يالله طلبتك وانت المانع المعطي
يارب فرج على المحزون ضيقاته
*************
اللي بحال العنا والهم من مبطي
ماهوب قادر يحصل بعض ما فاته
*************
ظميان وش عاد لوياقف على الشطي
ماظن دجله يكفي بلة شفاته
*************
يمشي مع الناس بالكتمان متغطي
ياعل تقضي بطول الصبر حاجاته
*************
يارب مامن عبادك حي ما يخطي
وانته تجاوز لمن هو تاب زلاته
*************
والطير لوطار يم القاع وان حطي
مراده القاع وان طول بحوماته
*************
واللي على النفس بالالواح قد خطي
يجري ولا تنفع المفجوع عبراته
*************
كم من غني بسيف الموت متوطي
مابيض المال عند الله صفحاته
*************
وكم من فقير عليه اهل الردى تسطي
اليا دعا الله تفتح له سماواته
*************
يارب لولاك ماريح النفل عطي
بالبيد ايضا ولاميل لنسماته
*************
ياسامك السبع فوق السبع بالضبطي
في ست الايام واثبتهن باياته
*************
ابسط لداعيك في قلب الدجى بسطي
اللي سهر بين شهقاته ووناته
*************
يوم هجع كل حي قام يشتطي
يبكي وهو يقهر العبرات بسكاته
*************
لو دون حاجات روحي هالنوى شطي
ماخيب الله لعبد حسن هقواته
*************
!! أنـثـى الـ خ ـيـآلـ !!
يسلمووو يا عسوووله ,,,الله يعطيك العافيه,,,,