مبسوطة من غسيلك تعالي اعلمك شلون

[بنت عساف]

صباحكم / مساكم سوكر


هل انتي من الناس اللي يقرون تعليمات العناية بالملابس الموجودة عليها قبل ماتشترينها؟
طيب تدرين ان 50% بس من الناس يسوون هالشي؟
الباقي مايدرون عنها او مايفهمون معنى الرموز اللي عليها وبعضهم يتخلصون منها لانها تضايقهم في اللبس
صحيح ان بعض الملابس مايحتاج لها عناية خاصة بس فيه بعضها مجرد خطأ بسيط يقضي عليها << ابد ماقد راح لها ضحايا
بيني وبينكم ماكنت ادقق كثير في التعليمات اللي عالورقة غير ان بعض الرموز مااعرف وش معناها اصلا
بس قررت اني اتعلمها كلها وحبيت نتشارك في هالشي
فهلمووووووووووووا بنا جميعا رعاكم الله لنفهم معاني تلك الطلاسم
ويااااااغسيلنا يااااااغسيل نانسي






تختلف بعض الاشكال من بلد لبلد بس اساس المعنى واحد
فكل طشت هو طشت
وكل مكواة هي مكواة
تعددت الرسوم والمعنى واحد
ترمز النقط الصغيرة في اي شكل الى درجة الحرارة
• نقطة وحدة يعني حرارة خفيفة
• • نقطتين يعني متوسطة
• • • 3 نقط يعني عالية



الاشكال الاساسية للرموز هي 5 اشكال


الغسيل
استخدام مواد تبييض مثل الكلوركس
التجفيف
الكوي
التنظيف الجاف







الغسيل
فيه عدة طرق ينصح فيها على حسب نوع قماش القطعة
فلو قماش الملابس حساس يفضل غسله غسيل ناعم مثل الصوف
ولو كان مرة حساس وخايفة يخرب حطيه بكيس مخدة قبل ترمينه بالغسالة
درجة حرارة موية الغسيل بعد ممكن تأثر على الملابس
فلو كانت درجة الحرارة اقل من الدرجة المنصوح فيها ممكن تبقى البقع ماتروح
ولو درجة الحرارة اعلى من المنصوح بتفكك نسيج القماش ويخرب شكله او يبهت لونه


ممكن تنغسل بالغسالة
درجة حرارة موية الغسيل دافية يعني وسط وممكن يكون بدل الرقم نقطتين
وعلى اساس هالرمز لما تشوفين رقم اقل من 40 يعني درجة الحرارة باردة واذا اكثر راح تكون الحرارة عالية
طبعا لو مافيه اي نقطة ولا رقم يعني انه ممكن تنغسل باي درجة حرارة
قطعة حساسة تغسل بنعومة
تغسل باليد
ماتغسل بالغسالة
وعادة هالرمز يكون معاه رمز التنظيف الجاف







استخدام مواد التبييض
اذا ماحصلتي واحد من الرموز اللي بسدحها بعد شوي يعني انه اوكي لو حبيتي تستخدمين الكلوركس


مسموح باستخدام الكلوركس
مسموح باستخدام الكلوركس المخصص للملابس الملونة
احيانا هالرمز يكون على شكل مثلث مخطط
اذا انتي قوية استخدمي الكلوركس في القطعة اللي عليها هالرمز
وشوفي وش بيصير





ي ت ب ع

[بنت عساف]

التجفيف



هذا الرمز يعني انه مسموح تستخدمين المجفف الكهربائي
واذا فيه نقط على الرمز يعني درجة الحرارة المناسبة للتنشيف
راح تكون على حسب عدد النقط
لاينصح باستخدام المجفف الكهربائي
ينشر على منشرة بالطول بدون عصر
يجفف عن طريق نشره على حبل
ينشر بالعرض على منشرة وهو رطب بدون عصر







الكوي

تختلف درجة حرارة الكوي اللي بتكون موجودة على الورقة ويعبر عنها بعدد النقط واحيانا بدرجة حرارة
مثل ماهو موجود عادة على المكواة
ولو كويتي القطعة بدرجة اكثر من اللي ينصح فيها بتخرب وبتخرب معاها المكواة اللي كويتيه فيها



تكوى بدرجة حرارة منخفضة وينصح فيها عموما للحرير
تكوى بحرارة متوسطة وتستخدم عموما مع الصوف
درجة حرارة عالية للكوي وينصح فيها عادة للقطن
هالرمز يعني ممنوع الكوي >> احلفي








التنظيف الجاف
الدائرة بشكل عام ترمز للتنظيف الجاف
بتحصلين رمز الدائرة فيه حروف مختلفة بس مايهمنا هنا نعرف كل حرف وش يعني لانها تعليمات مخصصة للمغسلة
الرمز الوحيد الخاص بالتنظيف الجاف واللي ممكن يهمك هو هذا



واللي يعني انه لايستخدم التنظيف الجاف لتنظيف هالقطعة






ختـاما


اتمنى ان الموضوع افادكم واستمتعتم فيه مثل ماانا استمتعت فيه وانا اجهزه
وكل غسلة وملابسكم بخير

[lovely & funny]

يسلمووووو
حبيبتي ماننحرم منك
استنى جديدك

[حالمة وحائرة]

الله يعطيك العافيه على الموضوع و التعليمات

وان شاء الله نطبقها

تقبلي مروري

[الورده الجوريه]

يسلمووووو يا قمر على النصائح والتعليمات ,,,,,,

الله يعطيك العافيه ,,,وأسمحي لي بنقل الموضوع للقسم الأنسب,,,

وتقبلي مروري