( السلام عليكم ورحمة الله وبركاته)
حبيت انزل اول قصه اكتبها بهالمنتدى الراقي بس اتمنى تردون علي وتعطــوني ارءكــم فيها
والقصه لها تكمله طبعا بس حبيت انزل كل يومين جزء اتمنى ارى تفاعلكم وتشجيعكم لي ........
(الجزء الأول)
الـــــــــــتـــــعـريـف بالــشـــخصــيات:
(عـــــــــائـــلــة أبــــوعـــبدالله)
أبـــوعــــــــبدالله: يـبلغ مـــن الــــــــــعمر 54ســــنه وهـــــو أب مــــتشدد بس مـــــع بنــــــاته غــــير يـــــعامــلهــم معـــــامــــله يحـــسد علــــــليها فــــــــهــو مدلــلهـــم
دلال يحــــسدون عــــــــليه بـــــس مــــــــــوب راخــــــــي لهـــــــم الحــــــــبل واجــــــــد،،،،،وهـــــــــــو رجـــــــــــل اعمــــــــــــال ودايـــم يسافـــــــر داخــل
السعــــــوديــــه وخـــــــارجــــــــهااا...
(نــــــــــوره أم عــــــبدالله )
وهي طلـــــيقة ابـــــوعبدالله وزجــته الاولــــى وهــــــي متـــــزوجــــــــه من آخــــــر وأم عـــــــبدالله من المــــــعـروف عنــــــها ان لــــيس بـــقلـبــها رحــــــمه
وعــــطف عـــــلى ابـــنائـها الــــــذيــن انــــــحرمــــوا مــــن حـــــــنـــانـــــــها وحـــــظنــها الـــدافـــئ فـــــي اعـــــتقاد أم عــــــبدالله أن أبــــــــو عبدالله
آمــــــــــــن لــــــهم مـــــــن الــــــــمال فـــــهذا بالنــــــــسبه لأم عبدالله أهــــــــــم شي عـــــــندها فأبنـــــــأئـــــها لايحــــــــتاجـــــون الــــــــــمال كــــــــثر حــنانها
فهــــــذا اعــــــــتقادها ان المـــــــــال والـــــــــــنسب هــــــو أهم شي لـــــــــــتؤمـــــــــــن علـــــــى ابـــــــنأئها.....
(مــــــــــنـيره أم مــــــيعــاد)
هـــــــي زوجـــــــة أبـــــوعــــبدالله الثــــــانــــيه وهـــــي زوجــــه طـــــــــــيبـة الـــــقلـــــــب وحــــــــنونــــــه لكــــــــــــن للأســـــف هـــــــاذي الــــــصــفات
مـــــــع أبـــــنائــــها فـــــــقط ومـــــــع أبـــــناء أبـــــــوعبــــــدالله قــــــــاســـــيه جــــــدآ مـــــــع أن الأبــــــــــــناء يعــــــــتبــــرون أم مـــــيعــــاد أمــــــهم
ولـــــــــــكن لاحــــظ لــــهم لا أم رحـــــومــــــه ولا زوجــــــــــت أب حــــــــــنــــــونـــــــــــه عــــــــــليــــــــهم وأم مــــــــيعــاد امـــام أبــــــــوعـــــبدالله
لايــــــــوجــــــــد أحـــــــــــــن مــــــــنهــــــــا علـــــــى عــــــيال أبــــــــوعــــــبدالله....
(عــــــــبـــــدالله)
يـــبـــــلغ مــــــــن الـــــــعـــمر 27ســنه وهــــــــو الأبــــــن الأكــــــــــبر بالــــعائلـــه وعبــدالله جــــــميل (رزه)مــــــــتخرج مــن الــــجامــــعه وهـــــو يعــمل بالـــطب
وشــــخــــصيته جـــــــدآقــــــــويــه ولــــــه هــــيبته بالــــــــبيت بحــــكــــم أن أبــــــــوه دائـــــــم الـــسفر فــــــــهو بــــــمثابة أبــــــــــوعـــــــبدالله بالــــــمنزل...
(مـــــــــــيعــــــــــاد)
تــــــــــبـــــــــــلغ مـــــــــــن الــــعـــمر25ســـــــنه وهـــــي فـــــتاة جـــــميـــله ومــــــخـــــطوبـــــه لأبــــــن خـــــــــــالـــــتها وهــــــي انــــــــــقطــــــعت عـــن دراســتها
لانــــــها أخـــــــر هــــــمهــــا الــــــــدراســـــــه ودائــــم مــــــع أمــــــــــهـــا إذا خـــــــرجـــــــت وطــــبعـــا ميــــــعاد بعــيده جــــــدآ عـــــن اخــــواتهـــا لايـــوجد
بـــــــينـــــــهم أخــــــــــتلاط عــــــلى أنــــــــــهم بـــــمـــــنزل واحــــــــــد....
(شـــــوق)
تـــــــــــبـــــلغ مــــــن الــــــعمـــر22ســــنه وهــــــي فـــــــتاة جــــميـــــــله مخـــطوبــه لأبـن خـالـتها وشـــوق في اغـــلب الــوقت مــع مـــشاعــل ورهـــف
(مـــــشاعـــل)
تـبلــــــــــغ مـــــــــن العـــــمــر 20ســــــــنه وهـــي جـــميــله وطـــويــــل بـــــشرتــهـا برونزي عيــــونهــا كـــبيــره وهــــي نحـــيفـــه بــــس جســـمهـا حـــلو
بتـــفـاصلــيـه وهـــي داجـــــه بدراســـه ولـــين الحــــين 3 ثـــــانـــــوي والمفروض تكون بالجـــامعـــــه....
(رهــــــــف)
تـــــبلغ مـــــن العـــــمـــر 18 ســــنه وهـــي فتـاة جـــميـــله ومـــلــــــيانه فــــي جسمـــــها بيضـاء البـــــشره وشعـــــرهـا الأسود الداكــــن
وهـــي مــــرحه في شخـــــصيـــتهــا ودمهـــــــاعــــــسل وعنيــــــــده لازم الـــي براســــه يصــــيروهــــي حـــساســه بــرغــم انــها مـــرحــه وتـــحب كـــتابة
الــــخـــواطـــر وصـــــوتــــــها بــــــالغـــــناء حــــــــلووووو....
(دلال)
صــــديـــــقة رهـــــف ومـــــشاعــــل وهم يعزونـــــــها كثــــيرا ولــــهــا زيــــارات كــــثـيره لمــــنزل ابــــو عــــبدالله وهـــــي فتــــــاة
اهـــــم مــــاعنـــــدها ان تستــــمر بهــــوايـــــاتـــهــا (هويـتــهـا) ان تـــــكــــلم الــــشبــــاب ولا يــــوجد عــــندهـــا حبـــيب
مــــعيـــن فـــهــي تـــــكــــلم في الـــوقــــت نـــــفـــسه 10 لامــــانع عنــــدهـــا وهــــي لاتـــحبـــــهم لـــكــن تكــــون
عـــلى اتــــصـال معـــهم لمـــصلحـــتها الخـــاصـــه مـــن حــــيث الــــمصـــاريف بمـــا ان والـــدهـا مـــو مـــقصــر معـهـا
ولــهـا مواقف كـــثيره مــــع مشــــاعل ورهـــــــــــف .......
(فــــيــــــــصـــــل)
اخــــو صـــديقـــتهم دلال وهــو شخــصيـــه رائــــعه جدآ وهـــو (رزه) وهـــو طـــويل ابيض الـــــبشره جذاب
شخـــصيته مــــع اخـــواته جيـــده ،،،وكــــــان فـــيصل يجذب نـــــظر مـــــشاعـــل ورهــــــف كـــثير مــــاينـــظر
الــــيهم عنـــد حظـــورهـــم لاخـــته وكــان يقـــابلهم بــالصـــدفه وبــــعـــد مـــاشــــافهــــم صــار يـــتعــمد الـــنظـــر الـــيهـــم ....
(مــــشـــعـــل)
وهــــو أبــــن خــــالـــة فــــيــــصل ودلال وهــــو شــــخـــصيه مـــــرحــــه جــــدآقـــــلبـــه طــــيب وهــــو جــــميل وجـــــــذاب
وطـــويل وهـــــو شـــخــــص يــــحب الــــعـــود والــــغــــناء.....
(مـــــحــــمد)
وهــــو الــــــمهــــاجــــر شــــخصــــيتــه قـــــويـــــه جــدآ واســـــلوبــــــه جـــــــنان وقــــــلبــــه طـــيب وحـــــساس نـــوعآ مـــا ....
.......... ،،،،،،..........،،،،،،............،،،،،،،،،،...... .......
(عــــــــــــــــــــــائـــــــــــلة أبـــــــــوعـــــــــــبدالله)
كانت مشاعل واختها رهف طفشانين بقوووووووه بعــد ولاطفشووووا الله يـــــستر رهف معروف انها بنت مرحه جدا مشاعل هاديه شوي بس رهف
تحركها ماينخاف عليها مشاعل لاصارت مع رهف تموووت من الضحك من كثر ماتنكت رهف وتطنز طبعا رهف لاطفشت الله لايوريــكم
تطنز عشان تسلي عمرهــاومشاعل ورهف المعروف عنهم انهم دايم مع بعض مايفترقون عن بعض ابد الابالاجااازت احيااان لان مشاعل تروح
عند امها المـــهم رهــــف سوت كل شي وضحكت حتى تعبت وتطنزت على الكل قااامت رهف للتــليفــون ودقت على بنااات عمها عشان
يجووون عندها هي ومشاااعل ويتسلوون مع بعض لان بنات عمها قريبين منها كثير واسرارهم لبعض هالرباااعي....
رهــــف:الــــــــــــــــــوووووووووو
ريمـــاس بنت عمها:هلارهــوفه
رهـف :ريماااس وش عندكـم الحين
ريـــماس:ماعندنا شي طفشااانين مثل منتي عارفه اليوم عندهم عرس والكل خارجين
رهـــف:ايه الله يقطع هالعروووس عاد الحريم هذا الي يحبوونه
ريـــماس:ماعندهم شــغــله الاهالعرووس والسووق بسم الله علينا انا وياتس اهم ماعندنا السووق اوما العروس مالنا فيها
رهـــف:رمووسه قلبي تعالـوا عندنا انا ومشاعل تفشانين تعالي انتي واختكـ مهااوي
ريمــاس:انشالله بــروح الــبس واتصل على السواق
رهـــف:اوكي انتظرك وانا بروح اســوي القــهوى مــع الـسلامه
ريــماس:الله معكـ
...... ,,, .......,,,......,,,........,,,........,,,,.......
راحت رهوووفه هي ومشااعل يجهزوون القهووى والحلى طبعا الحلى سهل جدا لانهم فااشلات بالمطبخ وسوو البسبووسه والقهووى
وقضووا وجهزوها وراحووو لــــم غرفتهم ولبسووا وتجهزوا وجــووا بناات عمهم ريمااس ومهاودخلووو وجاابواا القهووى لهم وطبعا رهـف
ومشااعل مسوين ســنـعات مع الطفش وضفووا بنات عمهم وبعد الضياافه بدت رهف بمرحهاا وضحكها وقامت تتذكر العرووس الي راحت
لها وتقلد لهم الي يقربون لهم وترقص مثلهم والبنات ميتين ضحكـ على رهف لان رهف لاطفشت عليها طنازه ونكت
الله لايوريكم <<<<ليتها داايم طفشانه عشان ضحكتها تدووم يارب
تعبت رهف من كثر ماتضحك وتنكت وتطنز على النااس جلست رهف ترتاح والبنات ميتين ضحك عليهااا
رهــف: بنات بلله منتم طفشانين حنا كل ماطفشنا هذا موالنا نضحك ونطنز على العالم نبي نغير الوووضع
البنات : وش بتزينين طااال عمرتس مابقى شي ماسوتي
رهـف:مازينا شي بس نضحكـ
ريمااس:يعني وش بنسوي ضحك وضحكنا ليش ماخلتونا نروح العرس معهم
مشــااعل:لاياشيخ مانبي اعرااس حنا يلله نحضر اعراس الي يقربون لنا تبي نحضر اعرااس هذولا المهاايطيه
مهـــا:ايه والله يامشاعل صادقه مالنا خلق اعراس
رهـــــف:طيب وش نسوي السووق ومانقدر نروح لـــــــه حتى السووق مانعينا من غيرهم يعني وش فيها لورحنا مع السواق
مشااعل :رهوووفه اركــدي انتي تسذا ويلله سالمين منك تبينا نروح لحالنا مع السواق لم السووق انهبلتي
ريماااس:طيب وراه ماتخلونا ندخل النت ونتسلى
رهـــف:ايـــه والله جبتيها رموووسه يلله بروح اجيب الابتووب
ريمااس:هههههههههههههههههههههههههه انا ام الافكـــــار موب بس انتي رهــــوفـــــه
مشااعل:ماصذقت خبر رهوفـه وراحت تجيبه
مهـــا:ايه خليه تطس تجيبه نتسلى عشان تركد عننا هي
راحــــت رهـــف تجيب الجهااز من غــرفتهــا بس وهي تجـــيبه تفكــر وش تبي بالنت وهم مايــقعدوون الا على منتدياات جااابت
رهووفه الجهاز وجلست وفتـــــــحــــته .......
رهـــــف:يلله يبناات تعالووا شغلته
كلهـــــم جـــــــــــوا لــــــم رهـــــف وجلســـوا حــــــولهــــا ....
ريمااس :رهوفه وش تبين تــــــدخلين بالـــــــنت ترى طفشاانـــــا مــــــن المــــنتديـات
مشـــاعل +مــــها: ها يامهاابيل وش تبون تتدخلون غيـــــر المنتدياات والبرامــج والاغااني
رهـــــف:هييييييييييه انتـــــــــم بعقولكــــــــم المـنتدى بيسلي انـــا براااسي شي من زمااان ودي اسويه
الــــــــبناات كلهم بصووت واحـد: وشــــهو يـــــاطــويلة العــــــــــمر
رهـــــــف: من زمـــــــــان ودي ادخـــل شاات وخلينا ندخله دام مابوه احد بالبيت الحين ومنها نتسلى ونطقطق
مشـــــاعل: نطقطق يـــبناات اووكي الشاات معروف كله شبااب وخلون نطقطق الله يستر بس رهف بتخربهاا اليوم
رهـــــــف: مشاعل حنا طفشانين ولاتصيرين تسذا خليتس معناا وخلاص هي (خــــــاربـــــــه خــــــــاربـه خـــــليــنا نــــعمـيهـا)
البـــــناات:ههههههههههههههههههههههههههههههههههههه ههههههههههه الله يستر يارهــــــوفــــــــه بس يلله معتس وش ورانا اليوم سهرتنا صبااحي
رهف فتحت الجهااز وقعدت تفكر وش تكتب بقوقل هااايبنااات وش ندخل مابراسكم شااات تدخلون لمـــــــه ولا اكتب انا من راااسي
الــــــــبنـــــات: ادخلــــــي من راســــكـ نشـــــــوف وش بيـــــطلع لنــــا من راســـــكـ
رهــــــــف: ياربييييييييييييييييه منكـــــم انتـــم ماااتحــــــــــمسون الوااحد يلله انا براسي شات الاحزان ولاادري وشو طبعاا بس الاسم حلوو
الــــــــبنااات:يلله ادخليه نشووفه
طـــبعا كلهم متحمسين يدخلون الشات لانهم ماعمرهم دخلوووه بس كاانو يسمعون صديقااتهم وش يدخــــلون وش يسوون بهالشااتات
رهـــــــــــف: بناات وش نكـــــــتب الاسم المستعار
البــناات: اكـــــــيد اسم من راسك دبريها انتي
رهــــــــف: متاكدين تبوني اناا اخترعلكم بعد وابدع هالمره بعد
البنــــات: رهـــــــــــوفه اكتبي من راســــكـ وخلصيناا ادخلي نبي نشووف وش فيه
رهــــــف:احـــــــم احــــــــم اكــــــــــــــيد بدخــــــــــل بأســــــــمي
مـــــــــشاعل: رهـف مجنوونه انــــــتي
ريماس+مــها: رهف اكتبي اي اسم هم ماقولوا لتس اكتبي الصدز
رهــف:هيييييييييييه انتم يعني هم بيعرفون رهف من بنته بكتب هي خااربه خااربه بعميهااا
البنااات:يلله رهـــف بنشوف اخرتهاا معتس ادخلي وخلصينا
رهـــف: طيب ياعمااتي
دخلت رهف الاسم المستعار الي هو اسمها وهي مستانسه انها بتدخل شات وتتونس لان صــديقااتها مدحووا لها الشات<<<مادحوا لها شي سنع
================================================== ==============================
مشاعل في هاذي الاوقـــــات كانت خاااايفــه على اخــتها رهـف ولان رهـف بالنـسبه لمـشاعل اخـت وصـديقـه وكل شي بالنسبه لمشاعل
بعد امها الي تركتها في عمر صغير من حيااتها والي كانت مشاعل محتاجه امها في مراهقتها وعلى ان عمر رهف
صغير على انها مشالله تفهم كثير على اختها وتعرف هي وش محتاجه بس مشااعل طبعا فاقده حنان امها كثير
وابوها موب مقصر عليها بشي بس الام تفهم على بنتها اكثر من الاب<<<<الله يسامحك ياام عبدالله تركتي بنتك وهي محتاجتلك
في هاذي الاوقات طبعا شرد بال مشاعل عن البنات وشوي ورجعت لهم وحاولت تمنع اختها رهف عن دخولها الشات رهف
مانعت .............
رهــــف: مشاعل وش منه خااايفه انتي ترى هو للطقطقه بس<<<<<<<<هماك صغير وماخفي لك كان اعظم
مــشاعـل: رهف انا اعرف وش يصير بالشاتات صديقاتي قالوا مافي اي بنت تدخله الا وهي عارفتلها 10 موب واحد
وانا خااايفه بصراحه ماتدرين وش يصير ..
ريماس: يابنت يامشاعل ترى هي تسليه بس واذا خايفه على اختك كلنا قاعدين ونشوف وش راح تسوي وهي عاقله
ترن ترن ترن ترن ترن ترن ........... ريمااس: الووووو هلا احمد
احمد : هلا حبيبتي وينك انتي ؟
ريماس :عند بنات عمي انا
احــمد : طيب ياقلبي لارجعتي البيت عطيني خبر.
ريــماس: طيب ابشر
احمــد: مع السلامه
ريماس: الله معكـ
================================================== =========================
طبعا هذا حبيب ريماس الي متعرفه عليه بالصدفه وهومتجنس وشخصيته رومنسيه نوعا ماا ويحب ريمااس حب
يحسدون عليه وكان على طول مايفارقها يعني في اليوم اكثر من مره يكلمهاا
وهي تحمل له نفس الشعوور وهو مثل ماقلنا بالصدفه وهي ريماس ماكانت تدري انه موب سعودي او انه متجنس
بس بالنهاايه راح تدري واقولكم وش يصير معها...
================================================== ======================
رهف : يلله بنات معزبتكم بتتدخل
البنات:هههههههههههههههههههههههههه يلله
رهف : دخلت الشات وطبعا باااسمها انواع البرايفت والشاشه كلها صفرا منهم ودخلت على النك الي عاجبها من ضمن الي جوا لها
الي هو المهاااجر<<<<<<<الله يكون بعونتس يارهف قلنا ماخفي كان اعظم
البنات : كانوا متحمسين بقوه
المهاجر: سلام عليكم
رهف: عليكم السلام
المهاجر: اخبارك يالغلا
رهـف: بخير انت اخباارك
المهاجر: دوم يالغاليه <<<<<<امداها تصير غاليه وحوووش انتم الله يعينها عليكم
المهاجر: انا بخير بشوفتك
رهـف: دووووم موب يوم
المهاجر: يدوملك الخير
البنااات: فله بقــــوه كملي انتي رهف خلنا نشوف نهايته
رهـف: طيب تامرون انتم ياعماتي
المهاجر: رهف من وين انتي؟
رهـــف: انا من جـــده <<<<<<<<تسذوب من الريااض بس تتهرب ولازم انها ماتقول الصدز لعيال الشات
المهاجر: هلا وغلا بأهل جده منوره والله
رهـــف: تسلم هلافيك منوره بوجودكـ
رهــف: انت من وين ؟
المهـاجر: انا من الرياض
البنات: يمه يمه يمه يمه يمه يمه يمه من عندنا زين قلتي من جده بغينا نتوهـق معوه
المهاجـر:رهف وش اسمك ممكن اعرفه .
رهف:اسمي رهف
المهاجر: يعني مستعار براحتك ياغلاي
رهـف: لالا والله هذا الصدزي بس انا حبيت ادخل فيه ومحد داري عني انه هو الحقيقي
المهاجر: صادزه والله
رهـف: اسمك انت ؟
المهاجر: محمد
رهـف: عاشت الاسامي
المهاجر: عاشت ايامك
المهاجر: عمرك رهووفه<<<<<<لازم يدلع عشان يشبك
رهـف:عمري 20<<<<<<تسذوب عمرها18 لازم زيادة كم سنه عشان مايقلها بزر
المهاجر: العمر كله
رهـف: انت كم عمرك؟
المهاجـر : 23
رهـف : العمر كله<<<<كبير واجد عني بس يلله طقطقه هي
المهاجـر: تسلمين والله
المهاجر: اكيد تدرسين رهف
رهـف : ايه ادرس
المهاجـر: باي صف ؟
رهـف:ههههههههههههههه حلوه اي صف انا اول جامعه<<<<<<صدقت كذبتها توك انتي بالثانوي
المهاجر:الله يوفقك يارب باي قسم
رهـف: ههههههههههههه تحقق انت معي
المهاجر: لاعادي تعارف اذا يضايقك خلاص
رهـف: اها عاتي امزح معك انا قسم كيمياء<<<<<<<<<فاشله بدرستها وكيميا بعد لاجابت العيد
المهاجـر:مشالله عليك الله يوفقك
البنااات: رهف ماشا تهذرين ماعليتس اخلاف يعني مالانا داعي معتس
رهـف: ماشلله هو اسئلته كثيره وسلاني معوه وش اسوي يعني احسن من طفشنا من ساع اسكتوا خلوني اكمل
المـهاجـر:وشلون الدراسه معكـ الحين
رهـف : تمام ماشي حالها
رهـف: انت تدرس؟
المهاجر: لايالغلا انا متوظف
رهـف: وين متوظف؟<<<<<<<<<<لقافه معروفه ماتخلي لقافتها حتى بالنت
المهاجر : بالبنك موظف
رهـف: الله يوفقك ان شالله
المهاجر: امين وياأإأإأإكـ
رهـف: بقفل شوي بس وارجع
المهاجر: اوكي انتظرك بالليل لاني سهران
رهف: اوكي مع السلامه
المهاجـر:الله معكـ
================================================== ====================
طبعا الاهل كلهم بالعرس مع البنات وبنات العـــم ومستانسين بعد والبنات يرقصون ومثل منتم عارفين تقضى اعراااس
اهل الرياض بدري وقضوا من العرس وراحو لم البيت ولقوا البنات سهرانين عاد قامت مشاعل ونادت بنات عمها وحرمة عمها
وكملوا سهرتهم ببيت ابوعبدالله الى الساعه اربع الفجر طبعا رهف مشغوله ببالها تبي تتدخل النت وعاد سهرتهم كانت حلوه
لان هالعائلتين دايم مع بعض والعصريات مايفترقو والقهوى ويوم عند بيت ابوعبدالله ويوم عند ابو فراااس
الله لايغير عليهم وهم طبعا بكل طلعاتهم مع بعض لان بناتهم اعمارهم متقاربه وماشاالله هم بنات فااهمين ويحبون بعضهم حيل
طبعا بنات عم ولازم يحبون بعض بس هم غير عن بنات اي عمان ثانين <<<<<الله يوفقهم وتديم محبتهم والله لايغير عليهم
كملو سهرتهم وبيت ابو فراس راحوا لبيتهم والي جو من العرس ناااموا ومابقى غير مشاعل ورهف صاحين لان سهرتهم صباحي
شكلهااا ومابقى على الصبح الاربع ساعه او اقل بعد بهالاحظات رهف راحت تجيب الجهاز وراحت لم غرفتها لانها واعده المهاجر
انها تدخل بليل بس بيت عمها طولووا عندهم وماقدرت تدخل دخلت رهف لم الشات ويمها اختها مشاعل الي تجاورها بالسرير
بغرفتهم الورديه الناعمه الي يدخلها يحس انه داخل غرفة بنات ناعمات كل جزء بالغرفه يعبر عنهم وكل شي بالغرفه لونـه
وردي بما ان مشاعل ورهف يحبون الون اوردي حتى الصبغ وردي والوان الفرش وردي كانت ناعمه وهاديه بمعنى الكلمه
وبهالاوقات وهم بغرفتهم والجهاز بينهم دخلو الشات الي شكلهم بيتعدون عليه واجد دخلت رهف الاسم المستعار نفسه
واول مادخلت اكيد اول واحد انتبه بدخولها الي هو المهاااجر وعلى طول جى لمها برايفت ....
المهـاجر: وينك رهف هذا الي موب مطوووله طوليتي علي كثير
رهـف: سوووري يالغلا ماكنت اقصد بس بنات عمي عندي وماقدرت ادخل وهم موجودين
المهاجر: اووكي عادي عاذرك
رهـف: اخبارك انت
المهاجـر: تمام بخير اخبارك انتي؟
رهــف: دوم .. انا بخير بشوفتك
المهاجر : دوووم
المهاجـر: ايه رهوفه كيف الدنيابك
رهـف: ماشي الحال انت اخبارك
المهاجر: هاذي الدنيا يوم لك ويوم عليك على الله بس
رهـف: الله يكون بالعون
المهاجر: ايه والله
رهـف: محمد
المهاجر: لبيه
رهـف: لبى قلبك بس انا بطلع لان فيني نوم
المهاجـر: طيب وشلون وضعك تدخلين كل يوم
رهـف: احاول
المهاجر: لارهف علميني لان انا دوم بكون هنا انتظرك لاني ماادخل النت الابعد مااجي من الدوام وعلى هالحاله والدوام اوقاته غير
رهـف: اوكـي بدخل بكـره بنفس الـوقت بلـيل
المهـاجـر:اوكـي اشوفكـ على خير انتبهي لروحك
رهـف: انشالله وانت بعد مع السلامه
المهاجر:الله معك
صارت رهـف تدخـل كل يوم الشات هي وبنات عمها الي كل يـوم يكونون عندهــم لان مابقـى على الـدراسـه واجـد
ودخلت رهف وجــلست عـلى هالـحالـه اسبوع يعني لين يوم الخميس الثاني وهالخميس كان اخر خميس دخلت فيه الشات
وقابلت فيها محمد ودار بينهم حووار حتى هو كان مايبي يدخل الشات لانه طفش كل يوم نفس الموال هنا حتى البنات كانوا موجودين
وكانوا متحمسين حيل لان علاقة رهـف تطوورت حيل مـع محـمد وبماان رهف صارت تشتاق لمحمد وتدخل عشانه
وحتى هو تقريبا صار يشتاق لها ومايدخل الاعشانها وهو اساسا ماله دخلات كثيره للنت لان ظروف عمله ومواعيده
دخلت رهف ولقت محمد بالشاااااااااااااات............
رهــف: سلام عليكم
المهاجر:علـيكـم السـلام
رهـف: اخبارك؟
المهاجـر: بخير ياغلاي
رهـف: دوووم موب يوم
المهاجـر: يدوملك الخير اخبارك انتي عساك بخير
رهـف: بخير بشوفتك
المهاجر : دوم
المهاجـر: رهف ودي اقلك شي بخاطـري وبصراحه
رهـف: خذ راحتك تفضل <<<<<<حست ان في شي تطمني مافي شي مافي الاترقيم بس الله يعينك صغيره على الحب
المهاجـر:رهف انا ارتحت لك كثير ويزداد شوقي لك كل يوم ولاادري ليش يعني مااقدر اصف لك شعوري بس هذا الي انا احسه
من ناحيتك وصرت كل يوم وانا بالشات اجي من الدوام على النت واروح وارجع وعلى هالحـاله كل يوم عشانـكـ
رهـف: حتى انا ياغلاي ارتحت لك كثير وانا مثل ماقلت لك اول مره ادخل شات وكنت ناوي بس اتسلى وماتوقعت اني برتاح لاي احد
ويمكن يامحمد انقطع فتره عن النت لان بجدد مره ثانيه ولاادري متى اخواني راح يجددون
المهـاجـر: اوكي رهف ودي اعطيك شي بس اخاف تزعلين وصدقيني انا ماعمري عطيت هالشي لاي وحده هنا بالشات بس انتي
حسيت انك غير عنهم حيل <<<<<<<<كلامه صاادق وهو فعلا كان غير
رهـف: وشهو يامحمد عسى خير
المهاجـر: انا فكرت كثير وابي اعطيك رقمي واتمنى انك تتدقين علي باي وقت تبين وصدقيني رهف لوماارتحت لك صدقيني مااعطيتك اياه
وانتي متى ماحبيتي تكلميني بتلقيني وماراح اضرك يالغلا باي شي ولاتخاافين ابد من ناحيتي لاني ابي وحده تفهمني مثلكـ
رهـف: انشالله يامحمد بس لاتعتمد يمكن احتاج وقت عشان ادق عليك لاني ماابي اسوي شي وانا متردده فيه
مهاجـر: اوكي رهووفه بعطيك اياه ودقي متى ماحبيتي
المهاجر:0000000000<<<<<<<قــــــط رقموووه على رهف وكان يتمنى انها تدق عليه
رهـف:اوكي وصل
المهاجـر: رهوفه سجلي اوكي لاتنسين لاني بطلع
رهـف: اوكي محمد وصل خلااص
المهاجر : اوكي تراي انتظرك
رهـف: ان شالله اوكي محمد انا بطلع واذا في فرصه كلمتك <<<<<<<<طبعا سجلت خلاص وارتاحت لانها هي ارتاحت له كثير
المهاجر: اوكي بنتظارك والله معك وانتبهي على روحك
رهـف: ان شالله
================================================== =====
قفلت رهف النت وبراسها مليون خطه وخطه وسالفه عاد رهوفه معروفه لاحطت براسها شي لازم يصير
رهــف: ناظرات البنات وهي مبتسمه لهم
البنات : وشفيك رهوفه خير
رهـف: سلامتكم مافيني شي بس شوفتوا وش صار معه يجن يجنن
البنات : ايه شفنا وش يعني تيب
رهــف: لا بس براسي شي ودي اسويه
البنات: وشهو الله يستر منكم ومن الي براسكـ
رهـف:لاعاتي هو هالشي بس بجيب جوال امي
البنات: ايه وبعدين وش نبي بجوال امك
رهـف: عليكم عقل على قدكم يعني جوال امي بجيبه بتصور معه يعني بكلم
البنات: منو بتكلمين طيب
رهـف: بكلم حمودي
البنات: وش قلتي لا وبعد تدلعينه انتي وخشتك
مشاعل: رهف خير احنا وش قلنا وانتي وش قايلتن لنا داخلين نطقطق ولا تشيبكين
رهـف: هو شبكني وانا ارتحت له ومتشوقه اسمع صوته لان كلامه حلو بسمع صوته عادي ماصار شي
البنات: طيب الجوال جوال امك لودق هو
رهف: هههههههههههههههههه الجوال امي ماتدري عنه وهي مخليته معي على طووول وتدري انه معي وابوي بيجيب لي جوال
لانجحت ويلليل ماطولك عاد
البنات : براحـــتك والله
مشاعـل: رهف لاصار شي مالي شغل فيك انا حذرتك
رهـف: معقدات هاذي ريماس متعرفه على هذاك صاحب المحل ولاصار شي لها ولاتنسون كلنا مشتركات معها بالبدايه ويحليلهم الحين
عايشن ويحبون بعضهم
ريمااس:هههههههههههههههههههههههههه تيب براحتك صايره قدوتك الحين
رهـف: لا بس جد موب صاير شي عادي
البنات : يلله خلصينا قومي جيبيه
رهـف: هييييييييييييييه يلله بروح لامي<<<<<<<طفله بس عقلها ماشلله عليها
جابت رهف جوال امها واخذت الرقم وكانت متردده شوي بس كانت اقوى من ترددها ودق عليه والبنات كلهم حووولهــــــا
وقاطين اذانيهم مع رهـف علـى الجـوال.......
رهــــف:الـــــــــــــــــو
محمد(المهاجر):هلا والله
رهـف: ســـــــــــلام
محمد(المهاجر): علــيكم السلام
رهـف: كيــفكـ انت
محمد(المهاجر): بخير منووو معـــــي؟
رهـف:افـــــــــــااا ماعرفتني يامـحمد
محمد(المهاجر):وشو افــا ولابعد تعرفيني
رهــف: على العــــمــوم انــا رهــف
محمد(المهاجر):هلاااااااااااااااااااااا وغلااااااااااااااااا رهــوفه
رهـف: استحت منه من كثر مايهلي فيها هلا بكـ زووود
محمد(المهاجر): شلونك اخبارك
رهـف: بخير الحمدالله
محمد(المهاجر): حي هالصووووووووووووت والله <<<<<<<<<<صوتها خقأأأأق بقووه
رهـف: الله يحيكـ لحظــه محمد
محمد(المهاجر): خذي راحتكـ
رهــف: بنااات صوته يجنن البنات بقوه بس قربي شوي بنسمعه زين
رهف:ايه محمد
محمد(المهاجر): هلابك والله اخبارك
رهــف: تمام كيفك انت
محمد(المهاجر): انا بخير دامـي سمعت هالسووووت
رهـف: دوم(تسلم)
رهــف: محمد فيه صـوت ازعـاج عندكـ يلله اسمعكـ
محمد(المهاجـر): ايه ياقلبي انا بالدوام الحين طيب خلي لين ارجع من الدووام اكلمك يعني على الساعه 12 بكلمك زين رهوفه
رهـف: اوكي يالغـلا انتـظرك <<<<<<<<<<<اكيد بتنتظر خقت مع صوته وهو بعد اكيد بيتصل خق مع صوتها
محمد(المهاجر):يلله ياقلبي مع السلامه وانتبهي لروحك
رهـف: ان شا لله وانت بعد الله معك
================================================== ========
سكرت رهف الجوال وهي خاقه مع صوته
البنات: وشفيك رهوفه
رهـف: مافيني شي بس صوته حلوو
البنات: انزين ليش سكر من عندك
رهـف: بيدق بليل هو الحين بالدوام
البنات: اهااا وبتكلمينه لادق يعني
رهــف : ايه اكيد بكلمه <<<<<<<مراهقه وينقص عليها بسرعه
مشـاعل : رهف حبيبتي لاتنسين انك داقه عليه من جوال امكـ
ريمـــاس:رهف ترى اختك صادزه وماتدرين هو وش في باله
مهـا: رهف ياقلبي ترى كنا نطقطق يوم دخلنا الشات لاتتهورين وانتي تكلمينه واذا بتقولين ريماس ريماس اكبر منك وتقدر تصرف نفسها
واذا اتصل طنشيه واحقريه او ارسلي رساله اعتذري وقولي مااقدر اكلمك
رهـف: الحين بالبدايه مااعترضتوا الحين بعد ماكلمتوا تعترضون عناد بكلمه <<<<<<الي براسها تسويه تسويه وماعليها بااحد
مها: رهف بكيفك بس انتي صغيره وهو اكبر منك بواجد بيضحك عليك بكلمتين وتصدقينه
رهـف: لاعاتي صدقين على صغر سني فاانا اكبر من كذا وانا حاااسه انه عاجبني وصادق ماادري ليش <<<<<<عاجبها السوت
مشاعـــل: غيرووا السالفه تراني طفشت
قــــــــاموووا البنــــــــــات وشــــــغلـوا المسجل وقـــــــامـــــوا يرقـــصون ونســوا الاحـــــتكـاكـ الي صــار بينــهم وانبسطـوا
وصــاروا يــضاربــون مـع بعض كــالعــاده بـالمـخــدات ويـرمـون بعـض بالمخـــدات <<<<<<حشى مصارعه صارت
هالحــزه حـزه عشى جــات سوارنــــي الخدامه رهـف ماما يقول تعالي انتي وبنات ياكول عشى تيب يلله روحي
رهـف: يلله بنــات العــشى ..
البنات : يلله تيب وراك
رهـف: بنات بنتعشى ونجي الغرفه مابقى الا ساعه ويدق محمد
البنات : تامرن ياعمه والله يستر منك ومنه
راحووا البنات ولقوا السفره جاهزه وتعشووا كلهم وجلسوا كالعاده يسولفون وخلصوا من العشى <<<<<<<<<<بالهناء والشفاء
وراحووا الغرفه ويناظرون بالساعه مابقى غير خمس دقايق وتكون الساعه 12 رهف كانت متحمسين حيل
ترن........ ترن............ ترن ........... ترن............ ترن ............. ترن..........
(انتظر ردودكـــــم واذا عجبتكم القصه كملتها لكمـ لانـها توها ببدايتها وهي تحمل كثير من الجروح والفرح والمآسي
وانا اول مره اكتب قصه وهاذي قصة صاارت لي اناا وحبيت انقلها لكــــم وهي واقعيه الله يعطيكم العافيه)
اتمنى تنال اعجابكم هالجزء
اخـــــــــــتــــــكـــــــم :اهاآآآتـ