بصراحه انبني ضميري حسيت البارت مره صغير ونزلت كمان هالجزء
في الغنيم مول
نايف :يله خلالالالالالالالالالاص تعبت ماخلصتم
ساره :بس شويه باقي نجد تاخذ اكسسوار وخلاص
امل :لا والله إنا اللي طلبت النزله وانأ خلصت
نجد :خلالاص مو لازم يله نرجع
نايف :يعني بنشاورك يله بس نرجع
:::::::::::::::::::::
في غرفة ندى
ندى :نععععععععععععععععم خير مابقى الاتكسروووووون الباب
اسيل: ونكسر راسك بعد بس افتحي اذا مادبتك إنا تسويين فيني كذا
:ههههههههههههه خلاص اقعدي ورى الباب بعدين اما مالي ذنب أنتي طلبتي
استقبال سنع وانأ ماقدر اردك
في هالوقت كان عبدالله واقف ورى باب غرفته ويسمع صوت من عذبت قلبه
بحبها ولاهي حاسه فيه
ندى :طيب خلاص اخر مره وفتحت الباب
دخلت اسيل من هنا وهربت ندى فوق الكرسي بس اسيل لحقتها وضربتها
:تستاهلين عشان تحرمين هالحركات مع اسيل
:خلاص توبه
وجلسو يسولفون
::::::::::::::::::::::::::::::::::::::
:يــــــــــــــوم العزيمــــــــه
طلعت أم خالد من المطبخ وشافت بنتها حايسة بكتبها
لمى رفعت راسها : صباح الخير يمه
أم خالد : صباح النور وش تسوين ؟؟؟؟
لمى : برتب جدولي ما أحتاج هالملزمات اليوم بنزلها وأحط الملزمات الثانية ..
أم خالد : يالله بسرعه وخلصي شاهيك اتأخرتوا اليوم ماصحيتوا
لمى : خالد صحى ؟؟؟
أم خالد : اي وبالقوة صحى تعبني والله مانام امس الا متأخر
لمى : دقيت عليه أمس قبل مانام مية مره مارد
خالد نزل : السلام عليكم
لمى +امها : عليكم السلام
لمى : وينك أمس أدق عليك مية مره ماترد
خالد وهو يقعد بتعب وشماغه على كتفه : اي صح انتي شهالازعاج البارح ؟؟؟
لمى : ياخي محتاجه اغراض من المكتبه وانت برى قلت تجيبها في طريقك !!!
خالد وقف انا ماشي توصين على شي يمه
ام خالد : اشربلك شي يبه قبل ماتروح
خالد وهو يضبط شماغه : مافي وقت خلاص مب لازم
ام خالد: زين اصبر بصبلك الشاهي بالحافظة
لمى:خالد فيه مذكرات وملخصات في مكتبة دار المعرفه جيبها لي
خالد اوكي
جت أم خالد وعطت ولدها الكاس وسلم عليها وطلع
:::::::::::::::::::::::
حلا طلعت من الحمام وهي لابسه بالطوا حمام ابيض ولافه على شعرها المنشفه.
جففت شعرها بالأستشوار .. لبست جلابية ناعمة من اليشمك . لونها احمر
وحطت ميك اب راايق وهااديء .. اخذت عطر (شذا) من نعومي ورشرشت
لهااا وطلعت من غرفة التبديل وبيدها شنطة مكياجها حطتها على التسريحه
وقربت من السرير .وجلست عالطرف ...
حلا بهدوء / سعوود.
سعود.. متغطي بالبطانيه وغاط بسابع نومه ...
قربت منه اكثر وبصوت قريب للهمس / سعود ...
سعود شم ريحه عطرها وحس انها قريبه منه فتح عيونه لقاها قدامه مبتسمه
سعود / حلالالالالالا صحيييييتي ؟ ..
حلا عدلت جلستها / صباااح الخير يلاا اصحى شالكسل ..
سعود مسك يدها / تعبااان مررة وراك ماتجي تنامي بس ..
حلا بحيااا / لاااااا .. امممممم سعود تراني جوعانه بافطر واخليك
سعود / هههههههههههههههه يله جاي وراك
حلا/ شكلك ناوي علي البارح لا عشااا ولا شي !!
سعود / ياابعد قلبي .. كان قلتي لي اعشيك قبل ..سوووري والله ماكنت عارف
حلا وهي ماسكه بطنها المشدود / طيب .. هاللحين فيه فطور ولا ؟
سعود اتكأ عالسرير / اووكيه بس آخذ لي دوش واجي افطر معك احلى فطور .
حلا وقفت / اووكيه انا مجهزة ملابسك عند الدولاب لا تتأخر انتظرك بالصالة ..
ومشت وطلعت برى الغرفه وراحت الصاله .........
::::::::::::::::::
ام عبدالله وندى وريهام يفطرواا سوااا
ندى وبيدها التوست / ريهام تخيلي لموو هاللحين وش تسوي ؟؟
ريهام بعد ماارتشفت عصير برتقال فررش / اممم اتوقع للهالحين ناايمه ....
ام عبدالله تاكل وهي سااكته ./...........
ندى / يااقلبي عليهااا تخيلي بدت تذاكر من الصبح
ريهام / ههههههههه والله ماشاء الله شكلها شاطره مو زي بعض الناس ..
ام عبدالله ساكته !! )
ندى التفتت على امها / ماما وش صاير شكلك تعبانه ..
ام عبدالله / ..............
ندى / ماما وش فيك ؟؟
ام عبدالله / هااا .. مافيني شي .. يعني انتي عارفه هالأيام مااحب اسهر
ندى / اهااااا
الا يدق جوال ندى ..
ندى / هذي لينا وش عندها من الصباح ؟؟
ردت عليهااا / اهلييين لينا ..
لينا / صبااح الخير كيفك ؟
ندى / صباح الورد .. انا كويسه انتي كيفك ؟
لينا / اوووه الحلوة مرووقه ؟
ندى / ههههههه ايواا مو احسن ؟
لينا / الااااا اكيييييييييد .. تكفيين خلك كذا على طول والله طول الليل وانا
افكروشايله هم الامتحانات ابغى افرفش شويه ايش رايك نطلع اليوم الحديقه
فيك..
ندى / اليوم عندنا عزومه في بيت عمي ايش رايك تجي ..
لينا /لاخلاص يمكن نطلع مع الاهل رحله للغابه
ندى / اهااا كوويس ..
لينا / هاا متى راح تروحوا للعزيمه ؟؟
ندى / العصر اكيد ..
لينا / اووكيه يلااا اشوفك على خير بااي ..
عبدالله نازل وهو ميت نوووووووووم :صباح الخير ويحب راس امه
وشرب كاس حليب وطلع للجامعه
:::::::::::::::::
طلع من المصــعد يصفــر .. ويناظر جواله وتوه بيدخل المفتااح بباب
غرفته الا سمع أصواات عاليه جايه من غرفة ندى ..
توجه لها .. وهو يناظر ساعته .. الحيـن اكيد بدأ فلم الرعب الي غاثـتنا عليه
من زمان ..
حط أذنه بالباب وهو يبتسم على خباال أخته .. وعشقها لأفلام الرعب .. يحس
ان البيـت بدونها ولاشيء .. يمكن ..
لأن طبعها حلوو .. هباال على حيااء على حنان على شقااوه .. أبتسم وهو يفكر
.. وعلى طفوووله .. دق الباب بالقوه علشان تسمع .. جاه صوتها الطفولي يدل
على التمرد / ميــــن ماأبي ازعااج بلييز ..
رد عليها بصووت عالي علشان تسمع / هذا أنا .. مو متصله علي وقايله لي
تبين تروحين العزيمه اليوم بدري عشان توقفين مع بنات عمك .. وتبيني
أوديك علشان تكشخين فيني .
ندى بملل / عبود مررره أنت واثــق .. مو علشاان أكشخ فيك بس لاازم معنا
رجاال نخااف لحالنا الكل يقول مشغوول .. الساعه 5 لما ينتهي الفلم بتشوفني واقفه عند باب سيارتك ..
أبتسم بأستهزاء / ان شاء الله عمـتي الساعه 5 بتشوفيني بالسياره .. يالله سلاام ..
راح لغرفته وفتحها ودخل وقفل الباب وراه ..رمى غترته بفوضويه على السرير ..ونااااااااااااااااام تعبان مرررررررررره مافيه ينتظر للغدا
::::::::::::::::::::::::::::::::
في بيت ابو عبدالعزيز الاستعدادات قائمه على قدم وساق
دخل عبدالاله اللي كان الوحيد اللي داوم المدرسه الكل غايب عشان العزيمه البيت .. وهو حااس انه تعبااااااااان .. دااايخ لآخر شيء .. شاف العايله كلها مجتمعه بالصاله ..
عبدالاله " السلام عليكم "
الكل " وعليكم السلااام "
حب راس ابوه وأمه وجلس جنب عبدالعزيز ..
بو عبدالعزيز " أخبارك ياعبود "
عبدالاله مبتسم " بخير دامك بخير يبه "
أم عبدالعزيز " جايع ياولدي ؟؟ تبي اقولهم يحطولك غدا ..؟؟ "
عبدالاله وهو يأشر بيده " لا يمه تغديت مع حمد .. بس دااايخ وودي أقوم أناااام حاس نفسي بطييح .. الله يعين عبدالله يطلع من الجامعه ويروح الشركه "
عبدالعزيز " أكيد هو الكبير ولازم يمسك حلال عمي الله يرحمه "
عبدالاله " ايه ماقلنا شيء .. بس تعب عليه مررره "
بو عبدالعزيز " لا وانا ابوك عبدالله رجال ومتحمل ليتك تطلع عليه وبس
"
هز راسه رضى .. بعدها قام حب راس أمه وأبوه وراح فوق علشان يناام ويقوم بدري ..
ودخل غرفته بينام بس
دق باب غرفتة.. وسمع صوت اسيل " عبود نايم "
:لا ادخلي
دخلت اسيل مبتسمه لأخوها "
عبدالاله " حيااااااك اسيل بس قولي وش عندك "
:فاضيه وجايه اسولف
:اجل دوري غيري باموت نوم
:اوكي باي
:::::::::::::::::::::::::::::::::::::::
(( جــــــــــــاهـــــــــــزهــ )) ..
هالكلمه هزت البيت هز من قوووة الصرخه ..
سمعت فوووق باب ينفتح و أحد طلع منه يركض لعند الدرج .. وبنفس الوقت أنفتح باب ثااني وطلع أحد منه متوجه للدرج ..
عبدالله بصووت عالي وهو واقف عند الدرج / وجــع يوجع العدو ان شاء الله .. ندى ماتعرفي تدقي باب غرفتي وتقوليها بهدووء ..؟
ريهام من وراه وبصووت يدل انها خافت / وش صاااير ..؟ وش فيها ..؟
ندى تكتفت .. وردت عليهم بدلع / وش اسوي الساعه 5 و 15 دقيقه وانا لي ربع ساعه واقفه عند السيااره .. وش يرجعني فووق ..
عبدالله عصب / لو أن جدتي ولا امي وابوي بالبيت ماكان خافوا الحين ؟؟
ندى طقت برجلها الأرض بدلع / ياااربي وقت محااضرات عبداللللللللله .. أدري ان اهلي مو موجودين بس انت وريهام .. يلااااااااا تأخرناااا أنزلوا ..
ريهام رجعت غرفتها وهي تتحلطم / ياليييل هذا نتيجة الدلع .. في النهايه بتقتلنا ذي ..
عبدالله / يالله ريهام البسي عبااتك بلبس ثووبي واخذ مفتااح السياره وجايكم تحت ..
ريهام / أن شاء الله ..
:::::::::::::::::::::::::
بعد ســاعه ..
كانت اسيل مندمجــه على فلــم .. مو حاســه بنفسها ..
مسحت دموعها يوم أنتهى الفلم .. حراااام البطلــه ماتت .. ليـــــه ؟؟؟
فلم بااااااااايخ .. قامت بعصبيه وطلعت شريط الدي في دي .. ورمته بقووه مع الأشرطه بأهماال .. ماتحب هالنهايات الحزيــنه ..
تحب ان البطل يتزوج البطله وخلااص تنتهي السالفه .. مو تموت او هو يموت ..
مع أنها ماتــصدق بشيء موجود أسمه (( حــب )) تعتبره بالأفلام والقصص فقط ..
لكن بالحقيقه ..!!!
أبتسمت بأستهزاء وهي تتخيل شكلها تغني مع حبيبها مثل الأفلام الهنديه ..
هههههههههههههههههههه ضحكت بقوووه مع نفسها كأنها خبله ..
وماحست الا بأحد يدق الباب .. حطت يديها على فمها وخدودها كعادتها حمرووو بسرررعه .. فشيييله شكل أحد سمع ضحكتي ..
أفتحت الباب وشافت ندى تناظرها بأستغرااب ..
اسيل / وش فيــك تناظريني كـذا ..؟
ندى / مع ميــن تضحكي ..؟
حمرت خدودها أكثر وتلعثمت وهي ترد على ندى / لا مو مع أحد بس كذاا .. تخيلت ان عندنا بالسعوديه حب مثل الهنووود .. نرقص مع حبيبنا بالملاهي هههههه
ندى فتحت عيونها أكثر .. وقربت تلمس حرارة اسيل / الظاهر هذه هلوست الحراره فيك حراره صدق ..
دفت اسيل يد ندى بقوه وهي معصبــه / رووحي زين قال ايه هلوسه .. ياأختي حتى التفكير حراام ..؟
سكرت غرفتها من وراها .. ومرت بسرعه من غيــر ماتحس ندى.. رايحه للدرج تنزل درجتين درجتين .. وهي تغني أغنيه من أغاني مسااري .. لأنها تموت على صوته ..
ندى أستوعبت ان اسيل نزلت وقالت بخووف / اسيل وييييييييييين ؟؟
اسيل ماهتمت لها ونزلت من درج الجهه الثانيه / برووح أشرب مويه ..
أختفت من عيوون ندى الي لساا ماتحركت مو قادره تسوي شيء .. ماتدري وش الي مسكها ..
ندى بصوت خاايف / بس ... بس .. عبدالله تحت ..!!
قالتها وهي عارفه ان ماأحد يسمعها .. مشكلتها ماتحركت وصرخت علشان تسمع اسيل .. شيء خلاها تسكت ..
توجهت على طول للمطبخ وهي مازالت تغني أغنية مسااري ((real love ))
شافت الخداامه تسوي قهوه وشاهي وأستغربت ..
اسيل / لمين هذا ريكا ..؟
ريكا / مافي معلوم باباعبدالعزيز في كلاام سوي ..
كشرت .. شكل احد عندنا .. ليكووون عمووو بو نايف .. أبتسمت بونااسه غير طبيعيه .. تموووت بعمها هذااا ..
راحت تركض تدور على اهلها بالفله الكبيــره .. راحت للصاله الثانيه جهة الحديــقه ..
كانت مسويه قرنين .. ولاابسه بنطلون برمودا مع بلوزه علااقي ورديه .. طالعه كأنها بنت بالرووضه مع وجهها الطفولي ..
طلت بالصاله ماشافت أحد .. يوووه وينهم ..؟ يمكن بالمجلس الكبيــر ..؟ او المجلس الثاني من الجهه الثانيه .. تكيسلت انها تدورهم ,, يمكن مو عمي الي عندهم ..!!
فتحت باب الحديــقه بترووح شوي تاخذ هوى بالحديقه أحسن من تجلس دايم بغرفتها ..
بهاللحظه نزلت ندىمن الدرج بشوي شوي بعد ماحست بعمرها .. وأنها لاازم تتحرك .. طلت بالصاله .. يؤ ؟؟ غريبه كانوا موجودين بالصاله ؟؟
وين راحوا ..؟
اسيل بس طلعت للحديقه على طول توجهت لحوض الورود .. هي الي تسقيه كل يوم .. واااو رووعه الورود عند الغرووووب ..
ضحكت يوم شافت عصفوور نازل يشرب من الصنبور الي ينقط مويه ..
كلمته بصوت عالي (( وش تسوي ياقموووور هالوقت ؟؟ يالله رووح نووووم بسررعه بيظلم الوقــت ))
ناظرها العصفور بعد ماشرب مويه .. وهي تناظره مبتسمه .. بعدها راحت تركض تبي تطيره .,. خلااص المفرووض يرووح يناااام ..
شكلها كان مرره كيووت وطفوولي .. بس طاار العصفور رفعت راسها ومدت يديها تدور على نفسها وهي تضحك ..
حست بأحد يناظرها لفت تشوف مين .. وشافت شخــص طويــل يناظرها بأستغراب وهو رافع حااجب ..
مــاعرفت شتسوي غيــر أنها تركض بسرررررررعه وتدخل الصاله وتسكر الباب وراها بقووووووووه عجيبه ..كل البيت سمع صووت الباب ..!!
حست الدمووع تجمعت بعيونها وقامت تسيل على خدودها .. ياااربِ مين هذا ؟؟ حطيت يديها على خدودها الي صاروا ساخنين من الفشيله ..
وش ذا الفشيله ؟؟ بهاللبس وهالشكل في شخص غريــب شافني ؟؟
شافت ندى جايه تركض لها .. ندى / اسييييييييييييييييل وش فيك ؟؟ وش في وجهك كذا محمر ؟؟ من شفتي ؟؟
كانت ندى تطرح اسئله وكأنها تعرف أجابتها .. ماردت عليها اسيل وراحت تركض للمصعد ودخلته وضغطت على الدور الثاني بقوووه ..
ندى مستغربه ؟؟ وش صاار يعني ؟؟ يمكن شافها بس مو لدرجه يصير وجهها كذا ؟؟
راحت لمجلس الحريــم .. شكل أمهاوعمتها جالسات هنــاك .. شافتها تتقهوى .. وجلست معها تســولف ..
::::::::::::::::::::::
بالصاله ..
مسكت شيماء السماعه / الووو ..
/ السلام عليكم ..
شيماء بحمااس عرفت الصوت / هلاااااااا والله وعليكم السلااام .. هلااا بشعووولتي .. وينك يالقاطعه ..
مشاعل / هههههه موجوده والله ..
شيمااء / ياقلبي انتي مشتااقين لك مووت .. قبل كم يووم لمى وعبير يسألوني عنك ..
مشاعل / لمى وعبيررر .. مشتااااااااااااااااااااااقه لهم بشكل ماتتصوري مشتااقه لهبالهم ..
شيماء برطمت / وانااا ..
مشاعل / هههههههههه عاد انتي غييير .. انتي الكل بالكل ..
::::::::::::::::::::::::
بعد مابدأو الناس يتجمعون للعزيمه وفي مجلس الرجال كانو الشباب جالسين على جنب
جلس عبدالاله عند اخوه وعيال عمه واصدقائهم ....
عبدالاله " تصدقون بانزين سيارتي مخلص وتوني أدري "
عبدالعزيز " ههههههه وتدري ان الزيت يبي له تغيير وتوني ادري "
الشباب " ههههههههههه "
نايف " حتى انا والله البانزين ممبقى الاشوي ويخلص "
سعود " يؤؤؤؤؤؤؤ كلكم ..؟ من باقي ..؟ "
عبدالله يرفع يديه " لا الحمدلله سياارتي مافيها شيء "
سطام"صديق عبدالعزيز قبل مايسافر ومانقطعت صداقتهم حتى بعد السفر" ماسك ضحكته " وتدرون ان سيارتي يبي لها تغيير كفر "
الشباب " لاااااا "
سطام وقف " وربي .. برووح اغير لها "
عبدالعزيز " عندك سبير ولا تبي "
سطام " لا يعطيك العافيه عندي "
متعب " زين وانتوا وش بتسوون نعطيكم من بانزينا .. لكن الزيت ..؟ "
عبدالعزيز " لا مايحتاج فيه امر ملكي بعدم الخروج من المنزل الابعد مايفضى المجلس ""
الشباب:هههههههههههههه الله يعينك //////ماعرف سوالف الشباب
عند الشياب
ابو عبالعزيز:اليوم شفت مؤشر السوق ارتفع
ابو نايف:والله ذا السوق حاله مررره انه فوق ومره في التراب
ابو سطام:كله من ذالهوامير حسبي الله عليهم
واستمرت السوالف على هالمنوال
:::::::::::::::::::::::::::::::::
الحريم راحو لقسمهم كانت أم سعود في استقبالهم
أم سعود : ياهلا والله تفضلو توه ماينور البيت
أم نايف : ياهلا بك منور بوجود أصحابه وتسلم عليها
أم سعود : كيف الحال ؟؟ وش أخبارك
أم نايف : الله يسلمك بخير
وكانت نجد وامل وساره ورى أمهم
أم نايف : تسلم عليها
أم نايف : وش أخباركم يابنات والله اليوم اسيل من فرحتها مانامت ههههه .
البنات : الله يسلمك خالتي والله حتى أحنا مشتاقين لها
وتسلم أم عبد الله على نجد وتسألها عن أحوالها والجامعه ودايما أم عبدالله اهتمامها كبير بنجد ..
:::::::::::::::::::::::::::::
ضجة هادية بعد ماراحوا المعازيم .. الطاولات بمكانها وعليها بقايا الحلويات ..
وأم عبدالله وبناتها هم الي بقوا يسولفون عن العزيمة ويعلقون على الناس
اسيل قاعده ومادة رجولها وفاسخة صندلها بعد اهي قطعت عمرها بالرقص فرحتها باخوها .. ريهام بعبايتها وسانده راسها على كتف امها ولافه طرحتها تنتظر الفرج ليروحون البيت لأنها ميته نووم
ندى بعبايتها تدور على الطاولات وتذوق الحلويات الباقية وتعلق على الناس وتضحك
ريان نايم بحضن حلا ولاهو حاس بأحد
دخل عبدالعزيز وشماغه على كتفه بعد ماتغطو البنات وهو يقول بضحكة : عسى قاعدين تنتظرون عبدالله يرجعكم ؟؟؟
ام عبدالله : اي والله طالع الساعه كم وتلقى السواق بسابع نومة الحين ..
عبدالعزيز : ههههههههههههههههه ترى رجع البيت من بدري يقول تعبان وقالي اوصلكم
ندى : ياعمري ياخوي مارتاح اليوم
ام عبدالله مستحيه من عبدالعزيز وقالت والله ماودي نتعبك معانا
عبدالعزيز : ههههه شدعوة لاتعب ولاحاجه السياره اللي بتشيلكم مو إنا !!
وحب يظيع السالفة وقال : باقي من الحلى ؟
أم سعود : اي هذا الي على الطاولات
ام عبدالله : عطي عبدالعزيز ياندى لا تخلصينه
ندى كانت ماسكة بايدها صينية حلا وتاكل وانقهرت يعني شلون باعطيه ؟ باضطر اقدمله واهو ياخذ لا مابي قلعتك بس .. وطنشتهم وكملت أكل ببرود
أم عبدالله : سامعتني انتي ولا لاء ؟؟؟
ندى : يوووووه طيب هاك !
عبدالعزيز وهو يطالعها من فوق لتحت : يعني ماتقدرين تقولين تفضل ولاما تعرفين الذوق !!
ثار دمها ومشت وحطت الصينية بكبرها على الطاوله وتركتها بعصبيه وطلعت الدرج
ام عبدالله : لا تطلعين بنمشي..
ندى : اذا جيتوا تمشون نادوني تعالي اسيل نسولف فوق
اسيل :اوكي يله
ندى :اسيل اليوم لاحظت شي على نجد مالاحظتي شي ؟
اسيل :لا وش فيها
ندى :مدري كنها متضايقه ومارضت تقول لي
اسيل :يمكن بس شايله هم الامتحانات
:لا إنا حاسه ان فيها شي اكبر من كذا بس مارضت تقول
::::::::::::::::::::::::::
نجد بعد مارجعت من العزيمه رمت نفسها على السرير وهي تفكر ليش امل وامها يعاملونها كذا وحتى نايف ليش تغير تعامله معاها معقوله اكون مضايقتهم في البيت بس وشلون نايف يجلس براحته عند اهله إنا اللي اتضايق من الطرحه وهو عادي ياربي نفسي اعرف ليش تغيرو معقوله برجع للعذاب اللي شفته عند خالتي ونامت وكل الحزن والألم والتعب في عيونها
::::::::::::::::::::::::::::
شالت حلا ريان بخفه من حضنها وحطته على السرير : بسم الله عليـك
سعود بشوي شوي لايصحى و يفجر الدنيا !
حطته على كتفها وهي تبتسم : مسكيين تعب اليوم في اللعب مع البزاريين ..
سعود : كل يووم بنسوي عزيمه عشان ينام ونرتاح
حلا بلوم : سعوووووووووود
سعود : هههههههههه آسف ياقلبي مايصير نتريق على ريان
طلعت مبتسمه رايحه لغرفة ريان
حطته في سريره وسمت عليه .. شغلت الأبجوره وطلعت
رجعت لغرفتها تنام
::::::::::::::::::::::::
ومرت الايام
العصــر ..
في الاستاذ الرياضي
وفي ملـعب كرة المضرب " التنـس " الأرضيه
كان عبدالعزيزوسطام في فريق
وعبدالاله ونايف بفريق
ضرب عبدالعزيز الكوره بقووه وأرتدت لورى وضربها سطام بسرعه
رجعت وضربهااا نايف
وبعدها سطام
بعدين عبدالعزيز
زفر عبدالاله معصب : تراني هنااا لاتنسوون !
نايف وهو يتحرك بسرعه : ندري اخلص وروح ذيك الجهه
عبدالعزيز وهو يراقب الكوره : الا اقول .. وش اخباار الشباب من بعد مارحت عنكم
ضرب عبدالاله الكوره بسرعه : يعني لاازم تخرب علينااا اللعب والله الشباب ماعليهم ومستانسين لانهم افتكو منك
سطام : ايه والله وانت الصاادق
نايف : هههههههههه شكلهم متأذين
عبدالعزيز مدد جسمه بسرعه قبل ماتطلع الكوره خارج الملعب وضربها بقوه وماقدروا عبدالاله ونابف يضربونها
صرخ سطام بحمااس : فزنااااااا .. يسسسس
ضرب يديه بيدين عبدالعزيز وعبدالاله ونايف رموا المضرب
نايف: ترى كلها نقطتين
عبدالاله : اصلا سألونا عن الشباب يبون يلهونا
عبدالعزيز : هههههههه تبون حلاوه ؟؟
ضربوه على كتفه وهم يروحون لشنط الرياضه حقتهم
طلعوا قوارير الموويه يرشوون وجههم ويشربون .. من كثر الحررر
:::::::::::
في نفـس الوقت
وفي شركــه من أضخــم الشركــات بالباحه
دخـل عبدالله يمشي بثقـه في مساحات الشركه الواسعه
وكل الي يشوفه من الموظفين يبتسم له ويحييه
دخل المصعد وهو يتنهد أستعداد للمشروع الجديد اللي بيوقعه اليوم !
ضغط على الدور الخامس وهو يدق برجله الأرض
انفتح باب المصعد وبدال مايتوجه لجهة اليمين .. مكان مكتبــه!
توجه لجهة اليـسار لمكتب عمه
وصل لمكتب عمه وسلم على السكرتير ودخل بعد مادق الباب دقتين
رفع ابو سعود عيونه له وأبتسم : هلا والله .. نوور المكتب يا أستاذ عبدالله !
رد عبدالله ابتسامته وجلس مقابله : هلا فييك,وشلونك عمي
...:تمام انت وشخبارك وش سر هالزياره
...:ابد اسلم وبغيت استشيرك اعتمد مشروع الاسمنت مع ابو وليد ولالا لا
....:هذا شغلك شوف المناسب وسوه
....:والله إنا اشوف اني اعتمد بس متردد شويه
....:وش الشي اللي يخليك متردد
.....:مادري مارتحت لابووليد
....:يمكن لانا اول مره نتعامل معه
....:يمكن يله عن اذنك عمي عندي موعد مع ابووليد
....:الله معك
ورجع مكتبه
::::::::::::::::::::::::
اليوم راحو البنات ندى ونجد وريهام واسيل وساره السوق مع السواق مندون ماخبروا اخوانهم كنوع من التمرد مع ان اخوانهم مابيقولون لا بس هذي افكار ندى المتمرده تقول نوع من الحريه
دخلوا البيت ومعاهم أكياس كثيره .. وسلموا على أم سعود اللي كلمت امهاتهم عشان يجون عندها ويوم شافت أكياسهم قالت:شكلكم شالين السوق كله
ندىباستهبال :لا والله باقي كثير مررررره
البنات :هههههههههههه
ندى :جلست جنب نجد عشان تشوف وش فيها
ندى: نجد قولي لي وشفيك
وجلسو البنات يجربو الاشياء اللي اشتروها
ندى:اقول اسيل كاني شفتك اخذتي كريمات حلوه وريني
اسيل: ايه في الكيس الاحمر
ندى :الله ريحتها تجنن وبدت تحط على يدها منكل نوع
اسيل :ندى وجع لاتخلصينها تو شاريتها خليني افرح فيها يومين
ندى:صعب لاتقاوم
اسيل قامت وبعد مطارده ومضاربه اخذتها
نجد كانت بس تطالع وتبتسم
وساره كانت تشجع ندى:ندوي انتبهي لاتمسكك ومن هالكلام
اما امل فكانت تحتقرهم وقفت وهي تقول :اطفال انتم استغفر الله
ندى اللي تكره احد يقول لها طفله :أنتي الطفله والا تبينا نقعد متكتفين زيك يالمعقده
نجد :هدو يابنات
امل :انكتمي أنتي وانتي ياطفله مراح انزل نفسي لمستواك يالحثاله
ساره :اهئ امللللللللللل
ريهام تطالع وهي خايفه من عصبيه اختها
ندى :مالحثاله والحقير والغبيه والمتخلفه غيرك
امل طنشتها وجلست وهي مقهوره
وعلى الساعه 10 كان لازم يرجعو البنات لبيوتهم
واول من راح كانت امل واخواتها
اما ندى وريهام ماقدرو يرجعو مع السواق وقالو لعبدالله يمرهم وهو خارج من الشركه
وفعلا جا عبدالله 10و30ودق على ندى عشان يخرجون وطلعت اسيل غرفتها وهم خارجين قابلهم عبدالعزيز اللي كان داخل عشان ياخذ اوراق للشركه يعطيها عبدالله
ولما شافهم قال:كيفكم يابنات العم
ريهام :تمام انت وشلونك ومرت من جنبه عبدالعزيز وانتي ياندى مو ناويه تسلمين
ندى وهي لسى معصبه :لا مع السلامه ومرت من جنبه وشم ريحه عطرها وقال ....:ان شاء الله ناويه تطلعيين بهالشكل
....:اكيد اجل كيف تبغيني اطلع بعبايه على الكتف والابدون عبايه بالمره
....:تكلمي معي باحترام وبعدين إنا اقصد العطور
.......:اصلا مانا حاطه عطر لاني جايه من السوق على هنا وهذي ريحه كريمات شريناها وجربناها وبس
...:المهم انها ريحه عطريه والله لومانتي طالعه مع اخوك لتشوفين شي مايسرك
....:مالك دخل فيني لايكون تفكر نفسك اخوي والاابوي عشان تهدد وتتحكم انت حي الله ولد عمي
...:احترمي نفسك لااربيك يالبزر
.....:تخسى مالبزر الاانت واشكالك ماحست ندى الابكف على وجهها من قوته حست ان وجهها انسلخ في يده انقهرت مررررره بس مانزلت منها ولادمعه وقالت ......:انت بزر وبتظل بزر لو وصلت للسما وطلعت بسرعه للسياره وهي مقهوره
عبدالله :يعني متاخره ولاتسلمين ياندوش
ندى :سلام عليكم وبعدين ياعبود إنا واصله حدي لاتستفزني انت الثاني
عبدالله خير وش صاير
ريهام إنا اقوللك فاتك اكشن صار بين ندى وامل بنت عمي ابو نايف وقالت السالفه
عبدالله :ليش ياندى ماطنشتيها من اول
....:تاكل تبن هي تفكرني نجد اسكت لها تخسى والله لامسح بها الارض
:::::::::::::::::::::::::::::::
اليوم اسيل دقت على نجد بعد ماحست انها متضايقه امس
اسيل : نجد وش فيك اليوم إلا اقول كل هالأسبوع وانتي متغيره
نجد تبتسم : لا أبد اسيل مافيني شي .
اسيل :تحسبيني ما أعرفك صديقتك من الطفوله وأعرفك زين
نجد تنزل راسها وفي بالها ( مهما كان هذي اسيل أختي اللي ماولدتها امي اللي ياما وقفت معي ليش أضيق صدرها واحاول أخبي اللي فيني بس السر اذا طلع عن اثنين انتشر وانأ خايفه خالي يعرف بشي .)
نجد : اسيل مصيرك بتعرفين الحين انا ما أقدر أتكلم عن الموضوع وتبتسم وتقول : أقول اسيل تأخرت على خالتي أكلمك بعدين مع السلامه .
اسيل : مع السلامه .
اسيل في بالها ( ليش تحاول تتهرب دايم من سؤالي والله تعبت منك يانجد أنتي ماتدرين وش كثر أغليك وأعزك وتتوقعين عادي عندي أشوف الحزن بعيونك ولا أساعدك الله يفرج عنها وييسر امرها )
::::::::::::::::
اليوم ندى بدات تذاكر خلاص اليوم الثلاثاء ومابقى شي على السبت وعندها رياضيات والله يعين ومانزلت لاهلها بالمره ماعندها وقت تبغى تخلص نصف المنهج اليوم اماريهام فكانت تذاكر بس بفتور مالها نفس ونزلت تحت للصاله يمكن يجي لها نفس اذا غيرت المكان بس استغربت ان الصاله فاضيه وراحت غرفة امها اللي ماشافتها من الصبح دقت الباب دقتين ماردت وفتحت الباب وتفاجئت ان امها طايحه على الارض
ريهام :يممممممممممممممممه يمممممممممممممه ردي علي لاتلحقين ابوي تكفييييين وطلعت وهي تصرخ ندىىىىىىىى ندىىىىىىى الحقيني ياندى
نزلت ندى وهي خايفه خير ريهااام وش هالصريييخ
ريهام وهي تبكي امي ياندى
وبسرعه دخلت ندى وشافت امها :يممممه يمممه ريهام دقي على السواق
ريهام السواق راح يجيب لحم من العقيق
:طيب شوفي عبدالله بسرعه
اخذت ريهام الجوال وهي تبكي ودقت على اخوها
:عبدالله الحق على امي بتموت
:ريهام وش هالكلام امي وش فيها
:اخذت ندى الجوال من اختها :هلا عبدالله
:ندى امي وش فيها
:لابس ارتفع السكر تعال البيت بسرررعه
:اوكي جاي
:::::::::::::::::::::::::
في المستشفى بعد مابلغو ابو سعود وابونايف وتجمع الكل
البنات كلهم موجودين (ماعدا امل اللي ماهتمت بالمره بالعكس طلعت السوق وماكانها تعرفهم )و ذابحين عمرهم صياح ... جالسين في استراحه النساء حول ريهام وندى المنهاريين اما الحريم دخلو معاها ...
ريهام : ابي اروح لها ابي اشوفها !!
اسيل : امي قالت اجلسوا وانتظروا بنرد عليكم خبر
ندى :بس تاخرو ولا عبرونا مالي دخل ابغى اشوفها
ريهام : طيب كلموهم؟؟
ساره : ما يردون علينا
ندى بعصبية: وتبونا ننتظر؟؟؟
نجد: ما بيدنا شي؟؟
ندى : انا بروح ما تبون تجون معي كيفكم
اسيل : ندى ؟؟؟
ندى: المفروض رجلي على رجلها ...
ناظرت فيهم ندى وخذت جوالها الموجود جنبها ودقت على عبدالله مايرد ...وبقت تدق الين فتح الخط وقالت :عبود الله يخليك كيف امي والا اقولك تعالي ابغى اشوفها
: .............
ندى وهي تبكي: امي صار لها شي تكلم عبود
:امك بخير وعبدالله بعد بس هو عند الدكتور وجواله عندي
:قفلت الخط في وجه عبدالعزيز اللي كان ماسك جوال عبدالله لان نفسية عبدالله زفففففففففتتتت وماحبه يرد على احد
::::::::::::::::::::
بعد ساعتين ونص ...
طلع الدكتور من غرفة الكشف ... الكل ركض وتجمعوا حوله ...
الدكتور: وين زوجها اواقرب واحد لها ؟؟؟
عبدالعزبز : هذا ولدها(واشر على عبدالله اللي حاط راسه بين يدينه وخايف يسمع خبر ماهو زين )... طمنا يا دكتور؟؟؟
تركهم الدكتور وتوجه لعبدالله ... وحط يده على كتفه: ياوليدي ؟؟
عبدالله وهو على وضعه: شلونها؟؟؟
الدكتور: بخير ... وتنتظرك تدخل تطل عليها
رفع راسه عبدالله : تتكلم جد؟؟؟
الدكتور بابتسامة: وهذا وقت مزح؟؟
عبدالله : الحمد لله ... الحمد لله ... الحمد لله
الدكتور وهو يمد يده لعبدالله : قوم يا وليدي وشوف امك
وقف عبدالله ... ووصل لباب الغرفة والتفت بسرعة: وين ندى والبنات ؟؟؟
عبدالعزيز : في الا ستراحه إنا بابشرهم بس انت ادخل طمن قلبك وبعدماسلم على امه وتحمد لها بالسلامه طلع يشوف الدكتور
وهو واقف مع الدكتور حس بيد تمسك فيه بقوة ... التفت شاف ندى اللي طلعت وسالت الاستعلامات واقفة والدموع مغطية وجهها: عبدالله طلبتك ... ابي اشوفها!!
عبدالله سحبها لحضنه وحضنها بقوة: تعالي بس لاتبكي
ندى وهي تمسك فيه بقوة اكثر: هي بخير صح
عبدالله : بخيييروتنتظرك تدخلين عليها بس امسحي دموعك يله ...
قاطعه الدكتور: بتكون تحت الملاحظة 24 ساعة ...السكر وصل لدرجه خياليه وبمعجزه الاهيه مادخلت في غيبوبه ..... وان شاء الله يزول الخطر بمرور هالـ 24 ساعة بقى عبدالله مع الدكتور يسال عن حالت امه اما ندىدخلت بعد مااشرلها عبدالله على الغرفه
اول مادخلت الغرفه رمت نفسها بحضن امها وجلست تبكي ....
ندى:كذا يمه تخوفينا عليك بس يله الحمدلله على السلامه
امها :الله يسلمك ياقلبي بس بغيت اشوف غلاي عندكم
ندى:دوري غير هالطريقه يمه
ريهام اللي توها دخلت الغرفه بس شافت امها جلست تبكي:يمه خفت مرره حسبتك بتروحيين لابوي وتخلينا
ندىبعصبيه :فالك ماقبلناه
امها :اسم الله عليك يمه بس ترى باقي ماتحمدتي لي بالسلامه
ريهاام :وهي تبتسم سلالالالالالالالالالامتك يمه الف سلامه عليك وما تشوفين شر ان شاء الله ولاباس طهور
امها:ياماتتحمدين والاتنطلقين وماعاد تسكتين
أم سعود:الحمدلله على سلامتك خوفتينا عليك
:الله يسلمك
أم نايف :سلامتك يام عبدالله
:الله يسلمك
نجد :سلامتك خالتي
:الله يسلمك
ساره:سلالامتك عمتي الف سلامه
:الله يسلمك
اسيل :الحمدلله على سلامتك عمتي
:الله يسلمك
اسيل :العيال يبون يدخلون وابوي وعمي بعد تغطو
أم عبدالله :تغطت وقالت :دخليهم يمه ياندى
ندى :عمي ابو نايف عمي ابوسعود تعالو حياكم واللي يبغى يسلم من العيال
الشباب :يله
ابوسعود من ورى الستاره سلامتك يام عبدالله
أم عبدالله:الله يسلمك يابوسعود ماكان له داعي تتكلفون وتجون
:حق وواجب يام عبدالله وانتي مرت الغالي الله يرحمه
:تسلم
ابونايف :ماتشوفين شر وماجوره ان شاء الله
:الشر مايجييك والله يجيرك من كل باس
عبدالعزيز :سلامتك ياعمه
الام :الله يسلمك
ندى :خلالالاص طفشتو امي كل شوي واحد سلامتك وهي تقول الله يسلمك
الام :ندى خلاص حشمي
اسيل :هههههههههه وهي صادقه
عبدالعزيز :وشتبغونا نقول عيد سعيد والا الف مبروك
نايف :ههههههههه إنا بغير لاباس طهور ان شاء الله
ندى :هههه مسكين سبقتك ريهام قالتها يمه لاترديين لين يخلصون كلهم وقولي لهم جميع مره واحده
الكل:ههههههههههههه
اسيل :جا اقتراحك بعد ماخلصو
ندى :يوووووووه مانتبهت
الام الله يسلمكم ياعيالي بس حلا وسعود ماجو عسى مامن شر
عبدالعزيز :مامن شر بس ماعلمناهم
الام :احسن ماله داعي تروعونهم
وبعد الزياره الكل رجع بيته ماعدا ندى اللي نامت عند امها
:::::::::::::::::::::
بعد ماطلعت أم عبدالله من المستشفى
بالليل في بيت أم عبدالله عبدالله مسوي عزيمه لسلامة امه ...
خالات ندى من العصر وهم موجودين وشايلين المكان كله ... خالاتها بالمرة حبوبات ويحبون ندى لدرجة كبيرة ... واقربهم لها حنان ... يمكن لانه اقرب وحدة لعمرها ... حنان هي الخاله الصغيرة عمرها حوالي 30 سنة ... واقفين في الاستقبال والفرحة موسايعتهم ...
وصلت ام محمد مع نورة وبناتها ...ام محمد دخلت والدمعة في عينها ... اصلا دموعها ما جفت من اتصل فيها عبدالله وعلمها بطيحه امه ... واول ما دخلت حضنت اختها وقامت تبكي واختها اللي ماسكة نفسها بالغصب قعدت تهديها ا ...
ام محمد: منيرة ... حلفتك بالله ... أنتي طيبه مافيك شي ؟؟
منيرة: ياوخيتي ... والله اني طيبه ومافيني شي ارتفاع سكر وبس ...
ام محمد: الحمدلله ..ياوخيتي
.