[وهم عمري]

السلام عليكم مساء الخير مناسبة القصيدة : تحدي بيني وبين وحدة من صديقاتي قالت لي أنتِ كل قصائدك فخر أتحداك تكتبين قصيدة عاطفية وقبلت التحدي وكتبت هالأبيات .. وتراي أنتظر نقدكم عليها .. أخليكم معها ولاتنسون النقد ..

تعال وبدد جروحي وجبــّر خاطر(ن) مكسور = بقا لي من بعد غيْبَتْك صور وأشياء مكسورة
تعال وبعثر حروفي ولـــمّ الخافق المنثور= كتبت القاف من بعدك بنفس(ن) حيل مقهورة
حبيبي والجفا قاسي يعذّب خافقي مجبور = وأنا لا عذّب الفرقى ضميري بحت بشعوره
دموعي تنهمر لامن طرا طيفك مع الديجور = نثرت الدمع باسباب الفراق اللي سطع نوره
جذب قلبي لخفاقه حنون وممتلي بغرور = أحاول قد ما أقدر اشيم بنفس مغرورة
غروري قابل غروره كسرني وقبلها مجبور = كسرني مثل ما كســّر مياه الشاطي أصخوره
تعبت أخبي أشواقي وحبه داخلي محفور = تعب قلبي من الفرقى متى برتاح من جوره
أحبه والذي خلاه في عيني شعاع النور = أحبه من هنا لآخر مسافه ترسم حضوره
(مها) كانك تحديني أترجم خافقي ببحور = أبرسل لك قصيدي نبض m.m.s ومشكورة

بحور = بحور الشعر mms = رسالة وسائط

بقلمي