بسم الله الرحمن الرحيم
أشكركم بشدة على هذا المنتدى الرائع
أنا لجأت لكم بعد الله عز وجل وبعد ما استنفدت جميع الوسائل والسبل الممكنة لجأت
لكم وكلي امل انكم تساعدوني وتحسون بمعاناتي
انا طبيعة شعري انه متموج وفتلة الشعر مب ناعمة وااايد ويحتاج لزيت دايما... يوم كنت صغيرة كان شعري مرررة ثقيل وطويل.. ويوم صرت بالاعدادية تقريبا بدأ شعري يتساقط شوي وينشف .. لين وصلت لاول ثانوي صبغت شعري غصب عني لاني كنت رايحة عرس اعز صديقة عندي وما أثرت الصبغة في شعري وقتها وايد وصبغته بعد مرة في ثالث ثانوي حسيت بعدها ان شعري وااايد صار خفيف ونااااشف قمت سويت كريم فرد (جلات) بنفسي بدون ما استشير احد فقط اتبعت الارشادات وجاب نتيجة حلوة بس للاسف ما مر شهرين تقريبا او اقل الا ورجع شعري نفس اول واكثر صار يتساقط بصورة مب طبيعية وسويت كريم فرد ( ويلا استريت ) (3 مرات)بعد بروحي بدون ما اروح صالون ولا شي وما ياب نتيجة ... وكنت استخدم الاستشوار بس مب دايما بس في المناسبات ولاحظت بهالفترة ان شعري بعد ما اغسله يصير جاااف ومنفوش وخششن وما ينعم شوي الا يوم ادهنه والفه لمدة يومين ..وكنت استخدم اشياء طبيعية على شعري مثل حمامات الزيت وكنت اسوي خلطة قريتها بالنت تتكون من زبادي وعسل وزيت زيتون بس ما انتظمت عليها وما تحسن شعري بالعكس ازدادت حالته سوء لين يات الطامة الكبرى وهي ان رفيجتي اقنعتني ان الحل الوحيد هو اني اكوي شعري بمكواة الملابس لان هي دايما تكوي شعري ويطلع حرير وانا شفتها وهي تكويه فعلا وما يضر شعرها فوافقت لاني بصراحة يئست من شعري وياليتني ما سمعت كلامها ... ما اقدر اوصفلكم شصار بشعري غير اني اقول انه انتهى للاسف احترررق كله.. صار شعري مقصف وهااايش وخشن وحالته حالة بالذات يوم اغسله بالماي جربت واايد اشياء طبيعية مافي فايدة قمت سويت تمليس بعد ما فقدت الامل في كل شي وصار شعري حلو بعدها لمدة 4 ايام لين ما غسلته رجع مثل اول بل أسوء ! والحين انا محتاسة وحالتي حالة خصوصا ان زواجي اقترب واضطر استشور شعري غصب لانه هو الحل الوحيد رغم معرفتي انه يضر بس شسوي
اسسسسسسسسسفة طولت عليكم بس والله اني خايفة ومضااايقة وحزييينة على شعري وابي شعري ينعم ويرجع يثقل مثل اول وما يتساقط الله يخليكم ساعدوني وبدعيلكم من كل قلبي ان الله يوفقكم كلكم
وجزاكم الله الف خير
تحـــــــــياتي
زهرة