قلوب محبه.. تعزف دما على اوتارها

[روعة الشوق]

بنات وينكم ليش مافي ردود صراحه زعلتوني منكم متحمسه كاتبه لكم اليوم جزء جديد ماتوقعت كذا

[غريبة الاماكن]

هلا روعه كيفك
لي عودة بعد القراءة
واكيد راح تكون حلو زي لاتعذر

[روعة الشوق]

(( الجزء الثاني))

وقفو عند اقرب محل جوالات نزلو البنات الجازي وساره راحو عند قسم الاجهزه الجديده اما شذى راحت عند زينات الجهاز

عجب الجازي جهاز نوكيا N81 رفعت راسها :لوسمحت طلع لي هذا

لف عليهم البائع:هلا اختي

الجازي بققت عيونها فيه تمت ساعه وهي تطالعه "اووه وش هالزين وش هالجمال يمه مااقدر على كذا انا "ضربت بكوعها على ساره

ساره كانت لاهيه تدور لها على جهاز :أي انتي وشـ ........((شافته بلمت ماقدرت تكمل))

استغرب منهم:اختي طلبتني من شوي

رجعت الجازي لواقعها :أي اخوي طلع لي هالجهاز

طلع لهم وحطه قدامها :هذا اختي اخر اصدارات نوكيا يتميز بميزات جديده ............(قام يشرح لهم وهم مفهين فيه)

البياع:هاه اختي عجبك احطه لك

الجازي:هاه

البياع فيه الضحكه:احطه لك

الجازي:أيه لا ايه لا اصبر بروح انادي صديقتي

البياع:خذي راحتك
راحت الجازي تنادي شذى وساره واقفه عنده

ساره:كم عمرك انت

استغرب من السؤال:نعـــــم

حست بنفسها ساره:هاه لا ولاشي

الجازي وهي تمسك يد شذى:شذى تعالي بسرعه

شذى:خير وش فيك

الجازي:تعالي شوفي واحد يجنن يطيح الصقر من السماء مو الطير

شذى:ههههههههههههههه الله واكبر لايكون فزاع وانا مادري

الجازي:لاياحبيتي وش فزاع عنده تعالي شوفيه

سحبتها الجازي لحد ماوصلو عندهم شذا تفاجات من الشخص الي قدامها:محمــــــــد

محمد طبعا عرفها لانها كاشفه تم يطالع فيها ودقات قلبه كانت سريعه تم يطالع في الي دخلت قلبه وسكنت فيه الي مايقدر يستغني عنها بس مايقدر يبوح لها مافي قلبه لانها مغروره ومتكبره يمكن تسمعه كلام هو في غني عنه

البنات مستغربين يشوفون صديقتهم تطالعه بنظرات تعبر عن استحقارها له

الجازي:تعرفينه

شذى عصبت من يوم شافته: يالله بنات بنطلع من المحل

ساره:لحظه بشتري الجهاز

شذى :بنروح محل ثاني

طلعت برا المحل ولحقوها البنات
في السياره

الجازي:وش فيك ليش طلعتي

شذى:يووووووووووووووه ماتعرفون تركبون وانتم ساكتين وانت يالله حرك وش تستنى

ساره والجازي قعدو ساكتين لان الجو توتر وعارفين صديقتهم اذا نطقو راح تقلب السياره عليهم

ساره قربت من عند الجازي:وش فيها هاذي

الجازي:مادري عنها من شافت الولد وهي معصبه

ساره:شكلها تعرفه لانها قالت محمد

الجازي:مادري والله اساليها

كانت شذى ساكته بس تسمع كلامهم

ساره:شذى

شذى بدون نفس:نعــــــم

ساره:شفيك انتي الحين انقلبتي من شوي رايقه من شفتي الولد عصبتي انتي تعرفينه قبل

شذى:أي اعرفه ارتحتي

الجازي:خويك يعني

شذى:لاولد خالتي

الجازي وساره:وشــــــــــــو

شذى:الي سمعتوه

الجازي:لحظه فهمينا أي خاله

شذى:يعني انا عندي كم خاله خاله وحده الله ياخذها اهي وعيالها وامها بعد

الجازي:اهي بكيفها بس ولدها لا والله ههههههههههههههه

ساره:ههههههههههههههههه أي والله هالزين حرام يروح اقول شذى متزوج هو

شذى:لا

ساره:حلو اجل شكلي بخطط عليه

شذى:وبتضيعين نفسك مع واحد حافي منتف تافه مثله

ساره:بكيفه انشاءالله انا اصرف عليه والمهر علي بعد

شذى رجعت لطبيعتها :هههههههههههههههههه يالمجنونه

ساره:اكيد مجنونه مدام انتم صديقاتي
#############################
قلوب محبه.....تعزف دمــــــــ على ــــا اوتارها
رومنسيه.....خياليه .......تحدي.....تشويق......الم........حزن.......اث اره
###############################
رجعت نوف مع وجدان من المدرسه لبيت صديقتها مالها خلق تروح لبيتهم وماتبي تشوف ابرار يمكن ترتكب فيها جريمه وهو داخلين شافو مشعل على طريقهم

مشعل:اهلين بالحلوين

وجدان:اهلين ميشو

نوف"اوووووف هذا وقتك بعد"

مشعل:اصغر مبزرتك انا ميشو "لف على نوف كان فرحان بشوفتها":نوف كيفك

نوف مالها خلق له:بخيــر

مشعل:تو مانور المكان

نوف:اوووف لاوجدان انا راح ادخل

مشعل:وش دعوه حتى المجامله ماتعرفين

نوف تصارخ في وجهه:والله براحتي ارد ماارد انت مالك خص فاهم

مشعل:هي انتي مواانا اصغر عيالك علشان تنافخين كذا احترمي نفسك

نوف:اصلا انا محترمه نفسي قبل لااشوفك

وجدان :هي انتم خلاص خير اطفال

مشعل:والله مو الطفل الا الي قدامي

نوف:هيه انت احترم نفسك وعن الغلط ولاترا بيجيك شي عمرك ماشفته

مشعل نزل كتب الجامعه وقرب من عندها :لاشرايك عطيني كف "قرب اكثر منها ماقام يفصل عنهم شي الا الهواء صرخ في وجهاا":يالله
نواف خافت منه وفي نفس الوقت كانت مستحيه لانه قريب منها مره دفته من عند صدره :ابعد عن وجهي بس

سحبتها وجدان لان لو طولو راح يصير شي مشعل راح ركب سيارته
كان في السياره يفكر فيها "والله لااكسر راسك يانوف بس اصبري علي شوي والله لااخليك تموتين على تراب رجولي بس انا وانتي والزمن معنا"

خلينا نتكلم عن شخصية مشعل مشعل شاب حبوب عمره 22 يحب المزح والضحك رياضي من درجه اولى رومنسي وحنون يجب نوف بجنون بس نوف تكرهه كره موطبيعي اذا شافته تحاول تستفزه او تضايقه بس هو صابر عليها طبعا شكله غير عن اخوانه شعره اسود وهو حنطي حاط له سكسوكه يتميز بعيونه الناعسه والغميزات


#############################
قلوب محبه.....تعزف دمــــــــ على ــــا اوتارها
رومنسيه.....خياليه .......تحدي.....تشويق......الم........حزن.......اث اره
###############################

كانت شذى جالسه في الصاله معاها كافي تشوفTV نزلت امها كانت كاشخه

شذى:على وين انشاءالله

ام سعود:يعني ماتدرين اليوم جمعة الحريم هاذ ي بعد وينها ابرار يابرار يالله استعجلي

شذى :لايكون بتروح ههالعقد

ام سعود:ايه بتروح انشاءالله احد يخطبها هناك تعرفين كل الحريم فيه شايفين خير " وهي تطالع في الدرج"ابرار يالله

ابرار من فوق:طيب ماما هذا انا نازله


شذى:للحين حاطه الامل فيها خلاص اكيد انها عنست انشاءالله تفرحين فيني انا

ام سعود:انتي ماخفت عليك ماشاءالله الكل يتمناك


نزلت ابرار بسرعه ماسكه عباتها وجزمتها ماتبي تاخر امها

شذى:هههههههههههههههههههههههههههههههههههههههههههههه ه

ابرار وهي تلبس جزمتها:خير انشاءالله مافي شي يضحك

شذى ماوقفت من الضحك :ههههههههههههه بالله بتروحيـــ هههههههههههه مااقدر اكمل كلامي ههههههه

ابرار:ماما شوفيها

ام سعود :شذى خلاص يكفي ضحك

شذى:بالله ماما بتاخذينها كذااا والله تفشلك

كان لبس ابرار تنورة جينز طويله مع بلوزه سوداء كت يعني نقدر نقول عنه مرتب عكس اخواتها الثنتين الي يحبوون يلبسون اخر شي نزل ويتابعون الموضه خاصة شذى

ابرار:لا الحين البس الي يستر يفشل اجل لبسك وش يقولون عليه الناس الحمدالله والشكر

سفهتها ابرار واخذت تقلب في القنوات

ام سعود:وين اختك

شذى:هههههههههه بالله ماتدرين وينها

ام سعود:وانا وش عرفني جوالها كله مقفل

شذى"على ايش اجل انتي ام":في بيت وجدان

طلعت ام سعود وبنتها

شذى طفشت مافي احد في البيت ومالها خلق تطلع اخذت جوالها طلعت رقم ماجد واتصلت فيه

ماجد:هلا وغلا والله بزينة البنات كلهم

شذى ضحكة دلع:ههه هلافيك

ماجد:كيفك ياقلبي

شذى:good وانت كيفك

ماجد:من سمعت الصوت اكيد انا بخير

شذى بدلع مناسب لها:انا طفشانه بالمره

ماجد:افـــــــــا شذاوي تطفش وانا موجود ليش

شذى:ماعندي احد كلهم طالعين

ماجد:طيب وين نوف عنك

شذى:طالعه عند صاحبتها

ماجد:طيب روحي اطلعي تمشي ولاشرايك انا عازمك على مطعم

شذى:لامالي خلق الا اقول ليش انت ماتجي عندي

ماجد فرح:ماعندي مانع بس اخاف احد يطب علينا من اخوانك

شذى:لامن هالناحيه لاتخاف سعود في الشركه وفهود مانشوفه

ماجد:خلاص صار ولايهمك متى تبيني اجي

شذى تطالع في ساعتها البنيه:امممم عشر ونص

ماجد:حلوو خلاص اجل اشوفك تامرين على حاجه ياقلبي

شذى:سلامتك

ماجد:يالله باي

شذى:باي
*******************
في بيت ام محمد كانو محمد ومرام جالسين مع امهم وجدتهم يتقهوون

ام محمد:اقول يمه محمد

محمد:سمي يمه

ام محمد:شخبار شغلك الجديد انشاءالله مرتاح فيه

محمد:الحمدالله يمشي الحال

مرام:طيب ماقدمت على شركات ماشاءالله انت معك بكالوريوس ادارة اعمال حرام تشتغل في محل جوالات

محمد:والله يامرام مافي شي ماقدمت عليه بس يالله الحمدالله على كل حال

ام محمد:اقول مرام وين امل

محمد:أي صح انا اليوم كله ماشفتها

مرام في غرفتها طيب انت قدمت اوراقك شركة زوج خالتي

محمد فهم حركتها تبي تصرفه:مرررام امل وش فيها ماتجلس لحالها الامتضايقه

سكتت مرام

محمد:لايكون احد مزعلها في المدرسه<<<توقع انها نوف لان يعرف حركاتها

مرام:ماعليك منها دلع بنات

محمد:مرام اذا ماقلتي لي انا بروح واعرف وش السالفه

مرام متردده ماتبي تقول لاخوها تضيق صدرها يكفي هم البيت الي شايله فوق ظهره

مرام:بصراحه قاعده تصيح

محمد:ليـــــــــــه

مرام :تبي لها شنطه وجزمه ولبس جديد ان البنات قامو يتطنزون عليها

الجده هياء:طيب وش فيها اغراضها توها جديده

مرام:جدتي حرام عليك الجزمه الي عليها من سنتين ماغيرتها والشنطه تقطعت

ام محمد طاحت دمعتها:ااااه يابنيتي من وين لنا كل هالاغراض هاذي يبي لها ميزانيه وانا على قد حالنا يالله نلقى شي ناكله طيب عطيها من اغراضك

مرام:يمه اغراضي كلها لها بس استخدمتها

قام محمد من مكانه وصار يصعد الدرج درجتين ورا بعض يشوف حال اخته الصغيره الي مايبي يقصر عليها بااي شي

فتح الباب شافها منسدحه على السرير وكرتون المناديل جنبها
محمد:امل

امل قامت ومسحت دموعها بسرعه علشان ماينتبه لها اخوها:هلا

جاء محمد وجلس جنبها:ليش تبكين

امل:لاعادي ماابكي

محمد:علي ياامل

امل:محمد انـ ـ ـ ـ ا"ماقدرت تكمل على طول طاحت دموعها"

قرب منها محمد :امل خلاص امسحي دموعك والله هالدموع تعور قلبي قولي لي وش تبين وانا حاضر

امل:ماابي اكمل دراستي

استغرب محمد:ليـــش؟؟؟؟

امل:بس كذا ماابي اكمل طفشت

محمد:انتي امل المجتهده الشاطره الطموحه ماتبي تكمل دراستها هذا شي مايدخل العقل اكيد في سبب ثاني موهذا

امل:لابس هذا السبب

محمد:لامو كل هذا مو حب للمدرسه بس علشان البنات يتكلمون عليك صح

امل :تخيل محمد اذا مشيت مع صديقاتي يطالعون فيني كاني طراره وذا جلسو معاي يسالوني انتي ليش لبسك كذا ماعندك شي تلبسينه ليش انتي مو مثل بنت خالتك ليش كذا وليش كذا خلاص انا مليت "تعدت تصيح"

محمد ضاق صدره على اخته كل هذا في قلبها وساكته

محمد:خلاص ولايضيق صدرك بكره راح اوديك احسن الاسواق واخليك تشترين الي تبينه هاه وش تبين بعد

امل فرحت:صدق محمد

محمد:صدق ليش انا قد كذبت

قامت على طول وحظنت اخوها:الله يخليك لي ولايحرمني منك

محمد:خلاص الحين غسلي وجهك ماابي اشوف هالدموع

امل:انشاءالله

طلع محمد من غرفة اخته وقف طلع بوكه بيشوف كم معاه ماحصل الا 260 ريال يالله يكفيهم اخر الشهر اتصل على ولد خالته وصديقه سعود

سعود:هلا بالحبيب

محمد:هلا فيك شخبارك

سعود:والله تمام شخبارك انت وشخبار خالتي والبنات

محمد:والله كلهم بخير اقول سعود انت فاضي الحين

سعود:أي فاضي ولو كنت مشغول اتفضى لك كم عندي ولد خاله انا بس ليش؟؟

محمد:ابيك بسالفه

سعود :خير عسى ماشر

محمد:امرعليك في الشركه

سعود:خلاص صار

محمد:خلاص يالله اجل مع السلامه

سعود:مع السلامه

نتكلم عن محمد.....محمد هو وحيد امه وابوه من الاولاد تحمل المسؤليه وهو صغير من وفاة ابوه تقريبا عمره كان 18 سنه يعني من عشر سنوات وهو يصرف على اهله عانى من حياته ماكمل دراسته اشتغل على طول من وفاة ابووه كان حارس امن في المستشفى وكان راتبه قليل ذاك اليوم مسكه الشيخ عند باب المسجد بعد صلاة العصر وطلب منه يكمل دراسته وهو بيهتم في مصروف اهله وبالفعل كمل دراسته وجاب اعلى الدرجات
محمد حنوووون مايحب يشوف نظرة الحزن في عيون اخواته
طيب وفي الوقت نفسه انسان قوي رجااااال بمعنى الكلمه يقول الحق ولو على موته اما اوصف لكم شكله بقولها كلمه وحده((يدوخ))طول وعرض رزه لونه حنطي بس فاتح نقدر نقول عنه ابيض والاشباه الحاده ولا العيون العسليه الي تذبح برموشها الطويله كانو اغلب بنات حارتهم حاطين العين عليه هههههههههههههههه

وقفت شذى تطالع نفسها المره الاخيره في المرايا وكانت تطالع بنفسها بثقه لان عجبها شكلها بالفستان الليموني القصير الي يوصل لحد نص الفخذ وكان توب مو فوق وشعرها البني الكثيف الي يوصل لاخر زهرها طبعا كان مقصص طبقات كثيره من اول تقريبا لحد اخره

شذى:من جد طالعه جنان راح يتهبل علي مجودي الخبل ههههههههه اووف بس ليش تاخر كذا

اخذت جوالها نوكيا 76 من فوق التسريحه علشان تتصل عليه

ماجد:اهلين

شذى بدلع:مجودي وينك تاخرت

ماجد:يالبى قلبك هاذا انا عند الباب يالله افتحي لي

شذى:اوكي

نزلت شذى من غرفتها وراحت الحوش تركض لحد ماوصلت عند الباب فتحت الباب دخل ماجد ووقف يناظرها وعيونه نفتوحه على الاخر وفاتح فمه يعني بالعربي مفهي *_^

شذى بمياعه زايده:اهلين مجودي

ماتكلم ولارد عليها ولاقال شي بس اكتفى باابتسامه

شذى:مجووودي ليش تطالعني كذا

ماجد مسك خدها:سبحان الخاق في الجمال والدلال

شذى :هههههههههه مجود ماجبت شي جديد الدلع والجمال مخلوق علشاني

جت في بال ماجد اغنية رابح صقر وجد تنطبق على شذى
لويقولو انتي حلوه جاوبيهم ذي قديمه
لويقولو انتي روعه قولي ادري بس قديمه

شذى:يالله ندخل

مسكت يده ودخلو الملحق الي كان برى احسن علشان ياخذون راحتهم

ماجد واقف قدام شذى:هاه وش رايك فيني

شذى:امممممم عادي الصراحه ماتوقعتك كذا "اهي بصراحه عاجبها كان مملوح لابس تي شيرت اسود ماله اكمام علشان تبين عضلاته وشعره كان موطويل مره ناعم اسوود بس هي ماتحب تمدح احد علشان ماتعطيه الثقه في نفسه بزياده هاذا اسلوبها"

ماجد:اجل شلون توقعتيني

شذى:توقعتك جنتل مان بمعنى الكلمه

ماجد وهو يبتسم "اووه بدينا بالتهزي بس انا اوريك" ليش اجل الي قدامك بزر

شذى ترقعها:لاموكذا بس ماعلينا

#############################
قلوب محبه.....تعزف دمــــــــ على ــــا اوتارها
رومنسيه.....خياليه .......تحدي.....تشويق......الم........حزن.......اث اره
###############################
نزلت ساره من درج بيتهم الفخم ومعاها بستها في حظنها قابلت زوج امها بندر

بندر:مساءالخير سارونه

ساره وهي تطالعه من فوق لتحت ودها تصفقه:اووووف

بندر:خير عسى ماشر ليش وش هالتعصيب

ساره:مالك خص فيني

بندر رفع حراجبه :هلى راحتك "راح يكمل طريقه"

ساره:على وين انشاءالله

استغرب بندر:على ون يعني فوق عند امك

ساره:بس ماما نايمه الحين

ابتسم بندر على طريقة اسلوبها:طيب وانا بروح انام معها "قرب من عند وجهاا مرره"زوجتي ولا انا غلطان<<يبي يقهرها

ساره:ياخي وقاحه مثل وقاحتك عمري ماشفت مثلها في حياتي "كملت طريقها"

بندر ضحك عليها بنوته كمل طريقه

************************

في السياره:

سعود:ها محمد وش فيك

محمد:بصراحه ياسعود منحرج منك

سعود:لايامحمد ترا ازعل منك انت اخو دنيا وش هالكلام

محمد:والله ماتقصر بس ابي منك سلف 2000 ريال وانشاءالله كلها شهرين وهي راجعه لك

سعود:ههههههههههه الحين منحرج منك وماادري ايش علشان الفين ياخي فدوه لك ماابيك ترجعها
طلع سعود من بوكه الفين ومدها لمحمد

محمد اخذها وهو مستحي من سعود على كثر مايطلب منه بس هو اقرب له من الغريب

محمد:تسلم ياخوي والله ماتقصر "تنهد محمد"

سعود:محمد شفيك مو على بعضك انت
محمد :ياخي عيشتنا تقصر العمر الراتب يادوب يكفي نص الشهر والمصاريف كثرت

سعود:تدري يامحمد اني احسدك على النعمه الي انت فيها

محمد ابتسم ببرود:على ايش تحسدني

سعود:ياليتني مثلك على الاقل اعيش حياتي مثل ماابيها انا الحين وش استفدت هالفلوس ابوي يامحمد حاطني عبد له ولااملاكه ماكاني ولده الكبير حتى احلامي مااقدر احقهها بسبب ايش الماديات يلعن ابو هالحاله ياشيخ

محمد حس بمعانات ولد خالته:هونها ياخوي وتهون

#############################
قلوب محبه.....تعزف دمــــــــ على ــــا اوتارها
رومنسيه.....خياليه .......تحدي.....تشويق......الم........حزن.......اث اره
###############################
في الصباح في بيت بو سعودكان بوسعود على وشك الوصول كان يوم الخميس

نوف داخله غرفة اختها ببجامتها الصفراء وشعرها المحيوس:شذى شذى يالله قومي بسرعه

شذى وهي تنقلب على بطنها:نعم وش تبين

نوف:بابا راجع ويبنا كلنا تحت

قامت شذى مفزوعه:بابا هنا متى رجع

نوف تنط على سرير اختها :مادري والله بس يالله قومي واااو وناسه اليوم

طلعت من غرفة اختها ونزلت تحت طبعا الكل موجود ماعدا سعود في الشركه وفهد على وصول

ام سعود وهي معصبه ومتوتره:انتي وين اختك بعد

نوف وهي تجلس:هاذي راح تجي

دخل عليهم فهد:السلام عليكم

الكل:وعليكم السلام

فهد ببرود:متى وصل الوالد

ابرار:مادري بس راشد اتصلعلينا وقال راح يجي للسعوديه<<راشد هو مدير اعماله الخاص

فهد:الله يستر ابوك هاذا مايجي عبث

ابرار :أي والله

ابرار كانت متوتره ابو سعودي مايجي الا لشي كبير بس الله يستر

انفتح الباب دخل رجال طويل وكااان مليان بلحيته السوداء وكرشته الي طالعه لقدام

وقفت ام سعود وعيالها والكل مصدوم بشكله كان صابغ لحيته البيضاء لسواد وشاد تجاعيد وجهه علشان يوضح للناس انه صغير

بوسعود:السلام عليكم

الكل:وعليكم السلام

جت على طول ام سعود عنده :هلا بوسعود تو مانور البيت

مشى بدون مايناظرها ولايرد عليها وجلس على الكرسي الي كان مخصص له

ابرار وفهد:الحمدالله على السلامه يبه

رد بدون نفس:الله يسلمكم

جت نوف وجلست جنبه :كيفك بابا وحشتني

مسك خدها بوسعود:وانا اكثر ياروح بابا انتي

نزلت شذى بسرعه من على الدرج وعلى طول في حظن ابوها :بابا اشتقت لك

بوسعود :هههههههههههه وانا اكثر اجلسي جنبي

جلسو الثنتين في حظن ابوهم اما فهد وابرار جلسو بعيد عنه علاقتهم مو مره مع ابوهم لام مايحب اصحاب الحق والصادقين والطيبين مثل سعود وابرار اما فهد كان عادي لان من طلع على وجه الدنيا ماحطه في حظنه ولامرره ولااهتم منه اما شذى ونوف اخذو كل الدلع والحنان خصوصا شذى لانه يشوفها تلميذه في مدرسته وتشابهه في الاطباع كثير



ليش رجع بوسعود من برا ؟؟؟وش راح تكون مفاجاته؟؟؟
مشعل ونوف وش راح يصير بينهم ؟؟؟؟؟؟؟

انتظروني في البـــــــــــــــــارت الجاي
اختكم:روعـــــــــــــــــة الشوق

[غريبة الاماكن]

هلا روعه
الروايه بدايتها حلوة مررررررة
شذى ونوف يقهرو الواحد مرة مادخلو مزاجي
اما ابرار طيووبه
ليش رجع ابو سعود ماعرفت
نوف مصيرها راح تحب مشعل
تحمد ربها انه حبها
انتظر البارت الجاي

[روعة الشوق]

المشاركة الأصلية كتبت بواسطة غريبة الاماكن

هلا روعه
الروايه بدايتها حلوة مررررررة
شذى ونوف يقهرو الواحد مرة مادخلو مزاجي
اما ابرار طيووبه
ليش رجع ابو سعود ماعرفت
نوف مصيرها راح تحب مشعل
تحمد ربها انه حبها
انتظر البارت الجاي

هلا وغلا والله بغريبة الاماكن والله ردك لي رفع معنوياتي
بالنسبه لمشعل ونوف الصراحه مااعلق عليهم مع الايام راح تعرفون
اذا كانو بيحبون بعض اولا