.. .... : وين ؟
غلا نقزت : بسم الله .. هلا يمه
أم بندر مستغربه : وين رايحه غلا ؟
غلا أرتبكت : ها لأ ما بروح مكان .. أقصد صديقتي برى تنتظرني تبيني أعطيها أوراق من البيت عشان بتاخذهم بتصورهم و بتردهم لي
أم بندر أستغربت أكثر : أوراق شنو ؟ غلا باقي 3 أسابيع و تبدأ المدرسه حق شنو هالأوراق
غلا : أي قلت لها بس هي الله يهديها تقول تبيهم الحين
أم بندر تحاول تصدق بنتها : أها أوكي روحي و لا تتأخري
غلا : أوكي تشـآآو
ليال حست أنوو طولت بالمكالمه راحت لها بتشوفها برى
وصادفت أم بندر
أم بندر : تبين غلا مو ؟
ليال : أيه لسه تكلم ؟
أم بندر : لأ راحت مشوار وبترد بعد شوي
ليال : اهــآ
عند غلا ..
.... يغني : أن زعلت برضيك و كل عمري فدآك .. والزعل ما أزعله يالغالي عليك .. لو تآمر بروحي بتنقاد لـ رضاك .. لو تطلب عيوني ما تغلى عليك
غلا أبتسمت من داخلها بس بينت العكس : مشعل شتبي مني ؟
مشعل وهو يمشي بسرعه بالسياره
غلا : مشعل
مشعل : ماراح أتكلم الا لما نوصل
غلا : وين نوصل ؟
مشعل : ....
غلا : أففففف
وبعد ثواني وصلوا ع الكورنيش .. غلا تحب تقعد ع البحر في هالوقت .. و خاصه أنه يكون في هالوقت شبه فاضي
مشعل يفتح الباب لغلا : تفضلي أميرتي
غلا نزلت معاه و راحوا عند البحر جلست غلا تتأمل فيه شوي
مشعل وقف وراها بالضبط و همس في أذنها : أحبك
غلا : مشعل
مشعل : عيونه و قلبه و روحه
غلا نزلت راسها و أبتسمت و بعدها حطت عيونها بعيونه وقالت : أوعدني ما تكررها
مشعل : وربي مو مني هي الي طلبت مني كذا
غلا : مشعل أوعدني
مشعل مسكها من كتفها : أوعدك بس تكفين لا تزعلي
غلا ابتسمت له
طبعاً أنتوا تتساءلون من هو مشعل ؟؟
أعرفكم ع عايلته و عليه
((
أبو مشعل يصير شريك أبو بندر في الشركه .. وهم أصحاب من أيام المتوسط
مشعل شبه صديق بندر // عمره 22 سنه بعمر بندر وسيـــم حيـــــــل و كل البنات يذوبوا لما يشوفوه .. عيونه ناعسه تذبح و نظراته مو طبيعيه .. رومانسي بقووه و أحياناً يكون مصرقع
أمه الي ما يخبي عليها شي لا هو ولا أخته أمه طيوبه حيل
أبوه مدلعنهم كلهم و دايماً يحب يجلس معاهم و يضحك معاهم
و أخته الوحيده المقربه روان // داخله في الـ 17 ناعمه و ملامحها مره رووعهـ شكلها هادئ دلوعه أهلها و اذا تبي شي لازم تحصل عليه ))
بعدها بـ شوي رجعت غلا بيت جدها و آخر الليل الكل رجع
كانت سهرتهم ممله شوي
رجعت غلا تبي تنام .. حطت جوالها ع الكمدينه تنتظر مشعل
رن جوالها بنغمه مميزه كانت مخصصتها لـ مشعل من أول ما زعلت عليه " يعني نغمه مؤقته لين ما ترضى و تغيرها هع "
من عيون الناس والله أغار يا عمري عليك .. و ما أتطمن وأنسى خوفي إلا و إيديني بيديك .. بس تحمل كل جنوني لأنك أغلى من عيوني
يتبـ ع ..