إحصائية العضو
عدد النقاط : 220058694
ّ ّ المهم ... وقفت الثلاثي المرح في السرى ... والمشكله إنه من كثر الموجودين صار السرى واصل الين نهاية الخط يعني لازم تجلس جنب خرفانك عشان لاتشرد .. وتجلس تدفدف فيها الين مايوصل سراكـ طبعاً انا من يوم شفت " الثلاثي المرح " واقفه في السرى قلت في نفسي خلاص هي تمشي من وحدها وخلني اروح اشتري " كاسة شاهي " اعدل فيها المزاج وارجع اشوف وين وصلت <--- على باله الشغله هينه يوم رجعت ... حصلت " سعادتهم " ماتقدمموا ولا خطوهـ إلا رجعوا على وراء خطوات .. والله واروح لواحد من العمال واكلمه واقوله " تكفى بالله ابغاكـ تجي تدف الطليان حقتي عشان تمسك في السرى صح " الرجال طلع نشمي وقالي انتَ شايف كل العالم بتعمل ايه كل واحد ماسكـ " غنماته " وجالس بيدفها بيدهـ إيه والله يالنشامه خخخخ فهمت انا ايش يقصد ... ورجعت للثلاثي المرح ... واجلس اطالع فيهم من بعيد واقول في نفسي جاء اليوم اللي لازم اكسر فيه حاجز " القرف " <-- تحس إنه الولد تحمس شمرت الثوب ... واكمام الثوب كمان <-- وبدأ يتقدم خطوهـ خطوهـ اللي يشوفني وربي يحزن علي واضح إني جالس امشي وانا متقزز توكلت على الله ... ومسكت إثنين منهم مع قرونهم ... والثالث خليته قدامي ادفه برجولي وجلست ربع ساعه ماتحركت من مكاني الظاهر الطليان حاسه من مسكتي لهم إني ماعندي سالفه وماودهم يجيبوها لبر ... صارورا هم اللي يجروني على وراء والعالم " اللي جالس يضحك واللي جالس ينتظر وش نهاية الموقف " ولا احد فيهم فكر يجي ويساعدني <-- إنت وجهك هو وقت مساعدهـ هع هع كل واحد ملتهي باللي عندهـ ّ ّ يتبع /