[ملكة البحر]

اغلب مواضيعي يمكن تخصنا وتخص غيرنا احيانا ويدفعني لكتابة الموضوع بصراحة موقف شفته واثر في كثير وياليت اللي عنده طفل اوطفلة يخلي باله منهم لأنهم أمانة من رب العالمين واذا تحملنا الأمانة لازم ما نتساهل فيها كثير . بالأسبوع الماضي كنت بمركز تجاري كبير وفجأة شفت واحد ويمكنه سواق لعائلة ما ومعه طفل صغير يمكن عمره ثلاث سنوات تقريبا وكان الولد يبكي لأنه يرفض يروح مع هذا الرجل . طيب انتوا ما شفتوا اللي شفته الرجل الولد لما رفض يطلع الدرج الكهربائي معه تمسك الولد بعمود حديدي بعيد بشئ بسيط عن الدرج المهم قام هذا وسحب الولد بقوة وبعنف وبدون رحمة والولد يصرخ ويترمى بالأرض ولفت انتباه حارس امن ولما طلع مع الولد اظن انهم سألوه وطلع سواق وتركوه وبالملاهي يمشي مع الولد وهو يبكي يعني يخدع الأهل على اساس انه يلعب بالملاهي وهو يبكي ومعه اكل ويرفض ياكل . فين امه وابوه ؟ طيب بالبيت كيف ؟ متروك مع السائق يأكله ويشربه ؟ وكيف ينام ؟ هذي الظاهرة منتشرة كثير واحيانا الخادمة والسائق يمشوا الصغار والكبار بالمطعم او بالسوق او 000
ماشافوا اولادهم كيف يضربوهم او يعاقبوهم بقساوة . يمكن الأهل يعاقبوا بطريقتهم بس ما تكون مؤذية مثلهم
واهاليهم مايسمعوا باللي صاير بالصغار المهملين بأيدي الخدم والسائقين ولا لسه ماعمرهم سمعوا ياناس خافوا ربكم انتوا ماتدروا عنهم لما كانوا ببلادهم اذا مجرمين ولا حرامية لاتقولوا طيبين لأنهم قليل جدا . هل يرضوا على اطفالهم يتكلموا لغة غير عربية ؟ ولايتعلموا ديانة ثانية غير الاسلام ؟ ولا عادات غريبة ليست من عاداتنا ؟ وممكن يتعلموا السرقة واشياء كثيرة عن طريقهم .
وفيه ناس ( وهذي حالات غريبة ) اللي تعذب اطفالها واحيانا مصيرهم القتل وبدون سبب . وهذي قمة في اختفاء الأنسانية من على وجه الأرض .
ممكن البعض يزعل من كلامي ولكن من المناظر اللي اشوفها تتكرر ومانقدر نسوي لهم شئ . والقصص اللي نسمعها اكبر واعظم . بمنتديات ثانية فيه ناس زعلها كلامي وتقول حرام هذا الهجوم على الخدم يعني ما سمعت او شافت اكاذيبهم وخداعهم بمواقف ما . بس انا حبيت انبهكم وكل واحد حر في اولاده . صح؟