[بوساطور]

السلامو عليكم ورحمة الله وبركاتة انا عارف انكم زعلانين مني عشان ما بشترك معاكم بسص والله ظروف شغلي وجامعتي تحتم علي
المهم انا كتبت قصة وانشاللله ما اكون ذكرت قصة حد من القصة وانشالله تعجبكم واكرر اسفي على تاخيري

واترككم مع القصة


ـ أوووف وين راح الملف من شوي كان موجود.
ـ (طق طق / أدخل).
(تدخل رهف وهي مستحيية من عبدو)
ـ عبدو ممكن طلب بس أرجوك لا تزعل مني .
ـ لا عادي شو في يا رهف ؟
ـ أنا سيارتي خربانة وما عندي حد يروحني ع شقتي اليوم ممكن توصلني في طريقك ؟
ـ خلاص متى ما خلصتي شغلك بتلقيني في مكتبي بشتغل ؟
ـ بس أمانة ما فيها تعب عليك؟
ـ لا والله كمان إنتي في طريقي يعني ما فيها تعب
ـ خلاص بمر عليك بعد الدوام شكرا كتير عبدو
(تطلع رهف وتسكر الباب)
( طق طق / أدخل)
ـ عبدو شو الحكاية البنت طالعة من عندك فرحانة عشو ناوي؟
ـ ولك يا رجل ما في شي بس طلبت مني أوصلها بيتها وهاي كل الحكاية ؟
(ينظر أحمد إلى عبد الرحمن مش مصدق كلامه)
ـ مش معقولة إنت يا عبدو هـ تركب بنت معاك بالسيارة لا لا في معجزة هتصير
(عبدو مسرع للباب يغلقه وبصوت مرتبك)
ـ لا مش معجزة ولا شي بس البنت طلبتني ,وأنا حبيت أعمل خير وما في كلام من اللي براسك وممكن توطي صوتك وبلا فضايح
ـ مش مصدق أنت هتركب رهف معك وأنت اللي ما بتحب البنات في خيرهم وشرهم شو هالتغير
( بصوت حاد)
ـ لا صدق ليش لا البنت محتاجتني أوصلها وما أعتقد فيها شي
ـ طب خلاص لا تزعل علي وتصرخ أنا آسف بس حبيت أقولك مدير القسم بدو تقارير الشهر وبرنامج السياحي للوفد اللي هيجي عندنا بكره ؟
ـ ولك مش عارف وين راح والله من شوي كانوا هنا وين اختفوا ما بعرف؟؟
(أحمد مسك بيد الباب ووقف خلفه)
ـ طبعا عقلك مش معاك مع رهف صح هاها (ويهرب)
(عبدو مسك علبة العصير ورماها عليه ولكن أتت بالباب)
الله ياخدك مش ناقص إلا أنت تحكي عني وعن علاقتي بالبنات
(ويبدأ عبدو معركته مع الأوراق المتناثرة للبحث على الملف
وبعد معركة تدوم عشر دقائق يجد الملف ويذهب به إلى مدير القسم)
( يدخل عبدو ع سكرتيرة مدير القسم )
ـ كيفك يا أمل وكيف أهلك وشغلك ؟
(وبكل برود وعدم مبالاة تقلب وجهها الناحية الثانية طبعا عارف ليش كانت ما بترد عشان عرفت انه ما بحبها مثل ما كانت تتوقع)
ـ طب المدير فاضي يا أمل ؟
ـ وبكل استهزاء: أدخل، فاضي.
(طق طق ويأتي صوت من بعيد /أدخل).
(ويدخل عبدو وهو مستغرب من المدير أول مرة يلاقي المدير مبسوط لهدرجة؛ الله يستر)
ـ تفضل يا بوخالد الملف اللي طلبته
ـ أقعد يا عبد الرحمن بدي إياك في كلمة
(جلس عبد الرحمن بكل هدوء وهو مستغرب من أسلوب المدير)
ـ عبدو أنا مش عارف كيف أكافأك على عملك بتعرف إنك الوحيد من ضمن اللي يشتغلوا بالشركة هذه ما فيها حد بتعب فيها مثلك وخاصة إنك بتقضي 4 ساعات في الروحة والجيه للدوام بحكم إنك سكنك بعيد كتير عن الدوام يعني إنك بتقضي 12ساعة من يومك عشان الدوام
(عبد الرحمن حب يقرص نفسه عشان يتأكد من اللي قاعد يسمعه من المدير)
ـ والله هاي شهادة باعتز فيها وبعتبرها وسام ع صدري
ـ لا والله بحكي جد وأنا لازم أكافئك ع عملك هو شو اليوم ؟
ـ اليوم يوم الاربعاء26 الشهر
ـ طب خلاص اعتبر نفسك من اليوم لأول الشهر في أجازه مع راتب شو رأيك ؟؟
(عبدو تفاجأ أكتر وأكتر وتطلع في وجه المدير وهو مش مصدق نفسه طبعا متفاجأ وهو كان يسمع من الموظفين والموظفات أن المدير أبخل مدير بالإجازات في هالدنيا)
ـ لا تطلع فيا هيك كأنك مش مصدق يلا روح إرتحلك كم يوم
ـ مشكور كتير يا أبو خالد والله أنه الإجازة أتت في وقتها تسلم كتير والله يوفقك ويديمك فوق رأسنا
(طلع عبدو من عند المدير وهو فرحان مش مصدق نفسه وراح بسرعة لمكتب رهف يشوفها إذا خلصت شغل ولا لسه)
(طق طق / أدخل )
ـ ها رهوف خلصتي ولا لا
ـ لا والله ليش هيك مستعجل لسا باقي 3 ساعات ع الدوام ليخلص
ـ 3ساعات إلك أنا إعطاني المدير إجازة مع مرتب للأول الشهر
ـ لا والله والله إفرحتلك ع هالخبرية مين قدك طبعا فيتامين واو عامل دوره معاك هاهاها خليك هان هروح أودي هالورق لنسره مريم وأستأذن من المدير وآجي لا تروح مكان
(تطلع رهف ويبدأ عبدو في النظر للمكتب )
ـ صراحة المكتب كتير مرتب ومنظم والله لازم أقولها ترتب مكتبي ويكون مكتبي مرتب زي مكتبها
(وبعد 10دقائق تدخل رهف وهي فرحانة)
ـ يلا عبدو مشينا المدير وافق أروح بدري اليوم ما بعرف ماله المدير والله حكايته حكاية لسا ما حكيت ليش بدي أروح قالي مش لازم أعرف روحي الحين وتعالي بكره داومي ، سبحان الله
ـ طب مزال هيك ممكن بس ثواني أروح أجيب كم شغله في المكتب وأسلم ع صحابي وأغيظهم بالإجازة وأجيلك
ـ طب بسرعة مش أتظلك قاعد سنة بستناك ويلا بسرعة
ـ لا والله فوق إنك محتجا تني وكمان بتتأمري عليا والله بنات آخر زمن يلا الله بعيني عليكي اليوم ،حاضر مش متأخر
(بعد ما سلم عبدو ع صحابه وأخذ أغراضه راح هو ورهف ع السيارة)
ـ عبدو ليش هيك أنت شكلك كتير تعبان
ـ لاوالله واحد صاحي من الساعة 4.5الصبح للحين ومش نايم
وكمان بدك تحكي
ـ لاوالله ما كنت عارفة طب عبود مزال هيك الطريق لسا طويلة إحكيلي عن حياتك يعني كيف حياتك وشو بتعمل طول اليوم
ـ ليش بدك تحققي معي انشالله
ـ لا والله يعني خلينا نسولف مزال الطريق طويلة
ـ طب اسمعي يا ستي بصحى الساعة 4.5 لين ما آخذ حمام وألبس وأفطر بتصير الساعة حوالي خمسة من الخمسة لأوصل الدوام بتصير الساعة 7.45 ببدء دوامي لساعة 5 بروح يدوب أوصل الساعة 7.30بتعشى وبشوف أهلي وطلباتهم أو أسوي أي شي ع الساعة 10بتلاقيني بديت اطفي وبنام لساعة4.5 وهيك بالمختصر حياتي شغل وبس ولا شي بيفرحني كل حياتي بالشغل وهم الشغل هادا غير إذا أجا وفد بصير صاحي 24ساعة لأشوف طلباتهم
ـ صراحة حالتك لازم تناقش دوليا الله يعينك صراحة طب عبود كم عمرك يعني من باب الفضول لا تآخد ع خاطرك
ـ فيكي تقولي بالعشرينات
ـ طب شو اللي خلاك تتحمل هالتعب كله بتلاقيلك شغل في مدينتك وبتمشي حالك
ـ لا والله وإخواني وخواتي من وين أطعميهم وكمان شهادتي ما بلاقي فيها شغل مدينتي
ـ طب ما فكرت مرة تتزوج أو ع الأقل تحب بنت تحمل عليك شوي من همومك
ـ لا يا أختي أبعد عن الشر وأغنيلوه لا أحب ولا بطيخ خليني هيك أحسن مش ناقص هموم فوق همومي اللي فيني مكفيني
ـ طب وبعدين هـ تعيش طول حياتك بالشغل وبعدين والله هتمل
ـ أنا أصلا ملان من ألحين لسا همل أنا مليت وخلاص
ـ طب عبدو اسمع والله حتى أهلي ما بيعرفوا اللي هحكيلوا إلك أنا أهلي بعثوني ع أمريكا أدرس وكان عندي 15سنة ما مر شهرين إلا تعرفت ع واحد عربي حبني وحبيته حسيته هو زوج المستقبل وكان أكبر مني ب 3 سنوات تزوجنا وبعد سنة رزقنا بولد وبعد سنة ونص كان يوم الخميس بالليل اتصلوا في الشرطة وقالوا لي تعالي المستشفى الفلاني رحت ويا ليت ما رحت زوجي وابني راحوا بحادث سيارة مرة وحدة قعدت 3أشهر لين ما قدرت اضبط نفسي ورجعت عند أهلي بصراحة ما في أجمل من إنك تحب إنسان وتبديه عالناس وتتزوج ويكون في أطفال والله واسأل أي واحد متزوج إذا بدك والله ما في أحلى من وحدة تشاركك همومك و إتجيبلك أولاد يسعدوك وتحس أنك عايش بالدنيا
ـ لا والله الله يعينك يا بنت بس لا تحاولي تقنعيني بالزواج والحب عشان هالكلام مش داخل بالي قولي لعشر سنوات قدام ما بعرف ليش أنا أصلا ما في بنت دخلت في بالي عشان أحبها أصلا
ـ لا والله هتقنعني ما في ولا بنت من نطاق الشغل تاعك دخلت في بالك ها شو بتسمي علاقاتك مع هـ البنات اللي في الشغل معك
ـ صدقيني كل علاقاتي مبنية ع الأخوة مش أكتر ما بنكر عليكي إني ملت لكم بنت بس صراحة اكتشفت إنهم كانوا يحبوني لمنصبي مش أكتر ولا أقل وكمان ليش أحب بنت أقعد أحل مشاكل مالها أول من آخر و كاني وماني و ليش بتكلم هاي ومن متى بتحب هاي وهاي أنانية وكلام إلو أول ما إلو آخر هو أنا ناقص مشاكل اللي فيني مكفيني
ـ إسمحلي أقولك هاي كلها أعذار واهية وكمان أنت بتشوف للحب من الجانب السلبي مش الإيجابي تخيل وحدة بتحبك وكل يوم بتحكي معاك بتونسك وبتنسيك همومك وبتفرجيك الدنيا من الناحية الحلوة مش السودة تعتك هاي
ـ لا يا أختي خلينا الحب إلك و أرجوكي ما بحب أتناقش في هيك مواضيع ممكن تسكري هـ الحكاية
ـ خلاص لا تعصب شو هاد عطول بتعصب طب أنت تغديت في الدوام ولا لسه
ـ لا والله لسه ألحين بروح البيت وبشوف أهلي شوعاملين أكل وبأكل من اللي موجود طب أنتي إتغديتي ولا لسه
ـ أنا والله لسا عشان هيك بسألك إذا بدك نروح أنا وياك ع مطعم وبنتغدى سوى شو رأيك
ـ أنا ما عندي مشكلة
(بروح عبدو ورهف ع مطعم راقي بالشارقة وبطلب عبدو أكل عكيفوا وبدون ما يسأل رهف شو بدها تأكل وبعد)
ـ لا والله وأنت شو طلبت لي إنشالله
ـ إنتي شوفي شو هيجي أكل وأحكي بعديها إذا ما عجبك بغير الطلب وتطلبي عكيفك
(وبعد ما تأكل رهف من الأكل وتنعجب فيه
ـ ها شو رأيك بالأكل صراحة كتير طيب
ـ والله صراحة طيب أنت من وين بتعرف هـ المطعم
ـ يا بنتي مفيش إمارة من الإمارات إلا بعرف فيها مطعم راقي ومطعم بمشي الحال
ـ طب عبود بدون زعل إذا سألتك أنه ما في بنت للحين في بالك أو إنك بتحاول بدخلها براسك
ـ هيه علينا رجعنا للسيرة إياها لا يا أختي إطمني ما في بنت والله وكمان زي ما قلتلك هـ الكلام وسيرة الزواج مش هـ فكر فيا قولي لعشر سنوات قدام
ـ طب عبود إذا قلتلك لقيتلك وحدة بتحبك وتموت فيك ومن زمان نفسها تحكي معك بالموضوع هاد وعفكرة هي بنفس عمرك وكتير بتعرف عنك من خلال حركاتك وطباعك وكل شي عنك شو هتحكي
ـ مين تكون لتكون قولي لها تريح بالها وتشوف غيري أنا صعب وكمان هي شو كانت تراقبني يعني عشان تعرف صفاتي وحركاتي
ـ طب لو قلتلك إنك بتعرفها من زمان
ـ حتى لو والله بعرفها زي أختي لا تحاولي
ـ طب ليش أنت هيك متى هتتطلع حوليك وتشوف لوين أنت بدك توصل، إنت كتير ظالم نفسك
ـ وبعدين معاكي يا أختي هاي حياتي وإنت مالك ومالي إذا بدك تزوجي إنتي وسيبيني في حالي
ـ ما بقدر، قول ليش؟
ـ ليش إنشالله في حاجة منعاكي
ـ آه في حاجة هي أنت يا عبدو
( عبدو وقف أكل بالطلع في وجهها مش مصدق)
ـ أنا وليش يا أختي في شو أنا معوق زواجك
ـ عشان اللي بحبه هو أنته يا عبود صار لي من حوالي شهرين بدي ألفت إنتباك وأنت ولا فبالك
ـ لا والله وشو كمان ولا أقولك استني شوي خلصي أكل وبعدين نتفاهم
ـ ما بدي آكل يا عبود بدي أحكي معاك بالموضوع وأرجوك لا تحاول تتهرب بحجج واهية
ـ طب إذا ما بدك تأكلي خلنا نروح نتفاهم بالسيارة أحسن إلنا
ـ ليش هينا قاعدين هان أوسع
ـ لا خلينا نروح السيارة أحسن عشان نأخذ راحتنا
ـ خلاص ع راحتك و لا تزعل
(بدفع عبدو الحساب وبطلع لسيارته وتلحقوا رهف)
ـ ممكن أعرف من متى ؟
ـ من أول ما داومت عندنا في الشركة يعني من سنتين ونص
ـ وليش بالذات أنا في عندك أكثر من 100موظف في الشركة
ـ باختصار إنت غير كل الموظفين
ـ اشرحي لي ما فهمت؟
ـ ما بعرف كل اللي بعرفوا إني حبيتك وحبيت طباعك وكل حاجة فيك وكل شي
ـ لا والله هيك مع إني بشتغل في قسم غير قسمك وقسمك بعيد عنا يعني بكلامك كنتي تراقبيني
ـ من أول ما بديت أشوفك تيجي ع القسم تبعنا
ـ وشو كمان طلعي كل اللي بقلبك كل شي بدي أعرفه الحين
ـ من أول ما شفتك حسيت بشي غريب شفتك واحد جاد بعملك مرح مع الموظفين وكل اللي بالشركة حبوك من أول شهر وتصرفاتك معهم حبك إلهم عجبني حسيت إنك اجتماعي وبتحب الحياة وبتعامل كل واحد بالشركة بالطريقة اللي بحبها وما عندك واحد أحسن من حد كلهم متساويين وهاد كتير عجبني فيك وملتزم بدينك وعلاقاتك مع الموظفات يعني بقلك عجبتني بكل شي
ـ شو كمان كملي كمان كمان والله إشي جميل
ـ شو بتتمسخر عليا
ـ لا والله حشا لله بس متفاجئ من اللي بتقوليه صراحة ما كنت متوقع كل هاد منك
ـ لا تتوقع يعني شو أسوي والله حبيتك وهاد قلبي وما بقدر أسوي حاجة فيه
ـ شو كمان ما اعرفتي كم عدد عيلتي و وشو تاريخ ميلادي وشو بحب واللي ما بحبه ومتى بعصب ومتى بفر ح وهيك أشياء
ـ عبود بلا مسخرة بحكي جد
ـ يعني أنا اللي بتمسخر قاعد رهف أرجوكي لا تحاولي معي حبي لك واحد غيري عشان لاتتعبي وتعبيني معاكي
ـ طب ممكن أطلب منك طلب وأرجوك لا تقول لا
ـ شو هو ؟
ـ بدي إياك تفكر في كلامي وحاول تقدر موقفي وإذا بدك هاي رقمي وكلمني وفي وقت ما بدك
ـ يحصل خير إنشالله ،تعالي إنت أكيد عمدة سويتي هيك
ـ كيف يعني ما فهمت
ـ إنك تطلعي معي وتقولي هالكلام قلتي فرصة لحالنا و بواجهة بالأمر وبحطه بالأمر الواقع
ـ فيك تحكي هيك شي ، وكمان عشان آخذ راحتي معك ولا تقدر تهرب من أسئلتي
ـ والله فكرة كيف ما خطر عبالي والله إني أهبل
ـ يعني أنت بتكون أهبل لما في واحد بدور لك عـ مصلحتك
ـ أنا ما حكيت هيك وممكن تنزلي عشان هيك وصلتي بيتك
ـ طب أوعدني إنك هـ تكلمني الليلة
ـ إذا ظليت صاحي بكلمك
ـ وعد إنك هـ تكلمني
- خلاص إنشالله يحصل خير
(بروح عبدو عالبيت وهو قاعد بيفكر في كلام رهف وشو يسوي بالمشكلة اللي حصلت)
ـ طب ألحين شو أسوي والله منا عارف هو صحيح بنت ما تتعيب وسيرتها منيحة بالشغل وكل شي فيها حلو والبنت بنت ناس وأخلاق ودين لكن ليش أنا وهي عارفة إني أنا ما بفكر فالزواج ألحين والله مش عارف شو أسوي أنا لازم أكلمها وأعرف كل شي منها لكن شو بدي أعرف البنت حكت كل شي اليوم وحطتني بالأمر الواقع والله مش عارف شو أسوي خليني أنام وأشوف بكرة شو بيحصل معي لكن وين أنام هالبنت قلبت حالي والله ما في إلا أكلمها طب شو بدي أحكي
(وفجأة يرن تلفون عبدو برقم غريب)
ـ ألو
ـ كيفك عبدو
ـ مين معي
ـ أنا رهف شو ما عرفتني
ـ لا والله صوتك غير ع التلفون
ـ طب شو حصل معك فكرت باللي قلت لك إياه
ـ والله مش عارف كيف أفكر كلامك لخبط كياني ومش عارف أفكر بشي
شوفي بقدر أشوفك ألحين
ـ لا والله وكأني بكرة ما عندي دوام
ـ أرجوكي لازم أشوفك وما عليكي من الدوام بكرة بعملك حكاية ع المدير وبمشي حالك بس لازم أشوفك ألحين
ـ أنت متأكد من الإجازة مش ناقصة مشاكل مع المدير
ـ لا تخافي ع ضمانتي ب لازم أشوفك
ـ خلاص تعال ما عندي مشاكل بس دير بالك من الطريق
ـ مسافة الطريق وبكون عندك
(وبروح عبدو عند رهف)
ـ كيفك إنشالله بخير
ـ كتيير خير ما في ولا رادار ع الطريق شفته إلا أخذت منه صورة
ـ لا والله لهدرجة
ـ آه لهدرجة وأكتر إنتي شو بالله عليكي تحكيلي إنتي شو ولك بكلمتين قلبتي عقلي
ـ لا والله لا قلبت عقلك ولا شي أنا حكيت الحقيقة
ـ شو حقيقة إنتي عارفه إنه ما بفكر بالزواج ليش بلشتي حالك معي
وليش أنا بالذات
ـ طب انته ليش حارق نفسك هيك خلاص طنش ولا كأني كلمتك ولا شي واعتبر كلام إنقال وخلاص
ـ لا والله بكل هـ البساطة أنسى وخلاص وهيك حاجة بتنتسى ببساطة برأيك
ـ عبدو أنا خبرتك قبل هيك هاد قلبي أختارك وما بقدر أسوي حاجة
ـ لاوالله وين كان قلبك لما كنتي عارفة إني ما بدي أتزوج ليش حطيتيني بالأمر الواقع
ـ عبود ممكن أعرف أنت ليش حارق قلبك خلاص قلت لك إنسى
ـ رهف حاجة زي هيك ما بتنتسى بسهولة
ـ لا والله وليش إنشالله ما بتنتسى إنساني زي ما نسيت أمل وغيرها إنساني يا أخي واعتبر إني ما قلتلك شي خلاص إنسى
(وتبدأ رهف بالبكاء ويحاول عبدو يخفف عنها)
ـ عبود خلاص روحني البيت وأنت روح وأرجوك إنسى اللي حكيتوا إلك اليوم واعتبرني ما حكيت شي
ـ ما بقدر والله لو بقدر أنسى لكن نسيت من أول ما حكيتي مش أنتظرك تقولي بس ما بعرف في شي غريب حسيته وإنتي بتحكيلي قصتك تحرك فيني ونظرات عيونك إلي ما بعرف حسيت بشي غريب موجود فيني وكأنه إنسان نايم و ومع كلامك صحاني
ـ يعني لشو بدك تلمح لي
ـ ما بعرف والله إحساس غريب حسيته لما شفتك بتحكي معي بالمطعم كمان ما بعرف صراحة بدي أعترف لك بشي لكن لا تخديها علي نقطة ضعف أنا كمان حبيتك من أول ما شفتك وما بعرف ليش وكيف اللي بعرفه حبيتك وخلاص كنت بدي أعترف لك بس ما لقيت وقت مناسب ومع الأيام بديت أنسي نفسي حبك وأقول ما بتنفع لك وهاي غير عنك وهـ الكلام لين ما بديت أنساكي أنتي طلعتي لي وقلتي لي بحبك وعفكرة كنت منتبه لكل خطواتك وكنت عارف كنتي تلمحي لي وكنت بقول يا ولد مش إلك ومن هـ الكلام
ـ لاوالله وليش هيك بعد كل هـ العذاب بتسيبني أتعذب لحالي والله بتحكي جد
ـ آه بحكي جد وعشان هيك كنت كتير منفعل معاكي من أول ما حكيتي بالموضوع أنه طلبت نناقش الأمر بالسيارة عشان ما يبين علي التعابير بوجهي لكن بالمطعم كان كل شي هـ ينكشف
بس إنتي ضربتيني بالوتر الحساس وأجيتني بنقطة ضعفي وهي حبي إلك وهيك بديت أنفعل عليكي أكتر وأكتر وعفكرة كل كلامي معاكي من بعد ما طلعت من المطعم كان كلام ما بعرف شو بقوله عشان كنت بفكر كيف بديت أحبك لين ما بديت أتركك
ـ لاوالله وشو بتعني بكلامك هاد
ـ يعني الله يسامح زمان فيك ذكرني بعد ما كنت ناسي يا بعد ناسي
ـ بمعنى تاني أنا هيك ما بنفع أفهم بدي تبسيط
ـ يعني يضرب الحب شو بعذب شو بذل
ـ بمعنى تاني أنا هيك ما بنفع أفهم بدي تبسيط أكتر
ـ يعني بحبك إفرحتي هيك ببساطة عـ الآخر بــــــحـــــــبــــــك
(وبعد ما اعترف عبدو بحبه لرهف توقع عزيزي القارئ النهاية)







اتمنى تنال اعجابكم وصراحة ابا ردودكم وبكل امانة وصدق وعادي لو فية اي انتقاد ايجابيا كان او سلبي
وسلامتكم