بسم الله الرحمن الرحيم السلامووو عليكم ورحمة الله وبركاته يالله انك تحييهم نور الموزوع باطلالتكم البهيه الموووزركشه كل عام وانتم بالف خير يا رب <<<<احتفال بدخول فصل الشتااء وش مسوين مع البرد <<<<<<<<<لا يكثر المربعانيه على غفله بئلوكوا إيه .. >>>> للمعلوميه فقط انا ابوي ايطالي وامي فرنسيه وانا مدري وشلون طلعت لبنانيه >>>>منتهيه البنت المووووهيم ندخل في الموزووع دوغري أو المأساه بمعنى أصح <<< لايكثر الهرج في يومن من الأيام الي موب أشين من فيسي دخل علي جدي .. وقال شيلي عفشتس وحطي على قناة الجزيرة وحطي الغداء .. الين أجي .. وفعلا سويت كل شي .. بس عشان تدرون أني سنعة بعد ماتغدى جدي .. غسل وقال لي : فلانه تعالي همزي سيقاني المحترمات .. وبعدين ورى وجهتس اليوم كنه فقمة مستديره ؟ أنا وبكل علامات التعجب إلي على وجهي : ليه !!!! فيه فقمة متوازية أضلاع يوم أنك تقول مستديرة ؟ جدي : المسألة مسألة مبدأ يا اختي الفاضلة .. وبعدين كنت بجس النبض .. ....... وش رايتس فيني وانا مثقف ؟؟ .. أنا : زي وجهي .. الله يخلف بس جدي : يؤيؤ .. قويييييية .. تضلمين ثقافتي وتقارنينها بوجهتس العبوس .. تحطمت وقلت : لا لا لا السالفة ماينسكت عليها وركضت لغرفتي وعيوني تتقاطر حزنا وقهرا وانشقلت على الدرج وقمت وركضت.. ودخلت غرفتي ونسدحت على السرير وجلست اصيح <<<مشكلة المسلسلات قلت لازم ألقى حل أنا ما اقول ليه انا شينه ؟؟ هذا المكتوب وقضاء الله وقدره .. ليه كل ما اروح مكان العالم يعلقون الناس على وجهي .. === مره رحت لحديقة الحيوان .. أنا وصديقاتي .. مرو من عندي بزارين وش زينهم يهبلون معهم امهم .. قامت الصغيره تصارخ وتصيح .. وكل ما اقرب منها بشوف وش فيها ؟؟ مير تبعد عني وتصارخ وتصيح أنا قلت وش قصتها ذي .. لايكون مسحورة ولا فيها شي لا سمح الله لأن صياحها موب طبيعي وجت امها لها تركض تقول : وش فيك من الي ضربك .. قالت : محد ضربني بس الوحش طلع من القفص <<< تقصدني مير لو امها ضحكت كان يمكن خليتها على مزحة وضحكت وتناسيت السالفة و نسيتها لكن البلا ان أمها جت عندي وقالت : آسفين تعرفين بزارين ماعليهم شرهه لاتواخذينهم حسيت ان وجهي شبهه ومرتن من المرات رحت للبقالة أنا وبنات عموو يبون يشترون لأخوانهم الصغار فسحة للسكووول (الصباح)>>>>>وخروا عني بس اتحداكم يالعنقلش انا هع هع وماكان بوه احد يروح عنهم من العيال ... كلهم نايمين ..جاني رجال.. وقال لي : يؤ يؤ .. أذكر القمر يختفي لما يجي الصباح وش اللي طلعه الحين ؟؟ .. أنا بغيت ابتسي .. مرت سنين جرد ماحد غازلني .. واخيرا رجع لي نسبة 1% أمل أني اصير مزيونة والتفت عليه عشان اخذ رقمة واحبه واموت فيه .. هواه اول انسان رجع لي الأمل بحياتي ؟ مير لو مارقمن ابي اصيح عشان اخذ رقمة يوم التفتت قال : اعوذ بالله .. استغفر الله .. الله يرزقك يا خالة مامعي شي وبشتري موية .. <<يحسبن طرارة قالن بنات عمي : يوه طيرتي الرجال <<هذا الي هامهن ولا احاسيسي ومشاعري بالقُمامة <<<< شرايكم بالقُمامة؟ لنــــا عــــــــوده.... فاصل اعلاني: هذي الحلقه برعاية الممول الرسمي لها حليب نيدو ندعوكم لشرب حليب نيدو للصحه والقوه والنشاط اشرب نيدو ومش حتأدر تغمز يور ماوث>>>>ما فهمتوها طوفوها مو بلازم تزودون ثقافتكم هع هع >>>>لا ربحت شركة نيدو عدنــــــا مرة أنا وبنت خالي الصغيره الي برابع ابتدائي كنا نتناقش حول وجهي الجميل قلت لها : وش اسوي عملية تجميل عشان اصير مزيونه ؟ قالت : شيلي خشمتس وحطيه خشم حليمه وشيلي عيونتس وحطي عيون حليمه وشيلي براطمتس وحطي براطم حليمه وشيلي خدودتس وحطي خدود حليمه وشيلي اسنانتس وحطي اسنان حليمه وشيلي أذانتس وحطي أذان حليمه وشيلي رموشتس وحطي رموش حليمه وشيلي حواجبتس وحطي حواجب حليمه وشيلي جبهتتس وحطي جبهة حليمه همن شيلي وجهتس كله وحطي وجه حليمه بولند .. وتطلعين مزيونه .. قلت الله يلعن ابليستس وورى ما قلتي من البداية شيلي وجهتس وحطي وجه حليمه بولند بدال هالمشاوير عمتي لاجت بتوكل البزارين .. وهم معيين ياكلون .. تقول : الي موب ماكل بيصير مثل وجه ....... >>>>الاسم مشفر تشفيرا مبرحا هع هع هع يركضون يهجمون على الأكل تسنهم نمل مرة قال لي عمي .. أن فيه مستوصف .. مايوضفون بالصنطرال الا مزيونات <<يعني لو طبقت السماء على الأرض ما تتوضفين عندهم ..ومرة قالت لي عمتي أن الرجال هالأيام مايفكرون بالأخلاق أو الدين .. يفكرون بالجمال <<يعني لو تحبين كوعتس ما تتزوجين ومرة قالت صديقتي أن اخوي يغازل بالأسواق المزيونات .. <<يعني تحلمين يغازلتس اخوها ..ومرة قال جدي أن التلفزيون مايجيبون إلا مذيعات مزيونات <<<يعني لو تفطسين ماحطوتس مذيعة .. ومرة وحدة من صديقاتي الشينه مثلي .. قالت .. ماتلاحظين يافلانه أن البنات المزيونات مايصادقن الا مزيونات والشينات مايصادقن إلا شينات ؟؟ قلت : وانا اشوووووووووووف وسأل وافكر ليه تصادقيني ؟؟ اثره عشاننا مزيونات ؟؟ قالت : إلأ والله من الشين وانا صديقتتس <<<يعني مافيه امل نصادق مزيونات \\ \\ مايستفاد من المأساة .. 1- ادعولي اني ازين .. 2- انا ما اقول ليش انا شينه أنا اقول وش ذنبي لاصرت شينة يعاملوني الناس تسذا .. وتضيع علي فرص الدنيا لذلك لازم نشتري كراش9 <<جديد 3- صحيح اني اشبة حليمه بولند و نانسي عجرم وهيفا وهبي واليسا وباسكال .. لكن الناس يقولون انتي وعه .. ليش ؟؟ مدري .. بس تراها للمعلومية .. <<تعقبين 5- اللي تقوول ان حليمه بولند موب حلوه تغار منها 6- اللي يبي مساعده بالعنقلش انا حاضره عرض خاص لاهالي السعوديه: اترجم الكلمه بريالين موب تكتبون لي نصايح الحين ؟؟ وتقلبونها حزن .. كله استهبال وجعووة بس ترى صدز انا مزيونه هع هع الي بيجي .. اقل شي يقول يارب يكثر حلاك .. موب يدخل ويطلع ولا كني كاتبة هالموضوع \\ >>>>>>>>ترا الطفش يطلع ابداعات القفوا التحيات للجميع والقبلات للبنوتات فقط لا غير
تخيلوا نفسكم بمكانه وش بتسون | فرفووره انا واعمل ايه مرجوجه انا ذنبي ايه | شوفوا مساعد وهو يهيجن | اللي يعرف من ذي اللي بالصوره بشحن له جواله 100 ريال | اويلاه اذوب انا على هالرقص | قصتي انا وولد عمي مناحي هع هع | فمان الله للامير عبدالله الفيصل |
اليوم , 04:31 AM