اصعب يوم في حياتي
لمجرد اني كتبت هالكلمة ما تما لكت نفسي
اكتب وانا ابكي
يالعجوز ذكرتني باصعب يوم في حياتي
وهو في يوم من الايام وكنت متجهزة اطلع مع زوجي حبيبي لنتعشى برع
الحين انا جهزت خلاص انتظره بس ينزل من الطابق الثاني
واله اسمعه يناديني وبصوت منخفض
ما كان يقدر يرفع صوته اكثر
وقومي ركظي والا
اشوفه طايح على السرير
وعيونه مفتوحة وماد يده لي ومو قادر يتكلم
وتميت ساعته مو عارفة شاسوي اصيح واصيح
ابي اتصل لحد من اهلي نسيت الارقام كلها ويدي ترتجف
تميت المه واصرخ ياناس زوجي راح يروح مني لحقوني
تذكرت رقم اختي واتصلت فيها
واختي ما قبضت ولا كلمة من الي قلته في التلفون غير الصياح
وتجيني بسرعة مع امي
تخيلو اني اسوق سيارة لكن ساعتها ماقدرت اسوق وجسمي بكبره يرتجف
والحمد لله انهم جاو بسرعة
اختي مع انها خوافة طلعت اشجع مني
وبسرعة خذينا زوجي للمستشفى وانا في حالة صعبة
يا ناس احبه اموووووووووت فيه
اتصدقون حسيت انه راح يروح مني
ويوم الي دخلنا المستشفى
ركضت لباب الطوارئ وماتمالكت نفسي طحت عليهم
وبدل ما يشيلون زوجي شالوني وياه
اهو اصابته كانت هبوط في القلب اسم الله عليه بسبب ضغط الشغل
وانا تعرضت لحالة نفسية حادة بسبب خوفي عليه
وبدل ما يعالجون واحد صارو يعالجون اثنين
وكنت اصرخ في المستشفى طول الليل
ابي زوجي مابيك تروح مني
لي جاتني الممرضة وبعدين مادريت عن نفسي الا اليوم الثاني
وبدل ما انا اروح لزوجي غرفته الي نايم اهو فيها اهو الي جايني يزورني
وللحين اتذكر ذاك اليوم واموت من الصياح
انكتب له يوم جديد والله
ياناس احبه شاسوي
والله لا يجيب ذاك اليوم ان شاء الله