[منسدح بالصاله]

فانا سمعت الكثير حول هذا الموضوع لدرجة ان بعض النساء تفضل ان يكون لزوجها مغامرات عاطفيه وعشيقات وغيره على ان يتزوج عليها حتى ولو كانت لاتحبه!!!!

ما ألومه إذا راح يتزوج عليها إذا هذا تفكيرها

ما أتوقع زوجه ترضى لزوجها بالحرام

طيب ليه الزوج يروح لمثل هذي الشغلات

ليه الزوجه ما تعبي قلب الزوج بكل شي ولا تخلي متنفس لأي وحده حتى وإن يبغى يتزوج

تكون مقتنعه بأنها أدت اللي عليها وتحمد ربها

ليه بعض الزوجات في بداية الحياه تكون مهتمه في نفسها وشكلها وجسمها وإذا مرت سنه

أو رزقها ربي بعيال خلاص أهملت زوجها وتجيه وريحة الطبخ تسبقها والثوب ما تغيره من أيام

والشعر تسويه أي كلام

يعني ليه الزوجه ما تحتسب الأجر وتسوي شكلها وتهتم عشان زوجها

هذا سبب إن الأزواج يتطايرون من البيوت من القهر

يروح يدور وحده تتغزل فيه وتعطيه من الدلع والتغنج اللي افتقده في زوجته ( بس مو عذر يقتحم الحرام )

حتى الرسايل اللي كانت ترسلها في أيام الخطوبه والغزل اللي كان بينهم انتهت وراحت

صارت ترسل له إذا طلع من البيت ( بيض وحليب )

طيب أعطيه كلمتين حلوه الرساله خمسين حرف لا تخافين ما بيصرف عليك

قولي يا حبيبي فديتك يالغالي جب معاك بيض وحليب

بس

والله ما بتخسرين رجل ولا يد

بيجيب السوق عندك عشان هالكلمتين

ليه الأسلوب اللي يجذبون فيه بنات السوق والمغازله ما تسوينه أنتي وأكثر لزوجك


يووووووه من بعض الحريم