اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > مدونة العضو > لكل من جرحني

الإشعارات
لكل شخص انجرحت منه
تقييم هذا المقال

سامح الله كل قلب نوى لي

اضيفت بتاريخ 24-12-2008 الساعه 09:01 AM بواسطة سراب القصيد
صمت خيّم عَ المكان ..
و حزن أرغم هالزمان
إنّه يبكي
في حضوري و في حضوره
آآآه يا ( رقة شعوره )
و آه يا ما أكبر خطاي !!
جيت و أحمل في يدي
عذرٍ خجول !
جيت و في صدري كلام
و قبل أقول !!
قالت :يكفي !!
لا تزيد فإلتياعي ،
ما هو بإيدي
لا جيت جمبكـ باندفاعي
وقّفي هالكون لحظة

و أسأليه :

ليه أحبك و بجنون ؟أسأليه و شوفي ردّه
راح يدُور و لا شي يحدّه
راح يقول :
ذاك مثلي
هام فيك و في هواك
صار يسبح في فضاك
من عرف قربك و هو ،
معلنٍ حبه و ودّه !

أسأليه :

و لو وقف هالكون صامت
اعرفي إنّه جريح !
مثل قلبي ،
مثل روحي ،
مثل صوتي اللي يصيح !!
آآآآه يا أنتِي تعالي
و أسألي هالكون
عن سر انفعالي !
و لا عرفتي
اتركيني أبكي لحالي !!
تعرفين !
و الله إنّك بارعة في حمل هالسكين
اغرسيها في حشاي
و اجرحي ، إن كان ودّك تجرحين !
بس طالبك ،
بعدها ما عاد فيني
ارحلي و انسي حنيني
و اتركيني أبكي لحالي
ماني محتاج لوجودك ، صدّقيني !
بس لحظة ،
هي كلمة
بس كلمة كان ودّك تسمعين :



" غلطتي ، سلّمت قلبي لطفلةٍ
ما تعرف من العشق إلاّ جفاه
ذا خطاي !!
و لازم الرجال يتحمل خطاه ! "

قالت : يكفي !

و صمت خيّم عَ المكان
و حزن أرغم هالزمان
إنّه يبكي
في حضوري و في حضوره
آآآآه يا ( قسوة شعوره )
و آه يا ما أكبر خطاه
قالت : يكفي
و التفتت ناويه الرحيل
تاركٍه قلبي عليل
وقتها ، قلت
وكل ما فيني بكى
و صوّت ينادي :
يا أنتي
لا ترحلي قبل لا تسمعي فؤادي
اييييه أخطيت
و جيت أحمل في ( يدي ) عذري !
و كان ( قلبي ) في يدي ، لو كنتي
تدري !


ايييه خطيت
و للأسف ما دريت إن هذا قدري !زلّة لسان ، و ما قصدت ( إ ) بها أذيّه
زلّة لسان ، و قلتها غصبٍ عليّه
و أنتي أدرى الناس فيني
و بحنيني !
و أنتي أغلى من سكن قلبي
و عيني !
الله أكبر يا حبيبتي
كل هذا شايلته بقلبك و ساكته !!
ناويه ترحلي !
روحي ، سهل الله كل دروبك
و بطلب الله
يغفر ذنوبي
و يغفر لك ذنوبك !

بس أبسأل :
كيف تنظري لعيوبي ،
و اتغاضى عن عيوبك !؟
رح حبيبتي
سهّل الله لك طريقك
و فرّج همومك و ضيقك
باقي كلمة
بس كلمة
لو تكرمتي بسماعي:
طفلك ما تعرف من العشق
إلاّ وفاه
و قبل ترحلي
خذي معاك القلب واسمعي دعاه :
" سامح الله كل قلبٍ نوى لي بالأذيّة
و سامح الله كل نفسٍ نوت لي بالخطيّة
دام خلي باعني و أخطى علي
كيف ما تخطي علي نفوسٍ رديّة ! "
الصور المرفقة
نوع الملف: jpg 764ebbbad9fd7837547f7397b428dd70_l.jpg (38.6 كيلوبايت, عدد مرات التحميل: 91)
مجموع التعليقات 0

التعليقات

 
الساعة الآن +3: 03:54 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم