[ام الفله]

يتــــــــــــــــــــــــــــبـــــــــــــــــــ ـــــــــــــــع


الساعة 2:30 الظهر


مازا تصارخ : بنات قوم بابا كبير قول في روح بر يالله
يارا أخذت المخدة ورمتها على جبهة مازا
مازا : وووجع مافي شوف أنتا
يارا : يا سيلانييه يامال الإسهال إن شاء الله
مازا : أنتا إسهال مو أنا في
فرح تصارخ : وووووجع وش فيكم
مازا : بابا كبير قول في رووح بر
فرح : خلاص روحي أنا أتصرف ماعليك أنتي
فرح راحت المغاسل غسلت وقومت البنات بعد جهد جهاد قاموا
فرح لبست بنطلون جنز و بلوزه صفرا حاطه على شعرها شريطه صفر وجوتي اصفر بالأسود ونظاره شمسيه من ديور
لجين لابسه بنطلون جنز ببلوزة زيتي بالأسود وحاطه على شعرها شريطه زيتيه ولابسه جوتي اسود ونظاره شمسيه من فرسا تشي
غلا لابسه بنطلون جنز فاتح ببلوزة وردي مخطط بالأسود وحاطه على شعرها ورده ورديه ولابسه جوتي اسود ونظاره شمسيه من كوتشي
يارا لابسه بنطلون اسود ببلوزة رمادي بفضي وحاطه شريطه رمادي ولابسه جوتي رمادي ونظاره شمسيه من شانيل
لميس لابسه بنطلون جنز غامق مع فاتح ببلوزة ازرق غامق بكريستال فضي ولابسه جوتي اسود ونظاره شمسيه من بولجاري

@@@@@@@@@@@@@@@@@@@@@@@@@@@@@@@@@@@@


طلعوا بأربع سيارات السيارة الأولى الأغراض ويسوقها راجوا والسيارة الثانية الحريم ويسوقها أبو لجين والسيارة الثالثة الرجاجيل ويسوقها نايف والسيارة الرابعة أحلى سيارة وهي البنات ويسوقها خالد وبجمبه طارق وبجمبه طلال
خالد لابس بنطلون جنز ببلوزة سوداء كت وقبعة سوداء ونظاره شمسيه من ديور
طلال لابس برمودا اسود وبلوزه بيضاء كت وقبعة سودا ونظاره شمسيه من بولجاري


%%%%%%%%%%%%%%%%%%%%%%%%%%%%%%%%%%

في سيارة خالد


طارق : خالد ممكن أسوق
خالد : تأمر أمر إذا أنت ماتسوق مين اللي يسوق
طلال : ترى سيارتك بتروح فيها لا تقول ما قلتلك
طارق : أنت مالك دخل أنا أصلاً أحسن سواق
يارا : إذا بيسوق بنزل مالقيتوا ألا الورع يسوق
نجود : خالد لو سمحت إذا بيسوق نزلنا وخله يسوق
خالد : ماعليكم طارق رجال يعرف يسوق إن شاء الله
مشاعل قامت تصفق وجود تصفر : ايوواا طارق عاشوووا طارق
طارق : هذي الناس وألا بلاش
خالد : وش عليك في ثنتين من البنات يشجعونك
طلال : ما أقول ألا الله يكون في عون سيارتك بنات اربطوا الحزام مايندرا يمكن تتقلب
طارق يستهبل : فالك ما قبلنا ياوليدي وش ذا الحتسي
مشاعل : هههههههههههههههههه حلوووه
طلال : هههههههههههههه لا يشيخ
خالد : أخس وش ذا الكلام هااا هههههههه
طارق : يالله خالد قوم انزل
نزل خالد وجاء مكانه طارق .. فرح كانت عند الباب فتحت الباب وأنزلت ونزل معها غلا ولجين ونجود ولميس أما مشاعل وجود ويارا بقوا بالسيارة
خالد : هااا يارا ليش مانزلتي
يارا : اصلاً أنا مااخاف ليش انزل ادري انه ورع
طلال : مو حرام عليك خليت البنات ينزلون
خالد : إذا تبي تنزل انزل معهم
طلال : هذا اللي بسويه
نزل وجت عنده غلا : طلال شنسوي ننتظرهم يخلصون
طلال : لا شكله ما نافعتنا ألا رجولكم والمخيم قريب
غلا : لا ما أبي امشي
طلال : اجل انتظريهم يخلصون هذا إذا مروك
غلا : بنات عادي تمشون
لجين : لا تعب
نجود : ما عندي مانع
لميس : لا نقعد
فرح : ..........
غلا : وأنتي يا فرح
فرح : كيفكم
طلال "عرف أنها فرح اللي شافها أمس أم بجامه برتقالية " : أنا بروح اللي يجي يالله
غلا : حنا بنقعد أحسن وأنت تعال أخذنا بسيارة نايف
طلال : اوكي
فرح تهمس بأذن غلا : لا خلينا نروح أخاف نقعد بالحالنا يمكن احد يجي والمخيم شوي بعيد
غلا تعمدت ترفع صوتها : عادي روحي ترى ولد عمك ليش تستحين
طلال : يالله ترى بمشي وراح يمشي
فرح : هين اوريك يا غلا
غلا : وش سويت هاا
فرح : لجين قومي خلينا نروح
لجين : بصراحة مافي خوف وبعدين شوي ويجون
فرح : احد يقوم معي
نجود : خلاص طلال بجيب سيارة نايف
غلا : روحي نشوفك مارح تضيعين وبعدين اخوي قدامك
فرح راحت تمشي ورى طلال بمسافة
طلال : أنتي بأي صف
فرح : .......!!!!!!
طلال : ليكون زعلانه من أمس
فرح : ما ادري ليش ازعل وش بيني وبينك
طلال : بنت عمي واسألها إذا هي زعلانة أو لا عالعموم ماقلتيلي بأي صف
فرح : ما أظن يهمك تعرف
لف عليها طلال : مين قال ما يهمني وابتسم لها
فرح : استغفر الله وقعدت تمسي بسرعة لين تعدته
طلال : شوي شوي انتبهي لنفسك
فرح لفت : مالك دخل وكملت مشي
ألا طارق يسوق جاي عندها هي رجعت تركض وتصارخ مالقت قدامها ألا طلال رجعت مسكت كتف طلال من وراء _ طلال يأشر لطارق يروح للبنات ( لجين وغلا ولميس ونجود ) يخرعهم
طلال : ها مو توك القوية اللي ماتخاف
فرح : اووف فكت يده أنا بروح للبنات لو قاعدة أحسن لي
مشت بتروح للبنات تسمع احد يمشي وراها لفت ألا طلال
طلال : ما اقدر أخليك لحالك أخاف عليك يا أم اصفر وابتسم
فرح لفت قدام سكتت وابتسمت عليه وكملت طريقها

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $

طارق وخالد والبنات يارا ومشاعل وجود مولعين على أغنيه حسين الجسمي " بلغ حبيبك " يصفقون مستانسين
الكل : بلغ حبيبك وقله باخذك منه
هذا هو الحل مالي إي حل ثاني
ما اقدر اقعد وأشوفك بس واستني

يارا تصارخ : شوي شوي راسي بينفجر
خالد : يعني اقصر على الاغنيه
مشاعل : ماعليك منها ماتبي خلها تنزل
يارا : أقول انطمي يالورع
مشاعل : ما الورع الا وجهك
جود قاعد بينهم تدق رقبة
يارا : ههههههههههههههههه
مشاعل : ههههههههه ايواا ايوااا
مشاعل : أقول طارق ادعم البنات هناك وقعدت تصارخ ايوووا طاارق أقوى طاااارق عاد الغبي ما صدق على الله وقام يسرع رايح عندهم ولجين ونجود ولميس يركضون وغلا ولا عليها تمشي مطنشه
طارق : يعني والله مو خافيه أوريها
خفف السرعة وهي تمشي الا صقعها بالخفيف وهي ماقصرت طاحت على وجهها على حجره كبيره وشوك ونزف منها دم على طول نزل خالد يساعدها ويشوفها
خالد : سلامات مسك يدها عسى تورتي
غلا تبكي معصبه منه : وخر عني
خالد : طيب أنا شسويت عشان تعصبين علي
غلا : لا ابد ما سويت شي مسكين مو كأنك أنت اللي قال لطارق يسوق آآآه آآآه يعور
خالد : والله آسف ما كان قصدي
جوا طلال وفرح يركضون من بعيد
طلال : سلامات وشفيك غلا
غلا : شوف أخوك وش سوى فيني آآه آآآه تأشر على رجلها لأنها كانت تنزف دم
طلال على طول شالها وركبها السيارة ودوا البنات وطارق بالمخيم خالد طول الوقت سرحان
طلال : ماعليك خالد أنا بوديها
خالد : لا بروح معاكم أنا السبب وبعدين أنت ماراح تدل طريق المستشفى
طلال : يعطيك العافية

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$


في الإستـــــــــــــــراحـــــــــــة

البنات راحوا قسم الحريم وراح معاهم طارق خايف من أبوه
درا الكل بالخبر
أم نايف : أنا اوريك يا طووريق كذا تسوي بأختك
طارق : والله ما كان قصدي ماشفتها
أم نايف : اصلاً من قالك تسوق أنت ووجهك
طارق : خالد
فرح : كذاب مو أنت طلبت منه وقلت له انك تعرف تسوق وأحسن سواق .....
مايمديها خلصت كلمتها الا صوت ينادي
: طاااارق طاااارق وووجع
طارق : يمه ماراح ارووح أنتي تعرفين أبوي شبسوي فيني
أم نايف : رووح تستاهل اللي يجيك
نايف : طارق تعال أبوي يبيك الحين


$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$


في المستشفى


خالد : ها طلال بشر وش قال الدكتور
طلال : يقول كسر خفيف بس يبغى وقت علشان ينجبر وجروح بسيطة الحمد لله
خالد : والله ما كنت ادري انه مايعرف يسوق
طلال : ما عليك قدر الله و ما شاء فعل يا لله بدق على أبوي اطمنه


%%%%%%%%%%%%%%%%%%%%%%%%%%%%%%%%%%

في فسم الرجاجيــــــــــل


أبو نايف : نعنبوا دارك أنت ما تشوف
طارق : يالله أقولك ما شفتها
أبو نايف : اسمع هم ودوها المستشفى وأنا ما ادري وش صار لبنتي والله لو صار لها شي لا تلوم الا نفسك
طارق : لا ما صار لها شي بس نزل شوي دم
دق تلفون أبو نايف : هذا طلال الله يستر _ الو
طلال : السلام عليكم
أبو نايف : وعليكم السلام ها طمني وش صار
طلال : ما صار الا الخير بس جروح بسيطة وكسر خفيف
أبو نايف : كســــر
تخرع طارق " ياويلي كسر الله يستر "
طلال : بسيط تطمن يبه وبعد قال يومين ثلاث أيام بالكثير وتطلع
أبو نايف : وشـــوو بتنام بالمستشفى
طارق " لا السالفة فيها نوم عز الله رحت فيها يا طارق اليوم نايم بره الله يستر "
طلال : إيه على ما ينجبر الكسر
أبو نايف " يخز طارق " : الله يقومها بالسلامة
طارق " وهذي خزه من أبوي بعد وش بقى "
طلال : اللهم آمين
أبو نايف : يالله اجل مع السلامه
طلال : مع السلامه


@@@@@@@@@@@@@@@@@@@@@@@@@@@@@@


عند الحــــــــريم

دق جوال فرح بنغمه " والله ما يسوى " لحسين الجسمي لأنها كانت تحبه مرررره
فرح : الووو
خالد : لا تقولين شي تكلمي على أساس اني وحده من صديقاتك
فرح : هههه هلا خوله
خالد : مالت عليك مالقيتي الا هالأسم
فرح : أمري وش عندك داقه
خالد : لا بس بغيتك تدقين على غلا تشوفين شخبارها وتسألينها إذا هي زعلانه مني وألا لا
فرح " تبي ترفع ضغطه " : طيب أنتي وش تلبسين بالحفلة
خالد : أي حفله أقول والله ما أخليك البنت بتطلع بعد يومين
فرح : الله يقومها بالسلامة يعني ماراح تسوون حفله
خالد : اسمعي تجهزي وجهزي إغراض لغلا بجيك أخذك عشان تصيرين مرافقه
فرح : اوتسي تكرم عيونك
خالد : عن المصاخه طيب قولي لأمها انك بتصيرين مرافقه لها ماله داعي تجي
فرح : اوكي يعني ما قررتوا الحفلة
خالد : أيــــــــــــــــه
فرح : خلاص يا قلبي ما أطول عليك
خالد : وأخيرا لا طولين علي
فرح : يالله باااااي وسكرت بوجهه


$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$

أبو نايف : طوييييرق روح قول لأمك إن أختك مارح تطلع الا بعد يومين
طارق : ليه عايف نفسي ارووح أقولها والله بنتك بتطلع بعد يومين وأنا اللي داعمها روح أنت لزوجتك قولها
نايف : طارق قووم لا يصير لك شي ماترضاه من أبوي
طارق : طيب أنت ليه ما تروح مو أحسن
نايف : قوم لا يجيك طراق
طارق : طيب يالله ياكثر طلباتكم


%%%%%%%%%%%%%%%%%%%%%%%%%%%%%%%%%%

عند الحــــــــريم

طارق : يمه
أم نايف : ها بشر وش صار لأختك
طارق : أنا ادري أن إيمانك بالله قوي وانك راضيه بقضاء الله وقدره وانــ........
الجده : أقول اخلص علينا وش صار بأختك
طارق : والله ما ادري وش أقول
يارا : بتقول وإلا اجيك اكفخك
طارق : بقول بقول غلا بتنام بالمستشفى يومين
أم نايف : بسم الله عليها بنتي وش فيها
طارق : كسر وجرووح خفيفة _ راح يركض
أم نايف : والله ما أخليك يا طوويرق كذا تسوي بأختك اوريك


%%%%%%%%%%%%%%%%%%%%%%%%%%%%%%