ماكانت أيام الإجازة مملة مثل ماتوقعناها بالعكس رغم إنه مافيه سفر لكن كنا نطلع ونستانس
لدرجة إن الأيام مرت وخلصت إجازة مشعل وماحسينا فيها ,,
بدأت أيام الدراسة ورجعت أيام الروتين مافيها أي أحداث جديدة,,
وبعد مرور تسعة أشهر على ولادة (راما)بنت( هاجر)حدث اللذي ماكان على البال ولا الخاطر!!
دخل(مهند)على أمي وجدتي ووجهه كان متغيّر حيل ماشفته بهذاالشكل أبد وبدون مقدمات قال:
(فيصل)صارله حادث
جدتي صاحت(يارب ارحمنا) كيف حاله ألحين
(مهند) الحادث كان قوي و(فيصل)بالعناية المركزة!
حسيت قلبي إنقبض وجدتي تصيح وترددّ ليه هذاالحظ ياهاجر مين لك ولبنتك
(مهند): ياجدة أذكري الله ربي باذن الله بيلطف فيه وفينا
رقى مهند الدرج وطلع لهاجر اللي كانت قاضبة كتبها تدرس وماتدري شو الخبر,
(مهند):هاجر جهزي نفسك بنسافرللجنوب؟!
(هاجر):ليه وش صاير؟ خالتي أوخالي صاير لهم شي !
(مهند):مافيهم إلا العافية لكن(فيصل) صار له دقّة بسيطة ونبي نروح نطمن عليه,
(هاجر):لا لا فيصل بخير كلّمني اليوم بالظهر بعد مارديت من الكلية والله مافيه شي
(مهند): أذكري الله أنا قلت فيه شئ كل اللي قلته دقة بسيطة في السيارة وأهو بخير
(هاجر): بادق اطمن عليه
(مهند): خذي بنتك واللوازم وفي الطريق نكلمه سوى ونطمن عليه
بين صياح هاجر وجدتي ودموع أمي المفاجئة دق تلفون(مهند) كانت خالته (العنود) تبي
تسافر معاهم وهنا زاد جنون(هاجر) وصياحها
لحظات وعمّ العدوء بعد ماسافروا وياهم الجدة,,
ثلاثة أيام بالضبط ووصلنا أسوأ خبر موت (فيصل) ولأول مرة في حياتي أحس الدنيا ظالمة
سافرت أمي و(ناصر) وانهالت الإتصالات من كل مكان الكلية والأقارب والصديقات,,
ومامرّ أسبوعين إلا (هاجر) ببيتنا!!
طلعت بشكل وردّت بشكل ثاني تماماً ماتاكل ولاتتكلّم ونادراً ماترد على أحد وبعد أيام زاروها
صديقاتها (ريما) و(الهنوف),/
(ريما): هاجر مابقي شي وتخلص السنة لازم ترجعين للكلية
(الهنوف): صح مابتنسين بس بتطلعين من جو الحزن اللي عمره مابيرجع اللي راح!!
(هاجر): مانطقت بكلمة كانت دموعها هي اللي تتكلم عنها,
(ريما): إنتي داومي وبس وكل اللّي نبيه منك شهادة الوفاة عشان نطلع لك عذر لغيابك
صدقيني ياهاجر محد بينفعك غير شهادتك وهذا امتحان من ربك
وفعلاً هذااللي صار طلبت (هاجر)من(مهند) يجيب لها شهادة الوفاة لأنها بترجع تداوم
(مهند)في ذهول:إنتي بعدك ماكملتي العدة ولاخلصتي حتى شهرأجلّي هالترم
(هاجر):إذاعلى العدةأكملهاوأنا أدرس وعدتي المفروض أكملها ببيتي وبيت زوجي لكن لاتفكر
أنساها لك يامهند !!
(مهند):هنا وهناك البيت وااحد وإذا رغبتك تكملين براحتك!
وأخيراً رجعت(هاجر) للدراسة وبدا جو ّ الحزن يتقلص وبسرعة البرق خلصت السنة وشرفت
العطلة الصيفية ,, وياليتها ماشرفت !!