بعضي سؤال ونص حزني اجابه
أشرب هموم الوقت من وقت مهموم
لو هي غرابه.. بس وين الغرابه
بعض الوجع مقسوم والبعض مقسوم
ضاقت عيوني والمسا به سحابه
يا بهجتي عيشي معي (حال) محروم
شوفي سراب الليل دمعي.. سرابه
تعبت اعدّ العمر يوم بعد يوم
مهما اسافر.. في عيوني كابه
مهما كتبت العذر يمحاني اللوم
احسب حسابه ..ليش ما حسب حسابه
يشكي لي الصبر والمؤيد على الدوم
الاسئلة دايم عتاب ومجابه
وانا بعد من لوعتي قلت: محكوم
اضيق لكن مارتوي من شرابه
النوم يسرق طيفها.. فزعة النوم
املّ من كثر التعب والرقابه
مظلوم لكن من يصدق لمظلوم
طاردت حزني والمتاعب زهابه
والبعد يمحي كل معنى ومفهوم
شاعر وانا شاعر بضيق ورتابه
عندي من اوجاع المسايير (بالكوم)
شاعر ونادر ما ستفز الكتابة
عثرة قلم - حزن والم صار مرسوم
شارع مع ادراج الرياح بشبابه
ما ضاع منه (الا تقاليد واسلوم)
تروح ضحكات السعادة نهابه
هذاك لو اني من الوقت مهزوم
وان زاد حزني باتساع ورحابه
وش ينتظر مني؟؟ فلا عشت مضيوم
وش ينتظر - دايم - وحضرة جنابه
ياما خذينا من سواليف واعلوم
مليت (مني) ما لقيت الاجابة
وش تكتب الدمعة على خد محروم
الابيات لـ عبدالله بن سمير الحربي