لقيـت لكم قصه على كيف كيفكم بين صديقين
اقروووها واحكمووا
كان فيه اثنين زملاء سعود وخالد يدرسون في بريطانيا وبعد انتهاء فترة الدراسه قرروا يرجعون لاهلهم فقال خالد لخويه قبل ماتروح لديرتك تعال معي لديرتي وبعدها رح لأهلك فوافق صديقه وهم في الطيارة راجعين دق اخو خالد وقال لاخوه ان جدتي توفت ....
فقال خالد لاخوه انا معي زميلي سعود وعازمه فلاتقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا لما وصلوا , وصلوا على الجنازة وقعد سعود له مدة في ديرة خويه اعجب بنت جيران خالد وقال لزميله اني ودي اتزوجها فرح خالد وقال انا مستعد اخطبها لك وفعلا خطبها له وخبرسعوداهله وسوو الزواج ورجع سعود لديرته وبعد مدة طويله كبرت تجارة سعود وطلع تاجر وغني وخالد خسر كل امواله وتجارته فقال مالي الا اروح لصديقي اكيد بيساعدني وفعلا راح وهو منتظر شوفه زميله بفارغ الصبر لما سأل عنه ووصل لبيته صار مو بالبيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك خالد بن فلان عند الباب وانه محتاجك مرة مرة وان حالته كذا وكذا وبعد مارجع البواب عطى خالد فضله عشى سعود تخيلوا !!
ضاق صدرة خالد وقال هذا جزاء الصداقه المهم وهو راجع رجليه في الطريق لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ خالد انه هو اللي جاهم الاول واخذ المليون وتاجربها في وقبل ما يرجع ديرته لقى عجوز معاها بنت وقالتله العجوز ابي اخلي البنت عندك واروح احج اذا مارجعت تزوجها وخلها عند اهلك ولما طولت العجوز عقب الحج اتزوجها وسوا حفله الزواج بديرته وفي اثناء الزواج وكان من ضمن المدعوين زميله سعود
لما شافه خالد عصب
وقال للحضور اطردوه هذا خاين العشرة والصداقه تخيلوا انه لما جا معي لديرتي وكانت جدتي ميته ما علمته عشان مايضيق صدرة على وخطبت له بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضلة عشاااااه
تدرون وش قال سعود؟؟؟؟؟؟؟؟؟!!!
قال اسمعوا واحكموا علي ...
نا يوم جاني خالد وهو محتاج ماحبيت اشوفه على حالته هذي عقب ماكان تاجر وكبير اشوفه صغير ومحتاج واتفضل عليه بشي من عندي عشان كذا عطيته فضله عشاي
وبا النسبه للتاجرين اللي متراهنين على مليون هذولي اخواني انا مروحهم له عشان يفكون ضيقته
اما بالنسبه للعجوز اللي معاها البنت فـ هذي امي والبنت هذي طبعا اختي فـ وش رايك ما احضر زواج اختي...؟؟!
شفتوو سعود ياحليله والله
تحيآتي/ مرآيــم