعة الطعام مفتوحه عالمجلس .. وقرر ثامر انه يتغدا بالمجلس وهو قدام التيلفزيون اغاني ووناسه والجو عنده روووووووووووعه ..

بالصاله ...........
ريناد : اما انا مابي حلى .. مليت من كثر ماتسوي لنا أمي .. بروح أجيب لي كيت كات وجالكسي .. مين يبي ؟؟
ريم : هالحين اللي يشوف حلى خالتي نوال يفكر بالكيت كات .. اما أنك مو شايفه خير ..
ريناد : انا كل يوم أحلي من طباخ أمي هالمره بغير .. خخ


ريناد وهي داخله قاعة الطعام ورايحه عند الثلاجه ( بقاعة الطعام في ثلاجه صغيره مليانه حلويات وعصيرات ) .. وتسمع اغنيه ( مااجملك لمحمد عبده ) اللي كان حاطها ثامر وهي ماتدري عنه وظلت ترقص معها وتغني ... الله واكبر مااجملك شيل القمر واجلس بديل .. انتا الجمال وانتا الجميل ...حضرت وضاعوا من حلاك والجو كله صار الك . وادنا وادنا وادان الله عليكي يارنود فديتن روحي انا خخخ
ياسالبن كل العقول ....بالرمش والطرف الخجول .. برضيك لو هم يزعلووووون ماعاش منهو زعلك ... وادانا وادانا الله واكبر مااجملك والله مااجملك يارنود الحلوووه فديت انا بو نوره يوم إنه يغني علي ... ..والجو عند ريناد روووووووعه لان الاغنيه تعجبها حيل وجلست تغنيها وترقص وتدلع شعرها يمين وشمال .. وماكانت تدري ان فيه حد كان يتغدى بس سمع صوتها قام يناظر وشاف القمر داير وجهه وظل سرحان فيها وبدلعها وبشعرها وشلون لو شاف وجهها وش بيصير فيه ؟؟؟؟؟؟؟؟؟

وانتهت الأغنيه وقالت : والله عمي طلع راعي حركات يسمع أغاني خلني اروح أطفي التيلفزيون بس قبل بخذ لي هالكيت كات وصحن هالحلا اللي مسويته أمي مريم وهي دايره وجهها واذا بــــــــــــــــــــــــــــــــ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!
** الجزء الخامس **

في جهه أخرى بالتحديد عند شاطئ البحر ........................

أبو يوسف وابو ثامر وأبو محمد .. كانوا برحلة صيد لاتخلوا من الضحك وسوالف ايام الشباب واللعب مع عيال الحاره ...

بوثامر : ها يبو محمد ورينا قديش حظيت من هالصيد الزين ؟؟
بو محمد : لاتستعجل على رزقك خير .. خير يبو ثامر ...
بو يوسف : وهو يغمز لبو ثامر : أجل خلاص وانا أخوك ماله لزمه نروح سوق السمك ونخيس أعمارنا .. مدام انك صدت خير ..
بو محمد : لا .. لا ماايحتاج تشتري .. الخير شتثير وانا أخوك .. عندك ايدام انت وبو ثامر يكفيكم غذا وعشا أسبوع كامل ...
بو ثامر بسخريه : طيب يابو محمد وش هالسمك اللي اصتدته ؟؟ علمني فيه قول ؟؟
بو محمد وهو يفتح حافظة السمك ويناظر ويقلب بيده : يخوك صدت لكم هامور وكنعد وزبيدي وصافي صغير من اللي يحبهم قلبك ...
بو يوسف وهو قايم لجهة أخوه يشوف صدق كلام أخوه : يالله أنا بقوم بنفسي اشوف الخير اللي صاده أخوي .. وانا اللي صار لي ساعتين حتى صافيه مالقيت ..
بو محمد : مايجيبونها اللا رجالها .. واللا انت اشعرفك تتصيد سمك ...
بو محمد يحاول يغطي بيده عالحافظه : بعديخوك لاتحسدنا مانبيك تناظرني بعينك ذي ..
بو يوسف : افا وأنا أخوك .. ماهقيتها منك يبو محمد هذا وانا مااقو ل عنك اللا عضد يدي .. تقول عني حسود .. اقول بعد خلني انقي لي الزين ..
بو محمد : لاتخاف ماراح اعطيك اللا الزين والسمين من اللي يشبع بطنك ..
ويفتح بو يوسف حافظة السمك ومايلقى ولا سمكه وقال بسخريه : بل ... بل ... يخوك كل ذا صتدته ماشاء الله تبارك الله ... اقول وخر عني .. ( ويقلد صوت أخوه ) ساعه جالس لنا ايدام لباكر وغذاكم وعشاكم شهر اثاريه مافي اللا الخرطي ..
بو محمد : ايش اسوي اسخر عليكم الحين انتم ماتشوفوني من جينا للحين ماارفعت السناره وتقولون لي وش الخير اللي اصتدته ...
ومر الوقت عالجميع بضحك ووناسه ...

أما بطلتنا ريناااااد ........ وآآآآآه على ريناد ... وعلى هالموقف اللي صار لها ... والاحراج اللي انحطت فيه ... ياويل قلبي عليكي يارنوووود ... واللا لا ياويل قلبي عليك ياثموووور ... اش حالك الحين يوم انك تشوف ذا القمر مايبعدك عنه ثلاث أمتار .. لا وضوى لك المكان بنوره ... مدري أنا أضحك عالموقف واللا أحزن عليكي وعلى حالك ..
آآه يارنود جالسه يابعد قلبي وماتدرين ان واحد وراكي وجالس يناظركي وفرحان بصوتك وبشعرك ودلعك لا وبجمال جسمك ...

ريناد كانت لابسا لا جينز وقميص أسود كات طويل وكانت مقصره القميص بحركه حلوه وهي رافعه من القميص شويتين بواسطة حزام بني محروق على خصرها وفيه على جنب حلقه لونه فظي كبيره ... والجينز كان طوله محير ولابسه عليه خلخال ونعال ( تكرمون ) أسود يدوب فيه كعب .. كان واطي نوعاً ما .. وعامله لها ميك اب خفيف مجرد قلوس على شفاها ووردت توريده خفيفه على خدودها و وماسكار وكحله اللي كانت دايم تقول ساره عن كحلت ريناد مميزه .. واذا حطت لها ساره كحله تقول لكن مو مثل اللي تحطينها لك .. وشلون ياسارونه تبين الكحله تصير مثل رنود وهي اللي عينها مثل الغزال ؟؟

ريناد وووجها لعند الثلاجه : والله طلعتوا يهالشيبان حركات أغاني ووناسه .. لكن زين كفشتكم على يدي لكن وين بتروحون مني بعلم عليكم حريمكم .. وهي دايره وجهها عن الثلاجه ..

ناظرت قدامها هااااااااء @@ !!!!!!!!!!!!!!!!!

اللا بواحد في وجهها جالس يناظر فيها لا وبكل قوه .. ولما ناظر لوجهها بطل عينه أكثر وأكثر وأكثر ...
ريناد مرت عليها هالثواني كأنهم ساعه .. لااااا لااااا وش ساعه قولي شهر قولي دهر قوووووووووووولي قرن مو ساعه ...
اما الحبيب أبو عيون ثمووووور مرت عليه هاللحظات أسرع من البرق ( مو يقولون الأوقات الجميله بسرعه تعدي ) ...
وقال بقلبه : يااااربي ... بسم الله عليك ياثمووووور ... مين ذي ؟ ذي انسيه واللا جان .. حوريه واللا ملاك نازل من السماء ... قمر واللا شمس ...
ثمور هذي مو بس تهبل ذي تجنن الواحد وتطير عقله وتطير النوم من العين ...
أويل قلبك ياثمووور : اش عيون عليها واش رمش عليها .. أشهد ان عينها قتاله نظرتها مثل السهم تصوبه وتخترق به القلب ... واللا ذا الحاجب اللي حدته حدت سيف يقطع العرق تقطيع ... انتي قمر ..واللا لااا ووش قمر اللا صاروخ ...

ومسك قلبه : يمااااا بتجيني جلطه ؟؟ هيييييييي مين انتي يابنت الناس وش سويتي فيني ... لحقي على ولدك يام ثموووور تعالي شوفي وش سوت فيه بنت هالحلال ... تعالي يمااا خذيها لي أبيهاااا .... أبيهااااا ...

أه ياعمري عليكي ياريناد ... ريناد كانت واقفه مو قادره تمشي رجلها لأنها مو قادره تخفها وتطلع برى .. صارت مثل العاجز اللي ينتظر حد يمسكه ويوديه مكان اللي يبيه ... وتفاجات أكثر من نظراته القتاله وعينه الخضر اللي مانزت للأرض ...
وبتفاجأ أكثر وبصدمه بقلبها دار راسها وتذكرت اش كانت تسوي قيل دقايق ::: يؤؤؤؤؤؤ أنا شسويت يؤؤؤ رنووود ... كنت اغني وارقص ... يؤؤؤؤ ....
وشهقت بقلبها وناظرت بقوه يعني ذا اللي كان حاط الأغنيه ...
وفجئه يكسر السكون والهدوء اللي عم رغم العاصفه اللي كانت بقلب ثامر ومو اقل منها بقلب ريناد اللي كان كل شي بجسمها يرجف ويرتعش هي يدها ترجف واللا رجلينها المسكينه واللا قلبها !!! وكسر هالهدوووووء اللي مر عالاثنين وكان بدقايق لكنه مثل الدهر بقلب رنود المسكينه بصرخه منها وضجت المكان لااااااااااااااااااااااااااااااااااااااااااااااااا اا ... وظلت الصرخه ترن بأأأاذان ثامر ...
وبدون شعور الصينيه طاحت من يد ريناد ...
ثامر انتبه لحاله وخاف على ريناد لأنها مو طبيعيه انقلب شكلها 180 درجه شافها قدامه صنم واقف جامد ماايتحرك خاف صابها شي ...
وقال بقلبه : شالسوات الحين أتقرب اشوف ايش فيها واللا لا ... وهو سرحان بتفكيره وشلون يتصرف ؟؟ وفجئه مالقى شي !!!

ثامر بقلب وعين وعقل متفاجئ : يؤؤؤؤؤ ... وينها وووين راحت وجلس يناظر يمين شمال لكن مافي شي ...
وبخيبة امل يقول : ليكون احلم أنا اش فيك ياثمور ايش صار فيك صرت تحلم وانتا صاحي ... اااه عليك ياثموووور من كثر مااتقول ابي بنت أجمل من الجمال كله وأحلى من الحوريات والجان ... صرت تحلم وانت صاحي ...
وبدا يهز راسه بيده ويقول : اصحى .. أصحى ياثمور ،،، وتعوذ من ابليس هذي شكلها مو انسيه هذي جان وجااييه لك .. وتعوذ من ابليس .. وضحك على حاله ...
وناظر تحت وشاف الصينيه وفز قلبه من مكانه وتفاجأت عينه من اللي شافه :: لا لاااا يااااثمور ماهو حلم ولاهو بجان جاي لك .. هذي انسيه ... حوريه جت لك بالغرفه .. وووايل قلبك ياثموووور .. مين ذي اللي قومت قلبك ولا قعدته مكانه ... وفزت عينك من مكانها ... وشلون اعرفها مين تكون ...

ريناد بذا الوقت كانت برا الغرفه ومو قادره تمشي ورجلها مو قادره تخفها وقالت : الحين لو اروح لهم الصاله بيحسووون لي ... بيشوفون التوتر اللي انا فيه ... والعرق اللي بدا يتصبب من جبيني .. وقررت انها تطلع من باب المطبخ وعلى طول تروح للحديقه الي برا البيت .. وطلعت برا وكانت بقمة توترها وارتباكها وحاولت تهدي حالها شويه عشان لا حد يلاحظ عليها شي،،، وحاولت ماتنزل دمعتها اللي على وشك النزول ومااتحملت وبدت تبكي وقالت : لا لااا يارنووود لاتخلي حد ينتبه لك ... لا لااا يارنووود اهدي شوي وسمي بالرحمن ... ويمكن هو مالاحظك ولاحفظ شكلك لأن بسرعة البرق طلعتي .. يالله صاللي عالنبي واهدي شوي وماصار شي وكانت هي واقفه عند النافوره فغسلت وجهها بالمويه ...
وكان فيه برى يلعب امجد وريان ومعهم وحده من الشغالات .. فانتبهت لهم وقامت تلعب معهم لحد ماتنسى الوقف شوي ...

بهالأثناء ثامر جرى لعند الصينيه وشالها من مكانها وبكل وناسه وفرح قال : والله وحقيقه طلع هالموقف اللي صار .. بس من ذي اللي ببيت عمتي وجلس ياكل من الحلى اللي طاح بالأرض وقال : والله لآآآكل منه حتى لو بالأرض طايح مدام هالقمر مسكه لا واكيد هي مسويته والله لااكله كله ومااخلي منه شي ( مايدري انها حتى البيض ماتعرف تسويه ) ...
وقام من مكانه وكانت نافدة المجلس بوجهه وحط يده على قلبه وبشهقه قويه تتبعها شرقه من ثامر وجلس يضرب صدره وقال : والله اني ماتحمل هالمواقف الله يستر علي ويعدي هاليوم على خير خايف تجيني جلطه ... راح فيها قلبك ياثمووور قمر ومرتين تشوفه لا وبالظهر .. وصار ينادي قلبه يااااااااااا أأأم ثموووور قولي على ولدك السلام راح فيها راااااح وهو بعز شبابه ... شوفي وش سوى فيه القمر أول يرقص ويغني وألحين عالمرجيحه ...
وبدا يهلوس مثل المجنون مره ثانيه وهو يناظرها من الشباك : ايش ذا الشعر الطويل الهبوب .. يابخت هالخصلات اللي طايه بهالوجه الصبوووح واللا هالضحكه فديت هالخد التوت ... وبعد كذا مسك يده وعض صبعه : آآآآخ آآآآخ يامجود يابختك وانت قاعد على حضن ذا الحور ...
وبعدين قال :: يؤؤ يؤؤؤؤؤ أنا اشفيني وش جرى لي تسني مااصدقت اشوف وحده حلوه ... اللا يقول عني جيكر وانا اللي أقط بنت بإ شاره مني .. أعوذ بالله منك ياأبليس خليتني أناظر هالبنت وأفصلها وهي وبدون عبايه ومااستحيت ... وقفل الستاره ...
وريناد كانت ناسيه ان بالمجلس نافده بالنهار عاكسه بحيث اللي جوا يشوفون اللي برا ..
وبعد مااهدت ريناد دخلت داخل قصر عمها وراحت للبنات اللي كانوا جالسات بغرفة الكومبيوتر عالنت وانواع الحلا و العصيرات وأنواع الرقص قايم ومن أغنيه لأغنيه ... وكان الجو عندهم روووووعه وخصوصاً على اغنيه ..ياليت ...


أما ثامر .. فدقوا عليه أصحابه عشان يروحون معه السوق وخصوووووصاً الليله جمعه ...

اما ريناد كانت فرحانه مع الاغاني واللي نست معه الموقف شوي بس ترد تذكره وتقول ياربي وش سويت انا اليوم ... بس انتبهت لحالها شويه لان اذا ناظرتها ساره ماراح تخليها من الاسئله ليه ووش فيكي ومن هالتحقيقات ...


وجا المغرب وقررن البنات يجهزن حالهن عشان العرس اللي عندهم ووالونااااااسه ...

بذا الوقت كان ثامر جالس بالسوق ويتمشى ومو هامه ولاشي ... أو اشبه بالميت .. جسد بدون روح ... كانت روحه وعقله وكل تفكيره مع اللي شافها قبل ساعات ... والموقف اللي صار له ..

أنا يمكن مااكلمتكم عن ثامر : ثامر كان متخرج من كلية الصيدله عمره 26 سنه غايه بالجمال ... أبيض وعينيه خضر على خفيف ... وشعره قريب للون البني ... وكان جسمه حلو له تفصيلات وعضلات خفيفه ...
بندر : ثمور يبو عيون شف ذا الجمال اللي قريب منا ويناظر ..
ثامر وماهو مع صاحبه .. مشغول باله مع اللي ياخذ العقل والقلب كله ... يامسكين ياثموووور ماخذه عقلك هالبنت وهي اللي أكره ماعليه الرجال ...
بندر وهو يهز كتف ثامر : ثمووور ... ثموووور .. اش فيك سرحان ؟ وبسخريه قال : بل ... بل دوبها ...مابعد قربت منّا وانت ناظرتها لا وسرحت فيها ... آآآخ منك ومن عينك تشوف من بعد كيلو ...
ثامر وهو أبد مو داري عن هرج بندر ...
فهد : ثمووور ... ثمووور ... ايش فيك مستخف عل هالبنت هذا وانت ماايعجبك العجب ... ودايم من تشوف بنت تقول ماعندكم ذوووق انا احلى منها بمليوووون وها الحين مسرع ماأخدت عقلك...
ثامر : انتبه لاخر كلمتين قالهم فهد .. سلبت عقلك !!! وقال : اي والله ... اي والله اخدت عقلي اللا مو بس عقلي اللا قلبي اخذته!!!
بندر وفهد : أجل فز وقم عطها الرقم وبالطريق معاك ارقامنا .... والاثنين جلسوا يضحكوا ...
ثامر التفت لهم