[منسدح بالصاله]

شرعا هو جائز لأنه مكتمل الشروط

لكن فيه ناس استخدموه استخدام رايح في عين امها

فشلونا بالعالم


وحده اكتشفوا إنها متزوجه اثنين بس انكشفت عشان زوجها الأول جته الخرمه هذيك الليله

وراح لها وحصل زوجها الثاني

ما قصرت الله يجزها خير تعدل بين الزوجين وتعطي كل شخص حقه من العشره الزوجيه

وواحد يتزوج وخويه هو اللي يملك حتى إنه تزوج فوق 13 وحده يستمتع بها كم اسبوع ويرميها

زواج المسيار جائز بشروط وظوابط

لكن المفروض يمنعونه عشان المسخره اللي تصير من البعض

بس الرجال اللي يتزوج مسيار

بالله هو رجال صدق

يعني يجي لبيتها ويقضي لزومه وبعدين يطلع من عندها

بالله وين رجولته

ما يستحي على وجهه كأنه سراق مو زوج

والحرمه اللي فرحانه بشكلها وبزوجها اللي يسير عليها عشان جسمها بس

ارضي بالعنوسه أحسن من زواج الفضيحه

بالله وين تحطين وجهك إذا سألوك وين زوجك

تقول : والله سير علي البارحه ومشى ويمكن يسير علي الليله

والله عيب والله فضيحه

كيف إذا جاهم عيال

يسمونهم يا عيال المسيار

وأكثرهم يشترط في هذا الزواج بأنهم ما يبغون عيال

وهذا ما يجوز

لكن أكثرهم يشترط هذا الشرط

يدلك على إنه داشر



والله بكيفهم لكن اللي عنده شيمه وكرامه وعزة نفس ما ينزل نفسه لهذي الأمور


أحس إنه زنى لكن زنى رسمي وبأوراق