السلام عليكم ورحمة الله وبركاته
في البداية انا شفت هالموضوع في أحد المنتديات وحبيت انقله لكم
هالرسالة جاية من ( برجس ) وعلى حسب علمي انها منه شخصياً
أخليكم مع الرسالة
وش تتوقعون من هذه الرسالة
هل تتوقعون أني راح (أعتذر) عن اللي سويته ؟؟
بالعكس أنا ما أخطيت بحقكم ....حتى أعتذر منكم
وبعدين أنا البنت ما أختطفتها ولا سرقتها ولا نطيت من فوق الجدار
بالعكس هي جت معي برضاها ... ركبت معي السيارة برضاها
ودخلت معي الشقة برضاها ... من غير أي ضغوط .
وبعدين لو كانت البنت مستورة صدقوني ما راح أتعرض لها أو أقرب منها
أصلا أنت بنفسك فكر لو كانت بنت محجبه في السوق ماراح أحد عاقل يغازلها
بس لو كانت تلف الشيلة وتلبس عباءة فرنسية أو مخصرة شوف الشباب
وبعدين البنت لو كانت خايفة من الفضيحة ليش من الأساس ركبت معي ومع غيري؟؟
وبعدين قبل ما تخاف من الفضيحة ...المفروض أنها تخاف من ربها !!!وبعدين ليست أول وحده ولا آخر وحده تنفضح ...فهذا مصير كل وحده تمشي هالطريق .
واللي ما تنفضح بالتصوير ... ممكن تنمسك متلبسه بالجرم المشهود
وممكن تنسجل مكالمتها الهاتفيه ... وممكن تتسرب صورها
وحتى اللي يستخدمن الانترنت ياما شفنا فضايح جوالات وفضايح بال توك وغيرها كثير
فهذا جرس إنذار لكل من يسلك طريق الرذيلة والزنا والفجور
------------------------------------------------------------------------------------------------
تعليــــــــــــــــــــــــقي
أقول
اللهم أصلحنا واصلح أهلنا وبناتنا وشبابنا ..
وأرنا الباطل باطلاً وأرزقنا إجتنابه ....
وأرنا الحق حقاً وأرزقنا إتباعه ...
وأستر عوراتنا وآمن روعاتنا
اللهم نعوذ بك من الفتن ما ظهر منها وما بطن ...
ونعوذ بك من شرور أنفسنا وسيئات أعمالنا
إنك سميع مجيب
الـمرسل برجــــس
سجـن الحآئـر
سؤالي لكل من قرأ الموضوع
هل ( برجس ) محق في في فعلته بعد هذا الكلام أم لا ؟؟
ابغى من كل واحد دخل عالموضوع يجاوب ع السؤال
وما يهم اذا كانت بنت او رجال اللي يرد