اقتباس:
المشاركة الأصلية كتبت بواسطة همسة غلاااا
 السلام عليكم ورحمة الله وبركاته
صباح\ مساء الخير
يتبادر البعض ممن عرفني في هذا الصرح الأنيق اين كنت ؟ وماهي اسباب غيابي؟
يطول الشرح وتتبخر جميع الأجابات في حضرتكم .. في لقاؤكم.. في الأنس بكم
لا اعلم اهي القصيدة من ستعتذر بالنيابة عني ام ان الأعتذار لايكفي ان ينطق به لساني او تخطه يدي
اربع اشهر من الغياب كفيلة بان تدوي صرخات الشوق والألم بفقدكم .. كفيلة بان اعود وارتمي في احضان منتداي
الذي عشقته بكل مااوتيت من قوة.. ولكن يبقى السؤال هل عذرتموني؟ كم اتمنى ذلك؟ هذه ابيات بقلمي اهداء مني .. لكم
من وين مالتمت ظروف ومصايب
صدري وسيع واكثر الهم مخفيته
اصبر صبر لو حظ الأيام عايب
واتكل على اللي لاضاق صدري نصيته
واتهيا للظروف كنها عندي وهايب
وادمح خطا غيري لو ماقويته
ياذا الزمن من وين ماعشته عجايب
حتى الأمل مقطوع يوم اني رجيته
وين الأمل والحلم في الروح ذايب
يوم الأماني تنقتل ولا شكيته
معقول اقول ان الزمن دوم خايب
ولا ذنب السنين اللي عشته وجنيته
احدن يقول فاتتك مسرى الركايب
وانا على ماني عليه دربٍ ومشيته
اكن الحزن في صدر(ن) ضلوعه لهايب
ودمعي اللي غرق جفوني ولابكيته
جيت الغرام اللي سكن قلب غايب
انا والقلم والبوح ووقتي اللي عطيته
ماهمني لو لامني اهل وقرايب
دام الوعد مكتوب حفظته وجيته
ودام اني اشم الهوا من راس شايب
تفداه دنياي ماورثته وماخذيته
|
اختي الغاليه
هموووووسه
اول شي الحمدلله على السلامه
ورجعه حميده وانشالله عساها أخر الغيبات
وعلى قولتهم من طول الغيبات جاب الغنايم
امامسأله من عرفك في هذا المنتدى فأنا اقول
متى غبتي عن قلوب اعضاء منتدى غرام وخصوصأ اعضاء قسم همس القوافي؟؟
تعرفين كم لك معزه عند عشاق همس القوافي في منتدى غرام!!
صحيح انك غبتي عن القسم لكن ماغبتي عن الذاكره ولو لحظه!!
اما مسألة القصيده فلا شي غريب همسة غلاااا انا تأكدت انها رجعت ونورت القسم بأنوارها المعروفه!!
ومن كثر فرحتي برجعتك احس انك اكلتي الجو على القصيده والتعليق في نفس الوقت!!
لاعدمتك اختي وصح السانك
والأكيد انك تحملين الجديد والجديد
ولكن لاتبخلين علينا بجديدك
والقصيده كالعاده اعجبتني
واعجبني بزياده البيت هذا/
ودام اني اشم الهوا من راس شايب
تفداه دنياي ماورثته وماخذيته
صح السانك والله يخلي لك المقصود
لاعدمتك وتقبلي تحيات وتقدير
اخووووووووووووووووووك
ومتابع قلمك الراقي والرايق
اخوووووووووووووك
أســــ الغنج ــــير