اليوم من صفحة حياتي ابمسحك

[ثلجه دافئه]

ريح أعصابك ترى ظنك بعيد
تتهم منهو مع طيفك سهر
العوذال ما تجي شي أكيد
كذبهم واضح ع طول العمر
انت وحدك ف حشى روحي وحيد
باقي مدام ف عمري عمر
لك مكان ثابت وسط الوريد
لا ضمت يصير لعروقي نهر

(")(")(")(")(")(")
(")(")(")

عافتك نفسي ولايمكن تعود
وخطوتي ف بحر عينك اغرقت
مالقينا ف هواك أي فود
خسرت نفس لحبك قد شرت
تخطي بحقي وتخلف بالوعود
وش أبي من نفس بالحب اغدرت
أجني النكران منك والجحود
ياحبيبي شوف نفسك كم طغت
مطلبي من حبك حل القيود
عيني وروحي لفرقاك نوت
فيك ماتكفي المواجع والصدود
ماتطفي نار فيني ولعت
ماقول الا عسى ربي يجود
ويشفي جروح بها نفسي شكت

(")(")(")(")(")(")
(")(")(")

قلبي ملكته بقبضة ايديك
والفكر شارد فيك مجنونك
كل العرب تنشدني اشفيك
حالك نحل وذبلت جفونك
قلت المرض والشر يكفيك
كذبت خوفي يعرفونك
وخايف عليك من نفسي
"بالشين أطريك"
من عقب ماجفتني عيونك

(")(")(")(")(")(")
(")(")(")

الله وأكبر
نسيت قلب كـل مااااا تطلبه جاك
يشيل جرحه فوق جرحٍ سطا بك
يـرسم لك البسمة ع ضيقة شفاك
ينسى عـــذابه ويتحمل عذابك
ياما عــذرتك وأتناسى خطاياك
وياما عطيتك وأتـــحمل عتابك
من يوم بانت ف عيونـي خفاياك
لا ترتجيني لو يطّول غيابك

(")(")(")(")(")(")
(")(")(")

لو ينشرى وقت السعادة بالأثمان
كان اهتنوا بالحب كل المحابيب
خلك جميل تلقى دنياك تــزدان
وتحلى لك الأيام بالبشر و الطيب
والنفس عودها على درب الإيمان
تلقى السعادة ف دروبك ولا تخيب

(")(")(")(")(")(")
(")(")(")

منهو حبيبي زعلك
من لي مكدر خاطرك
لول معي شخصك بشوش
منهو علي غيرك؟
وين ياحبيبي ضحكتك؟
وبن ابتسامتك ورقتك؟
باين ع وجهك حزن ماهو طبيعي منظرك
احكي وقول قصتك منهو ياحبيبي كدرك؟!

(")(")(")(")(")(")
(")(")(")

دخــيل عينك حبيبي لا تجافيني
ارفق بــحالي وروحي لا تخليها
وإن ماحصل منك لو نظره تكفيني
أضمها في عروقي شوق وأرويها

(")(")(")(")(")(")
(")(")(")

خلاص انا قررت ابعد واخليك
مدام في حبك خضوع ومذله
ابتركك لو صوت الاشواق يدعيك
وأمحي الغلا من داخل القلب كله
وأطوي زمن حبك وصفحات ماضيك
دام الغلا يا صاحبي منت بـ اهلٍ له
دور على غيري حبيبٍ يهاويك
يقبل خطاك ويتحمل كل زله
كنت امس غالى لكن اليوم مابيك
مابيك لو بعدك حياتي ممله
خذها نصيحه في حياتك بـ اوصيك
إلا حبيبك لا تفكر تذله

(")(")(")(")(")(")
(")(")(")

إذا نادت الدنيا ف يوم
تبي تفرقنا
طلبتك رفيقي بربك
لا تطاوعها

(")(")(")(")(")(")
(")(")(")

حبيبي
بالامس كنت بنشوة الحب امازحك
اتخيـل برقـك واتحـرى امـزونـك
واليوم من صفحة حياتي ابمسحـك
هديت صرحـك ثـم طاحـت ركونـك
ولابي عيوني لـو تصـورت تلمحـك
اعلنت موتك وانسجن لي كفونـك
وان جيت تطلب ترتجيني اسامحك
بهديك طعنه مـن بقايـا طعونـك

(")(")(")(")(")(")
(")(")(")

في غيبتك جا مكانك واحد ثاني
والحب ماينوخذ ياهيه بالقوه
إن كان قصدك عبث ودك تحداني
فأ بشر بقلب على الصدات ياقوه

(")(")(")(")(")(")
(")(")(")

كنت غالي بقلبي كنت اسامر طيوفك
كنت أكذب عيوني لوتجي تشتكيك
كنت أكذب شعوري لجل اصدق حلوفك
واتجاهل خداعك لجل ادارى عليك
جرحــــــك اللي بقلبي ماتزيله كفوفك
كيف جرحي تزيله والغدر في يديك
خــــذ جــروح بقلبي خلها وسط جوفك
جرب جروح غدرك خلها تحتويك
مابقى لك بقلبي غير ذكرى حروفك
وكثر ماكنت أحبك زادني الكره فيك
رغم همك وضعفك وانكسارك وخوفك
ماترفقت باللي بالشقا يحتريك
رح بـفالك حبيبي ولاتبين ظروفك
إبتديتك بحب وبالجفا بأنتهيك

(")(")(")(")(")(")
(")(")(")

حسبت إنك تسابق
عقارب الساعة وتجيني
وأنتظر الوقت يمضي
وتذكر كم صارت سنيني
ماهقيت انك انت بالذات
تنسى "ميلادي"
وتنسى حتى ف يومي تهنيني

(")(")(")(")(")(")
(")(")(")

من قال ما تهمني حياتك
من قال ماني متمني وصالك
خذ عمري وانسى اللي فاتك
وانسى كل عدو قد عدا لك
أنبسط لا رسمت الضحكة بشفاتك
وابكي لا بكيت بشي ما رضا لك
أنا والله دوم ارتجي مرضاتك
واللي تبيه مني خذه مني حلالك
روحي لك وكل ما املك فداتك
واعتبر كل مالي من حر مالك
والخيانة خلها سابع مستحيلاتك
تراني احبك وخلني على بالك

(")(")(")(")(")(")
(")(")(")

كنت اشتياق القلب كنت اهتمامه
وكنت ف خفوقي يالغلا أعز إنسان
وكنت أحسبك تاج الوفا مع وسامه
لكن تبين لي عكس ماكان
الغدر منك كم رمتني سهامه
أرويك ود وخاطري منك ضميان
مايوم تسأل عن حبيبك علامه
عينك تنام وغيرك يبات سهران
غلطة زماني ماسمعت الملامه
واسمحلي أبعد دامني فيك غلطان

ان شاء الله تعجبكم ..

تحياتي لكم

[دمعة الـ ع ـاشق]

مسجات حلوة

الله يعطيكي العافية

[ثلجه دافئه]

الله عفايك دمع العشاق

ومشكووره على ردك وما تقصرين

[babyshadow]

يسلمووووو الله تجنن المسجاااااااات

[ملاك الفجر]

مشكوره ع المسجات