السلام عليكم
عجبني العنوان وحبيت اشارك فيه
في البدايه بالنسبه لزواج اخي من فتاه تدرس بالخارج؟
اقبل ليش لا اذا كانت الفتاه على خلق ودين ليش ماتكون زوجه له يعني معناته ان كل فتاه عند اهلها وما تغربت تكون زوجه صالحه <<< اصابع الانسان مو سوى
بالنسبه لي فانا فتاه لم اتزوج وتغربت مع اخوي في الخارج في دوله اوربيه بعد مو عربيه وبصراحه كل غربيتي صارت فجاه يعني مقدر ومكتوب ماكنت حاطته بالحسبان ولكن والله ان الغربه زادتني ايمان وتقرب من الله اكثر وتعلمت من امور الحياه ما لم اتعلمه عند اهلي << صرت اعتمد على نفسي بكل شي
ومع ذلك انا تغربت مع اخوي يعني مع محرم ولكن والله انه يحرص علي اكثر من حرصه على نفسه ولا اطلع للكليه الا وياه واهو وياي يدرس بنفس الكليه لكن باختلاف التخصصات
انا اقبل وجهت نظر اخوي منسدح بالصاله ولكن عندي تعقيب على كلامه
اخوي منسدح بالصاله..... صدقني مو كل بنت تتغرب يعني تكون متعوده على الطلعه واايد وغيره في بنات عند اهلهم وبين اخوانهم يطلعون وفوق هذا يتصرفون تصرفات يشيب الراس منها
اقولها لك وبكل صراحه انا وحده تغربت مع اخوي وماكنت اطلع كلش << من الشقه للكليه و من الكليه للشقه الا بعض الطلعات القليله وبرقفه اخوي
بس صدقني اهو في النهايه يرجع لتربيه البنت و قوه ايمانه وخوفها من الله
وبالنسبه للاهل << فانا اقولك شي اثنين من اخواني كانوا معارضين على سفري وكانت اراء متفاوته بس بعد الاقناع وافقوا
وصدقني وانا عند اهلي بالكويت مااطلع من البيت بروحي
والحين الحمدلله كنت بدايه السنه ادرس مع اخوي الكبير والكورس الثاني التحق اخوي الثاني معانا والحين كلنا ثلاثتنا ندرس بدوله اوربيه وبسكن واحد
من وجهت نظري الشخصيه ارفض ان البنت تسافر بروحها للخارج بدون محرم معها يحرص عليها ويصونها.. لان من غربتي شفت بنات وايد متغلابين بروحهم بدون محرم بس كانوا يتعبون واايد
وبالنسبه للوظايف <<اقولها وبكل صراحه انا شهادتي ماجستير( انشاءالله اخلصها للحين انا ادرس) وماعندي اي مانع اذا ارتبطت بشخص يقدر الحياه اني اقعد بالبيت اذا كانت رغبته<< بتقولون ليش التعب طيب برد واقول في النهايه المراه تعليمها لزوجها واطفالها<< اللي هم اجيال المستقبل
اتمنى اننا نحكم على الناس من معاشرتنا لهم واحتكاكنا فيهم مو بس انها تغربت و اطلعت وغيره من الامور الظاهره الخداعه اللي انا اعتبرها في النهايه تظلم الانسان قبل ما نعرفه عدل
وياما ننصدم بناس كلهم مظاهر خداعه سواء رجال او نساء
<<<<<<<<<<<<<<<< ياما تحت السواهي دواهي
اعذروني على الاطاله بس حبيت اني اوفي الموضوع واعطيه حقه بالرد
تقبلوا تحياتي
اختكم
طيوبه