ظميت ومالقيت اللي علـى العـاده بيروينـي
تعبت ومالقيت اللي على كتفه احـط الـراس
ليا من غاب عن عيني احس الشـوق يكوينـي
وليامن شفته اقبالي يذوب القلب والإحسـاس
دخيـل الله يالغالـي ترانـي مابقـي فيـنـي
وصل شوقي إلى أقصى حدود الهم والهوجاس
غيابك جرّح اعيوني واحسـه حيـل يظمينـي
وحتى حرف طاروقي جفاه الحبر والقرطاس
يصيـح الحـرف باوراقـي ولا ودّه يخلينـي
حزن حرفي على قلبي وماوده يجيـه البـاس
ظمي قلبي ظمي سمعي وبات الهم في عينـي
يشق اجفونها جرح السهر والقهر والوسواس
اراقب مطلع الجوزا واشوف اسهيـل يبكينـي
وانته يالغضي تسري وكأني من بعيـد النـاس
بكت عيني على عيني لأنك حيييييـل تعنينـي
ولأنك كل شي عندي كتبت الشعـر بالكـراس
كتبته والعطش يحرق عروقي وانـت ناسينـي
كأنك انت من طيبه وانا من ساكنـي مكنـاس
سقى الله الزمـان اللـي تنادينـي وتسقينـي
واشرب من حلا ريقك وأتنفس مـن الأنفـاس
وسقى الله الزمان اللي جمعنا يـوم تعطينـي
وانا اعطيك من عيني ومن روحي بلا مقيـاس
وتالـي هالنهـار تغيـب وللغربـه تخلينـي
يضج الشوق في صدري وقلبي كنّه ابمحماس
تـري والله بالدنيـا مـابـه حــدّ يغنيـنـي
عن اعيونك ولا قربك ولا حبك ياتاج الـراس
لحجز
مساحه لموقعكـ اضغط هنا \\
إعلانات الشركات تتم فقط من خلال الإعلان بجوجل ومن ثم استهداف موقع غرام
اضغط هنا 
تعبت وما لقيت الي على كتفة احط الراس 
رد : تعبت وما لقيت الي على كتفة احط الراس 
العرض العادي
