إخواني أخواتي الاكارم ،، السلام عليكم ورحمة الله وبركاته
بما أننا نعيش في هذه الأيام بليال ٍ شتوية باردة والكل منا يتناول مصادر التدفئة اينما وكيفما تكون فقد استقطعت هذه الأبيات لكم بهذا الخصوص لنرى ماهو الحال لدى العاشقين في هذه الليالي ،، أرجو أن تنال إعجابكم وترقى إلى مستوى تطلعاتكم ، كما أقدم إعتذاري الشديد لإطالتها ولكن عليكم الصبر 0 ولكم مني فائق الشكر والتقدير مقدماً 0
[poem=font="Simplified Arabic,6,black,bold,normal" bkcolor="transparent" bkimage="backgrounds/20.gif" border="double,5,black" type=2 line=0 align=center use=ex num="0,black"]
الله على ريح السَّمر لا شعلوا فيه=تجيبه نسمات الليالي واشمّه
يحير فكري وقتها في طواريه=طاري ٍ يجي بشتات وطاري ٍ يلمّه
يا طول ليل الشتاء لااقفت عصاريه=ليله طويل وكل عاشق بهمّه
أحد ٍ مولّع واحد ٍ الشوق حاديه= واحد ٍ معه خلّه واحد ٍ ما يهمّه
واحد ٍ معه من خله طيف ٍ يباريه=واحد ٍ يقضي الليل بهمّه وغمّه
واحد ٍ عطاه الحظ واجزل عطاويه=خله بجنبه كل وقت ٍ يضمّه
&&&&&&&&&
وانا مع اللي حضه دايم معاديه=سحابة اشواقي سوداً مدلهمّه
أسبابها اللي باعني وانا شاريه=وقربه دوا قلبي وبُعده يسمّه
يا كم وكم يخطي وانا اللي اراضيه=ومنّي حنان ٍ ما يشوفه من امّه
بليّا خطا جفاني واقفت خطاويه=لا راعَى فيني ضمير ٍ ولا ذمّه
ياليتني ظلاله دايم واباريه=والا ولد خال ٍ له والا ابن عمّه
مير البلا عنّي المسافه تقصويه=لاني قريب ٍ حوله ولاني يمّه
انا دخيلك ياراعي السَّمر تطفيه=ماهوب عذروب ٍ فيه ولا مذمّه
لا شك ريحه يجذب الفكر يدعيه=وقلبي مع الطاري عذابه يعمّه
****************************
( نـديــم الليــل )
{{ ليـل الشتــاء }} 
العرض العادي
