[حالمـــه...]

يهلا والله بمعالي...انشالله دوم عاليه يارب...

موضوعج يشهي الواحد انه يرد عليه...

انا اخترت اسم حالمه...لاني من زمان احب هالاسم واحس حيل لابقلي...لاني على طول اسرح بعالم الخيال والاحلام...

وانا احب كلمات خالد عبدالرحمن يوم قال حالمه وابعاد تفكيرك خيال ...

انا اقضى وقت الفراغ احيانا بالنت...اقعد مع اهلي نسولف...اطالع التلفزيون وخاصة افلام الرعب...وااااو اثاره...

اجد راحه البال لما يكونون الاشخاص اللي احبهم راضين عني ومايشيلون بقلبهم علي...ويبتسمون لي على طول...

انا الكل بالكل بالبيت...سابقا بس اللحين اختي اللي عمرها 6سنين..صارت هيا اميرة البيت...وانا ياحظي السندرلا...

لو عطوني اجازه والله لروح البحر...واستمتع بأمواج البحر اللي تتضارب مع بعضها البعض...

كل اعضاء المنتدى قمه من الروعه..كلهم على عيني وراسي...لكن انا احب شخصين واعزهم حيل ...

اللي اهو <<زيزو>> و<<مغربيه بنت العز>>...هذولا اللي خلوني احب المنتدى واتعلق فيه اكثر...الله لايحرمكم منهم...

انا اغضب لما احد يقول عني كلام جارح...واشيل بقلبي عليه...

سبحان الله ترى البكاء دواء للأنسان...وخاصة اذا بكى لحاله وفي سريره...وشكى همه لله اول ثم لنفسه...

راح يرتاح نفسيا...وبعد البكاء يحس نفسه نشيط ومرتاح ومبسوط وكأنه شال حمل وقطه بعيد عنه...

اجلس لحالي لما مايكون احد معي بالبيت...احب اقعد لحالي لما ادرس بس...

اقول لا...اذا مابي الحاجه هذي...اذا موعاجبني اللي اشوفه...اذا احد غصبني على شي وانا ماابيه...

والله مااحب طبع الانانيه ...لان فيها ظلم للطرف الاخر...ومن الصفات المذمومه...

انا احب اعيش يوم بيومه...مااشيل هم اليوم اللي قبله...عادي اي شي اسويه في اليوم هذا اقط ورى ظهري ولا كأني سويت شي...

يعني افتح كل يوم صفحه جديده واكتب شنو يصير معاي باليوم هذا...واستغل هاليوم بالقعده مع الاهل والسوالف والضحك...

انا انشالله يكون مستقبلي مشرق مو بس انا للكل يارب...ويكون المستقبل لكم كالبوابه تفتح فيها ابواب النجاح والخير والسعاده..

اشوف ان الرجل كل شي بهالدنيا...هو الاب والزوج والاخ والابن والجد ..وكل شي بحياة كل انسانه...

الصراحه فيها راحه...الانترنت حلو بس المصيبه اذا احد تعود عليه..مراح يتركه لوشنو يصير..لانه خلاص صارت جزء من حياته...

والنت فيه الزين والشين بس الاهم كيفية استخدامه...وهذا يرجع للشخص نفسه..

صحيح الانسان اذا احب...مايشوف بحبيبه الا كل المزايا وراح يحط عيوبه على جنب...حتى لو كانت كبيره عيوبه راح يخلي المزايا تتطقى عليه...

سر النجاح...دعوة الوالدين هما سر النجاح...اسأل مجرب ولاتسأل طبيب...

اجمل مافي الحياة الصدفه ...احبها اعشقها اموت فيها...

العاطفه موجوده بكل انسان...انا نص ونص...

بعد نص ونص ..انا احب الدراسه بجو فوضوي احس فيه تركيز ...

نعم كنت صادقه بكل اللي قلته...<<<<كأني قاعده بمحكمه...

تقبلي مروري اختج حالمـــه...