السلام عليكم ورحمة الله وبركاته
ياريت يا اعضاء منتدى همس القوافي الدائمين ان تعذورني .. ما تسنى لي الوقت اكتب قصيده خلال هذا الاسبوع ... فوضعت لكم قصيده قديمة لدي .
يمكن انقطع عنكم شوي الفترة هذي لانشغالي بالدراسه قبل لا ارجع ايرلندا وتبتدي الأمتحانات.
ادعوا لي بالتفوق .. وقبولي بجامعه الطب الملكيه الايرلنديه انشاءالله
((اهداء لكل من سافر .. ولديه احبائه هنا ينتظرونه ))
قلنا نسلم
قلنا نسلم للي نبغي سلامــــــــــــــه
خافي ٍ شوقه وخافي ٍ في حنينـــــه
قلنا نسلم ونسأل وش علامـــــــــه
زاد انتظاري وزاد قلبي طعينــــــه
ماهو من طبعه يجافي في غرامــه
والقطاعه ماهي من ارضه وطينه
وش حصل للي ذبح قلبي بسهامــه
وش حصل للي اخذ قلبي رهينــــه
كيف يتحمل اذا مالشوق لامــــــــه
كيف يقدر قلبه يحرر سجينــــــــــه
لامتى قلبي يماسك في زمامـــــــه
ماسك العبرات اهات ٍ حزينــــــــه
صبر دمعي اليوم قرب انهزامــــــه
خاذل ٍ راسه بصرخات ٍ وهينـــــــه
يرجي الرجعه ياطير ٍ كالحمامـــــه
دوم سفرات ٍ وبعدن ما اهينـــــــه
قلنا نسلم يالله بالخير دامـــــــــــــه
ياعسى ربي معاه دوم ٍ يعينــــــــه
بقلمي
وانشاءلله تكون اعجبتكم