[نور هالكون]

وعليكم السلام أختي أمواج الشوق
< < أشكرك على طرحك الرائع > >


أنا بقولك وجهة نظري من تجربة عشتها وإن شاء الله ماأطول عليكي ،،،
أنا لي صديقة من وأنا في المتوسط إنسانة رائعة صح عليها بعض الملاحظات بس برضوا مافي إنسان كامل ، ماشاء الله علينا استمرت صداقتنا إلى الجامعه ، ماما قريب سمعت عنها كلام مو مره حلو قامت قلبت الدنيا علي وإلا تبغاني أسيبها ، أنا مرة مستغربة الحين أكثر من 6 سنوات مع بعض وبعد كذا يقولولي أسيبها ، لو إنها بتأثر فيني كان تأثرت من زمان ، بعدين هيه مو لهالدرجه سيئة أنا أعرفها زين وأعرف نيتها عشرة عمري هي صحيح مهي قمة في الإلتزام بس بسم الله عليها تخاف ربي وفيها خير كثيير ، والملاحظات اللي عليها بسبب أهلها هما كذا طريقتهم غير عننا ، هوه صح ماما خايفة علي وتبغى مصلحتي بس أنا مو صغيرة بدخل إن شاء الله العشرين قريب وأعرف الصح من الغلط ،

هذي حكايتي بإختصار ،

أنا أشوف إن الأهالي ينتبهوا لأولادهم ومين بيصاحبوا ويوجهوهم وينصحوهم بس مو يفرضوا عليهم اللي هما يبغوه ، لأنه إذا كان في إجبار في شي ثاني اسمه عنااد .!

وكمان زي ماقلتي إذا كان لنا صديق وغلط فين دور الصداقة ؟؟ ، مو ممكن احنا يسير لنا مثل اللي سار له ، مرة غلط إننا نتركه لازم نوجهه وننصحه وندعيله في نفس الوقت ،.

الله يهدي الجميع

ومشكورة مرة ثانية أختي أمواج ، إن شاء الله وصل اللي أبغاه ،
تقبلي مروري .