[العـيون الكاسرة]

السينابون بأفكار جديده

المقادير:
2 كوب دقيق ابيض منخول
2/1 كوب حليب بودره
4/1 كوب سكر بودره
م ك خميره فوريه
4/1 كوب زيت
ذرة ملح
1 كوب ماء دافيء
قرفه مطحونه .. يفضل الجاهزه
الاخوات اللي في الرياض تلاقيها عند السدحان جدا رائعه
مارس للرغبه

الطريقه :
تحرك النواشف مع بعض ماعدا الخميره توضع مع الماء والزيت وتترك دقيقتين ثم نسكب خليط الماء والخميره والزيت على الدقيق وتعجن جيدا واذا احتاج الامر لمزيد من الدقيق ضعي بطريقة الرش
حاولي تكون العجينه لينه ومو ضروري تكون تنفك عن الاصابع
اتركيها تختمر لمدة 45 دقيقه في مكان دافيء

احظري زبده مذابه بحرارة الغرفه
قسمي العجينه الى نصفين وافرديها بشكل طولي وادهنيها بالزبده ثم رشي القرفه المطحونه مع ملعقة سكر بودره على السطح احضري المارس وقطعيه طولي وصفيها على طرف العجينه ثم
لفيها مثل السويسرول
وتطع حلقات طوليه وصفيها في صينيه مدهونه بالزبده
القسم الثاني من العجينه افرديها وادهنيها بالزبده ورشي فيها قرفه مع سكر وحبات الهيرشي مثل الدمعه ولفيها مثل السويسرول وقطعيها اتركيها تختمر ربع ساعه
ضعيها في فرن حار وراح تلاحظي المارس بدا يذوب ويطلع من فوق وااااااااو
المهم تحمريها من فوق وتحت بس خلي تحميرها من فوق خفيف حتى ماتكون يابسه

الصوص
1 – نصف علبه نستله كبيره محلى + 2 حبه كيري تخفق وتسقى على بعض القطع
2- توفي (نصف كوب سكر مذاب على النار مع ثلاث ارباع علبة قشطه ) ويرش عليها لوز مجروش
3 – نستله مع بودرة شوكولاته وهيرشي سائل تخفق وتسقى القطع المتبقيه


وبالهنــا ...