الإمبراطور
:70: :70: :70:
هل انتم ممن يؤمنون انه من الممكن ان تكون
هناك صداقات قوية و متينة عن طريق هذه الشبكة؟؟
نعم00
اذا عرض احدهم عليك صداقته برسالة
او اي طريقه مختلفه في هذه الشبكة العنكبوتيه
فهل توافق ام ترفض؟؟
وما هي الحدود تعاملك مع الطرف الاخر ان وافقت؟؟
رغم إنى لا أفرق إطلاقاً00 بين صداقة الولد أو البنت
يعنى بأعتبر الكل واحد00 يحمل إسم (( إنسان ))
لكن طريقة التعارف00 تختلف
لو بنت00 عرضت على صداقتها
برسالة مثلاً00 مفيش مانع
لو ولد00 ها أتكلم معاه00
ولكن ها أفضل شايفاه بعين فيها الكثير
من الشك والحذر00 إلى أن يثبت العكس
ولكن
مفيش صداقة بإتفاق مسبق !!
ياللا ياجماعة نوقع عقد صداقة بيننا ؟؟
لألألألأ00
ده إسمه تعارف00
يعنى زى (( جورج وسوف )) مابيقول
ياللا سلام00 خلص المشوار
لكن الصداقة
معناها أتكلم مع الشخص
مرة ومرتين وكتير
ومن خلال كلامنا00 نقرب من بعض
لتشابه ميولنا وصفاتنا
أو لتآلف أرواحنا
هل حدث و تعرفت على شخص عن طريق الانترنت
و توثقت علاقتك به الى درجة كبيرة جدا فأصبحتم كالأخوة؟؟؟
حدث طبعاً00 إنى تصادقت مع
ناس كتير هنا00 هم عارفين نفسهم كويس
وعارفين مكانتهم ف قلبى
(( معظم بنوتات المنتدى ))
وبعض الشباب الطيب المحترم جداً
مثل (( سعيد )) وآخرون
ومنهم ناس قابلتهم فعلاً00 وأكلت معاهم عيش وملح
وبجد بجد00 حاسة بيهم كأنهم (( أشقاء لى ))
(( سلطان الحنان - عهد ))
وناس لسه لم أقابلهم
بس كتير بنتصل ببعض
ونطمئن على بعض
(( د0 حورس - القلب المحطم - المسافرة -
رومانسى - روميو جدة - الأمورة ))
في رأيك ما الأسس التي قد تسهم في انجاح هذه الصداقة ؟؟؟
الأهم هو الإحترام00
وتآلف الأرواح << ناس بتحبها بدون سبب
نصيحة تقدمها لاخوتك ممن سيضطلعون على الموضوع....
النصيحة هى كالتالى
كل الناس اللى أنا إتكلمت عنهم
أو حتى لم أذكرهم بالإسم00 بس هم عارفين غلاوتهم عندى
كل دول00 عرفتهم عن طريق (( شرعى ))
يعنى من المنتدى
يعنى شفت كلامهم وموضوعاتهم
وحكمت عليهم من خلالها
وبالتالى إطمأنيت لهم00 وقدرت أكوِّن صداقات معاهم
لكن لو حد بعت لى من غير ما أعرفه
كده م الباب للطاق00
علشان يتعرف !!!
بصراحة00 مش بأحاول أعرفه من أصله
ويادار ما دخلك شر
* ومضة *
في هذا الموضوع نتحدث عن الصداقة بين الشاب و الشاب / الفتاة و الفتاة. في الشبكة ..بغض النظر عن الصداقة بين الجنسين ومحظوراتها فذلك موضوع مختلف ...
معلش 00 عارفة إنى تكلمت عن صداقة الجنسين
بس ما هو أنا قلت لك م الأول
سماء لا ترى من مخلوقات الله سوى النوع
الذى يحمل صفة (( إنسان ))
ولا أهمية عندى لكونه ذكر00 أو أنثى
ميرسى على موضوعك ياطيب00
وتحياتى إليك :pangel4: