Parse error: syntax error, unexpected 'separator' (T_STRING) in /home/graaamc/public_html/includes/class_blog_response.php(263) : eval()'d code on line 50
احاسيس مبعثره.. - منتديات غرام

اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > مدونة العضو > رسالة حب..

الإشعارات
تقييم هذا المقال

احاسيس مبعثره..

اضيفت بتاريخ 03-05-2012 الساعه 01:47 AM بواسطة رسالة حب..
تم تحديثها بتاريخ 04-05-2012 في 01:29 AM بواسطة رسالة حب..


فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان
ولو بيدي ياحياتي كان أعرفك من زمان..
لحظه الي تلتقي بي يبتسم حظي ونصيبي..
ومثل
أنا ماأقول
"أحبك"
أنت قول إنك <<حبيبي>>
==========================
اضغط على الصورة لرؤيتها بحجمها الطبيعي


كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي ....
صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...
غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...
انا الطيبه من عيوبـي وصدقـي طفـل ربيتـه
وعلمته على الاخلاص لكل إنسـان ماشانـي ....
خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـلانـي ...
أنا آسف..أنا آسف يـا اغلـى شخـص حبيتـه
ابرحل واترك العالم واعيـش الفرحـه ثوانـي ...
ابرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني...


==========================
اضغط على الصورة لرؤيتها بحجمها الطبيعي

كفايه صار لك شهرين غايب عني يالغالي
كفايه يا اعز الناس ترا والله ما اقدر


دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر


ابتحمل عنا فرقاك وحالي يرثي لحالي
معني والله لين اليوم مدري ليش بس تهجر


ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر


انا والله ما استاهل ابد كل اللي يجرالي
اقل ما فيها بس قللي سبب خلاك تتغير


ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر


عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر


عشقتك عشق لا قبله ولا بعده انعشق تالي
هويتك موت واتخيل الين الموت واتصور


واذا جاني مسج منك مخزن رقمك الغالي
ولا امسح رسالاتك اتم اقراها وافكر


واحلل كل كلمه بالمسج الله يا غربالي
واقول بخاطري معقوله حاسس فيني ويشعر


وارد اقول لأ يمكن تذكرني وهو سالي
لاني توني مطرش مسج طرش مسج يشكر


وارد اقول لأ ادري يبيني وحاسس بحالي
وارد اقول لا ما اظن علا باله انا اخطر


الين اني انا اتاكدت قلبه بالفعل خالي
ولا غيري انا بقلبه يحبني موت ويقدر


لاني مره ملمرات طرت فكره على بالي
نويت ازعل بدون اسباب واشوفه لو بيتاثر


ابعرف قدري بقلبه بيهمه وضعي الحالي
او انه راح يطنشني ولا ياسال ويستفسر


وفعلا دق ما جاوبت حرقلي والله جوالي
ثلاث الاف مره دق وانا مطنش ولا معبر


كتبلي بالمسج اطلع انا عند بابك الحالي
قسم بالله ما تطلع لاخربها انا واحقر


ومشكلتي اعرفه زين يسويها ولا يبالي
نزلت وخاطره مكسور يقول شفيك متغير


وقلتله بس ابتاكد اذا قدري معك عالي
ظحكلي وقالي اتاكدت ودمعه بلل المحجر


وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر


بعدها عشت احلى ايام في قربه ياهنيالي
وصلنا لمرحله ما نفترق عن بعضنا واكثر


بعدها فجاه خلاني ولا يسال عن احوالي
وانا في خاطري ادري محال فيوم يتغير


ادق له ما يجاوبني بديت اشك في حالي
اخاف انه حصل له شي اخافه بس متكدر


لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر


ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر


الين اني عرفت شلون اخلي خلي الغالي
يكلمني وجت فكره بعد ما مت وانا افكر


وفعلا اتصل فيني وبدت احزاني واهوالي
وكانت صدمتي كبيره علي الغالي اتغير


سالته قلتله وش فيك ما من شر يالغالي
وش اللي صار بالدنيا علامك ليش متبعثر


او انك يعني ما تدري بدونك صرت انا لحالي
ولا لي خلق اي انسان كثر ما فيك انا افكر


وجاوبني وقال ارجوك ابي هالدنيا تصفالي
انا مليت من وظعي واشوف الكل متغير


انا ظاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر


وقلتله مو علي تكذب اعرفك تضعف قبالي
تكلم قول شالموضوع بدا قلبي يدق اكثر


سكت لحظه وقال ارجووووك ابعد عني يالغالي
وخلني اذكرك بالخير وانته مثلي اتذكر


ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر


وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر


ولكن شوف ربعك وانته تعرف بس وش جالي
خلاص افهمها عالطاير ولتحرجني بعد اكثر


وسكر والدمع فيني على الخدين همالي
قسم بالله ما ادري علامه قلبه اتحجر


فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر


حسافه ما توقعته يصدق فيني عذالي
حسافه ما هقيته يوم يصد عني ويتغير


بعدها صارلي ما صار وربي يعلم بحالي
فوادي باقي بس شوي واحسه مالجسم يظهر


بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر


وقلت بخاطري خله مصيره يرجع الغالي
اكيد انه سمع اي شي وجوه صار متعكر


ولكن طول اغيابه وزادت فيني اعلالي
مرض قلبي تعب فكري واحسه جسمي متخدر


وقلت خلني اطرشله مسج واشكيله احوالي
وطرشت المسج وشوي دق لي ودون ما افكر


هلا والله يا اغلى الناس هلا والله بالغالي
الو ما قلتلك لا تذكرني او اذكر


ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر


قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير


قسم بالله ما غطت عيوني ولا هدى بالي
قسم بالله ما مر يوم الا وفيه انا افكر


قسم بالله قلت بنساه بس طيفه يتهيالي
قسم بالله لو حاولت انا انساه اتذكر


الين اليوم انا عندي امل يرجع ويصفالي
اقول الشوق بيرده على فرقاي ما يقدر


الين اليوم وظحكاته وبسماته على بالي
الين اليوم ما ارقد كثر ما فيه انا افكر


ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر


انا والله ما استاهل ابد كل اللي يجرالي
اقل ما فيها بس قلي سبب خلاك تتغير


ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر


انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر


سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر


ولكن حكم احساسك وجاوب يا اغلى كل غالي
بذمة والديك يهون تنساني ولا تذكر


يهون انك تخليني ولا تسال ولا تبالي
يهون انك تنام الليل وتتركني انا اسهر


كفايه صار لك كم غايب عني يالغالي
كفايه يا اعز الناس ترا والله ما اقدر


دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر




اضغط على الصورة لرؤيتها بحجمها الطبيعي

أبيك تحب أبيـك تحن أبيـك تولــهـ مثل الأول
آبى عينــك تناظرنـي و تـترقب لجيــاتي..!!

أبيك تحس أبيـك تـــرد آبى البعــد ما يطـول
أبيك تشوف حبي لك مع قلبي وفي ذاتي..!!

أبيك تلومني لين غبت أبيك تثور أبيـــك تزعـل
وآبى أرضيك بخضوعي ومعك بكل غاياتي..!!

تعال قول لي أنت غلطـان أبيك ما تخجــل
تعال بلهفة العاشق تعال اسمع مناجاتي..!!

تعال قول أنا احبــك آبى عروقـي بها تنبـل
أبيك تكون لي الدرب و اقـرب مســافاتي..!!

تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!




كفاني عذاب الله يجازيـك بأفعالـك
جرحت الضَّمير ولا طرا لك تِداويني
مريـض المحبَّـه داه ودواه بوصالـك
ألا كيف تبخل وإنت نظرتك تشفيني
ألا واعذابي كيف ماعاد يهنـا لـك
سوى إنَّك تشوف الموت بإيديه يطويني
أنا يوم أحبِّك ماتصـوَّرت غربالـك
- ولاقد خطر في بالـي إنَّـك تجافينـي
تفرَّغت لك ياساكن القلب بلحالـك
تقل غيرك من النَّـاس ماهـم بحيِّيـنِ
أنا قمت أناجي بين الأحلام مرسالك
وزولك حبيبي لو بالأحلام ناسينـي
===============================

ابعتذر .. عن كل شئ ..
إلا الهوى ..ماللهوى عندى عذر..
ابعتذر ..عن أي شي ..
إلا الجراح ..ماللجراح إلاالصبر ..
إن ضايقك انى على بابك أكر ..
ليلة ألم.. واني على دربك مشيت عمري وأنا
قلبي القدم ...
ابعتذر ..ابعتذر ...كلي ندم ...
عن كل شئ .. إلا الهوى ..
ماللهوى عندي عذر ...
اتصدق ...ماخترت أنا أحبك ..
ما احد يحب اللي يبي ..
سكنت جروحي غصب ..
ياحبي المر..العذب ...
ليت الهوى وانت ...كذب
كان اعتذرلك عن هواى ..
وماأقول أنا كون معاي ..
ان ضايقك انى على بابك امر..
ليله ألم ...
وانى على دربك مشيت عمري وأنا ..
قلبي القدم ...
ابعتذر ..ابعتذر .. كلي ندم ..
عن كل شئ .. إلا الهوى ..
ماللهوى عندي عذر ..
الله كريم ..حبك ..يكون..
همي القديم ..
وجرحي القديم ...
والله عليم .. يا أحلي العيون ..
ان الفراق .. جزا الفراق ..
ابوعدك ..كان الطريق بيبعدك ..
بامشي بطريق ..
وكان الحجود بيسعدك ...
مالي رفيق ..
ابجمع اوراق السنين ..وأودعك..
كان الفراق اللي تبي ... الله معك



=================================

اضغط على الصورة لرؤيتها بحجمها الطبيعي
لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك
===================



عقبال ياماخذ فؤادي مية عام ..
.. ضيعتني منك وانا ما اهتديتك


لا ..ما نسيتك كيف بانساك ما دام ..
.. ذكرى الفراق تهزني لو نسيتك


حبك قدر وانا على دين الاسلام ..
.. مكتوب في وجه الجبين ورضيتك


لك في الضمير الود والحشمه اتوام ..
.. ولي في ضميرك مثل ما انا بغيتك


ولك منزل في نايف القلب وخيام ..
.. وذود الغلا ترعاه ولا شكيتك


يفطر عليك القلب وان فارقك صام ..
.. والله لونك شوك سدره كليتك


القلب طيرٍ لادعي للهوى حام ..
.. والا انت وكره من كثر ماهويتك


كن العيون من النظر عقبك ايتام ..
.. وكني ماريت الا انت من يوم ريتك


وكنك معي وانا فقدتك من اعوام ..
.. مع الخيال القاك كني لقيتك


من صعب وصلك ما تهنيتك احلام ..
.. وان جابتك فزيت شوق ومحيتك


يعني وصالك صعب واهدافي اوهام ..
.. يعني زرعتك للقدر ماجنيتك


صبرك يقولون العرب كل الايام ..
.. يوم عليك ويوم لاجاك جيتك


ويا قلب ياللي ورثك اجروح وآلام ..
.. بليتني ماهو بانا اللي بليتك


ولعتني من عادني في الهوى خام ..
.. واسرفت بي وانا خطامك عطيتك


طعتك وزبدة طاعتك هم وهيام ..
.. مالله كتب لي واستخرت وعصيتك


لوللقلوب اسواق بايع وسوام ..
.. لاابدلك وان جيتني ماشريتك


والا انت ياللي جيش عينيك مقدام ..
.. لا اقنعت منك والرجا مارجيتك


كني سجين بين..افراج ..واعدام ..
.. وكنك سجن وانا بنفسي بنيتك


تنبيك عن حالي محاصيل الالهام ..
.. وتخبرك نظراتي نهار التقيتك


عقب الوصال اللي على عين من لام ..
.. قدهو يكفيني عن الوصل صيتك


وقدني الى مريت بالشارع العام ..
.. لديت من ما في الضمير ودعيتك


ادري ان صوتي ماقطع عشرة اقدام ..
.. وادري بي اعود الى من نصيتك


ياشينها يامحنيٍ راس الابهام ..
.. ماقدر على شوفك وانا عند بيتك


الاعمار ما تضمن وانا اخاف الاحكام ..
.. ارثيك خاف اودعك ما رثيتك.
===============================
اضغط على الصورة لرؤيتها بحجمها الطبيعي


يالعقاب اللي على المشراف وسع لي تراني

ضايقً من عاما الاول وادهله قبلك وادله


يوم ربي قد كساك بريش وش لك في مكاني
ماتخاف من العقوبه يوم تاتيه وتحله


دام لك جنحان وش تبقي بمشراف البياني
خل مشراف الفقير اللي بلا جنحان خله


ذا مكاني يوم رمح الغدر من حره زواني
ما لختالي علي حجه وانا سله ودله


وهو على ماقيل شماعة همومي لابلاني
صاحبً ياكل يديه وهو على مذهب ومله


وهو ملاذي عقب خالقنا جميع الى ضواني
ضيقة فالصدر ولا جاتني للدمع خله


لابديته ماحسد راع الترف واهل المباني
يحسبون ان فرقهم واضح علي واقول لله


سجة في راس مشرافي وانا اغطرف الاغاني
والله انها في عيوني عن مية فندق وفله


فيه احس اني على احسن حال واني شخص ثاني
واتحلل من حرام الهم لاجينه واحله


وذا مكاني عقب ماصبري على كبدي كواني
والله ان كني عقب فرقاه بين كفوف مله


واحدً زله حشاي ومسكنه بين المحاني
مسكنه بين المحاني والحشا والصدر زله


قلتها له قبل لا وقتي على الشعر يحداني
خايف مالله يتمم واعرف ان فلان عله


قال خل اشكوكك اللي تترك الراوي ظماني
مايصيبك في جبينك من خلقك الله تشله


قلت ذا والله بلاي واشوف وش مدة زماني
لايكون اللي كتب لي (فارقه من غير زله)


لا تضيق من التشاؤم واحتمالات الأ ناني
خايفً اشرب بعد كاس النصر كاس المذله


قال وش تبغي بحكي الحزن والدنيا فهاني
لاتعيشنا زمان الحزن قبل يحل حله


قلت ماتدري وانا الداري بعاقبة التماني
غير عاهدني وريحني واشل الحزن كله


قال شفت الموت لو بيدي ماهو كفو لخذاني
بس لاتشره علي لو لبسوني غصب حله


قلت اجل وانا وفاي من الجدي حتى اليماني
مرتضي غيرك ولااظنه ولاظني لابالله


قال اجل سلم على روحك وانا كلي تهاني
يوم عرسك والله ان اهل مجدولي وافله


وراحت اسنين التلاقي مشيها مشي الثواني
مادرى عن حبنا الا ظل محبوبه وظله


غير حول يالعقاب وخل مشرافي تراني
ضايقً من عاما الاول وادهله قبلك وادله


قلتها ماقصدي انه يقال صح الله لساني
قلتها لعيون من سبب كتابتها لعله

================


سألتوا صاحب النظرة الخجولة

كيف يسهرني وله وجهٍ صبوح

كيف يظلمني وله طهر الطفولة

كيف يسكنّي وهو دايم يروح

وكيف أنا ألقى ربيعه في فصوله

دام كذبه صادق وصدقه مزوح

له صفاتٍ تورد العاشق ذهوله

مستكين و صامت وكله جموح

أصعب الأشياء و أكثرها سهولة

أغمض الأشياء و أكثرها وضوح

سهل تغرم به وصعب انك تنوله

غامضٍ ف طبعه و واضح في الجروح

أسعد بشوفه ولكن ما أطوله

كنّي الوادي وهو أعلى السفوح

يبتسم لا منهم عنّي حكوا له


ولا حكوا لي عنه أعماقي تنوح

لي بقلبه شيٍ لكن ما يقوله

وله بقلبي كلّ لكنّي أبوح

كنّه الغيمة و انا أرجي هطوله

ما نزل غيثه ولا برقه يلوح

ما عرفتوا ليه تسهرني فعوله

وليه يسكنّي وهو دايم يروح

هو يبيني بسّ أطباعه خجوله

وما يبي أغفى وهو وجهه صبوح
===========================


ما تقبلت الفراق ومال يدي فيه حيله
آه لو أن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة أمس بعيني أطول من شهرها
والعذاب اللي يذوب بعين من يفقد خليله
عندي أكبر من عذاب العين لو تفقد نظرها
والحبيب اللي صدوده مثل مداته جزيله
صد عني وأعرفه لين صد عن حاجه هجرها
كأن روحي يوم حست في جفاه وصعب نيله
بشرتني بالضياع و شدت العزم لسفرها
ما رحمها من هلاك وما تقبلها دخيله
تحتضر قدام عينه لين ماتت من قهرها
عاد ليت اللي ذبحها وأرهب الموت بوسيله
ما دفن وجه الضحيه والسكاكين بنحرها
ليت قلبه يوم طاوع فعلته كمل جميله
لو غسلها من عروقه وبكفن صدره قبرها
من حفر بضلوع قلبه حفرة تكفي قتيله
ليه ما يدفن قتيله بالضلوع اللي حفرها
=================


ياليل تكفى ضمني ماعاد فيني للجراح..
ماعاد فيني ابتسم واخفي همومي والحزن..

ومدام فكري اقتنع يرفض مبادئ هالكفاح..
باقتل شعوري وادفنه واخلي احساسي كفن..

ياليل تكفى ضمني ماعاد فيني للجراح..
تعبت اجامل وانتظر زود المصايب والمحن..

الله واكبر يازمن وشلون قلبي ما استراح..
العيب فيني ياترى ولا العيوب من الزمن..

اللي بغيته مالفى واقفى على دربه وراح..
واللي رفضته مارحل يضحك وانا عيوني بكن..

لاصار حظي مركبه تبقى المصيبه بالرياح..
تجري الرياح العاصفة عكس ماتمشي السفن..

الهم اصبح لي وطن والجرح اصبح لي وشاح..
وياجرح ماعاد احتمل مادام لهمومي وطن..

احس بضلوعي قفص والطير مكسور الجناح..
واحس بعيوني دمع مسجون في داخل جفن..

والليل قرب ينتهي ويزول في وقت الصباح..
وانا وليلي نكتفي بس المواجع ماكتفن..

ماعاد لاسراري بلد والحزن دمرها وراح..
ولا عاد فيني ابتسم واخفي همومي والحزن..
========================
مجموع التعليقات 1

التعليقات

 
المقالات الاخيرة بواسطة رسالة حب..
الساعة الآن +3: 08:55 AM.
Powered by vBulletin® Version 3.8.7
Copyright ©2000 - 2015, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم